ചീരപ്പൂവുകൾക്കുമ്മ കൊടുക്കണ
  നീലക്കുരുവികളേ
  തെന്നലറിയാതെ അണ്ണാറക്കണ്ണനറിയാതെ
  വിങ്ങിക്കരയണ കാണാപ്പൂവിന്റെ
  കണ്ണീരൊപ്പാമോ ഊഞ്ഞാലാട്ടിയുറക്കാമോ(ചീര...)
 
  തെക്കേ മുറ്റത്തെ മുതങ്ങപ്പുല്ലിൽ
  മുട്ടിയുരുമ്മിയുരുമ്മിയിരിക്കണ പച്ചക്കുതിരകളേ
  വെറ്റില നാമ്പു മുറിക്കാൻ വാ
  കസ്തൂരിച്ചുണ്ണാമ്പു തേയ്ക്കാൻ വാ
  കൊച്ചരിപ്പല്ലു മുറുക്കിച്ചുവക്കുമ്പോൾ
  മുത്തശ്ശിയമ്മയെ കാണാൻ വാ  (ചീര)
 മേലേ വാര്യത്തെ പൂവാലി പയ്യ്
  നക്കി തുടച്ചു മിനുക്കിയൊരുക്കണ
  കുട്ടിക്കുറുമ്പുകാരീ
  കിങ്ങിണി മാല കിലുക്കാൻ വാ

ഇനി വരൂ... തേൻനിലാവേ..
ജീവശാഖി പൂവു ചൂടും
കുളിരേ... തേൻനിലാവേ...
( ഇനി വരൂ)

ഇന്ദ്രനീലാഭ ചൊരിയും ദീപമേന്തി
നീയെങ്ങു പോയ്.. നിന്റെ
രാജാങ്കണം എന്റെ വാഴ്വും ഇരുട്ടിൽ താണു പോയ്...
വരദാനം നേടും.....
വരദാനം നേടും..
വധുപോൽ വാ നിലാവേ....
( ഇനി വരൂ)

മൗനസംഗീതമുതിരും വീണയല്ലേ മീട്ടുന്നു നീ
വിണ്ണിന്നാരോമലേ നീയുമേതോ
കിനാവായ് മായുമോ...
ഹൃദയാകാശമേ.....
ഹൃദയാകാശമേ...
ഉണരൂ... ഈ നിലാവിൽ....
(ഇനി വരൂ)

.

തങ്കത്തളതാളം തെന്നി കാർകൂന്തൽ കുളിരുചിന്നി
നീരണിയും നാണമാകുമ്പോൾ
വെൺപുഴയിലവളുടെ തങ്കത്തള...

കന്നിവാനിൽ കേളിയാടും താമരക്കിണ്ണം
താളമേലും കരളിലേതോ കാവ്യമാകുമ്പോൾ
ഊഞ്ഞാലാടും കുയിൽ പാടുമ്പോൾ
കളിയരങ്ങിൽ വളകിലുങ്ങും മണിചിലമ്പും താളം
വെൺപുഴയിലവളുടെ തങ്കത്തള....

രാഗമേഘം വാ‍നിലേതോ നിറം മാറുമ്പോൾ
കാവുനീളേ ചാമരങ്ങൾ വീശിവിരിയുമ്പോൾ
പൂത്താലികൾ പൂത്തുവിടരുമ്പോൾ
മതിമയങ്ങും മനമൊരുങ്ങും മൊഴിവിളങ്ങും തെയ്യം
വെൺപുഴയിലവളുടെ തങ്കത്തള....