പൊന്നും കുടത്തിനൊരു  പൊട്ടു വേണ്ടെന്നാലുമീ
ചന്ദനമെടുത്തു നീ നെറ്റിയിൽ ചാർത്തൂ
എന്തെന്നറിയാത്തൊരു ശീതളസ്പർശത്താലീ
ചന്ദനക്കുഴമ്പിനും കുളിരു കോരും ( പൊന്നും..)

പൂവിനെ മറ്റൊരു പൂ ചൂടിക്കേണ്ടെന്നാലുമെൻ
ദേവിയീ പനിനീർപ്പൂ മുടിയിൽ ചാർത്തു
മുൾച്ചെടിക്കൈയ്യിൽ നിന്നിപ്പട്ടിളം മേനി പുൽകി
പുഷ്പകന്യകജന്മ സാഫല്യമോലും(പൊന്നും...)

നിൻ കവിൾത്തുടുപ്പിൽ നിന്നങ്കുരിച്ചതാണോരോ
കുങ്കുമ പ്രഭാതവുമെന്നറിവൂ ഞാൻ
എങ്കിലും നിനക്കെന്റെ സ്നേഹാർദ്ര  ഹൃദയത്തിൽ
കുങ്കുമമണിച്ചെപ്പ് കാഴ്ച വെപ്പൂ ഞാൻ (പൊന്നും..)

ഇത്തിരിപ്പൂവേ നീയറിഞ്ഞോ
തൃത്താപ്പൂവേ നീയറിഞ്ഞോ
പൊട്ടിപുറത്ത് ശൂവോതിയകത്ത്
കർക്കിടകത്തിലെ സംക്രാന്തി

അഷ്ടമംഗല്യത്തളികയൊരുക്കൂ
പട്ടു വിരിക്കൂ സഖിമാരെ
എതിരേൽക്കൂ ചെന്നെതിരേൽക്കൂ
ഭഗവതിയെ ശ്രീഭഗവതിയെ

ഏഴുതിരി വിളക്കുകൾ കൊളുത്തി വെയ്ക്കൂ
ഇലയിട്ട് ദശപുഷ്പമൊരുക്കി വെക്കൂ
മതിലകം വാഴാനെഴുന്നള്ളും ദേവിക്ക്
മണിപീഠം മെഴുകിവയ്ക്കൂ
തൊഴുതു വലം വെയ്ക്കൂ കൈ
തൊഴുതു വലം വയ്ക്കൂ (അഷ്ട....)

ഋതുരാജരഥത്തിൽ സഖി നീ
വരുവാൻ വൈകുവതെന്തേ
ഹൃദയത്തിൻ മധുശാലയിലെ
ശരറാന്തലുകൾ കൊളുത്തീ
മധുപാത്രം നിറയുകയായീ
വിപഞ്ചികൾ പാടുകയായീ (ഋതുരാജ...)

ചന്ദനവീഥികളിൽ കുളിർ
ചന്ദ്രിക പട്ടു വിരിച്ചു
ചഞ്ചലമലർമിഴികൾ തുറന്നൂ
ചമ്പകതരു കന്യകകൾ
സുന്ദരമാമൊരു സ്വപ്നം പോലെൻ
മന്ദിരമാകെയൊരുങ്ങീ
നിന്നരമന തേടുകയാണി
ന്നെൻ മനമാമരയന്നം  (ഋതുരാജ...)

രാരീരാരാരോ രാരീരാരീരാരാരോ രാരീരാരീരാരാരോ
മുള്‍മുടി ചൂടുമീ പാഴ്ച്ചെടിച്ചില്ലയില്‍
വന്നു പിറന്നൊരു പൂവോ നീ
വന്നു പിറന്നൊരു പൂവോ നീ 
രാരീരാരാരോ രാരീരാരീരാരാരോ രാരീരാരീരാരാരോ

മുത്തോ അമ്മതന്‍ ദു:ഖത്തിന്‍ കടലിലെ
മുത്തോ പവിഴമുത്തോ
മുത്തോ അമ്മതന്‍ ദു:ഖത്തിന്‍ കടലിലെ
മുത്തോ പവിഴമുത്തോ
കനിയോ കൂരിരുള്‍കുമ്പിളിലെ -തേന്‍
കനിയോ നക്ഷത്രക്കനിയോ
കനിയോ നക്ഷത്രക്കനിയോ
രാരീരാരാരോ രാരീരാരീരാരാരോ രാരീരാരീരാരാരോ

ആകാശം പഴയൊരു മേൽക്കൂര
തൂണില്ലാ തുടലില്ലാ ചുമരില്ലാ
ആശകൾ പടരുന്ന പന്തല്‍പ്പുര
ആയിരം കണ്ണുള്ളൊരോലപ്പുര
ഇതിന്റെ ചോട്ടിൽ ഇളവേൽക്കുന്നു
ഇടയനുമഞ്ച് കുഞ്ഞാടുകളും
ഇല തേടി കുഞ്ഞാടുകളലയുമ്പോൾ
ഇടയനൊരീണം മൂളുന്നു
വെറുതേ മൂളുന്നു (ആകാശം..)


ഇടയ്ക്കിടെ തീവെയിൽക്കായ പൊട്ടി
ച്ചിതറുമ്പോൾ പിന്നെ മഞ്ഞുതിരുമ്പോൾ
ഇടി വെട്ടി മുകിലുകൾ മുത്തുതിരുമ്പോൾ
ഇടയനൊരീണം മൂളുന്നു
വെറുതേ മൂളുന്നു (ആകാശം..)


ഇതു വഴി നക്ഷത്രക്കുട ചൂടി
ഇരവുകളെഴുന്നള്ളി മറയുന്നു
പകലുകൾ മുറിവേറ്റ പദങ്ങളോടെ

മുത്തുകൾ കോർത്ത മുടിപ്പൂ ചൂടിയ
മുഗ്ദ്ധ സൗന്ദര്യമേ നിന്റെ
പൂമുടിച്ചുരുളിൽ ചുംബിക്കാനണയും
കാമുകൻ ഞാൻ നിന്റെ
കാമുകൻ ഞാൻ

പാണിതലങ്ങളാം പദ്മദലങ്ങളെ
ഞാനൊന്നു തഴുകിക്കോട്ടേ
തഴുകിത്തഴുകിയാത്തങ്കത്തകിടിൽ ഞാൻ
എഴുതും പുതിയൊരു മന്ത്രം എന്റെ
ഹൃദയശ്രീചക്ര മന്ത്രം (മുത്തുകൾ..)

ശാപശിലയായ പാവമഹല്യയോ
പാടി ഞാനുണർത്തും നിന്നെ
തഴുകിത്തഴുകിയാത്താരുണ്യത്തേൻ കുടത്തി
നരുളും പുതിയൊരു ജന്മം നാം
ഇണ പിരിയാത്തൊരു ജന്മം (മുത്തുകൾ...)

-------------------------------------------------------------

പകൽക്കിളി പറന്നു പോയീ ഈ
വയല്‍പ്പൂവിൻ കവിളിലെ കണ്ണുനീർ കാണാതെ
പകൽ‌ക്കിളി പറന്നു പോയീ
ഒഴിഞ്ഞ കൂടുമായ് നിന്നൂ ഞാനൊരു
കരിഞ്ഞ പൂവുമായ് നിന്നൂ 
പകൽക്കിളി പറന്നു പോയീ

ഒരു വെള്ളിത്തൂവൽ ഞാൻ എടുത്തു വെച്ചൂ
ഒരു പാട്ടിന്നോർമ്മ വീണ്ടും ചിറകടിച്ചൂ
ഒരു കതിർമണിയോ
ഒരു കണ്ണീർക്കണമോ എൻ
കരളിൽ വീണുറഞ്ഞൊരു കരിമുത്തായീ (പകൽ..)

ഇനി യാത്ര പറയുകെൻ സ്വപ്നങ്ങളേ
ഇരുളിൽ വിടർന്ന നിശാഗന്ധികളേ
കരിനീലനിറമോലും ഒരുമുഖപടത്താൽ
എൻ ഹൃദയവിപഞ്ചികേ പതിഞ്ഞു പോകൂ  (പകൽ..)

നെന്മേനി വാകപ്പൂ കാതിലണിഞ്ഞവളേ
നിന്മേനി പൊന്നു കൊണ്ടോ
വെണ്ണക്കൽ കുളിരു കൊണ്ടോ
വെണ്ണിലാത്തളിരു കൊണ്ടോ

പൂവിന്നൊരു മോഹം നിൻ
പൂഞ്ചായലിലൊളിച്ചിരിക്കാൻ നിൻ
സീമന്തരേഖയിലോ സിന്ദൂരമണിയിക്കാൻ (നെന്മേനി...)

കാറ്റിനൊരു മോഹം നിൻ
മണിമാറിൽ തല ചായ്ക്കാൻ നിൻ
മലരാടത്തുമ്പത്തോ പൊന്നൂഞ്ഞാലാടുവാൻ (നെന്മേനി..)

കാട്ടാറിനു മോഹം നിൻ
കാറ്റാളമെടുത്തണിയാൻ നിൻ
കാൽ വെയ്പിൻ താളത്തിൽ താലോലം തുടികൊട്ടാൻ (നെന്മേനി...)

----------------------------------------------------------------------------

മുത്തും പവിഴവും കോർത്തു നിൽക്കും
മുറ്റത്തെ പവിഴമല്ലീ മനസ്സിന്റെ
മുറ്റത്തെ പവിഴ മല്ലീ
പൂനിലാപ്പാൽക്കതിർ നൂലിൽ നീ കോർക്കുമീ
പൂജാമലർമാല്യമാർക്കു നൽകും (മുത്തും..)

മുഗ്ദ്ധലാവണ്യത്തിൻ മുത്തുകളോ നിന്റെ
മൂകാനുരാഗത്തിൻ പവിഴങ്ങളോ
നിന്നന്തരംഗമൊരു നവരത്നഖനിയാക്കും
സുന്ദരഹർഷാനുഭൂതികളോ (മുത്തും...)

നിദ്രയിൽ പൂവിടും സ്വപ്നങ്ങളോ ആ
സ്വപ്നങ്ങളണിയിക്കും പുളകങ്ങളോ
നിന്നരമനയിലെ മണിയറപ്പൊൻ വിളക്കിൽ
നിർവൃതി കൊളുത്തിയ നാളങ്ങളോ (മുത്തും..)

-----------------------------------------------------------------

സരോവരം പൂ ചൂടി എൻ
സഖി നിന്നെപ്പോലെ ഓമൽ
സഖി നിന്നെപ്പോലെ
സലജ്ജമാരെ തിരയുന്നു ഈ
സാരസനയനങ്ങൾ

കൈതപ്പൂവിന്നധരം നുകരും
കാറ്റിനെന്തൊരു ലഹരി
മണമുള്ള ചമ്പകമലരിന്റെ കവിളിൽ
തഴുകും കാറ്റിനു ലഹരി
നിൻ മുഖസൗരഭ ലഹരിയിൽ മുഴുകാൻ
തെന്നലായെങ്കിൽ ഞാനൊരു
തെന്നലായെങ്കിൽ (സരോവരം...)

കാറ്റിൻ കൈകളിലൂഞ്ഞാലാടും
കാടിനെന്തൊരു ലഹരി
സുര പകരുന്നൊരു സുരഭീമാസം
പുണരും കാടിനു ലഹരി
നിൻ പദ ചുംബനമുദ്രകൾ പതിയും
മൺ തരിയായെങ്കിൽ ഞാനൊരു
മൺ തരിയായെങ്കിൽ (സരോവരം...)