പിരിഞ്ഞുപോയ് സഖീ നിന്റെ പ്രിയതമന്‍ ദൂരെ
ശൂന്യം തവ വീഥി ശൂന്യമായി ഭൂമി
പിരിഞ്ഞുപോയീ സഖീ

സ്വപ്നത്തിന്‍ ആരാമത്തില്‍ സഖീ നിന്നെ തേടീ
സ്വപ്നത്തിന്‍ ആരാമത്തില്‍ സഖീ നിന്നെ തേടീ
വന്നൂപോയ് വസന്തങ്ങള്‍ ചെന്നില്ല നീമാത്രം
കഴിഞ്ഞുപോയ് സഖീ നിന്റെ പ്രണയവസന്തം
ശൂന്യം തവ വീഥി ശൂന്യമായി ഭൂമി
പിരിഞ്ഞുപോയീ സഖീ

സങ്കല്പതീരം വിജനം വിഫലം നിൻ മോഹം
സങ്കല്പതീരം വിജനം വിഫലം നിന്‍ മോഹം
വാടുന്നു പൂവാടിതന്‍ വാസന്തിപ്പൂക്കള്‍
കഴിഞ്ഞു നിന്‍ ആരാധന പൊലിഞ്ഞു നിന്‍ ദീപം
ശൂന്യം തവ വീഥി ശൂന്യമായി ഭൂമി
പിരിഞ്ഞുപോയീ സഖീ

ചഞ്ചലമൊഴുകീ ജീവിതധാരാ
പാടീ തെന്നൽ തുഴച്ചിലക്കാരാ
അരുമക്കിളി നീ കൂടുമാറി തേടുന്നതാരേ
മൃദുലസമീര സംയോഗേ ഗമിക്കുന്ന നൗക (പാടീ...)

അലകൾ തോണി മെല്ലെത്തള്ളി
ഇളകും തോണി കാറ്റിൽ തുള്ളി
ഓഹോ - ഓടുന്ന തോണിയിൽ ചാർത്തിടുന്നു
തരംഗങ്ങൾ മാലാ (പാടീ...)

ജീവൻ മധുപൻ ധരയാകവെ
നറുംതേൻ നുകരാൻ ചലിച്ചീടവേ
ഓഹോ - കളയൂ സഖീ നീ അല്ലലാകേ
അലകൾ ഊഞ്ഞാലായ്‌ (പാടി...)

നൗക തള്ളാൻ ഹാ പ്രേമമെയില്ലേ
നേരേ രാഗാരാമമില്ലേ
ഓഹോ - മൃദുലസമീര മധുരധാരാ
ഈ രാഗമാലാ (പാടീ..)

മാനത്തെ രാജാവ്
ഊഴിതന്‍ റാണിയെ
പ്രേമലഹരിയില്‍ തഴുകിയ സുന്ദര
പ്രേമകഥനീയേ
(മാനത്തെ..)

ഞാനോതീടും പ്രേമവാണീ
ഈ പീയൂഷധാര ചാറി
കവി ഞാന്‍ പാടി പാടി തേടി
ഏകനായ് നിന്നേ
(മാനത്തെ..)

മനമിതാ സുഖമധുബിന്ദു ചാറി
തൂവുക മാധുരി നീളെ ആശേ
ആശാസുമമേ മൂടി നിന്‍
സൌരഭമീ പാരാകേ
(മാനത്തെ..)

പ്രേമമാധുരീലഹരികളാലേ
വാനിതില്‍ നീളേ അവര്‍ കളിയാടീ
ഹേ കുളിര്‍കാറ്റേ ഈ ശുഭഗാനം
തൂവുക വാനാകേ
(മാനത്തെ..)

ആലോലമാടുന്ന കാറ്റേ.....
ആലോലമാടുന്ന കാറ്റേ ഇനിയും വരുമോ
വസന്തം വിരിഞ്ഞ പൂക്കളായ്‌
ഇതിലെ വിരുന്നു പോരൂ
ആലോലമാടുന്ന കാറ്റേ ഇനിയും വരുമോ

പ്രഭാതം വന്നു വിളിച്ചാലോ
പ്രകാശം മിഴി തുറക്കില്ലേ (പ്രഭാതം...)
ശ്രീ രാഗം നീ പാടീ
ഇരുന്നാടാനായ്‌ വരുകില്ലേ പൂ ചൂടി
ഈ വാനിലും.... കാറ്റേ

ആലോലമാടുന്ന കാറ്റേ ഇനിയും വരുമോ
വസന്തം വിരിഞ്ഞ പൂക്കളായ്‌
ഇതിലെ വിരുന്നു പോരൂ
ആലോലമാടുന്ന കാറ്റേ ഇനിയും വരുമോ

ചാലേ ചാലിച്ച ചന്ദനഗോപിയും
നീലക്കാർവർണ്ണവും നീൾമിഴിയും
പീലിക്കിരീടവും പീതാംബരവും ചേർന്ന
ബാലഗോപാലാ നിന്നെ കൈ തൊഴുന്നേൻ
ചാലേ ചാലിച്ച ചന്ദനഗോപിയും
നീലക്കാർവർണ്ണവും നീൾമിഴിയും

വാടാത്ത വനമാല കാറ്റിലിളകിക്കൊണ്ടും
ഓടക്കുഴലിൽ ചുണ്ടു ചേർത്തു കൊണ്ടും
കാലിയെ മേച്ചു കൊണ്ടും കാളിന്ദിയാറ്റിൻ വക്കിൽ
കാണായ പൈതലിനെ കൈ തൊഴുന്നേൻ
(ചാലേ ചാലിച്ച...)

അമ്പലപ്പുഴയിലെ തമ്പുരാനുണ്ണിക്കണ്ണൻ
അൻപോടു ഹൃദയത്തിൽ വസിച്ചീടേണം
കണ്ണന്റെ കമനീയ ലീലാവിലാസമെന്റെ
കൺകളിൽ പൊൻകണിയായ്‌ തെളിഞ്ഞിടേണം
(ചാലേ ചാലിച്ച...)

കായൽക്കാറ്റിന്റെ താളം തെറ്റി
ഓളപ്പാത്തിക്കു നീളം മുറ്റി
കോളിളകിയ കായലിലൂടെ
കൊതുമ്പു വഞ്ചിയിതെങ്ങ്നേ പോകും (കായൽ..)

കാറ്റുപായ കയറു പൊട്ടി
കർക്കിട നക്ഷത്രം കണ്ണു ചിമ്മി കണ്ണു ചിമ്മി
കണ്ണീരാറ്റിൽ വെള്ളം പൊങ്ങി
കാലക്കേടിന്റെ ചുഴി കറങ്ങി ചുഴി കറങ്ങി (കായൽ..)

ചിങ്ങപ്പൂവിന്റെ പുഞ്ചിരി മുങ്ങി
ചിറവരമ്പും മുറിഞ്ഞേ പോയ്‌
മുറിഞ്ഞേ പോയി
നയമ്പൊടിഞ്ഞൊരു നാക്കിലത്തോണി
നടുക്കടലിൽ നീയെന്തു ചെയ്യും നീ എന്തു ചെയ്യും (കായൽ....)

ആദാം എന്റെ അപ്പൂപ്പൻ - അപ്പപ്പോ
ഹവ്വാ എന്റെ അമ്മൂമ്മ - അമ്മമ്മോ
ഹെല്ലോ മൈ ഡിയർ മാഡം
ഹെല്ലോ ജൂണിയർ ആദം
കമോൺ - കമോൺ - കമോൺ
(ആദാം..)

ഏകാന്തതയുടെ മാറില്‍ ചായും
ഏദന്‍ പൂന്തോട്ടം
മധുരപ്രേമവസന്തം പുല്‍കി
മാടിവിളിക്കുന്നു - നമ്മെ
മാടിവിളിക്കുന്നു
പോകാം - പോകാം - കമോണ്‍

താരുണ്യത്തിന്‍ താമരമലരുകള്‍
താലമെടുക്കുമ്പോള്‍
വികാരമധുപന്‍ വീണ്ടും കരളില്‍
വീണമീട്ടുന്നു - ഏതോ
വീണമീട്ടുന്നു
ഓഹോ - ഓഹോ - കമോണ്‍
(ആദാം..)

സ്വർഗ്ഗത്തിൽ വിളക്കു വെയ്ക്കും
സ്വർണ്ണമല്ലിപ്പൂക്കളേ
സൗഖ്യമെന്ന സാമ്രാജ്യത്തിൻ
കാവൽദീപങ്ങളേ
സുപ്രഭാതം സുപ്രഭാതം
നിങ്ങൾക്കു സുപ്രഭാതം
(സ്വർഗ്ഗ...)

വർണ്ണശബളമാം വാർമഴവില്ലും
വസന്തചുംബിത വനവും
എന്നുമെന്നും കാണാൻ മാത്രം
കണ്ണുകളരുളീ ദൈവം - നിങ്ങൾക്കു
കണ്ണുകളരുളീ ദൈവം
(സ്വർഗ്ഗ...)

കന്മഷമെന്തെന്നറിയാതുള്ളൊരു
നൈർമ്മല്യങ്ങൾ നിങ്ങൾ
കനവിൽ പോലും പൊടിപുരളാത്തൊരു
കാട്ടുപൂവുകൾ - നിങ്ങൾ കാട്ടുപൂവുകൾ
(സ്വർഗ്ഗ...)

ആ....
അബലകളെന്നും പ്രതിക്കൂട്ടിൽ
കുടിലമാം സാമൂഹ്യനീതിതൻ മുന്നിൽ
അബലകളെന്നും പ്രതിക്കൂട്ടിൽ

കുങ്കുമത്താൽ അപരാധമുദ്ര കുത്തി
കുപ്പിവളയിട്ട കൈയ്യിൽ വിലങ്ങുപൂട്ടി
അഴകെന്ന തൊണ്ടി ശിരസ്സിലെടുപ്പിച്ചു
അവളെപ്പഴിക്കുന്നു ലോകമെന്നും
അബലകളെന്നും പ്രതിക്കൂട്ടിൽ

വനിതയെത്തേടൽ പുരുഷധർമ്മം
മനസിജൻ കൽപിക്കും മധുരകർമ്മം
നിഷിദ്ധമാം കനിയവർ ഒരുമിച്ചു ഭുജിച്ചാലും
നിയതിയിൽ അവൾ മാത്രം കുറ്റക്കാരി

അബലകളെന്നും പ്രതിക്കൂട്ടിൽ
കുടിലമാം സാമൂഹ്യനീതിതൻ മുന്നിൽ
അബലകളെന്നും പ്രതിക്കൂട്ടിൽ