ചെപ്പും പന്തും നിരത്തി
മാനത്തെ ചെപ്പടിവിദ്യക്കാരൻ
ചെപ്പുകൊട്ടുണ്ണിയെ ജാലം കാട്ടുന്ന
ചെപ്പടിവിദ്യക്കാരൻ (ചെപ്പും..)

കല്ലെടുത്തൂതി മാണിക്യമാക്കുന്ന
കൺകെട്ടു വിദ്യക്കാരാ എന്റെ
കണ്മണിക്കുട്ടന്റെ കാതു കുത്തുമ്പോൾ
കല്ലുകടുക്കൻ കൊണ്ടത്തരാമോ (ചെപ്പും...)

ചെപ്പിലരിപ്പൊടി കൈതപ്പൂകണ്ണാടി
ചെപ്പുകൊട്ടുണ്ണി ചെപ്പു കൊട്ട്‌
അപ്പാട്ടെ കുട്ടിക്കു ചോറോണാകുമ്പോൽ
അപ്പം വേണം അരിയുണ്ട വേണം (ചെപ്പും..)

ഉണ്ടനെന്നൊരു രാജാവിന്ന്
ഉണ്ടിയെന്നൊരു രാജാത്തി
കുണ്ടാവണ്ടിയിൽ കേറി
പണ്ടവർ കാട്ടിൽപോയി
കാട്ടിൽപോയി കാട്ടിൽപോയി
പോയ് പോയ് പോയ്
(ഉണ്ടനെന്നൊരു.. )

കോടാലി കൊണ്ടവർ കൊത്തി
കൊള്ളിയും ചുള്ളിയും വെട്ടി
ഇല്ലിക്കുഴലിന്റെ ഉള്ളിൽ കുറെ
വെള്ളിപ്പണം കണ്ടു ഞെട്ടി
(ഉണ്ടനെന്നൊരു.. )

വാരാനുണ്ടി തുനിഞ്ഞു
അതു വാരാതെ - ഉണ്ടൻ പറഞ്ഞു
ആരാനും വെച്ചൊരു വെള്ളി
വെറും ആളേക്കൊല്ലിയെന്നോതി 
(ഉണ്ടനെന്നൊരു.. )

മയങ്ങാത്ത രാവുകളിൽ
മാനസമണിയറയിൽ
മൂളിപ്പാട്ടും പാടി വരുന്നൊരു
നീലത്താമര മലരമ്പൻ (മയങ്ങാത്ത...)

ചുണ്ടനങ്ങും നേരത്ത്‌
ചുമ്മാ കിങ്ങിണി താളമിടും
പാട്ടിൻ ലഹരിയിലാടും ഞാനൊരു
പാരിജാതച്ചെടി പോലെ (മയങ്ങാത്ത,,,(

പൗർണ്ണമി തൻ കിണ്ണത്തിൽ
പതയും തൂമധു നീട്ടിയിടും ആ
പാതിരാപ്പൂമലർ മഞ്ജരിയായ്‌
പാരിൽ ചിലങ്ക കെട്ടിയിടും (മയങ്ങാത്ത...)

പാരില്‍ സ്നേഹം ശാശ്വതമെന്നായ്
പാവങ്ങള്‍ കവികള്‍ പാടി - വെറും
പാവങ്ങള്‍ കവികള്‍ പാടി
മഞ്ഞുതുള്ളിയെ മാറോടണച്ചിടും
സുന്ദരകിരണം ചൊല്ലും
ഇനിയൊരുനാളും പിരിയുകയില്ലനാം
ഇതു വെറും നാടകം മാത്രം
ഇതു വെറും നാടകം മാത്രം

ചന്ദനവനങ്ങളിലന്തിയുറങ്ങും
ചന്ദ്രിക തന്നുടെ കാതില്‍
ചന്ദനവനങ്ങളിലന്തിയുറങ്ങും
ചന്ദ്രിക തന്നുടെ കാതില്‍
നിന്നെ ഞാന്‍ സഖീ പിരിയില്ലെന്നായ്
തെന്നല്‍ കാപട്യം ചൊല്ലും
തെന്നല്‍ കാപട്യം ചൊല്ലും

കന്നിനിലാവ് ഇന്നലെ ഒരു
കമ്മലു വെച്ചു മറന്നേ പോയ്‌
അല്ലിക്കുളങ്ങരെ വെള്ളിക്കുളങ്ങരെ
ആകാശത്തെ പൂക്കുളങ്ങരെ 
കന്നിനിലാവ് ഇന്നലെ ഒരു
കമ്മലു വെച്ചു മറന്നേ പോയ്‌

നീലമുകിലുകൾ കണ്ടില്ല
നീന്താൻ വന്നപ്പോ കണ്ടില്ലാ
താമരവള്ളിക്കുടിലിൽ വെച്ചവർ
ചേലയുടുത്തപ്പോ കണ്ടില്ല 
കന്നിനിലാവ് ഇന്നലെ ഒരു
കമ്മലു വെച്ചു മറന്നേ പോയ്‌

കമ്മലു കട്ടവളാരാണ്
ഞാനല്ല കട്ടതു മറ്റൊരുത്തി
പത്തു വെളുപ്പിന് പാരിലെത്തിയ
കറുകറുത്തൊരു പെണ്ണാണു
കന്നിനിലാവ് ഇന്നലെ ഒരു
കമ്മലു വെച്ചു മറന്നേ പോയ്‌

ഉദയസൂര്യന്‍ നമ്മെയുറക്കുന്നൂ
രജതതാരകള്‍ നമ്മേ ഉണര്‍ത്തുന്നൂ 
നിഴല്‍പ്പാവക്കൂത്തിലെ കളിപ്പാവകള്‍ 
നിഴല്‍പ്പാവക്കൂത്തിലെ കളിപ്പാവകള്‍ ഞങ്ങള്‍
വിളക്കിന്റെ മുന്നിലെ ശലഭങ്ങള്‍ (ഉദയസൂര്യന്‍..)

ഹൃദയത്തിലെപ്പൊഴും ബാഷ്പസമുദ്രം
വദനത്തില്‍ മഴവില്ലിന്‍ തേരോട്ടം 
രജനിവന്നുയര്‍ത്തുന്ന കൂടാരം 
രജനിവന്നുയര്‍ത്തുന്ന കൂടാരം
പൂകിയണിയുന്നു നമ്മളീ മുഖംമൂടി
പൂകിയണിയുന്നു നമ്മളീ മുഖംമൂടി (ഉദയസൂര്യന്‍..)

രോഗങ്ങളില്ലാത്ത ലോകം വന്നാൽ
ഡോക്ടർമാർക്കൊരു പിഴപ്പെന്ത്‌
വഴക്കും വക്കാണവും നടന്നില്ലെങ്കിൽ പിന്നെ
വക്കീലിനും ഗുമസ്തനും വഴിയെന്ത്‌
ഹരേ രാമ രാമ ഹരേ രാമ
ഹരേ കൃഷ്ണ കൃഷ്ണ ഹരേ കൃഷ്ണ

പട്ടിണിയും ദുരിതവും മറഞ്ഞു പോയാൽ പിന്നെ
പിക്കറ്റിംഗുകാർക്കെല്ലാം തൊഴിലെന്ത്‌
സകലർക്കും സൗഹാർദ്ദം വന്നു പോയാൽ ദുഷ്ട
മതഭ്രാന്തന്മാർക്കെല്ലാം വേലയെന്ത്‌
ഹരേ രാമ രാമ ഹരേ രാമ
ഹരേ കൃഷ്ണ കൃഷ്ണ ഹരേ കൃഷ്ണ

നാടകം തീർന്നു ശൂന്യമീ വേദിയിൽ
ഞാനുമെൻ നിഴലും തനിച്ചായീ
ഗാനം നിലച്ചോരു മൂകമന്ദിരത്തിൽ
ഞാനുമെൻ വീണയും തനിച്ചായി (നാടകം.. )

യവനികയുയർന്നപ്പോൾ അഭിനയമറിയാതെ
കവിളത്തു ബാഷ്പമായ്‌ നിന്നൂ ഞാൻ
സുന്ദരസങ്കൽപ ദീപങ്ങൾ തെളിഞ്ഞപ്പോൽ
എന്നെ മറന്നിട്ടു ചിരിച്ചൂ ഞാൻ (നാടകം..)

കണ്ണീരും ചോരയും നാട്യമാം കലയുടെ
കണ്‍കെട്ടു വിദ്യയെന്നറിഞ്ഞീലാ
അറിഞ്ഞീലാ - അറിഞ്ഞീലാ
മൂടുപടമണിഞ്ഞ വെണ്‍തിങ്കള്‍ക്കലയൊരു 
മായാദീപമെന്നറിഞ്ഞീലാ (നാടകം..)

തീര്‍ത്ഥയാത്ര തീര്‍ത്ഥയാത്ര
വിശ്രമമില്ലാത്ത തീര്‍ത്ഥയാത്ര
പുതിയൊരു സങ്കേത ക്ഷേത്രം തേടി
പുതിയൊരു വിശ്വാസപീഠം തേടി (തീര്‍ത്ഥയാത്ര..)

വീഴാന്‍ തുടങ്ങും ജീവിതം ജലധിയില്‍
താഴാതൊഴുകുന്നൂ
സംഭവഭീകരസാഗരത്തിരകളില്‍
മുങ്ങിയും പൊങ്ങിയുമൊഴുകുന്നൂ
തീര്‍ത്ഥയാത്ര തീര്‍ത്ഥയാത്ര
വിശ്രമമില്ലാത്ത തീര്‍ത്ഥയാത്ര

തകര്‍ന്ന പഞ്ജരം വെടിഞ്ഞീ ജീവികള്‍
തലചായ്ക്കാനിടം തേടുന്നൂ
ദു:ഖത്തിന്‍ മാറാപ്പുചുമലില്‍ പേറുന്നു
അക്കരപ്പച്ച തേടി അലയുന്നു
തീര്‍ത്ഥയാത്ര തീര്‍ത്ഥയാത്ര
വിശ്രമമില്ലാത്ത തീര്‍ത്ഥയാത്ര

പാരീരേഴിനും നാരായവേരായി
പാരമാനന്ദ സ്വാന്തസ്വരൂപമായ്

അംബികേ ജഗദംബികേ സുരവന്ദിതേ ശരണം
അഖിലചരാചര രക്ഷകിയാം മുനിവന്ദിതേ ശരണം
(അംബികേ.. )
കരുണാരൂപിണി കാവില്‍ ഭഗവതി
കൈവെടിയരുതേ നീ
തായേഭഗവതി നീയേ ശരണം
തറയില്‍ ഭഗവതിയേ (അംബികേ)

കാരണകാരിണിയായവള്‍ നീ രിപു-
മാരണമരുളും ചണ്ഡികനീ
ശാര്‍ക്കരഭഗവതി ശങ്കരിശുഭകരി
ശരണാഗതജന രക്ഷകി നീ (അംബികേ)

താഴേനില്‍ക്കാന്‍ തറ നല്‍കണമേ
തളിയില്‍ ഭഗവതിയേ
തലയ്ക്കുമേലൊരു തണലേകണമേ
തായേഭഗവതിയേ (അംബികേ)