മധുമാസചന്ദ്രികയായെന്നുമെന്നുമെന്റെ മുൻപിൽ
മറയാതെ നിൽക്കുക നീയോമലേ

അനുരാഗചന്ദ്രനേ നീയെന്നുമെന്നുമെന്നിൽനിന്നും
അകലാതെ വാഴുകയെൻ ജീവനായി
നടിയാണു ഞാൻ-
എല്ലാമറിയുന്നു ഞാൻ
ലോകനിയമത്തിൽ പരിഹാസ്യയാം ഞാൻ
നിയമത്തിനിതിലെന്തു ചൊല്ലുവാൻ-കാര്യം
ലോകനിയമത്തിനിതിലെന്തു ചൊല്ലുവാൻ

എൻ കണ്ണീർ കണ്ടാനന്ദംകൊള്ളുവാൻ
വേണ്ട ഭയമേതും എൻ ഹൃദയ നായികേ

മധുമാസ...
അനുരാഗ....
പിരിയായ്ക ഈ ലോകം എതിരാകിലും
എനിയ്ക്കരുളായ്ക നീ താപമെന്നാളും

അതിദീന ഞാൻ എന്നാലും ഒരു
ഹൃദയമുണ്ടതിലങ്ങു വാണാലും

മധുമാസ....
അനുരാഗ....

താതന്റെ സന്നിധി പുക്കൊരു നാൾ തന്റെ
വീതം ലഭിക്കേണമെന്നു ചൊന്നാൻ
ഓമനപ്പുത്രനു വേണ്ടിസ്സമസ്തവും
ഹോമിയ്ക്കുമച്ഛനതും കൊടുത്താൻ

കൂട്ടുകാരോടൊത്തു കൂടി കുടിച്ചവൻ
കൂത്താടി നൃത്തമാടി
വേർത്താ പിതാവു നേടിക്കൊടുത്തതു
ധൂർത്തടിച്ചേഴയായി

വീടുതോറും നടന്നവൻ പിച്ചതെണ്ടിയൊരുതുള്ളീ
ചൂടുവെള്ളം കുടിയ്ക്കുവാൻ കുമ്പിളും നീട്ടി
ഒന്നുമാരും കൊടുക്കാതെയവശനായൊരിടത്തു
പന്നി മേയ്ക്കും പണി ചെയ്തു കഴിഞ്ഞുകൂടി

വരുമോ വരുമോ -ഇനി
വരുമോ എൻശുഭകാലം-ഈ
ഇരുൾ മാറും പുലർകാലം
വരുമോ വരുമോ. . 

നാഥാ നിൻ കനിവിൻ ദീപമേ നോക്കി (2)
കണ്ണീരിൻ കടലിൽ നീന്തി നീന്തി
കൈകാൽ കുഴഞ്ഞയ്യോ
വരുമോ വരുമോ. . 

മകനേ ഈ നിന്നമ്മയെ
മറന്നോ നീയും തങ്കമേ
പൊന്നുമ്മയതിനായ് കാത്തിരിപ്പൂ
നിന്നമ്മയെന്നോമനേ
വരുമോ വരുമോ
ഇനി വരുമോ എന്മകനേ നീ
നിന്നുയിരാം അച്ഛനുമായി

അമ്മാ അമ്മാ എന്നു നീ കൊഞ്ചും മൊഴിയെൻ
കരളിൽ തുടിയ്ക്കുന്നെടാ
ആരോമൽ മകനെ താരാട്ടുവാനെൻ
കൈകൾ പിടയ്ക്കുന്നെടാ

വനിതകളണിമാലേ ആരു നീ
മലരണിവനിപോലെ-സുന്ദര
ചന്ദ്രലേഖാ നീവീശുകയില്ലൊരു
തങ്കരേഖയെൻ ഹൃദയേ

രംഭ നീയെങ്കിലുമെൻ പ്രേമസാമ്രാജ്യ-
രമണീയലക്ഷ്മീ നീയാകാ
ഇന്ദിരയെങ്കിലുമേ എൻ മതിമന്ദിര-
സുന്ദരിയാകാ നീ-പോവുക നീ

ഗാനകലാദേവതേ എൻ
റാണിയാകുവാനാകാ നിനക്കയേ
വരുമോ നീ വരുമോ ആടിവരുമോയെൻ
പ്രേമരാധേ- ജീവ-
വനിയിൽ പൊന്നുഷസ്സായി നാഥേ-നടമാടി
ആടി വരുമോ- പാടിത്തരുമോ

മാരാ-മനം കൊള്ളചെയ്ത സുന്ദരാ
ആരാലുണർന്നാലും പ്രേമമന്ദിരാ
മാനസമോഹനനേ വരൂ നീ
മദനമനോഹരനേ

ആടുക നാമീ രാഗപരാഗം
ചൂടുക നാമിനീ ഹൃദയേശാ

പ്രേമമധുരിതമാകും മാനവ-
ജീവിതമിങ്ങനെ വെടിയാതെ

ലൌകികബന്ധം തുടരാനീശ്വര-
നേകിയ ദേഹം കളയാതെ.

ആടുകയാണിത പ്രണയദഗാനം
പാടിപ്പറവകൾ ഇണയായി
കൂടുകനാമീ ജീവിതലഹരിയിൽ
മൂടുക നാമിനി ഹൃദയേശാ.

ഘോരകർമ്മമിതരുതേ മനുജാ
കോപത്തിനാൽ മതിമറക്കരുതേ
വൃഥാ ശങ്കയാൽ ജീവിതം നീ ഇരുളിലാഴ്ത്തിടാതെ
നീ ഇരുളിലാഴ്ത്തിടാതെ

നരകമാവു പല മധുരജീവിതം സംശയങ്ങളാലെ
ഹൃദയശാന്തിതന്നുറവ വാർന്നുപോം ശങ്കയൊന്നിനാലേ
ദുശ്ശങ്കയൊന്നിനാലേ

വനിതേ ആശ്വസിക്കു നീ വനിതേ
ആശ്വസിക്ക നീ വനിതേ ഇനിയും
പഴുതേ കരയാതെ
അഴലിതു സുഖങ്ങൾ തൻ നിഴലാവാം
അധീരയാവാതെ

ഹൃദയശുദ്ധിയേ മതി നിനക്കുനിൻ
പതിയെ വീണ്ടുകൊൾവാൻ
അതിദുരന്തമാം ഗതിയിലും സ്വയം
നന്മ കൈവിടാതെ
നിൻ നന്മ കൈവിടാതെ

അമ്പിളിയമ്മാവാ തിരിഞ്ഞുനി-
ന്നൻപിനോടൊന്നു ചൊല്ല്
എങ്ങുപോകുന്നിവണ്ണം തനിച്ചു നീ
അങ്ങു ഞാനും വരട്ടോ

വെള്ളിത്തളികപോലെ മാനത്തു നീ
വെട്ടിത്തിളങ്ങുന്നല്ലൊ
വല്ലതും നീ തരാമോ വിശക്കുന്നു
കൂടെ ഞാനും വരട്ടോ

താരകപ്പെൺണികൾ നടുവിൽ നീ
രാജനായ് വാണിടുമ്പോൾ
താണവരോടു മിണ്ടാൻ നിനക്കൊരു
നാണമാകുന്നതുണ്ടോ

നേരമിരുട്ടിയല്ലൊ നിനക്കയ്യൊ
പേടിയില്ലേ നടക്കാൻ
കൂട്ടിനു വന്നിടാം ഞാൻ നല നല്ല
പാട്ടുകൾ പാടിടാം ഞാൻ

ദൈവമേ കരുണാ സാഗരമേ
ദൈവമേ കരുണാ സാഗരമേ
കരുണാ സാഗരമേ ദൈവമേ
കരുണാ സാഗരമേ
ദൈവമേ കരുണാ സാഗരമേ

ചരണാംബുജമേ ആശ്രയമായ് നീ
സകലഗുണാകരമേ
ദൈവമേ കരുണാ സാഗരമേ
മംഗലദാതാ, ഹേ ജഗന്നാഥാ
സ്നേഹപാവനപരമപാദാ
പരമാനന്ദകമേ
ദൈവമേ കരുണാ സാഗരമേ

ചപലജീവിതപാഴ്സുഖങ്ങളിൽ
മുഴുകാനാശയെഴാതെ (2)
പാപചിന്തകളിൽ മൂടുപെടാതെ
നീയേ കാത്തരുൾ ദേവാ
സത്യസനാതനമേ
ദൈവമേ കരുണാ സാഗരമേ

മാനധനാദികളെല്ലാം നീയേ
മാനവനാശാകേന്ദ്രം നീയേ
ശാശ്വതസുഖവും പാരിൽ നീയേ (2)
കനിയൂ ദയാനിധേ (2)
ദൈവമേ കരുണാ സാഗരമേ

കനിവോലും കമനീയ ഹൃദയം.. 
കനിവോലും കമനീയ ഹൃദയം-യേശു
മിശിഹാതൻ തിരുവുള്ളം 
അതുപോലെ വേറുണ്ടോ
കനിവോലും കമനീയ ഹൃദയം-യേശു
മിശിഹാതൻ തിരുവുള്ളം 
അതുപോലെ വേറുണ്ടോ
കനിവോലും കമനീയ ഹൃദയം

ചുടുചോര ചോരുമ്പോഴും -വേദനയാൽ
തിരുനെഞ്ചം നീറുമ്പോഴും ആ. . . . 
ചുടുചോര ചോരുമ്പോഴും -വേദനയാൽ
തിരുനെഞ്ചം നീറുമ്പോഴും
അപരാധം ചെയ്തവനിൽ പ്രേമാർദ്രനാ‍യ് (2)
മാപ്പരുളാനായ് തിരുവായാൽ മൊഴിയുന്നല്ലോ
കനിവോലും കമനീയ ഹൃദയം