മനം പോലെയാണോ മംഗല്യം

ഈ  മംഗല്യമാണോ സൌഭാഗ്യം

ഉടഞ്ഞ മനസ്സുകളെ  ഉറങ്ങാത്ത കണ്ണുകളെ 

ഉത്തരമുണ്ടെങ്കിൽ പറയൂ

നിങ്ങൾക്കുത്തരമുണ്ടെങ്കിൽ പറയൂ

നിങ്ങൾ പറയൂ..

പൂത്താലി ചരടിൽ കോർത്താൽ നിൽക്കുമോ

ചേർച്ചകൾ ഇല്ലാത്ത ഹൃദയങ്ങളേ.............

പൂത്താലി ചരടിൽ കോർത്താൽ നിൽക്കുമോ

ചേർച്ചകൾ ഇല്ലാത്ത ഹൃദയങ്ങളേ........

മംഗളം നേർന്നവരെ മാനം കാത്തവരെ

മനസ്സാക്ഷിയുണ്ടെങ്കിൽ പറയൂ.........

നിങ്ങൾക്ക് മനസ്സാക്ഷിയുണ്ടെങ്കിൽ പറയൂ.....

മലർമെത്ത നനഞ്ഞത് പനിനീരിലോ

നവവധു തൂകിയ മിഴിനീരിലോ....

ഓർമ്മകൾ ഓടിക്കളിക്കുവാനെത്തുന്നു
മുറ്റത്തെ ചക്കര മാവിൻ ചുവട്ടിൽ
മുറ്റത്തെ ചക്കര മാവിൻ ചുവട്ടിൽ

നിന്നെയണിയിക്കാൻ താമരനൂലിനാൽ
ഞാനൊരു പൂത്താലി തീർത്തു വെച്ചു
നിന്നെയണിയിക്കാൻ താമരനൂലിനാൽ
ഞാനൊരു പൂത്താലി തീർത്തു വെച്ചു
നീ വരുവോളം വാടാതിരിക്കുവാൻ
ഞാനതെടുത്തു വെച്ചു
എന്റെ ഹൃത്തിലെടുത്തു വെച്ചു ( ഓർമ്മകൾ...)

മാധവം മാഞ്ഞുപോയ്
മാമ്പൂ കൊഴിഞ്ഞുപോയ്
പാവം പൂങ്കുയിൽ മാത്രമായി
മാധവം മാഞ്ഞുപോയ്
മാമ്പൂ കൊഴിഞ്ഞുപോയ്
പാവം പൂങ്കുയിൽ മാത്രമായി
പണ്ടെന്നോ പാടിയ പഴയൊരാ പാട്ടിന്റെ
ഈണം മറന്നു പോയി

സംഗീതമേ നിൻ പൂഞ്ചിറകിൽ
എന്നോമലാൾ തൻ കണ്ണീരോ
വിട ചൊല്ലി പിരിയും വേദിയിതിൽ
വേദന വിടർത്തിയ പനി നീരോ ( സംഗീതമേ..)

ഹൃദയങ്ങൾ ഒന്നായ് ചേർന്നലിഞ്ഞാൽ
കദനങ്ങൾ പിറകെ വിരുന്നു വരും
വിധിയുടെ കൈയ്യിൽ ജീവിതം വെറുമൊരു
വിളയാട്ട് പമ്പരമല്ലേ വിളയാട്ട് പമ്പരമല്ലേ ഓ...( സംഗീതമേ)

അനുരാഗ ഗാനം വിടരുംപ്പോൾ
ആത്മാവിൽ ദു:ഖങ്ങൾ വളരുമെന്നോ
കറയറ്റ പ്രേമം കാലമാം കവിയുടെ കരുണാർദ്ര ഗദ്ഗദമല്ലേ
ഓ....(സംഗീതമേ..)

വിട തരൂ മത്സഖീ വീട തരൂ മൽ സഖീ
മൽ സഖീ മൽ സഖീ

ചന്ദ്ര കിരണത്തിൻ ചന്ദനമുണ്ണും
ചകോര യുവ മിഥുനങ്ങൾ
അവയുടെ മൌനത്തിൽ കൂടണയും
അനുപമ സ്നേഹത്തിൻ അർഥങ്ങൾ
അന്തരാർഥങ്ങൾ... ( ചന്ദ്ര കിരണത്തിൻ...)

ചിലച്ചും .... ചിരിച്ചും
ചിലച്ചും ചിറകടിച്ചു ചിരിച്ചും
താരത്തളിർ നുള്ളി ഓളത്തിൽ വിരിച്ചും
നിളയുടേ രോമാഞ്ചം നുകർന്നും കൊണ്ടവർ
നീല നികുഞ്ജത്തിൽ മയങ്ങും ( 2)
ആ മിഥുനങ്ങളേ അനുകരിക്കാൻ
ആ നിമിഷങ്ങളേ ആസ്വദിക്കാൻ ( ചന്ദ്ര ....)

അമ്മേ നീയൊരു ദേവാലയം
നൻമകൾ പൂവിട്ടു പൂജിക്കും ആലയം ദേവാലയം
അമ്മേ നീയൊരു ദേവാലയം
നൻമകൾ പൂവിട്ടു പൂജിക്കും ആലയം ദേവാലയം

കാരഗൃഹത്തിൽ പിറന്ന കാർവർണ്ണനും
കാലിത്തൊഴുത്തിൽ പിറന്ന പൊന്നുണ്ണിക്കും (2)
വൻ മരുഭൂവിലെ ധർമ പ്രവാചകനും ജന്മം നൽകിയ സുകൃതി നീ (2)
അമ്മേ നീയൊരു ദേവാലയം

കുന്തിയും നീയേ ഗാന്ധാരിയും നീയേ
നൊന്തു പെറ്റവരുടെ ദു:ഖം നീ (2)
അങ്കത്തിൽ ജയിച്ചവരും അന്ത്യം വരിച്ചവരും
അമ്മക്കൊരുപോലൊരു പോലെ (2)

ചെത്തിയും ചെമ്പരത്തിയും നല്ല തൃത്താവും ചാര്‍ത്തും പൈതലേ
നെറ്റിയില്‍ കുളിര്‍ചന്ദന നിലാ പൊട്ടു കുത്തിയ പൈതലേ
മഞ്ഞപ്പട്ടു ചുറ്റിയ പൈതലേ
കണ്‍ തുറന്നു ഞാന്‍ എന്നുമാദ്യം എന്‍ കണ്മണീ നിന്നെ കാണണം
കാണണം കണി കാണണം

മിഴി തമ്മിൽ പുണരുന്ന നേരം
പറയാതെയറിയുന്നനുരാഗം
പരിഭവ തിങ്കളേ തെളിനിലാ കുമ്പിളായ് 
നീളേ നീളേ പകരൂ ഒരു മഴയുടെ കുളിരല
മിഴി തമ്മിൽ പുണരുന്ന നേരം
പറയാതെയറിയുന്നനുരാഗം

കളിവാക്കു ചൊല്ലിയാൽ കലഹിച്ചതൊക്കെയും
പ്രണയമുണർത്തിയ കൌതുകം
ഒരുമിച്ചു പാടുമീ പാട്ടിൻ അരുവിയായ്
ഒഴുകും നമ്മൾ എന്നുമേ
കരളിലിരുന്നൊരു കിളി പാടി
മുരളിക മൂളും പോലെ
കണിമലരണിയും യാമിനിയിൽ
നീയെൻ മനസ്സിലെ മധുകണം 
മിഴി തമ്മിൽ പുണരുന്ന നേരം 
പറയാതെയറിയുന്നനുരാഗം

ആരാരോ ആരാരീരാരിരരോ..

അമ്മതൻ കണ്ണിനമൃതം
പോയ ജന്മത്തു ചെയ്ത സുകൃതം
അമ്പിളി പൊൻകുടം വന്നൂ - എന്റെ
തങ്കക്കുടമായ് പിറന്നൂ (അമ്മ..)
ഉം...ആരാരീരാരിരരോ

താളം പിടിക്കുന്ന കൈകൾ
മിന്നും താമരപ്പൂവിതൾ പോലെ (2)
പൊന്നിൻ ചിലമ്പിട്ട കാൽകൾ
രണ്ടു ചെമ്പകപൂവുകൾ പോലെ ( അമ്മ..)

വാക്കുകളില്ലാത്ത വായിൽ  - നിന്നും
വാസനത്തേൻ നീരൊഴുകും
കാൽ വിരലുണ്ണുന്ന നേരം
കരൾപൂവിൽ മഴവില്ലുദിരും (അമ്മ...)

പിച്ച നടക്കുമ്പോൾ മു൩ിൽ മോഹം
പിച്ചകവള്ളി പടർത്തും
വാടാത്ത സ്വപ്നവസന്തം
എന്റെ പ്രാണനിൽ പൂത്ത സുഗന്ധം ( അമ്മ..)

തീരാത്ത ദു:ഖത്തിൽ തേങ്ങിക്കരയുന്ന
പേരാറേ സഖീ പേരാറേ (2)

കദനത്തിൽ മുങ്ങിയോരഞ്ജാത കന്യ തൻ
കവിളത്തെ നീർച്ചാലുപോലേ (2)
തിരുനാവാ മണലിൽ മിഴിയിങ്കൽ നിന്നും
ഒഴുകുന്ന കണ്ണീരല്ലോ നീ
ഒടുങ്ങാത്ത കണ്ണീരല്ലോ
തീരാത്ത ദു:ഖത്തിൽ തേങ്ങിക്കരയുന്ന
പേരാറേ സഖീ പേരാറേ (2)

മാമാങ്ക യുദ്ധത്തിൽ പോരാളികൾ തൂകും
മാറത്തെ ചെഞ്ചോര പോലെ (2)
കർക്കിടകം വന്നൂ കലങ്ങി ചുവക്കും
മലനാട്ടിൻ കണ്ണീരല്ലോ നീ
വാടാതെൻ കണ്ണീരല്ലോ
തീരാത്ത ദു:ഖത്തിൽ തേങ്ങിക്കരയുന്ന
പേരാറേ സഖീ പേരാറേ (2)