ആ..ആ..ആ..ആ
അറബിക്കഥയിലെ രാജകുമാരി
അനുരാഗസാമ്രാജ്യറാണി
വിവാഹരജനിയിൽ എന്റെ വീട്ടിൽ
വിരുന്നു പാർക്കാൻ നീ വരുമോ (അറബി...)

മാനസസ്സരസ്സിലെ മലരുകളാൽ
മാറത്ത്‌ പൂമാല ചാർത്തീ ഞാൻ (2)
എന്റെ ചിന്തയ്ക്കു ചിലങ്ക നൽകി(2)
ഏകാന്ത രാജകുമാരീ (അറബി...)

ആയിരം സ്വപ്നങ്ങൾ നിന്റെ മുന്നിൽ
അല്ലിപ്പൂത്താലവുമായ്‌ അണി നിരന്നു (2)
ആശാസദനത്തിൽ വിളക്കു വെച്ചു നീ(2)
അജ്ഞാതരാജകുമാരീ (അറബി...)

അമ്പിളിക്കാരയിലുണ്ണിയപ്പം
ഉമ്മായ്ക്കൊരിത്തിരി ഉപ്പായ്ക്കൊരിത്തിരി
ഉണ്ണിക്കോ?
ഉണ്ണിക്കു തിന്നാൻ ഒത്തിരിയൊത്തിരി (അമ്പിളി...)

മേലേ വീട്ടിലടുക്കളയിൽ 
നീലമുകിലിന്നടുപ്പുകല്ലിൽ (2)
മാനത്തെ മൂത്തമ്മ മക്കൾക്കു നൽകാൻ
നേരമിരുട്ടുമ്പോൾ നെയ്യപ്പം വാർക്കും (അമ്പിളി...)

കുഞ്ഞിക്കൈ രണ്ടിലും കാപ്പു വേണം
കുട്ടിക്കുപ്പായവും തളയും വേണം (2)
ഒപ്പത്തിനൊപ്പം രണ്ടു കവിളത്തും
ഉപ്പാടെ ചുണ്ടുകൊണ്ടുമ്മ വേണം (2)

സീമന്തരേഖയിൽ നിന്റെ

സിന്ദൂര രേഖയിൽ

മന്ദസമീരനായ്‌ ഇന്നലെ ഞാൻ വന്നു

ചുംബിച്ചു ചുംബിച്ചുണർത്തീ (സീമന്ത..)

നീയുണർന്നപ്പോൽ നീയറിയാതെ ഞാൻ

നീല നീലവിലലിഞ്ഞു

പ്രാലേയ ശീതള ചന്ദ്രകിരണമായ്‌

നീലാളകങ്ങളെ ഞാൻ തഴുകി (സീമന്ത..)

വീണയിൽ നിന്നും കരലാളനത്താൽ

വിരഹ ഗാനം നീയൊഴുകുമ്പോൾ

ഞാനൊരു കിളിയായ്‌ ജാലകപ്പടിയിൽ

ഗാനം കേൾക്കാൻ വന്നിരുന്നു.. (സീമന്ത..)

കരുണ സാഗരാ കൈതൊഴുന്നേൻ.. ശൗരേ
കരുണ സാഗരാ കൈതൊഴുന്നേൻ..
കാമ്യവരദ മുരഹര ശരണം ശൗരേ
കാമ്യവരദ മുരഹര ശരണം ശൗരേ
കരുണ സാഗര കൈതൊഴുന്നേൻ..

യുഗയുഗ ധർമ്മങ്ങളെ പാലനം ചെയ്യും നാഥാ..
യുഗയുഗ ധർമ്മങ്ങളെ പാലനം ചെയ്യും നാഥാ
നന്ദനന്ദന നളിനലോചനനേ.. ശൗരേ
നന്ദനന്ദന നളിനലോചനനേ ശൗരേ
കരുണ സാഗര കൈതൊഴുന്നേൻ..

ആ വിധം പെണ്ണുങ്ങൾ ഭൂമീലുണ്ടോ
മാനത്തൂന്നെങ്ങാനും പൊട്ടി വീണോ
വന്നാട്ടെ പോയ് നോക്കാം തങ്കക്കുടം ഈ
വയറും തലയും ഞാൻ സൂക്ഷിച്ചോളാം

പൊന്നിൻ കട്ടയാണെന്നാലും
നെഞ്ചിൽ കൊണ്ടാൽ മറിഞ്ഞു വീഴും
പൊന്നിൻ സൂചിയാണെന്നാലും
കണ്ണിൽ കൊണ്ടാൽ മുറിഞ്ഞു നോവും
പൊന്നിപ്പെണ്ണേ പൊങ്ങിപ്പൊങ്ങി (2)
മാനം മുട്ടല്ലേ
പൊരുളും കരളും കവർന്നെടുത്തു കൊല്ലിച്ചേക്കല്ലേ
ആ...ആ...ആ‍...... (പൊന്നിൻ...)

നീർവഞ്ഞികൾ പൂത്തു
നീർമാതളം പൂത്തു
ചന്ദ്രഗിരിപ്പുഴയിൽ നിന്നുടെ
ചന്ദനത്തോണി വന്നടുത്തു
ആയിരം കൈയ്യാൽ എതിരേല്പ് ആനന്ദ
ത്തിടമ്പിനു വരവേല്പ് (നീർവഞ്ഞികൾ...)

ആയിരം കൈകളിൽ പൊൻ താലം
ആയിരം കളമൊഴി സംഗീതം
പട്ടും വെള്ളയും വഴിയിൽ വിരിച്ചതു
പാതിരാവും പൂത്ത നിലാവും
കൊട്ടിനൊപ്പം കുഴൽ വിളിച്ചതു
കൊട്ടാരത്തിലെ വളർത്തു കിളി
മണിയറവിളക്കുകൾ കൺ തുറന്നൂ
മദനൻ പെണ്ണിനെ കൊണ്ടു വന്നൂ
മാണിക്ക്യക്കട്ടിൽ ആട്ടുകട്ടിൽ
ആലോലമാടട്ടെ തോഴിമാരെ

ഇത്തിരിമുല്ലപ്പൂമൊട്ടല്ലാ
ഈർക്കിലിമുല്ലപ്പൂ മൊട്ടല്ലാ (2)
ഇന്നലെ നാം കണ്ട കളിപ്പെണ്ണല്ലീ
ഇന്ദീവരാക്ഷിയാം സുന്ദരിയാൾ (ഇത്തിരി...)

വേണ്ടാതനമിതു പറയണ്ട
വെറും വാക്കോതും തോഴികളേ...
പൂത്തനിലഞ്ഞിച്ചോട്ടിലുറങ്ങും
പൂവാംകുരുന്നില തൈയ്യല്ലാ
പൂവാംകുരുന്നില തൈയ്യല്ലാ (ഇത്തിരി...)

മറക്കുടക്കാലിൽ മന്മഥൻ വളർത്തിയ
മന്ദാരലതയല്ലോ -പൂത്ത
മന്ദാരലതയല്ലോ
കളിയാക്കരുതേ കളിവാക്കരുതേ
കരിനാക്കെന്തിനു കളിത്തോഴീ.. (ഇത്തിരി...)

വനവേടൻ അമ്പെയ്ത വർണ്ണമയിലേ മാറിൽ

ശരമേറ്റു പിടയുന്ന സ്വർണ്ണമയിലേ (2)

മരണനൃത്തമാടൂ രുധിരനൃത്തമാടൂ

പ്രതികാര നൃത്തമാടൂ പ്രതികാര നൃത്തമാടൂ(വനവേടൻ...)

കാട്ടാളൻ ഞെരിക്കുന്ന കണ്ഠത്തിൽ നിന്നൊഴുകും

പാട്ടിന്റെ താളത്തിനൊപ്പമായ് (2)

ചാട്ട തൻ അടിയേറ്റു ചിതറിത്തെറിച്ചൊരു

രക്തം തുളുമ്പുമീ വേദിയിൽ (വനവേടൻ...)

മൃത്യുവിന്റെ രംഗപൂജ നൃത്തത്തിനൊപ്പമായ്

പൊട്ടിപ്പൊട്ടിത്തെറിക്കട്ടെ ചങ്ങല (2)

തീ പിടിച്ച മയിൽപ്പീലി ചുറ്റും ചിതറുന്ന

തീപ്പൊരിയാലുയരട്ടെ പാവകൻ (വനവേടൻ...)

കരചരണത്തിനു ശക്തി നൽകുക

മങ്കമാരെ മയക്കുന്ന കുങ്കുമം
മാംഗല്യപ്പൊട്ടിനുള്ള മലർകുങ്കുമം ആഹാ
മലർകുങ്കുമം
മറുനാടൻ കുങ്കുമം മയിലാഞ്ചി വേണം
ആർക്കു വേണം ഓ...ആർക്കു വേണം ഓ...
ആർക്കു വേണം (മങ്കമാരെ..)

ഓ..ഓ...ഓ..
മാരിവില്ലിൻ നിറമുള്ള ഓ..ഓ..ഓ..
മാരിവില്ലിൻ നിറമുള്ള മായകുങ്കുമം
വടനാട്ടിൽ നിന്നു വന്ന വർണ്ണകുങ്കുമം
കാശ്മീരിൽ നിന്നു വരും കസ്തൂരി കുങ്കുമം(2)
മായ്ച്ചാലും മായാത്ത മഞ്ഞ കുങ്കുമം ഹോ (മങ്കമാരെ...)

ആയിരം ഫണമെഴും ആദിശേഷരേ

ആനന്ദമൂർത്തേ വന്നാലും (2)

പ്രേമസ്വരൂപൻ ആ..ആ...ആ

പ്രേമസ്വരൂപൻ കമലാകാന്തനു

പൂമെത്ത തീർക്കുന്ന ദേവാ  (ആയിരം...)

പാൽക്കടൽ കടയുമ്പോൾ കടകോൽ ചുറ്റുവാൻ

പാശം തീർത്തൊരു വാസുകിയെ (2)

അക്ഷയധർമ്മം പുലരുവാൻ ഉഗ്രനാം (2)

ശിക്ഷകനായ്‌ വരും തക്ഷകനേ (ആയിരം...)

ചാരുവാം രാഗതരംഗങ്ങളുയരുമീ

ക്ഷീരസാഗരത്തിൽ നീന്തി നീന്തി വന്നു (2)

ആനന്ദ നർത്തനത്തിൽ ആ...ആ.ആ.

താളത്തിലാടിയാടി

അടിയന്റെ വിശ്വാസമലർ ചൂടി (ആയിരം..)