നൈറ്റ് ഈസ് യംഗ് ഔവർ ലൈഫ് ഈസ് യംഗ്

ബോയ് ഫ്രണ്ട് ഓ ബോയ് ഫ്രണ്ട്

കം ടു മീ   കം ടു മീ   യൂ കം ടു മീ

നിയോൺ വിളക്കുകൾ മന്ദഹസിക്കും

നഗരനിരത്തുകളിൽ

ചിറകുള്ള മെയ്യുകൾ തമ്മിലുരുമ്മിക്കൊണ്ടൊരുമിച്ച്

പറക്കാൻ വരൂ

പുതു മഞ്ഞു തുളുമ്പുന്ന പുഷ്പങ്ങൾ വിടരുന്ന

പുൽത്തകിടികളിൽ കിടക്കാൻ വരൂ (നൈറ്റ്...)

നർത്തകിമാരുടെ ദാഹങ്ങളുതിരും

നിശാസദസ്സുകളിൽ

ഒഴുകുന്ന പാട്ടിന്റെ ഓരോ ലഹരിയും

ഒരുമിച്ചു രസിക്കാൻ വരൂ

പുതുരക്തം തുളുമ്പുന്ന യൗവനാവേശങ്ങൾ

പുൽകി പുൽകി നടക്കാൻ വരൂ (നൈറ്റ്..)

സ്വിമ്മിംഗ് പൂൾ ലവ് ലി ലവ് ലി ലവ് ലി

സ്വിമ്മിംഗ് പൂൾ ലവ് ലി ലവ് ലി ലവ് ലി

സ്വപ്നത്തിൽ പോലും കാണാത്തതാണീ

സ്വിമ്മിംഗ് പൂൾ  സ്വിമ്മിംഗ് പൂൾ  സ്വിമ്മിംഗ് പൂൾ  (സ്വിമ്മിംഗ് പൂൾ ..)

നാടൻ ഡ്രെസ്സിൽ നാണമൊതുക്കും

നീയൊരു കണ്ട് ട്രി ഫൂൾ

നീല ബ്രേസിയറണിയുമ്പോൾ ഈ

നീ ഡ്രോയറിട്ടൊരുങ്ങുമ്പോൾ

നീയൊരു മോഡേൺ ഗേൾ

ലലാ..ലല...ലല...(സ്വിമ്മിംഗ് പൂൾ ..)

ആരും കണ്ടാൽ വില ചോദിക്കും

നീയൊരു ഫോറിൻ പേൾ

നീരിൽ നീന്തിയൊഴുകുമ്പോൾ നിൻ

മാരിലോളങ്ങൾ തഴുകുമ്പോൾ

നീയൊരു ലവിംഗ് ഗേൾ

പുഷ്പോത്സവപന്തലിനുള്ളിലെ പത്മലേഖേ

നിന്റെ യൗവനം  ലഹരികൾ പതയും മുന്തിരിക്കിണ്ണം

എന്റെ ചുണ്ടുകൾ ചിറകു വിടർത്തും സ്വർണ്ണകുംഭങ്ങൾ

നിന്റെ വികാര മദിരയിൽ നീന്തും നിത്യ ദാഹങ്ങൾ

ഹൃദയകെസരം വിടർത്തും നിന്റെ

ഇതളുകൾക്കുള്ളിൽ  നീ പൊതിയൂ (പുഷ്പോത്സവ..)

മഞ്ഞുടുക്കുമീ മരതകദ്വീപിൻ

മൗന തീരത്തിൽ

എന്റെ വിമാനമൊഴുകിയടുത്തു നിന്നെയും തേടി

പ്രണയഭിക്ഷ നീ നൽകൂ എന്റെ

പ്രമദവനത്തിൽ നീയും വരൂ  (പുഷ്പോത്സവ..)

മൃഗാംഗബിംബമുദിച്ചൂ ഭുവനം

മൃതസഞ്ജീവനി നുകർന്നൂ

ഭൂമിക്കു താരുണ്യം നൽകിയ ദേവാ

പൗർണ്ണമിയല്ലേ നിൻ ജന്മദിനം

സ്വർഗ്ഗനേത്രങ്ങൾ നിൻ വഴിയിൽ

സ്വർണ്ണ കലശങ്ങളാടി

അശ്വതി ഭരണി കാർത്തികമാർ നിൻ

ചുറ്റും വിളക്കുകളാടി

ചുറ്റും വിളക്കുകളാടി

സ്വപ്നമദാലസയായി ഭൂമി സ്വപ്നമദാലസയായി (മൃഗാംഗ..)

കല്പവൃക്ഷങ്ങൾ നിൻ മടിയിൽ

പുഷ്പവിശറികൾ വീശി

പശ്ചിമജലപ്പാൽത്തിരകൾ നിൻ

പട്ടുകിടക്കകളായി

പട്ടുകിടക്കകളായി

രാസവിലാസിനിയായി ഭൂമി

രാസവിലാസിനിയായി (മൃഗാംഗ..)

കാലത്തെ മഞ്ഞു കൊണ്ട്

കല്ലു വച്ച കമ്മലു തീർക്കും

കന്നിയിളം കറുകമ്പൂവേ പൂവേ

നാളത്തെ കല്യാണത്തിനു

നാലു നില പന്തലു മേയാൻ

നീകൂടെപ്പോരടീ പൂവേ നീലം പൂവേ

കതിർമണ്ഡപമലങ്കരിക്കാൻ

കൗസ്തുഭാംബരമുണ്ടാകും

മണ്ഡപത്തിൽ വെള്ള വിരിക്കാൻ

മഞ്ജു ചന്ദ്രികയുണ്ടാകും

കൈയ്യിലഷ്ടമംഗല്യവുമായ്

മെയ്യിൽ നിത്യ രോമാഞ്ചവുമായ്

നാളെയെന്റെ ചെച്ചി പുതിയൊരു

വേളിപ്പെണ്ണാകും

കൊതിക്കും ഞാൻ നോക്കി നോക്കി കൊതിക്കും

ആ..ആ‍ാ......(കാലത്തെ...)

മണിമച്ചക വിതാനമാകാൻ

മഞ്ജുചന്ദ്രികയുണ്ടാകും

വിസ്ക്കി കുടിക്കാന്‍ വെള്ളിക്കിണ്ടി
ഫിഷ് കറി വിളമ്പാന്‍ സ്വര്‍ണ്ണക്കരണ്ടി
സര്‍ക്കാര്‍ ചിലവില്‍ കൊട്ടാരത്തില്‍
സാനറ്റജന്‍ കൊണ്ടു ചപ്പാത്തി (വിസ്ക്കി..)
ചപ്പാത്തി ചപ്പാത്തി ചപ്പാത്തി

പശുവിന്റെ ഹസ്ബന്റിന്റെ ഇറച്ചിയില്ലേ
പത്മതീര്‍ഥക്കുളത്തിലെ മീനില്ലേ
പശുവിന്റെ ഹസ്ബന്റിന്റെ ഇറച്ചിയില്ലേ
പത്മതീര്‍ഥക്കുളത്തിലെ മീനില്ലേ
ഹല്ലോ മിസ്റ്റര്‍ അയ്യരേ ബട്ട്ലറയ്യരേ
പത്തുറാത്തല്‍ ഇറച്ചി പൊരിച്ചാട്ടേ
പത്തുനൂറു മീന്‍ കൂടി വറുത്താട്ടേ

ഭഗവാൻ ഭഗവാൻ
പ്രകൃതിയെ സൃഷ്ടിച്ച
നൃപതിയെ സൃഷ്ടിച്ച
പ്രജകളെ സൃഷ്ടിച്ച ഭഗവാൻ
ശില്പികളിലവിടുന്ന് ദേവശില്പി
ചക്രവർത്തിമാരുടെ ചക്രവർത്തി
(ഭഗവാൻ..)

നൃപതേ നൃപതേ
ജയവിജയീ ഭവ നൃപതേ
നൃപതേ നൃപതേ
ജയവിജയീ ഭവ നൃപതേ
അങ്ങില്ലെങ്കിൽ പ്രകൃതിയുണ്ടോ
അങ്ങില്ലെങ്കിൽ പ്രജകളുണ്ടോ
അഞ്ജനശിലകൾ കൊണ്ട-
വിടുന്നു നിർമ്മിക്കും
അമ്പലമില്ലെങ്കിൽ ദൈവമുണ്ടോ
നൃപതേ നൃപതേ
ജയവിജയീ ഭവ നൃപതേ

ജന്മദിനം ജന്മദിനം
മന്മഥവർമ്മയ്ക്കു ജന്മദിനം
മണിയറമനയിൽ മദനോൽസവം
മായാനഗരത്തിൽ കദനോൽസവം
(ജന്മദിനം..)

മാണിക്യ കൽ വിളക്കുകൾ
മതിലകത്തു കത്തിയ കാലം
മംഗല്യശ്രീകടാക്ഷം മതിലകത്തു
പൂത്തൊരു കാലം
അന്നത്തെ തമ്പുരാന്മാർ അലങ്കരിച്ച കൊട്ടാരത്തിൽ
എല്ലുന്തിയ മഞ്ചലിലേറി എഴുന്നള്ളും
രാജാവേ - രാജാവേ മഹാരാജാവേ
(ജന്മദിനം..)

സുകുമാരകലകൾ സ്വർണ്ണം പൊതിയും
ഭഗവതീ വിഗ്രഹമേ നിന്റെ
പുറംകാൽ മൂടും മുടിയിൽ ചൂടുവാൻ
ഒരു കുല മുന്തിരിപ്പൂക്കൾ
ചിറകുള്ള മുന്തിരിപ്പൂക്കൾ
(സുകുമാര...)

മന്ത്രത്തിൽ കുതിർത്തൊരാ‍ളണിയിച്ചതോ നിന്റെ
ഗന്ധർവൻ കൊണ്ടു വന്നു തൊടുവിച്ചതോ
മനസ്സിൽ കണ്ടത് മെത്തയിൽ വീഴ്ത്തുമീ
മൃഗമദതിലകങ്ങൾ നെറ്റിയിൽ
മൃഗമദതിലകങ്ങൾ
എനിക്കുവേണം ഇവ എനിക്കു വേണം
സുകുമാരകലകൾ സ്വർണ്ണം പൊതിയും
ഭഗവതീ വിഗ്രഹമേ

ചന്ദ്രകളഭം ചാർത്തിയുറങ്ങും തീരം
ഇന്ദ്രധനുസ്സിൻ തൂവൽ കൊഴിയും തീരം
ഈ മനോഹര തീരത്ത് തരുമോ
ഇനിയൊരു ജന്മം കൂടി
എനിക്കിനിയൊരു ജന്മം കൂടി
(ചന്ദ്രകളഭം..)

ഈവര്ണ്ണസുരഭിയാം ഭൂമിയിലല്ലാതെ
കാമുക ഹൃദയങ്ങളുണ്ടോ
ഈവര്ണ്ണസുരഭിയാം ഭൂമിയിലല്ലാതെ
കാമുക ഹൃദയങ്ങളുണ്ടോ
സന്ധ്യകളുണ്ടോ ചന്ദ്രികയുണ്ടോ
ഗന്ധര്‍വഗീതമുണ്ടോ
വസുന്ധരേ വസുന്ധരേ കൊതിതീരും വരെ ഇവിടെ പ്രേമിച്ച് മരിച്ചവരുണ്ടോ