ഹൃദയഗീതമായ് കേൾപ്പു ഞങ്ങളാ..സ്നേഹഗാനധാര...

വിശ്വമാകവേ പുൽകി നിൽക്കുമാ ജീവരാഗധാര...

അഴലാഴി പോലെ..തൊഴുകൈകളോടെ..

ആ പ്രേമ മന്ത്രമുരുവിട്ടു ഞങ്ങൾ പാടുന്നു..

ഹൃദയഗീതമായ് കേൾപ്പു ഞങ്ങളാ..സ്നേഹഗാനധാര...





നിന്റെ മനോഹരനാമാവലികൾ പാടി കടലും കരയും..

നിന്നോടലിയാൻ ശ്രുതി മീട്ടുന്നു പാവം മാനവ ജന്മം..

ഒന്നു നീ കൈ ചേർക്കുകിൽ..കരൾനിറഞ്ഞൊരമൃതം...അമൃതം..

ഹൃദയഗീതമായ് കേൾപ്പു ഞങ്ങളാ..സ്നേഹഗാനധാര...





ജീവിതവീഥിയിൽ ഇരുളണയുമ്പോൾ..സാന്ത്വനനാദം നീയേ..

ആ....
എന്നും നിന്നെ പൂജിക്കാം..പൊന്നും പൂവും ചൂടിക്കാം..
വെണ്ണിലാവിൻ വാസന്ത ലതികേ...
എന്നും എന്നും എൻ മാറിൽ..മഞ്ഞു പെയ്യും പ്രേമത്തിൻ..
കുഞ്ഞുമാരി കുളിരായ് നീയരികേ...
ഒരു പൂവിൻ‌റെ പേരിൽ നീ ഇഴനെയ്യത രാഗം..
ജീവൻ‌റെ ശലഭങ്ങൾ കാതോർത്തിരുന്നു...
ഇനിയീ നിമിഷം വാചാലം...

അനിയത്തിപ്രാവിനു പ്രിയരിവർ നൽകും ചെറുതരി സുഖമുള്ള നോവ്..
അതിൽ തെരു തെരെ ചിരിയുടെ പുലരികൾ നീന്തും മണിമുറ്റമുള്ളൊരു വീട്..
ഈ വീട്ടിലെന്നുമൊരു പൊന്നോമലായ്..മിഴി പൂട്ടുമോർമ്മയുടെ താരാട്ടുമായ്..
നിറഞ്ഞുല്ലാസ്സമെല്ലാർക്കും നൽകീടും ഞാൻ..
അനിയത്തിപ്രാവിനും പ്രിയരിവർ നൽകും ചെറുതരി സുഖമുള്ള നോവ്..
അതിൽ തെരു തെരെ ചിരിയുടെ പുലരികൾ നീന്തും മണിമുറ്റമുള്ളൊരു വീട്..

ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എൻ പ്രാണനിലുണരും ഗാനം..
അറിയാതെ ആത്മാവിൽ ചിറകു കുടഞ്ഞോരഴകെ..
നിറമിഴിയിൽ ഹിമകണമായ് അലിയുകയാണീ വിരഹം..
ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എൻ പ്രാണനിലുണരും ഗാനം..

ജന്മങ്ങളായ്..പുണ്യോദയങ്ങളായ്..കൈവന്ന നാളുകൾ..
കണ്ണീരുമായ്..കാണാക്കിനാക്കളായ്..നീ തന്നൊരാശകൾ..
തിരതല്ലുമെതു കടലായ് ഞാൻ..തിരയുന്നതെതു ചിറകായ് ഞാൻ..
പ്രാണന്റെ നോവിൽ..വിടപറയും കിളിമകളായ്..എങ്ങു പോയി നീ..
ഓ പ്രിയേ..പ്രിയേ നിനക്കൊരു ഗാനം..
ഓ..പ്രിയേ..എൻ പ്രാണനിലുണരും ഗാനം..

പുഴയോരത്തിൽ പൂത്തോണിയെത്തീലാ...
മന്ദാരം പൂക്കും..മറുതീരത്താണോ..
പുന്നാഗം പൂക്കും പുഴയോരത്താണോ..
ആരാനും കണ്ടോ ദൂരെയെൻ പൂത്തോണി...
പുഴയോരത്തിൽ പൂത്തോണിയെത്തീലാ...
പുഴയോരത്തിൽ പൂത്തോണിയെത്തീലാ...



തോണിക്കാർ പാടും ഈണങ്ങൾ മാഞ്ഞും..
കാതോർത്തു തീരത്താരോ തേങ്ങുന്നു...
തോണിക്കാർ പാടും ഈണങ്ങൾ മാഞ്ഞും..
കാതോർത്തു തീരത്താരോ തേങ്ങുന്നു...
മാണിക്യനാഗം വാഴും കടവിൽ..
മാരിവില്ലോടം നീന്തും പുഴയിൽ..
ആരാരോ കണ്ടെന്നോതി..നാടോടി കിളിയോ...
പുഴയോരത്തിൽ പൂത്തോണിയെത്തീലാ...
മന്ദാരം പൂക്കും..മറുതീരത്താണോ..

മാനസേശ്വരീ - മാപ്പു തരൂ
മാനസേശ്വരീ മാപ്പു തരൂ
മറക്കാന്‍ നിനക്ക് മടിയാണെങ്കില്‍
മാപ്പു തരൂ - മാപ്പു തരൂ 
(മാനസേശ്വരീ..)

ജന്മ ജന്മാന്തരങ്ങളിലൂടെ
രണ്ടു സ്വപ്നാടകരെപ്പോലെ (2)
കണ്ടുമുട്ടിയ നിമിഷം നമ്മള്‍ -
ക്കെന്താത്മ നിര്‍വൃതിയായിരുന്നു (2)
ഓ...
(മാനസേശ്വരീ..)

ദിവ്യ സങ്കല്‍പങ്ങളിലൂടെ
നിന്നിലെന്നും ഞാനുണരുന്നു (2)
നിര്‍വ്വചിക്കാനറിയില്ലല്ലോ
നിന്നൊടെനിക്കുള്ള ഹൃദയവികാരം (2)
ഓ...
(മാനസേശ്വരീ..)

താഴമ്പൂ മണമുള്ള തണുപ്പുള്ള രാത്രിയിൽ
തനിച്ചിരുന്നുറങ്ങുന്ന ചെറുപ്പക്കാരീ
പൂമുഖ കിളിവാതിൽ അടയ്ക്കുകില്ല
കാമിനി നിന്നെ ഞാൻ ഉറക്കുകില്ല
(താഴമ്പൂ..)

ആരും കാണാത്തൊരന്തപ്പുരത്തിലെ
ആരാധനാ മുറി തുറക്കും ഞാന്‍ (2)
ഈറനുടുത്തു നീ പൂജയ്ക്കൊരുങ്ങുമ്പോൾ
നീലക്കാർവർണ്ണനായ്‌ നിൽക്കും ഞാൻ (2)
(താഴമ്പൂ..)

എതോ കിനാവിലെ ആലിംഗനത്തിലെ
എകാന്ത രോമാഞ്ചമണിഞ്ഞവളേ (2)
ഓമനച്ചുണ്ടിലെ പുഞ്ചിരി പൂക്കളിൽ
പ്രേമത്തിൻ സൗരഭം തൂകും ഞാൻ (2)
(താഴമ്പൂ..)

ചെത്തി മന്ദാരം തുളസി 
പിച്ചക മാലകള്‍ ചാര്‍ത്തി 
ഗുരുവായൂരപ്പാ നിന്നെ 
കണി കാണേണം
(ചെത്തി..)

മയില്‍പ്പീലി ചൂടിക്കൊണ്ടും 
മഞ്ഞത്തുകില്‍ ചുറ്റിക്കൊണ്ടും 
മണിക്കുഴലൂതിക്കൊണ്ടും 
കണി കാണേണം (മയില്‍..)
(ചെത്തി..)

വാകച്ചാര്‍ത്ത് കഴിയുമ്പോള്‍ 
വാസനപ്പൂവണിയുമ്പോള്‍ 
ഗോപികമാര്‍ കൊതിക്കുന്നോ-
രുടല്‍ കാണേണം (വാക..)
(ചെത്തി..)

അഗതിയാമടിയന്റെ 
അശ്രു വീണു കുതിര്‍ന്നോരീ 
അവില്‍പ്പൊതി കൈക്കൊള്ളുവാന്‍ 
കണി കാണേണം (അഗതി..)
(ചെത്തി..)

പേരറിയാത്തൊരു നൊമ്പരത്തെ പ്രേമമെന്നാരോ വിളിച്ചു (2)
മണ്ണിൽ വീണുടയുന്ന തേൻ‌കുടത്തെ
കണ്ണുനീരെന്നും വിളിച്ചു (2)
(പേരറിയാത്തൊരു)

തങ്കത്തിൻ നിറമുള്ള മായാമരീചിയെ
സങ്കൽപ്പമെന്നുവിളിച്ചു
മുറിവേറ്റുകേഴുന്ന പാഴ്‌മുളം തണ്ടിനെ
മുരളികയെന്നും വിളിച്ചു (2)
(പേരറിയാത്തൊരു)

മണിമേഘബാഷ്‌പത്തിൽ ചാലിച്ച വർണ്ണത്തെ
മാരിവില്ലെന്നു വിളിച്ചു
മറക്കുവാനാകാത്ത മൌനസം‌ഗീതത്തെ
മാനസമെന്നും വിളിച്ചു (2)
(പേരറിയാത്തൊരു)

ചെട്ടിക്കുളങ്ങര ഭരണിനാളിൽ‍
ഉത്സവം കണ്ടുനടക്കുമ്പോൾ
കുപ്പിവള കടയ്‌ക്കുള്ളിൽ ചിപ്പിവളക്കുലയ്‌ക്കിടയിൽ
ഞാൻ കണ്ടൊരു പുഷ്‌പമിഴിയുടെ തേരോട്ടം
തേരോട്ടം തേരോട്ടം തേരോട്ടം
(ചെട്ടിക്കുളങ്ങര)

കണ്ടാൽ അവളൊരു തണ്ടുകാരി
മിണ്ടിയാൽ തല്ലുന്ന കോപക്കാരി
ഓമൽക്കുളിർ മാറിൽ സ്വർണ്ണവും
ഉള്ളത്തിൽ ഗർവ്വും ചൂടുന്ന സ്വത്തുകാരി
അവളെന്റെ മൂളിപ്പാട്ടേട്ടുപാടി
അതുകേട്ടു ഞാനും മറന്നുപാടി
പ്രണയത്തിൻ മുന്തിരിത്തോപ്പുരുനാൾ കൊണ്ട്
കരമൊഴിവായ് പതിച്ചുകിട്ടി
ഓ... ഓ... ഓ... ഓ...
(ചെട്ടിക്കുളങ്ങര)