വെണ്ണിലാ ചന്ദനക്കിണ്ണം പുന്നമടക്കായലിൽ വീണേ
കുഞ്ഞിളം കൈയ്യിൽ മെല്ലെ കോരിയെടുക്കാൻ വാ
മുണ്ടകൻ കൊയ്ത്തു കഴിഞ്ഞ് ആറ്റക്കിളിപോകും നേരം
മഞ്ഞണി തൂവൽ കൊണ്ടൊരു കൂടൊരുക്കാൻ വാ
കാലി മേയുന്ന പുല്ലാനിക്കാട്ടിൽ
കണ്ണിമാങ്ങാ കടിച്ചു നടക്കാം
കാറ്റിൻ പാദസരങ്ങൾ കിലുക്കാം
ഒന്നീ മഞ്ചാടി കുന്നിലേറാം (2)

അത്തിക്കായ്കൾ പഴുത്തല്ലോ
ചെമ്മുന്തിരി വള്ളി തളിര്‍ത്തല്ലോ (2)
യെരൂശലേമിൻ കന്യകയാളേ വരൂ വരൂ വീണ്ടും (2)

മാതളമലരിൻ മധുവിലുമേറെ
മധുരം നിന്നനുരാഗം (2)
ശാരോണിൻ പനിനീരിലുമേറെ
പരിമളമാര്‍ന്നോരധരം(2)       (അത്തിക്കായ്കൾ...)

താമരമൊട്ടുകളിണയായ് വിരിയും
കുളിരോലും നിൻ മാറിൽ(2)
തല ചായ്ച്ചിനി ഞാൻ പകരാം പുതിയൊരു
പാട്ടിൻ സുരഭില മന്ത്രം (അത്തിക്കായ്കൾ...)
 

കുരിശു ചുമന്നവനേ നിന്‍ വഴി
തിരയുന്നു ഞങ്ങള്‍
കരുണ നിറഞ്ഞവനേ നിന്‍ കഴല്‍
തിരയുന്നു ഞങ്ങള്‍ (കുരിശു..)

മുള്‍മുടി ചൂടിയ തിരുവുടലേ
കനിവിന്‍ പാല്‍ക്കടലേ
നിന്‍ കഴല്‍ തേടി നിന്‍ വഴി തേറ്റി
അലയുന്നൂ ഞങ്ങള്‍
രക്തമുണങ്ങിയ നിന്‍ പാദമുദ്രകള്‍
കാണ്മൂ മുന്നില്‍ ഞങ്ങള്‍ (കുരിശു..)

കാല്‍ വരി നീട്ടിയ നിറകതിരേ
കനിയില്ലേയിവരില്‍ (2)
നിന്‍ കാല്‍ കഴുകാന്‍ ദു:ഖിതര്‍ ഞങ്ങടെ
മിഴിനീരുണ്ടല്ലോ
നിന്‍ തിരുനാമം നിത്യം വാഴ്ത്തി
പാടാം ഹല്ലെലൂയാ (കുരിശു..)

ചോര വീണ മണ്ണിൽനിന്നുയർന്നു വന്ന പൂമരം
ചേതനയിൽ നൂറു നൂറു പൂക്കളായ് പൊലിക്കവെ
നോക്കുവിൻ സഖാക്കളെ നമ്മൾ വന്ന വീഥിയിൽ
ആയിരങ്ങൾ ചോര കൊണ്ടെഴുതി വച്ച വാക്കുകൾ
ലാൽ സലാം ഉം...ഉം..ലാൽ സലാം

മൂർച്ചയുള്ളൊരായുധങ്ങളല്ല പോരിനാശ്രയം
ചേർച്ചയുള്ള മാനസങൾ തന്നെയാണതോർക്കണം
ഓർമകൾ മരിച്ചിടാതെ കാക്കണം കരുത്തിനായ്
കാരിരുമ്പിലെ തുരുമ്പ് മായ്ക്കണം ജയത്തിനായ്

നട്ടു കണ്ണു നട്ടു നാം വളർത്തിയ വിളകളെ
കൊന്നു കൊയ്തു കൊണ്ടു പോയ ജന്മികൾ ചരിത്രമായ്
സ്വന്ത ജീവിതം ബലി കൊടുത്തു കോടി മാനുഷർ
പോരടിച്ചു കൊടി പിടിച്ചു നേടിയതീ മോചനം

സ്വരങ്ങളേ സപ്തസ്വരങ്ങളേ
വിരിയൂ രാഗമായ് താളമായ് വർണ്ണമായ്
വിചിത്ര വീണക്കമ്പികളിൽ 
(സ്വരങ്ങളേ..)

ഇന്ദീവരങ്ങൾ മയങ്ങും മനസ്സിൻ
ഇന്ദുകാന്തപൊയ്കകളിൽ
ജറുസലേത്തിലെ ഗായികമാരുടെ
അമരഗീതമായ് വിടരൂ
(സ്വരങ്ങളേ..)

രാഗം താനം പല്ലവികൾ
രാജസഭാതല നർത്തകികൾ
അവരുടെ കല്പകപൂഞ്ചോലയിലെ
ഹംസധ്വനിയായ് ഉണരൂ
(സ്വരങ്ങളേ..)

വൃന്ദാവനങ്ങൾ ഒരുക്കും മനസ്സിൻ
ഇന്ദ്രജാലദ്വീപുകളിൽ
യദുകുലത്തിലെ ഗോപികമാരുടെ
മധുരഗീതമായ് വിടരൂ
(സ്വരങ്ങളേ..)

ചിപ്പീ ചിപ്പീ മുത്തുച്ചിപ്പീ
ചിപ്പിയ്ക്കു മുക്കുവന്‍ വലവീശി
മുത്തല്ലാ ചിപ്പിയല്ലാ കിട്ടിയതവനൊരു 
മായാമണ്‍കുടമായിരുന്നൂ 
(ചിപ്പീ..)

മണ്‍കുടം മുക്കുവന്‍ തുറന്നു - കുടത്തില്‍
പൊന്‍ പുകച്ചുരുളുകളുയര്‍ന്നു
പുകയുടെ ചിറകില്‍ പുലിനഖമുള്ളൊരു
ഭൂതം നിന്നു ചിരിച്ചു

ഭൂതം പറഞ്ഞു :
നൂറു യുഗങ്ങള്‍ ഞാനീ കടലില്‍ കിടന്നു
ഓരോ യുഗത്തിലും ഓരോ യുഗത്തിലും
ഓരോ ശപഥമെടുത്തു
കുടം തുറന്നെന്നെ വിടുന്നവനെ ഞാന്‍
കൊല്ലുമെന്നാണെന്റെ ശപഥം

ദൈവ പുത്രനു വീഥിയൊരുക്കുവാൻ
സ്നാപകയോഹന്നാൻ വന്നൂ
ആയിരമായിരം ആലംബഹീനരെ
ജ്ഞാനസ്നാനം ചെയ്യിച്ചൂ
(ദൈവ പുത്രനു ..)

ആ സ്നാപകന്റെ സ്വരം കേട്ടുണർന്നൂ
യോർദ്ദാൻ നദിയുടെ തീരം
ചക്രവാളം തൊട്ടു ചക്രവാളം വരെ
ശബ്ദക്കൊടുങ്കാറ്റുയർന്നൂ അന്ന്
ശബ്ദക്കൊടുങ്കാറ്റുയർന്നൂ
(ദൈവ പുത്രനു ..)

ചിത്രശലഭമേ ചിത്രശലഭമേ
എത്ര രാത്രികള്‍ നിന്നെ തേടി
ഉറക്കമൊഴിച്ചൂ ഞാന്‍
ഈ വസന്തമെടുത്തു വിടര്‍ത്തിയ
പൂവിന്‍ ഹൃദയമിതാ
മണിവീണ മീട്ടും മധുപനു നീട്ടിയ
പാനപാത്രമിതാ
(ചിത്രശലഭമേ..)

നീയൊരിക്കല്‍ വിരുന്നു വന്നൊരു
നീലപ്പൂങ്കാവില്‍ ഞാനുറങ്ങും
വള്ളിക്കുടിലില്‍ വാതില്‍ തുറന്നാട്ടേ
ഈ വിരിച്ച കിടക്കയിലിത്തിരി
നേരമിരുന്നാട്ടേ
ഈ മാതളപ്പൂ നല്‍കും പൂമ്പൊടി
വാരിയണിഞ്ഞാട്ടേ
(ചിത്രശലഭമേ..)

വിശക്കുന്നൂ വിശക്കുന്നൂ
പൊന്നനുജത്തിയ്ക്ക് വിശക്കുന്നൂ
വിശക്കുന്നൂ വിശക്കുന്നൂ
പൊന്നനുജത്തിയ്ക്ക് വിശക്കുന്നൂ
വിശക്കുന്നൂ...

പട്ടിണി തന്നിലെ തീയാണടിമുടി
കത്തുകയല്ലോ ഞങ്ങൾ
പട്ടിണി തന്നിലെ തീയാണടിമുടി
കത്തുകയല്ലോ ഞങ്ങൾ
കുട്ടികളല്ലോ ഞങ്ങള്‍
ചെറു മുട്ടുകളല്ലോ ഞങ്ങള്‍
(വിശക്കുന്നൂ...)

കണ്ണുകള്‍ തന്നതു കാണാന്‍ - ദൈവം
കാതുകള്‍ തന്നതു കേള്‍ക്കാന്‍
കണ്ണുകള്‍ തന്നതു കാണാന്‍ - ദൈവം
കാതുകള്‍ തന്നതു കേള്‍ക്കാന്‍
വയറുകള്‍ ഞങ്ങള്‍ക്കീശന്‍ തന്നത്
വിശന്നു ചാകാനാമോ