നഗരം നഗരം മഹാസാഗരം മഹാസാഗരം
കളിയും ചിരിയും മേലേ 
ചളിയും ചുഴിയും താഴെ
പുറമേ പുഞ്ചിരി ചൊരിയും സുന്ദരി
പിരിയാന്‍ വിടാത്ത കാമുകി
പിരിയാന്‍ വിടാത്ത കാമുകി
നഗരം നഗരം മഹാസാഗരം മഹാസാഗരം

സ്നേഹിക്കുന്നു കലഹിക്കുന്നു
മോഹഭംഗത്തിലടിയുന്നു
നുരകള്‍ തിങ്ങും തിരകളെപ്പോലെ
നരരാശികളിതിലലയുന്നു
നഗരം നഗരം മഹാസാഗരം മഹാസാഗരം

കുതിച്ചു പായും നഗരിയിലൊരു ചെറു-
കൂര ചമയ്ക്കുവതെങ്ങിനെ ഞാൻ‍
പാരാവാരത്തിരയില്‍ എന്നുടെ
പവിഴദ്വീപു തകര്‍ന്നാലോ

അരപ്പിരിയിളകിയതാര്‍ക്കാണ്
എനിക്കല്ലാ - എനിക്കല്ല 
എല്ലാര്‍ക്കും എല്ലാര്‍ക്കും പിരിയിളക്കം
പിരിയിളക്കം - ആ പിരിയിളക്കം
(അരപ്പിരി... )

പാരില്‍ നടക്കുന്നു രാവും പകലും
പണമെന്ന മൂര്‍ത്തിക്കു പൂജ (2)
പാമരനാട്ടെ പണ്ഡിതനാട്ടെ
പണമാണെല്ലാര്‍ക്കും രാജാ
ആ പണമാണെല്ലാര്‍ക്കും രാജാ 
(അരപ്പിരി... )

കാലില്‍ നടന്നും കാറില്‍ ഇരുന്നും 
കാലത്തുതൊട്ടേ ഓട്ടം
പണമാം മുന്തിരി കൊടുത്താല്‍ കാണാം
മനുഷ്യക്കുരങ്ങിന്റെ ചാട്ടം
ആ മനുഷ്യക്കുരങ്ങിന്റെ ചാട്ടം
(അരപ്പിരി... )

ഏതു കൂട്ടില്‍ നീ പിറന്നു താമരക്കിളിയേ
ഏതു കാട്ടില്‍ നീ വളര്‍ന്നു പൂമരക്കിളിയേ
ഏതു വിധി തന്‍ കാറ്റിലൂടെ പറന്നു പാറി വന്നൂ 
എന്റെ മാനസ മലര്‍വാടികയില്‍ താമസിച്ചീടാന്‍
(ഏതു കൂട്ടില്‍... )

നീ പറക്കും വാനില്‍ നാളെ കാര്‍മുകില്‍ മുട്ടുമ്പോള്‍
നിന്റെ വഴിയില്‍ കണ്ണുനീരിന്‍ പ്രളയമേറുമ്പോള്‍
ഏതു ചെമ്പകമാമരത്തില്‍ ചേയ്ക്കിരിക്കും നീ
ഏതിണക്കിളി നിന്‍ ഗതിയില്‍ കൂട്ടു വന്നീടും
(ഏതു കൂട്ടില്‍... )

മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം... 

മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം - ഹയ്
മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം 
കാട്ടുമരങ്ങളില്‍ കരിവീട്ടിയാണു നീ
വീട്ടുമൃഗങ്ങളില്‍ സിന്ധിപ്പശു

ദാനശീലത്തിലോ കര്‍ണ്ണന്റെ ചേച്ചി നീ
കാണുന്ന പുഴകളില്‍ പമ്പയല്ലോ (2)
കാറിന്റെ കൂട്ടത്തില്‍ പുത്തന്‍ ഫിയറ്റു നീ
കായല്‍നിരകളില്‍ കൈതപ്പുഴ (2)- ഹയ്
കായല്‍നിരകളില്‍ കൈതപ്പുഴ
മാമ്പഴക്കൂട്ടത്തില്‍ മല്‍ഗോവയാണു നീ
മാസങ്ങളില്‍ നല്ല കന്നിമാസം

കോയിക്കോട്ടങ്ങാടീലെ കോയാക്കന്റെ കടയിലെ
കോയീന്റെ കറിയുടെ ചാറ് - അഹ്ഹാ
വായക്കാ വറുത്തതും ജോറ്
കൊച്ചീലങ്ങാടീലുള്ള കൊച്ചീക്കാന്റെ ഹോട്ടലില്
വെച്ചുള്ള കരിമീന്റെ ചാറ് - മുന്നില്
വെച്ചാലോ മാറും ഞമ്മടെ മോറ് 

അമ്പലക്കുളങ്ങരെ എമ്പ്രാന്റെ കടയിലെ
തുമ്പപ്പൂ പോലുള്ള ചോറ് - കൂട്ടാന്‍
എമ്പ്രാത്തി വെച്ച സാമ്പാറ് 

കൊല്ലത്തുള്ളോരു ചിന്നക്കടയിലെ
പുള്ളിക്കാരന്‍ പുള്ളേച്ചന്റെ
അവിയലു പൊരിയലു തീയലു കണ്ടാല്‍ കോള്
വായില്‍ ആവിക്കപ്പല്‍ മൂളിവരുന്നൊരു ചേല്
(കോയിക്കോട്ടങ്ങാടീലെ... )

നാഗസ്വരത്തിന്റെ നാദം കേള്‍ക്കുമ്പോള്‍ 
നാണം കുണുങ്ങല്ലേ - പെണ്ണേ
നാണം കുണുങ്ങല്ലേ (2)

കൂട്ടുകാരൊന്നായി കുരവയിടുംനേരം
കൂട്ടംവെടിയല്ലേ - പെണ്ണേ
കൂട്ടംവെടിയല്ലേ (2)

മണ്ഡപംതന്നില്‍ നിന്‍ കൈപിടിച്ചമ്മായി
കൊണ്ടുചെന്നാക്കുമ്പോള്‍ - നിന്നെ
കൊണ്ടുചെന്നാക്കുമ്പോള്‍ (2)

നാലാളു കാണ്‍കെ നീ നാണിച്ചു നാണിച്ചു
കാലുവിറയ്ക്കല്ലേ - നിന്നുടെ 
കാലുവിറയ്ക്കല്ലേ (2)

നാഗസ്വരത്തിന്റെ നാദം കേള്‍ക്കുമ്പോള്‍ 
നാണം കുണുങ്ങല്ലേ - പെണ്ണേ
നാണം കുണുങ്ങല്ലേ 

വെണ്ണിലാവുദിച്ചപ്പോള്‍ വിണ്ണില്‍ നിന്നൊരു നല്ല
കുഞ്ഞിക്കിനാവിന്റെ കുരുവി വന്നൂ
കുരുവി വന്നൂ (2)

കണ്‍പീലിക്കിളിവാതിലടച്ചിട്ടുമതില്‍ക്കൂടി
എന്നുള്ളില്‍ ഇളംകിളി കടന്നുവന്നു (2)

വെണ്ണിലാവുദിച്ചപ്പോള്‍ വിണ്ണില്‍ നിന്നൊരു നല്ല
കുഞ്ഞിക്കിനാവിന്റെ കുരുവി വന്നൂ
കുരുവി വന്നൂ 

പൈങ്കിളിക്കിരിക്കുവാന്‍ ചെമ്പകക്കുടയില്ല
കൊമ്പത്ത് പൂവില്ല തളിരുമില്ല (2)
മോഹത്തിന്‍ നൂലിനാല്‍ ഞാന്‍
കാലിന്മേല്‍ കെട്ടിയിട്ടു സ്നേഹത്തി -
ന്നത്തിപ്പഴം കൊടുത്തിരുത്തി

മാനത്തുള്ളൊരു വല്ല്യമ്മാവനു 
മതമില്ലാ ജാതിയുമില്ലാ (2)
പൊന്നോണത്തിനു കോടിയുടുക്കും
പെരുന്നാളിനു തൊപ്പിയിടും (2)
മാനത്തുള്ളൊരു വല്ല്യമ്മാവനു 
മതമില്ലാ ജാതിയുമില്ലാ

ഓണനിലാവു പരന്നപ്പോള്‍
പാലടവെച്ചു വിളിച്ചല്ലോ (2)
വലിയ പെരുന്നാള്‍ വന്നപ്പോള്‍
പത്തിരി ചുട്ടു വിളിച്ചല്ലോ (2)
മാനത്തുള്ളൊരു വല്ല്യമ്മാവനു 
മതമില്ലാ ജാതിയുമില്ലാ

ഓടും നേരം കൂടെ വരും
ഓരോ കളിയിലും കൂടീടും (2)
കാട്ടുപുഴയില്‍ കുളിച്ചിടും
കരിമുകില്‍ കണ്ടാല്‍ ഒളിച്ചിടും (2)

പതിനേഴാം വയസ്സിന്റെ സഖിമാരേ എൻ സഖിമാരേ
പകൽ കിനാവുകളേ
പറയൂ ഒന്നു പറയൂ നിങ്ങൾ
ഇതുവരെയിതുവരെ എവിടെപ്പോയ്‌ (പതിനേഴാം...)

നിങ്ങൾക്കു സ്വാഗതനൃത്തമാടാൻ എന്റെ
കിങ്ങിണിക്കാലുകൾ ഇളകുന്നു (2)
പരിമൃദുപവനന്റെ പാട്ടിൻ താളത്തിൽ (2)
പട്ടുപൂഞ്ചേലയിതിളകുന്നു (പതിനേഴാം..)

കാണാത്ത സ്വർഗ്ഗത്തിൻ മഞ്ജു ചിത്രം നിങ്ങൾ
മാനസഭിത്തിയിൽ എഴുതുന്നൂ(2)
അറിയാത്ത രഹസ്യങ്ങൾ കാതിൽ ചൊല്ലിയെന്റെ (2)
ഹൃദയത്തിന്നിക്കിളിയരുളുന്നു (പതിനേഴാം...)