പനിനീര്‍ മലരിനൊരിതള്‍ കൊഴിഞ്ഞാലും 
കാന്തി കുറഞ്ഞിടുമോ
നിന്‍ തളിര്‍ മെയ്യിന് കൈ പോയാലും 
ചന്തം കുറഞ്ഞിടുമോ 
ചന്തം കുറഞ്ഞിടുമോ 
(പനിനീര്‍... )

പൂന്തേന്‍ തേടും വണ്ടിന് പൂവിന്‍ 
നിറമൊരു കഥയാണോ (2)
ഹൃദയം തേടുമെനിക്കീ തനുവിന്‍ 
കുറവില്‍ വ്യഥ വേണോ 
കുറവില്‍ വ്യഥ വേണോ 

ശ്രുതിയില്‍ ചേര്‍ന്നു ലയിച്ചാല്‍ പിന്നൊരു 
ഗാനം കേള്‍ക്കണമോ (2) 
മതിയിലിണങ്ങി ചേര്‍ന്നാല്‍ പിന്നീ -
രൂപം നോക്കണമോ
രൂപം നോക്കണമോ 

പറന്നുപോയോ ഇണക്കുയിലേ - നീ
മറഞ്ഞുപോയൊ ഇനി വരില്ലേ
കഴിഞ്ഞതെല്ലാം പൊറുക്കുകില്ലേ -ഈ
ചുടുന്ന കണ്ണീർ തുടയ്ക്കുകില്ലേ
പറന്നുപോയോ ഇണക്കുയിലേ - നീ
മറഞ്ഞുപോയൊ ഇനി വരില്ലേ

സ്മരണകളെരിഞ്ഞു ചാമ്പലിലടിഞ്ഞു
മറയും ചുടലയിലെന്നെ
തനിയേ വെടിഞ്ഞുപോയോ പിരിഞ്ഞു
സഖീ നീ ഇനി വരില്ലേ
പറന്നുപോയോ ഇണക്കുയിലേ - നീ
മറഞ്ഞുപോയൊ ഇനി വരില്ലേ

എന്നാത്മാവിൻ അൾത്താരയിലൊളി -
ചിന്നിയ മണി വിളക്കേ (2)
അണഞ്ഞുവോ നീ കൂരിരുളിലെന്നെ
എറിഞ്ഞുവൊ സഖീ നീ
പറന്നുപോയോ ഇണക്കുയിലേ
മറഞ്ഞുപോയൊ ഇനി വരില്ലേ

അപ്പനിപ്പം വരും നിങ്ങളുറങ്ങല്ലെ മക്കളേ
അത്തലെല്ലാം തീരും എന്റെ കരളിന്റെ പൂക്കളേ (2)
ആർത്തിയോടെ വാരിയെടുത്തുമ്മ വെച്ചു മുകരാൻ
അപ്പനിപ്പം വരും നിങ്ങളുറങ്ങല്ലെ മക്കളേ

പൊന്മണികളല്ലെ എന്റെ കണ്മണികളല്ലയോ
പുണ്യം ചെയ്തൊരമ്മയ്ക്കീശൻ തന്ന നിധിയല്ലയോ
രാജദണ്ഡു പിടിയ്ക്കേണ്ട കൊച്ചുകൈകളല്ലയോ
രാജ്യഭാരം വഹിക്കേണ്ട ശിരസ്സുകളല്ലയോ

അപ്പനിപ്പം വരും നിങ്ങളുറങ്ങല്ലെ മക്കളേ
അത്തലെല്ലാം തീരും എന്റെ കരളിന്റെ പൂക്കളേ

വേദനകൾ കരളിൻ വേദനകൾ
അറിയാൻ ആരുമില്ലമ്മേ
വേദനകൾ കരളിൻ വേദനകൾ
അറിയാൻ ആരുമില്ലമ്മേ

കരളുരുകി കരളുരുകി ഞാൻ കരയുമ്പോൾ
കണ്ണീരിൻ കടലിൽ ഞാൻ താണൊഴുകുമ്പോൾ (2)
കൈതന്നു കാത്തിടുവാൻ നീ വരില്ലയോ (2)
മാതാവേ ആശ്രയം നീ മാത്രമല്ലയോ
വേദനകൾ കരളിൻ വേദനകൾ
അറിയാൻ ആരുമില്ലമ്മേ

പാപികൾക്കായ് കുരിശേന്തിയ കരുണയുള്ളോന്റെ -
തായല്ലോ കേണിടുവോർക്കാശ നീയല്ലൊ (2)
പൊള്ളിടുമീ ജീവിതത്തിൻ തീക്കയങ്ങങ്ങളിൽ (2)
തള്ളരുതേ തള്ളയില്ലാപ്പാപിയാമെന്നെ

കന്യാമറിയമേ തായേ
എനിയ്ക്കെന്നാളും ആശ്രയം നീയേ (2)
കഴൽ കൂപ്പിടുമെൻ അഴൽ നീക്കുക നീ
ജഗദീശ്വരിയെ കരുണാകരിയെ
കന്യാമറിയമേ തായേ
എനിയ്ക്കെന്നാളും ആശ്രയം നീയേ

ഇരുൾ ചൂഴ്ന്നിടുമാത്മാവിൽ
മണിമംഗളദീപികയായ് (2)
ഒളിതൂകണമമ്മേ നീയെന്നുമേ (2)
സുഖദായകിയേ സുരനായകിയേ
കന്യാമറിയമേ തായേ
എനിയ്ക്കെന്നാളും ആശ്രയം നീയേ

വിണ്ണിൻ വെളിച്ചമേ ദൈവപുത്രനു
ജന്മ്മമേകിയ മാതാവേ
പാപികളാം ഞങ്ങൾക്കാരാണു വേറേ
പാരിതിലാശ്രയം തായേ

പ്രേമരാജ്യമാർന്നുവാഴ്ക നാം
രാജനായി നീ റാണിയായി നീ ഞാൻ
പ്രേമരാജ്യമാർന്നു വാഴ്ക നാം
റാണിയായി നീ രാജനായി ഞാൻ
പ്രേമരാജ്യമാർന്നുവാഴ്ക നാം

സമ്മോദലീനമായ് സന്താപഹീനമായ്
സമ്പൂതഗാനമായ് പ്രെമരാജ്യമാർന്നു വാഴ്ക നാം

സംഗീതസാന്ദ്രയായി നീയും ചാരത്തു ഞാനും
സംജീവനാമൃതം മതീമഹിയിൽ

ആലോലനൃത്തമാടിയാടി
സാനന്ദം പാടി വാഴ്ക നാം ഇനിമേൽ
പ്രേമരാജ്യമാർന്നു വാഴ്ക നാം

ഓ മൈ ഡിയർ ഡാർലിങ് മൽ പ്രേമസാരമേ നീ
ഓ മൈ ഡിയർ..
മാമകാശയം നിറഞ്ഞ മാരനാമേ നീ

ഘോരാന്ധകാരമയ ഭീകരമായ രാവിൽ
ആരാണു നീ പിണവുമായിവിടാഗമിച്ചോൾ
നേരായുരച്ചിടുക നിർമ്മലമാനസർക്ക്
ചേരാത്തതാം കപടകർമ്മമിതാചരിപ്പോൾ

കാപട്യമേതും അറിയില്ലൊരു കള്ളിയല്ല
പാപത്തിനാലിവിടെ വന്നൊരു ഖിന്നയത്രേ
ആപത്തിലേഴകളിലൻപിയലാതെ വീണ്ടും
താപത്തിലെന്നെയിനിയാഴ്ത്തരുതേ ദയാലോ

അന്യർക്കു തന്റെ തനു വിറ്റു നടപ്പവന്റെ
കണ്ണീരുകൊണ്ടു ഫലമില്ല നിനക്ക്ു ബാലേ
തന്നേടു കൂലി അഥവാ പിണവും ചുമന്നു
ചെന്നീടുകന്യദിശി എന്നെ വലച്ചിടാതെ

തോരാതശ്രുധാരാ-ഇതു തീരാതശ്രുധാരാ
ചേരാതെയായ് മഹിയിൽ ജീവിതം ഹാ

എന്തിനിനുയുമിഹ വാഴ്കയി
പാരിൽ ഞാൻ പരിതാപമയി
ആരാണൊരാശ ആഹാ നിരാശാ

എന്തെൻ മകനു പശിയാർന്നിടവേ
ഏകുവാൻ മിഴിനീരൊഴികേ
എന്തിനു ദേവീ മാതൃത്വമേകീ
തോരാതശ്രുധാരാ-ഇതു തീരാതശ്രുധാരാ

ആനന്ദമിയലൂ ബാലേ മനമാർന്നിടുമാശകളാകെ
തവമനമാർന്നിടുമാശകളാകെ നീ നേടി നേടി
ആനന്ദമിയലൂ ബാലേ മനമാർന്നിടുമാശകളാകെ
തവമനമാർന്നിടുമാശകളാകെ നീ നേടി നേടി
ആമോദമയമീ കാലേ ആശാവിലോലേ ഓ...ഓ...

ഓ... മഹിതമഹിതമീ മധുരവിചാരം
മാനവനാകാ ലോകേ-മാനവനാകാ ലോകേ
ഓ... മഹിതമഹിതമീ മധുരവിചാരം
മാനവനാകാ ലോകേ-മാനവനാകാ ലോകേ
മഹാഭാഗ്യവും മഹിമയുമശേഷം
കൈവെടിയാമിതിനാകേ
മഹാഭാഗ്യവും മഹിമയുമശേഷം
കൈവെടിയാമിതിനാകേ
കൈവെടിയാമിതിനാകെ
ആനന്ദമിയലൂ ബാലേ മനമാർന്നിടുമാശകളാകെ
തവമനമാർന്നിടുമാശകളാകെ നീ നേടി നേടി

അകാലേ ആരും കൈവിടും
നീ താനേ നിൻസഹായം
അകാലേ ആരും കൈവിടും
നീ താനേ നിൻസഹായം

സധീരം തുടരൂ നിൻ ഗതി
നീ താനേ നിൻസഹായം
നിരാശാലേശമെന്നിയേ 
പ്രവൃത്തി ചെയ്ക പോക
സഖാവേ സ്വപ്രയത്നമേ 
സുഖം നിനക്കു നൽകൂ
വിശാലം മഹിയിൽ നിൻവഴീ
നീ താനേ നിൻസഹായം
അകാലേ ആരും കൈവിടും
നീ താനേ നിൻസഹായം

അന്യവിയർപ്പിൻ ഫലമിനി 
തൊടായ്ക നീ വിഷം വിഷം ഹോ
തൊടായ്ക നീ വിഷം വിഷം
സഖാവേ. . .