സ്നേഹമേ ലോകം മനുജാ, സ്നേഹമേ ലോകം
ജീവിതാനന്ദം തരുമീ സ്നേഹമേ ലോകം
മനുജാ സ്നേഹമേ ലോകം

അന്യനായ് തൻ നേട്ടമെല്ലാം
സംത്യജിച്ചിടും മഹത്താം സ്നേഹമേ ലോകം
മനുജാ സ്നേഹമേ ലോകം

മാന്യനായ് വൻ മേടയേറി
വാണിടും കാലേ മനുജാ
സ്നേഹിതന്മാരെ മറന്നാൽ
പാപമേ പാപം മനുജാ
താപമേ താപം--- മനുജാ, താപമേ താപം

കൈകൾ നീട്ടി വാങ്ങിയോൻ
നൽകിയേ തീരൂ നാളെ
നീതിതൻ കണ്ണിൽപ്പെടും നീ
ദീനനാത്തീരും മനുജാ ദീനനായ്ത്തീരും മനുജാ
ദീനനായ്ത്തീരും

ആടിപ്പാടികാം നമ്മുടെ
പാടത്തെപ്പണി തീർന്നാൽ
പാടത്തെപ്പണി തീർന്നാൽ
അമ്പലമുറ്റത്താളുകൾ കൂടി-
ത്തുമ്പി കളിയ്ക്കാമെന്നാൽ
തുമ്പി കളിക്കാമെന്നാൽ

നീലിപ്പശുവിനു പാലുചുരത്താൻ
നീലക്കുയിലേ പാടൂ
നീലക്കുയിലേ പാടൂ
ആടും മയിൽ ഞാൻ പാടും കുയിൽ ഞാൻ
ആനന്ദത്താൽ നാളെ ആനന്ദത്താൽ നാളെ

നാടും വീടും നന്മകൾ വിളയാൻ
ചൂടിയ പൂക്കൾ പോലെ
ചൂടിയ പൂക്കൾ പോലെ
ആടിപ്പാടിപ്പോകാം നമ്മുടെ
പാടത്തെപ്പണി തീർന്നാൽ

അനുരാഗാമൃതം തൂകൂ തോഴാ
നീയെൻ ഹൃദന്തേ
അനുരാഗാമൃതം തൂകൂ തോഴീ
നീയെൻ ഹൃദന്തേ
അതുവീണെൻ പ്രാണൻ
നിന്നിലേക്കൊഴുകാനീ വസന്തേ

ഈ പ്രേമാനന്ദജീവിതം താനെനെന്നുമൊരാശാ
ഇനി നീയും ഞാനും മാത്രമാണിഹ വേറില്ലൊരാശാ

മലർവാടിയായ് ഞാൻ വാണിടാം
മലരായ് നീ വിരിഞ്ഞാൽ
ഇനി വേണ്ടാ വേണ്ടാ ജീവിതം
ദേവാ നീ പിരിഞ്ഞാൽ
ഇനി വേണ്ടാ വേണ്ടാ ജീവിതം
ദേവീ നീ പിരിഞ്ഞാൽ

ഒരുനവയുഗമേ കാണ്മൂ നാം
ഉടനൊരു നവയുഗമേ കാണ്മൂ നാം-
ഒരു നവ.... ഉടനൊരു......
പഴമകളെല്ലാം മാഞ്ഞുപോയിതാ
പുതുമകളുദയം ചെയ്തുപോയ്
പഴമ...ഒരുനവയുഗ..

അണിചേർന്നിതുപോലെ പോവുക നാം
അണിചേർന്നിതുപോലെ പോവുക നാം
വിജയം കാണാറായ്...
ആനന്ദചന്ദ്രൻ തെളിയുന്നു നീളെ
ആനന്ദചന്ദ്രൻ....
തെളിയുന്നിതാശാകിരണങ്ങളാലേ ലോകം
ജയമാർന്നിടും പോക നാം
എളിമയുമില്ല പെരുമയുമില്ല
ഒരുപോലെ എല്ലാരുമേ ഒരുപോലെ എല്ലാരുമേ
സമതയിലെല്ലാം കാണ്മു നാം
സമത....
പഴമകെളെല്ലാം മാഞ്ഞുപോയിതാ
പുതുമകളുദയം ചെയ്തുപോയ്

കോമളമൃദുപദേ മധുര
കേരളകവിതേ സുലളിത...
വാടികതോറുമിതാ മധുപം
തേടുകയാണമലേ -സതതം
കാകളിപാടിയ തുഞ്ചശുകീ-
സംഗീതമാധുരി മാനസമോഹിനി

സരസപദം പരിചിൽ- പാടി നീ
കാമുകസഹൃദയഹൃദയേ കഥകളിയാടിടവേ
ശിങ്കിടിപാടുകയാണുലകിൻ
മഞ്ജിമയാകവേ മോഹിനീ
ഗാഥകൾ പാടി മുദാ സുലഭ
കാന്തിയിലാറാടീ നവമണി ഗാഥകൾ
കങ്കണകിങ്കിണിയും കനകകാഞ്ചിയുമാർന്നു നീ
മാധവമാസമലർവനി പോൽ
മാമകമുന്നിൽ വാണാലും
-ഗാഥകൾ...

സ്വന്തം വിയർപ്പിനാൽ തൂമുത്തുകൾ ചിന്തും സഹോദരാ‍
പാവമല്ല നീ തോഴാ പാവമല്ല നീ

കായബലമാർന്നിടും മുതലാളിയാണു നീ
ധീരനാം തൊഴിലാളിയാണു നീ സഹജാ

ഐക്യധനമേ വേണ്ടൂ ജയമാല ചൂടുവാൻ
ചെങ്കതിർ പുലർകാലം നേടുവാൻ സഹജാ

മന്മഥമോഹനനേ വരൂ നീയെൻ മനമാർന്നിടും
നായകനേ പ്രിയനേ

മഞ്ജുളമീ മധുര മാദകയൌവനം
മതിവരുമാറിതിനെ നുകരുവതേ ജീവിതം

അഴലിയന്നാകുലരായ് കഴിയാനല്ലയീ ജന്മം
അമരസുഖസാധനം വെടിയാതെയീ ധനമഴകിൽ മനമുരുകി ആശകളെ തഴുകി
അമിതമാനന്ദം അടയുവതേ കാമിതം

അനന്താഭിരാമമതുലം സുമം താവുമൂഴിയഖിലം
മരന്ദാനുരാഗമഹിതം മനംതാനിതിൽ കാമിതം

എല്ലാം നശിച്ചൊടുവിലീ ഗതിയാകിലും ഞാ-
നുല്ലാസമാർന്നു നിജ ഭർതൃപദാന്തികത്തിൽ
കല്ലായിതോ തവ മനസ്സതുപോലുമിപ്പോ-
ളില്ലാതെയാക്കിയിവളെ കൊലചെയ്കയൊ ഹാ!

പൊയ്ക്കൊൾക തന്വീ വിധി നിശ്ചയമാണിതാറ്ക്കും
നീക്കാവതല്ല മരണത്തിനു മാറ്റമില്ല
കൈക്കൊൾക മറ്റു വരമേതുമെനിയ്ക്കു നിന്റെ
ദുഃഖത്തിലുണ്ടു സഹതാപമതോർത്തു നൽകാം

ഞാനന്തകൻ കഥ മറന്നു കടന്നുവന്നാൽ
ദീനത്വമോറ്ത്തു വിടുകില്ല വൃഥാ ധരിക്കൂ
പ്രാണൻ നിനക്കു പ്രിയമെങ്കിലുടൻ തിരിച്ചു
പോണം തകർത്തുവിടുമൊക്കെയുമന്യഥാ ഞാൻ

പ്രേമമേ പ്രേമമേ നിന്റെ പേരിൽ
പേ പിടിച്ചോടുന്നു ജീവിതങ്ങൾ
നീയോ വെറുമൊരു കാനൽജലം
കാമിനിക്കണ്ണിൻ മിരട്ടുമായം

എത്രപരിശുദ്ധ ജീവിതങ്ങൾ-
ക്കത്തലേകീ നീ കൊടും പിശാചേ
എത്ര മികച്ച യുവപ്രഭാവം
ദഗ്ദ്ധമായീല നിൻ ദൃഷ്ടിയിങ്കൽ

ലോകം മയക്കുന്ന ജാലവിദ്യേ
നാശമെന്നല്ലെ നിനക്കു നാമം
ഞാനൊരു യാചകൻ നിന്റെ മുൻപിൽ
ദീനനായ് നിൽക്കേണ്ട കാര്യമെന്തേ

പോകട്റ്റെ ഞാനെന്റെ പാടു നോക്കി
ഏകൂ തിരിച്ചെന്റെ ജീവിതം നീ

ജനകീയരാജ്യനീതിയിൽ
തൊഴിലാളിയിന്നും ഏഴയോ

സ്വാതന്ത്ര്യസൂര്യജ്യോതിയിൽ
ഇരുളോ പുലരുവതെങ്ങും
ഇന്നുമീ ഭേദഭാവമോ-ഗതി
ഏഴകൾക്കെന്നുമേവമോ

രാഷ്ടപിതാവിൻ ഭാവനയിൽ കണ്ട
രാമരാജ്യം ഇതുതാനോ
ജയിലേറിയും ഉയിരേകിയും
ജയം നേടിയ ജനത
തെരുവീഥിയിൽ മരുവീടുകിൽ അതു
നീതിയോ മനുജാ