ദന്തഗോപുരം തപസ്സിനു തിരയും
ഗന്ധര്‍വ്വ കവിയല്ല ഞാന്‍
മൂകതമൂടും ഋഷികേശത്തിലെ
മുനിയല്ല ഞാന്‍ ഒരു
മുനിയല്ല ഞാന്‍
(ദന്തഗോപുരം..)

കാലത്തിന്‍ കൈനഖ
കലപതിയാത്തൊരു
കവിതയുണ്ടോ വിശ്വകവിതയുണ്ടോ
മനുഷ്യന്റെ സങ്കല്പ
ഗന്ധമില്ലാത്തൊരു
മന്ത്രമുണ്ടോ വേദമന്ത്രമുണ്ടോ
(ദന്തഗോപുരം..)

മുത്തപ്പ : സംഗതി അറിഞ്ഞാ പൊൻ കുരിശേ
 
തോമ്മാ : ഇല്ലപ്പാ എന്താണു
 
മുത്തപ്പ : നട്ടാൽ കിളുക്കണ നൊണ പറഞ്ഞു
എട്ടുകാലി മമ്മൂഞ്ഞ് ഈ
എട്ടുകാലി മമ്മൂഞ്ഞ്
 
തോമ്മാ  : മുത്തപ്പാ മണ്ടൻ മുത്തപ്പാ
മൂക്കു ചെത്തി ഉപ്പിലിടൂ ഇവന്റെ
മൂക്കു ചെത്തി ഉപ്പിലിടൂ  (നട്ടാൽ..)
 
എട്ടുകാലി : സംഗതി അറിഞ്ഞാ പൊൻ കുരിശേ
നമ്മുടെ ലക്ഷ്മിപ്പെണ്ണിനു
കുളി മാറീട്ട് ഇതു പത്താം ദിവസം
 
തോമ്മാ :  കണ്ടൻ പറയന്റെ കുടുക്ക പോലെ
കടുവാ മാത്തന്റെ മീശ പോലെ
കഴുത്തിനു താഴെ കുടവയറുള്ളൊരു
മമ്മൂഞ്ഞേ എടാ മമ്മൂഞ്ഞെ

മുച്ചീട്ടു കളിക്കണ മിഴിയാണ്
മൊഞ്ചുള്ള മയിലാഞ്ചിക്കിളിയാണ്
മാരനു മണിയറ തൂവൽക്കിടക്കയിൽ
മദനപ്പൂവമ്പിന്റെ മുനയാണ് -പെണ്ണ്
മാതളപ്പൂന്തേൻ മൊഴിയാണ് (മുച്ചീട്ടു...)

അരയ്ക്കു ചുറ്റും പൊന്നേലസ്സ്
അതിനു ചുറ്റും മുത്തുക്കൊലുസ്സ് നീ
അടിമുടി പൂത്തൊരു സ്വർണ്ണപ്പൂമരം
ആടി വരും പോലെ പന്തലിൽ
പാടി വരും പോലെ
പുതുക്കപ്പെണ്ണേ നിന്നെ പൂമാലക്കുടുക്കിട്ട്
പിടിക്കുമല്ലോ കൈയ്യിലൊതുക്കുമല്ലോ
പുന്നാര മണവാളൻ -ഇന്നു നിൻ
പുന്നാര മണവാളൻ (മുച്ചീട്ടു...)

മുത്തുമെതിയടിയിട്ട സുൽത്താനേ

മുംതാസിൻ കനവിലെ ഷാജഹാനേ നിന്റെ

പൊന്മുകിൽ കൊടിയുള്ള പൂവുള്ള മേടക്ക്

ഞമ്മളെ കൊണ്ടു പോണതെന്നാണു  (മുത്തു...)

ഷാലിമാർ വനത്തിലെ ചിറകുള്ള കാറ്റത്ത്

ചെറുമൊട്ട് തുടിക്കണ തണുപ്പത്ത്

കളിചിരി മാറാത്ത കണ്ണാടി വളയിട്ട്

കൈ കോർത്തു നടക്കണതെന്നാണു പൊന്നും

കവിളത്ത് പുറ കാണണതെന്നാണു (മുത്തു..)

വെൺ പട്ടു വിരിപ്പീട്ട് വിരിപ്പിന്മേൽ പൂവിട്ട്

പവിഴവും കോർത്തു ഞാനിരിക്കുമ്പോൾ

ഇതു വരെ മീട്ടാത്ത ഗിത്താർ പോലെന്നെ

ഇടം തോളിൽ കിടത്തണതെന്നാണു അതിൽ

കുടുകുടുപ്പാണ്ടിപ്പെണ്ണ് കിലുകിലുപ്പാണ്ടിപ്പെണ്ണ്
കുറുമൊഴിപ്പൂ ചൂടി വരും പാമ്പാട്ടിപ്പെണ്ണ് -അവൾ
പാടിയാടുമ്പോൾ കൂടെയാടണ പാമ്പ് (കുടുകുടു...)

പഴനിമലത്താഴെ നിന്ന് പിടിച്ച പാമ്പ്
പരമശിവന് വളകാപ്പിന് വളർന്ന പാമ്പ്
പാമ്പിനീ പുള്ളിമുണ്ട് കൊടുത്തതാര്
പത്തിയിലീ ചാന്തു ഗോപി വരച്ചതാര്
ദൈവത്താര് ദൈവത്താര്
പാൽക്കടലിൽ പള്ളികൊള്ളും ദൈവത്താര്
പാമ്പിനിരുന്നാടാൻ കുഴലൂതണതാര്
ഇവരിലൊരാൾ ഇവരിലൊരാൾ
ഇവരിലൊരാള് (കുടുകുടു...)

അഹം ബ്രഹ്മാസ്മി ബ്രഹ്മാസ്മി ബ്രഹ്മാസ്മി
വ്യാമോഹം എല്ലാമെല്ലാമൊരു വ്യാമോഹം
ഇരുട്ടിന്റെ ചാക്കിലെ ഇല്ലാത്ത പൂച്ചയെ
തിരയുന്നോരന്ധന്റെ വ്യാമോഹം
(അഹം ബ്രഹ്മാസ്മി..)

എന്റെ മനസ്സിലൊരു പ്രാവ്
നിന്റെ മനസ്സിലൊരു പ്രാവ്
മനം മടുത്താൽ തമ്മിൽ പുണർന്നുറങ്ങാൻ
തടസ്സമായി നിൽക്കുമീ മാംസത്തിൻ ചുമരുകൾ
ഇടിച്ചു മാറ്റാം നമുക്കിടിച്ചു മാറ്റാം
മരിച്ചു കിടക്കുന്ന ദൈവത്തിനിത്തിരി
ചരസ്സു കൊടുത്ത് നമുക്കുണർത്താം
ചരസ്സു കൊടുത്ത് നമുക്കുണർത്താം
നമുക്കുണർത്താം നമുക്കുണർത്താം
(അഹം ബ്രഹ്മാസ്മി..)

സീമന്തിനീ...
സീമന്തിനീ നിന്റെ ചൊടികളിലാരുടെ
പ്രേമമൃദുസ്മേരത്തിൻ സിന്ദൂരം
ആരുടെ കൈനഖേന്ദു മരീചികളിൽ
കുളിച്ചാകെ തളിർത്തു നിൻ കൗമാരം (സീമന്തിനീ..)

വെൺചിറകൊതുക്കിയ പ്രാവുകൾ പോലുള്ള
ചഞ്ചല പദങ്ങളോടെ
വെൺചിറകൊതുക്കിയ പ്രാവുകൾ പോലുള്ള
ചഞ്ചല പദങ്ങളോടെ - നീ
മന്ദം മന്ദം നടക്കുമ്പോൾ താനേ പാടുമൊരു
മൺ വിപഞ്ചികയീ ഭൂമി
എന്നെയതിൻ മാറിലെ ഇഴകളാക്കൂ
എന്നെ നിന്നനുരാഗ പല്ലവിയാക്കൂ
പല്ലവിയാക്കൂ - പല്ലവിയാക്കൂ
(സീമന്തിനീ..)

തങ്കത്തിങ്കള്‍ താഴികക്കുടമുള്ള നഗരം - എന്റെ
സങ്കല്‍പ്പങ്ങള്‍ക്കു ചിറകുകള്‍ നല്‍കിയ സ്വപ്നനഗരം
ആയിരം മുഖമുള്ള - മുഖം തോറുമഴകുള്ള
മായാനഗരം (തങ്കത്തിങ്കള്‍..)

ആയിരമമരാവതികള്‍ പതിനായിരമളകാപുരികള്‍
പത്തുനൂറു മേനകമാര്‍ പാതിരാസുന്ദരിമാര്‍
നൃത്തമാടി വരവേല്‍ക്കും നിശാങ്കണങ്ങള്‍
സ്വര്‍ഗ്ഗമേഘ കൊടിചൂടും ദാരുശില്പക്കെട്ടുകളില്‍
സ്വര്‍ണ്ണമുഖം മൂടിവെച്ച ദൈവങ്ങള്‍
അവിടെ വരൂ അവിടെ വരൂ നിങ്ങള്‍
അതിഥികളാകൂ (തങ്കത്തിങ്കള്‍..)

ശബരിമലയിൽ തങ്കസൂര്യോദയം
ഈ സംക്രമപ്പുലരിയിൽ അഭിഷേകം
ഭക്തകോടി തേടിയെത്തും സന്നിധാനത്തിൽ
വന്നെത്തുമെന്റെ ഹൃദയവും ഉടുക്കും കൊട്ടി (ശബരി..)

രത്നം ചാർത്തിയ നിൻ തിരുമാറിൽ
ദശപുഷ്പങ്ങണിയും നിൻ തിരുമുടിയിൽ
അയ്യപ്പതൃപ്പാദ പത്മങ്ങളിൽ ഈ
നെയ്യഭിഷേകമൊരു പുണ്യദർശനം
ഈരേഴുലകിന്നുമധിപതിയാമെന്നയ്യപ്പാ എന്നിൽ കാരുണ്യാമൃത തീർഥംചൊരിയണമയ്യപ്പാ
അയ്യപ്പാ ശരണമയ്യപ്പാ അയ്യപ്പാ ശരണമയ്യപ്പാ
ശബരിമലയിൽ തങ്കസൂര്യോദയം

സംഗീതം തുളുമ്പും താരുണ്യം
സങ്കല്പം വിളമ്പും ലാവണ്യം
നിനക്കായ് നിറയുന്ന പൊൻഭാജനം ഞാൻ
നിനക്കായ് തളിരിട്ട പൂങ്കാവനം
(സംഗീതം...)

കാമത്തിൻ കൽഹാരപുഷ്പം അന്നു
കരിവണ്ടായ് വന്നു നീ നുള്ളി
മധുരാനുഭൂതിതൻ തിരകൾ
മനസ്സിലും മിഴിയിലും തുള്ളി
ഇതൊന്നുമറിയാത്ത മട്ടിൽ നീ
എന്മുന്നിൽ നിൽക്കുന്നു പാവം
(സംഗീതം...)

ഗാനത്തിൻ സ്വരപുഷ്പവർഷം അന്നു
തേന്മുത്തമായ് നീ നൽകി
ഹൃദയത്തിൻ ശയനത്തിൽ കിടത്തീ
പ്രിയസഖീ എന്നു നീ ചൊല്ലി
ഇതൊന്നുമറിയാത്ത മട്ടിൽ നീ
മുഖം താഴ്ത്തി നിൽക്കുന്നു പാവം
(സംഗീതം...)