വിജന യാമിനിയിൽ ഈ ശിശിര പഞ്ചമിയിൽ
ഒഴുകിയൊഴുകിയൊഴുകിയെത്തും
ഓടക്കുഴൽ വിളിയേതോ ഈ
ഓടക്കുഴൽ വിളിയേതോ (വിജന..)

ഈ മഞ്ജു ഗാനത്താൽ എന്നെ വിളിക്കുന്ന
കാമുകൻ ഗായകനാരോ (2)
നീല നിലാവിനെ പാടിയുണർത്തുമീ
പാലക ബാലകനാരോ (2) [വിജന..]

എന്റെ കിനാക്കളാം ഗോക്കളെ മേയ്ക്കുമീ
ഏകാന്ത ഗോപാലനാരോ (2)
മന്ദം മന്ദമെൻ മാനസ പാതിയെ
മാടി വിളിക്കുന്നതാരോ (2) [വിജന..]

കാലത്തെ ഞാൻ കണി കണ്ടു
കരിമ്പു വില്ലും മലരമ്പും (2)
ചില്ലിക്കൊടിയാൽ കാമുകനെയ്തൊരു
മല്ലീശരവും മാമ്പൂവും (2) [ കാലത്തെ..]

ഇന്നു വിണ്ണിനു ചന്തം നോക്കാൻ
കന്യയാളൊരു കണ്ണാടി (2)
ഇന്നു പെണ്ണിനു തിലകം ചാർത്താൻ
പുലരിചോപ്പിൻ സിന്ദൂരം (2) [കാലത്തെ..]

ഇന്നു വന്നൊരു പൂക്കാലത്തിനു
കണ്ണെഴുതാൻ കരിമേഘം (2)
നിന്നു തുള്ളി നൃത്തം വെയ്ക്കാൻ
സുന്ദരമാം വന വീഥി (2) [കാലത്തെ..]

ഇന്നെനിക്കു നീന്തി നടക്കാൻ
കിനാവിന്റെ പെരിയാറ് (2)
പാടിയാടി ഉല്ലസിക്കാൻ
സ്നേഹത്തിൻ പൊന്നൂഞ്ഞാൽ (2) [കാലത്തെ..]

കൂട്ടുന്നു കിഴിക്കുന്നു മനുഷ്യൻ
എല്ലാം വെട്ടുന്നു തിരുത്തുന്നു കാലം
ഏട്ടിൽ കൂട്ടുന്ന കണക്കെല്ലാം
തലയോട്ടിൽ മായ്ക്കുന്നു ദൈവം (2)

ഒരിടത്തുമിരിക്കാത്ത ധനലക്ഷ്മി
ഒരിക്കലും ഇണങ്ങാത്ത കടൽ പക്ഷി (2)
വിളിക്കാതെ പെട്ടെന്നു വിരുന്നിനെത്തും
ഒന്നും പറയാതെ തന്നെയവൾ പറന്നു പോകും (2) (കൂട്ടുന്നു..)

ഇന്നലെ നാം കണ്ട മുതലാളി
ഇന്നൊ തെരുവിലെ തൊഴിലാളി (2)
ജയിലിൽ കിടന്നൊരു തടവാളി
നാളെ ജനകോടി വാഴ്ത്തിടും അധികാരി (2) [കൂട്ടുന്നു..]

രാപ്പാടി പാടുന്ന രാഗങ്ങളിൽ
നിലാവാടുന്ന യാമങ്ങളിൽ
നിന്നരികിൽ ഒരു നിഴലായ് ഞാൻ വന്നൊരു ഗദ്ഗദമായി (2)

ഓരോ കഥകൾ പറഞ്ഞും
ഒരു കുളിർ സ്വർഗ്ഗം പകർന്നും
നെല്ലിൻ മണത്തിൽ കുളിച്ചും
നാം നാളയെ തേടിയ കാലം (2)
തളിരും താരും കൊഴിഞ്ഞൂ
കതിരോൻ പതിരായ് മറഞ്ഞൂ  മറഞ്ഞൂ മറഞ്ഞൂ( രാപ്പാടി..)

ഏതോ വിഷാദാർദ്ര ഗാനം
വിരഹി നീ പാടുന്നൂ മൂകം
കാറ്റായ് വരുന്നെന്റെ ജീവൻ
ആ പാട്ടിനു താളം കൊരുക്കാൻ
സ്വരവും ലയവും തകർന്നൂ
സ്വപ്നം മണ്ണിൽ മറഞ്ഞൂ മറഞ്ഞൂ മറഞ്ഞൂ (രാപ്പാടി..)

മലര്‍കൊടി പോലെ വര്‍ണത്തുടി പോലെ 
മലര്‍കൊടി പോലെ വര്‍ണത്തുടി പോലെ
മയങ്ങൂ.... നീ എന്‍ മടി മേലെ 
മയങ്ങൂ.... നീ എന്‍ മടി മേലെ

മലര്‍കൊടി പോലെ വര്‍ണത്തുടി പോലെ 
മയങ്ങൂ.... നീ എന്‍ മടി മേലെ 
മയങ്ങൂ..... നീ എന്‍ മടി മേലെ 
അമ്പിളീ നിന്നെ പുല്‍കി അംബരം പൂകി ഞാന്‍ മേഘമായ്‌ (2)
നിറസന്ധ്യയായ്‌ ഞാന്‍ ആരോമലേ 
വിടര്‍ന്നെന്നില്‍ നീ ഒരു പൊന്‍താരമായ്‌ 
ഉറങ്ങൂ... കനവു കണ്ടുണരാനായ്‌ ഉഷസണയുമ്പോള്‍ 

മലര്‍കൊടി പോലെ വര്‍ണത്തുടി പോലെ 
മയങ്ങൂ.... നീ എന്‍ മടി മേലെ 
ആരിരോ.. ആരിരാരാരോ 

പൂവിളി പൂവിളി പൊന്നോണമായി
നീ വരൂ നീ വരൂ പൊന്നോണതുമ്പീ (2)
ഈ പൂവിളിയില്‍ മോഹം പൊന്നിന്‍ മുത്തായ് മാറ്റും പൂവയലില്‍
നീ വരൂ ഭാഗം വാങ്ങാന്‍ (പൂവിളി...)

പൂ കൊണ്ടു മൂടും പൊന്നിന്‍ ചിങ്ങത്തില്‍
പുല്ലാങ്കുഴല്‍ കാറ്റത്താടും ചമ്പാവിന്‍ പാടം (പൂ കൊണ്ടു...)
ഇന്നേ കൊയ്യാം നാളെ ചെന്നാല്‍ അത്തം ചിത്തിര ചോതി (2)
പുന്നെല്ലിന്‍ പൊന്മല പൂമുറ്റം തോറും
നീ വരൂ നീ വരൂ പൊന്നോലത്തുമ്പീ
ഈ പൂവിളിയില്‍ മോഹം പൊന്നിന്‍ മുത്തായ് മാറ്റും പൂ വയലില്‍
നീ വരൂ ഭാഗം വാങ്ങാന്‍ (പൂവിളീ...)

സൂര്യോദയം തങ്ക സൂര്യോദയം
സൂര്യോദയം
ആ..ആ.ആ.ആ..
സാ  സാ പാ പാ സാ  സാ പാ പാ സാ സാ...
സരിഗമപാ പാ ധ ധ  പ  മ മ പാ
ധ നി സാ സനിധപ സനിധപ മഗരിസാ
സരിഗമപാ പാ ധ ധ  പ  മ മ പാ
ധ നി സാ സനിധപ സനിധപ മഗരിസാ

പവനരച്ചെഴുതുന്നു കോലങ്ങളെന്നും
കിഴക്കിനി കോലായിലരുണോദയം (2)
പകലകം പൊരുളിന്റെ ശ്രീ രാജധാനി
ഹരിത കമ്പളം നീർത്തി വരവേൽപ്പിനായ്
ഇതിലേ ഇതിലേ വരൂ
സാമഗാന വീണ മീട്ടിയഴകേ ( പവന ... )

സരിഗമപധനിസ സാ സാ
ധനിസരി ധനിസരി സരിസനി ധമപമ
ധനിസരി സസരിസ സരിസനി ധപമപാ
ധനിസരി സനിധപ സനിധപ മഗരിസാ

ഗോപുരമുകളിൽ വാസന്ത ചന്ദ്രൻ
ഗോരോചനക്കുറി വരച്ചൂ - സഖീ
ഗോരോചനക്കുറി വരച്ചൂ (ഗോപുര..)
അമ്പലമുറ്റത്തെ ആൽത്തറ വീണ്ടും
അന്തിനിലാവിൽ കുളിച്ചൂ (2)
(ഗോപുര..)

പ്രദക്ഷിണ വഴിയിൽ വെച്ചെന്റെ ദേവൻ
പ്രത്യക്ഷനായി സഖീ - അവൻ
പ്രത്യക്ഷനായി സഖീ (പ്രദക്ഷിണ..)
വരമൊന്നും തന്നില്ല ഉരിയാടാൻ വന്നില്ല
പറയാതെയെന്തോ പറഞ്ഞൂ
പറയാതെ എന്തോ പറഞ്ഞു 
(ഗോപുര..)