ഒരു നിമിഷം തരൂ നിന്നിലലിയാൻ
ഒരു യുഗം തരൂ നിന്നെയറിയാൻ
നീ സ്വർഗ്ഗരാഗം ഞാൻ രാഗമേഘം (2)

നീലാംബരത്തിലെ നീരദകന്യകൾ
നിൻ‌നീലമിഴികണ്ടു മുഖം കുനിച്ചു (നീലാംബരത്തിലെ)
ആ നീലമിഴികളിൽ ഒരു നവസ്വപ്‌നമായ്
നിർമ്മലേ എന്നനുരാഗം തളിർത്തുവെങ്കിൽ
(ഒരു നിമിഷം)

നീർമുത്തു ചൂടിയ ചെമ്പനീർമൊട്ടുകൾ
നിൻ ചെഞ്ചൊടികണ്ടു തളർന്നുനിന്നു (നീർമുത്തു ചൂടിയ)
ആ ചെഞ്ചൊടികളിൽ ഒരു മൌനഗീതമായ്
ഓമലേ എൻ‌മോഹം ഉണർന്നുവെങ്കിൽ
(ഒരു നിമിഷം)

റസൂലേ നിൻ കനിവാലേ
റസൂലേ റസൂലേ
റസൂലേ നിൻ വരവാലേ
റസൂലേ റസൂലേ (2)
പാരാകെ പാടുകയായ് വന്നല്ലോ റബ്ബിൻ ദൂതൻ (2)
റസൂലേ നിൻ കനിവാലേ
റസൂലേ റസൂലേ
റസൂലേ നിൻ വരവാലേ
റസൂലേ റസൂലേ

താഹാ... താഹാ... താഹാ മുഹമ്മദ് മുസ്‌തഫാ..
താഹാ മുഹമ്മദ് മുസ്‌തഫാ..
പ്രവാചകാ നിൻ കണ്ണിൽ ചരാചരാരക്ഷകൻ
ഒരേയൊരു മഹാൻ മാത്രം (2) (പാരാകെ)

ഹിറാ... ഹിറാ... ഹിറാ ഗുഹയിൽ ഏകനായ്
ഹിറാ ഗുഹയിൽ ഏകനായ്
തപസ്സിൽ നീ അലിഞ്ഞപ്പോൾ
ഖുറാനും കൊണ്ടതാ
ജിമ്പിലിൽ വന്നണഞ്ഞല്ലോ (ഹിറാ) (പാരാകെ)

ചന്ദനത്തിൽ കടഞ്ഞെടുത്തൊരു സുന്ദരീ ശില്പം
മഞ്ഞുതുള്ളികൾ തഴുകിയൊഴുകും മധുരഹേമന്ദം
പ്രിയയോ കാമശിലയോ -
നീയൊരു പ്രണയഗീതകമോ
(ചന്ദനത്തിൽ )

ഗാനമേ നിൻ രാഗഭാവം താമരത്തനുവായ്
ഇതളിട്ടുണരും താളലയങ്ങൾ
ഈറൻ പൂന്തുകിലായ്
രതിയോ രാഗനദിയോ
നീ സുഖരംഗസോപാനമോ
(ചന്ദനത്തിൽ )

ഓമനേ നിൻ മന്ദഹാസം പൂനിലാക്കുളിരായ്
കുങ്കുമമണിയും ലോലകപോലം സന്ധ്യാമലരിതളായ്
മധുവോ - പ്രേമനിധിയോ
നീ സുഖ സ്വർ‌ഗ്ഗവാസന്തമോ
(ചന്ദനത്തിൽ )

പ്രിയതമാ.....പ്രിയതമാ..... 
പ്രണയലേഖനം എങ്ങിനെ എഴുതണം 
മുനികുമാരികയല്ലേ .......

പ്രിയതമാ പ്രിയതമാ 
പ്രണയലേഖനം എങ്ങിനെ എഴുതണം 
മുനികുമാരികയല്ലേ - ഞാനൊരു 
മുനികുമാരികയല്ലേ 
(പ്രിയതമാ... )

ചമത മുറിക്കും കൈവിരലുകളാല്‍ 
ഹൃദയതംബുരു എങ്ങിനെ മീട്ടും (2)
പ്രണവം ചൊല്ലും ചുണ്ടുകളാല്‍ ഞാന്‍ 
പ്രേമകാകളിയെങ്ങിനെ പാടും (2)
നാഥാ ... നാഥാ ... നീയെവിടെ 
(പ്രിയതമാ... )

മാലിനിനദിയില്‍ കണ്ണാടിനോക്കും
മാനേ പുള്ളിമാനേ
ആരോടും പോയ്‌ പറയരുതീക്കഥ
മാനേ പുള്ളിമാനേ
(മാലിനിനദിയില്‍...)

നിന്‍ മലര്‍മിഴികളില്‍ അഞ്ജനമെഴുതിയ
നിന്റെ ശകുന്തള ഞാന്‍ (2)
നിന്‍ പ്രിയസഖിയുടെ ചഞ്ചലമിഴിയുടെ
നിത്യകാമുകനല്ലോ ഞാന്‍
നിത്യകാമുകനല്ലോ (2)
(മാലിനിനദിയില്‍... )

കരിമ്പിന്റെ വില്ലുമായ്‌ കൈതപ്പൂവമ്പുമായ്
കണ്ണ്വാശ്രമത്തില്‍ വന്ന കാമദേവനല്ലയോ
കടമിഴിപ്പീലിയാല്‍ തളിരിലത്താളില്‍ നീ
കല്യാണക്കുറി തന്ന ദേവകന്യയല്ലയോ

ശംഖുപുഷ്‌പം കണ്ണെഴുതുമ്പോൾ
ശകുന്തളേ നിന്നെ ഓർമ്മ വരും
ശാരദസന്ധ്യകൾ മരവുരി ഞൊറിയുമ്പോൾ
ശകുന്തളേ നിന്നെ ഓർമ്മവരും (ശംഖുപുഷ്‌പം.. )
ശകുന്തളേ... ശകുന്തളേ ...

മാനത്തെ വനജ്യോത്സ്‌ന നനയ്‌ക്കുവാൻ പൗർണ്ണമി
മൺകുടം കൊണ്ടുനടക്കുമ്പോൾ (2)
നീലക്കാർമുകിൽ കരിവണ്ടുമുരളുമ്പോൾ 
നിന്നെക്കുറിച്ചെനിയ്ക്കോർമ്മ വരും
നിന്നെക്കുറിച്ചെനിയ്ക്കോർമ്മ വരും
ശകുന്തളേ... ശകുന്തളേ... (ശംഖുപുഷ്‌പം.. )

ആ .... ആ‍ ..... ആ...... ആ..... ആദ്യവസന്തമേ .....
ആദ്യവസന്തമേ ഈ മൂകവീണയിൽ ഒരു ദേവഗീതമായി നിറയുമോ
ആദ്യവർഷമേ തളിരിലത്തുമ്പിൽ ഒരു മോഹബിന്ദുവായ് കൊഴിയുമോ
(ആദ്യവസന്തമേ..)

ഏഴഴകുള്ളൊരു വാർമയിൽ പേടതൻ സൌഹൃദപ്പീലികളോടെ (2)
മേഘപടം തീർത്ത വെണ്ണിലാക്കുമ്പിളിൽ (2)
സാന്ത്വനനാളങ്ങളോടെ ...
ഇതിലേ വരുമോ.. ഇതിലേ വരുമോ..
രാവിന്റെ കവിളിലേ മിഴിനീർപ്പൂവുകൾ പാരിജാതങ്ങളായ് മാറാൻ..
(ആദ്യവസന്തമേ..)

കിഴക്കേ മലയിലെ വെണ്ണിലാവൊരു 
കൃസ്ത്യാനിപ്പെണ്ണ്
കഴുത്തില്‍ മിന്നും പൊന്നും ചാര്‍ത്തിയ 
കൃസ്ത്യാനിപ്പെണ്ണ്
(കിഴക്കേ..)

അവള്‍ ഞൊറിഞ്ഞുടുത്തൊരു മന്ത്രകോടിയില്‍
ആയിരം സ്വര്‍ണ്ണക്കരകള്‍
അഹഹാ....അഹഹാ.... ആ.. 
അവള്‍ ഞൊറിഞ്ഞുടുത്തൊരു മന്ത്രകോടിയില്‍
ആയിരം സ്വര്‍ണ്ണക്കരകള്‍
അവളുടെ നീലാഞ്ജനമണിയറയില്‍
ആയിരം വെള്ളിത്തിരികള്‍
കെടുത്തട്ടേ നിന്റെ കിടക്കറ വിളക്കുഞാന്‍ കെടുത്തട്ടേ
മടിയില്‍ കിടത്തട്ടേ
(കിഴക്കേ..)

സന്യാസിനീ ഓ... ഓ...
സനാസിനീ‍ നിൻ പുണ്യാശ്രമത്തിൽ ഞാൻ
സന്ധ്യാപുഷ്‌പവുമായ് വന്നു
ആരും തുറക്കാത്ത പൂമുഖവാതിലിൽ
അന്യനെപ്പോലെ ഞാൻ നിന്നു
(സന്യാസിനീ)

നിന്റെ ദുഖാർദ്രമാം മൂകാശ്രുധാരയിൽ
എന്റെ സ്വപ്‌നങ്ങളലിഞ്ഞു
സഗദ്‌ഗദം എന്റെ മോഹങ്ങൾ മരിച്ചു
നിന്റെ മനസ്സിന്റെ തീക്കനൽ കണ്ണിൽ വീണെന്റെയീ പൂക്കൾ കരിഞ്ഞു
രാത്രി പകലിനോടെന്നപോലെ
യാത്ര ചോദിപ്പൂ ഞാൻ
(സന്യാസിനീ)

നിന്റെ ഏകാന്തമാം ഓർമ്മതൻ വീഥിയിൽ
എന്നെയെന്നെങ്കിലും കാണും
ഒരിക്കൽ നീ എന്റെ കാൽപ്പാടുകൾ കാണും
അന്നുമെന്നാത്മാവ് നിന്നോടു മന്ത്രിക്കും

ചാഞ്ഞുനിൽക്കണ പൂത്തമാവിന്റെ കൊമ്പത്തെ ചില്ലയിൽ കേറിയത്
പൂർണ്ണതിങ്കളെ കാണാനല്ല പൂ പറിക്കാനല്ല
പാതിരാവിലീ പാലമരത്തിൽ മൂങ്ങ മൂന്നു ചിലയ്‌ക്കുമ്പോൾ
ഓർത്തുകെട്ടിയ കയറിന്റെ തുമ്പത്ത് തൂങ്ങിമരിക്കും
ഞാനിന്ന് തൂങ്ങിമരിക്കും ഞാൻ
(ചാഞ്ഞുനിൽക്കണ)