ഇരുകയ്യും നീട്ടി തെരുവീഥിതോറും
അലയുന്നു ഞങ്ങൾ അഗതികൾ
കരുണയ്ക്കുവേണ്ടി കരൾപൊട്ടിപ്പാരം
കരയുന്നു ഞങ്ങൾ‍ അവശരായി
ഒരുവർക്കും കണ്ണില്ലിവരെക്കാണുവാൻ
ഒരുവർക്കും കാതില്ലിതുകേൾക്കാൻ
കനിവറ്റ ലോകം കരയറ്റ ശോകം
ഇവ രണ്ടും മാത്രമിവിടെയും
മണിമേട തോറും പരമഭാഗ്യത്തിൽ
പുരുമോദം തേടിക്കഴിയുവോർ
സഹജരായ് തങ്ങൾക്കൊരു കൂട്ടിനുണ്ടീ
തെരുവിലെന്നുള്ളാതറിവീല
ഒരു വശം പൂർണ്ണസുഖഭോഗം ലോകം
മറുവശം പൂർണ്ണദുരിതവും
ധനികന്റെ നീതിക്കിതിലൊന്നും കുറ്റം
പറയുവാനില്ലേ ദയനീയം.

ജീവിതമേ നീ പാഴിലായ് നിൻ
ആശകൾ കണ്ണീരിലായ്

കേഴുക മാനാസമേ ചുടുനീർ ചൊരിയൂ
ജീവിതം വെന്ത ചിതയിൽ നീളേ നീളേ കണ്ണീരിലായ്

അനുരാഗം പാടിയൊരെൻ മുരളി
മരണഭയങ്കരകാഹളമായ്
അപമാനിതമനമേ തകരുക നീ കണ്ണീരിലായ്

ഹാ പറയുക തോഴീ അകാരണം എൻ
മനമിടമുഴറാൻ വഴിയെന്തേ-എൻ മനമിടമുഴറാൻ വഴിയെന്തേ

ആ മധുരാനനമേ കാണ്മതിനായ്
ആ മധുമയനാദം കേൾ‍ക്കുവാൻ
ആ പാതകൾ തോറും മനോജ്ഞമാം പൊൻ-
മലർനിര ചൊരിയാൻ കൊതിയെന്തേ

പൂനിലാവിലും പുതിയ പൂവിലും
ആ രൂപം കാണ്മൂ കിനാവിലും
ഹാ പ്രേമമിതാണോ സഖീ സഖിയീ
വേദനയിതിനീ സുഖമെന്തേ

പോകാതെ സോദരാ ഭീരുവാകാതെ സോദരാ
ശോകങ്ങളെ ഭയന്നു നീ --പോകാതെ സോദരാ
ജീവിതം സഹോദരർക്കായ് നൽകിയതാണു നീ

പടപൊരുതിടാതെ കാമുകനായ്
വഴിമാറുകയോ നീ വഴിമാറുകയോ
സംഗ്രാമഭൂവിലേക്കു നീ വരൂ വരൂ വരൂ
കടമകളെ കൈവെടിഞ്ഞു പോകാതെ സോദരാ

കോമളകേരളമേ സസ്യശ്യാമളപൂവനമേ
സുന്ദരചന്ദനശീതള---

മാമലനിരചൂടീ വാരിധിയെത്തലോടീ
ചോലകളാൽ മധുരഗീതികകൾ പാടും

പൊന്മയമധുകാലമോഹനതനുവാർന്നെൻ
ജന്മദവസുധേ നീ ജയ ജനനീ
ജീവിതമലരാലേ ചേവടി വഴിപോലെ
പൂജചെയ്‌വൂ സകല ചാരുകലാനിലയേ

മഹനീയം തിരുവോണം മനോജ്ഞമലനാട്ടിൻ സുദിനം
പുതുമലരണിയാണങ്കണമെങ്ങും മലയാളത്തിൻ മധുമഴയെങ്ങും
പുതുമലരണിയാൽ ശോഭിതമെങ്ങും മലയാളത്തിൻ മധുമഴയെങ്ങും--ഓ..

ഹൃദയം കുളിർക്കും സുദിനം ആനന്ദമാണീ സുദിനം
മാവേലിതൻ പ്രിയ സദനം പൂകുന്നതാണീ സുദിനം---ഓ....

സന്തോഷകാലമെങ്ങും മതിവരുമാറഖിലരുമനിതരസൌഖ്യം
നേടുന്ന സുദിനം സാമോദം പാടുന്ന സുദിനം
നവവിലാസലോലം ദേശം
നാടും കാടും മേടും പുളകിതം മധുരമലനാട്ടിൻ സുദിനം

ആശകളെ വിടരാതിനിമേലെൻ
ആശകളെ വിടരാതിനിമേൽ

അതിവേദന ഹൃദയം കാർന്നിടവേ ചുടുനീരു സദാ വാർന്നിടവേ
സുഖഭാവി കിനാവായ് തീർന്നിടവേ സുഖചിന്തകളേ തുടരാതിനിമേൽ

എൻ ആശകളെ വിടരാതിനിമേലെൻ
ആശകളെ വിടരാതിനിമേൽ

വൻ ദാരിദ്ര്യത്തിൽ വാടാനായ് കണ്ണീരിലശേഷം മൂടാനായ്
പാഴായ് അവമാനം തേടാനായ് സന്തോഷലതേ പടരാതിനിമേൽ

അതിശോകസ്മരണതൻ തീവെയിലില് നീറിടുമെൻ മനമാം പാഴ്വയലില്
ആനന്ദം വീനടിയും വിളയിൽ ആഗ്രഹമേ വളരാതിനിമേൽ‍

വീശുക നീളെ വീശുക നീളെ
പ്രേമസംഗീതം പാടും തെന്നലേ

മൊഹമെൻ മാനസമുരളിയിൽ
പകരുകയാണതു ഞാൻ ഓമലേ

ആത്മാവിൻ പാതയിലൂടെ അഴകിന്റെ അഴകേ
അണയൂ നീ ചാലേ ആനന്ദം വഴിയേ
തേന്മൊഴിയേ വരൂനീളേ

ജീവിതമധുമാസരാത്രികളെ തഴുകി
അമ്പിളിച്ചാറീൽ ആറാടി ആറാടി
ആശകൾ വിരിയുന്ന മധുരവനിയില്
വീശുക നീളേ വീശുക നീളേ
പ്രേമസംഗീതം പാടും തെന്നലേ‍