നല്ല സുറുമ - നല്ല സുറുമ
കൊച്ചു ചിന്ദൂരപ്പൊട്ടുകുത്തി 
മന്ദാരക്കണ്ണിണയില്‍
സുന്ദരിമാരണിയും സുറുമ
നല്ല സുറുമ - നല്ല സുറുമ
കൊച്ചു ചിന്ദൂരപ്പൊട്ടുകുത്തി 
മന്ദാരക്കണ്ണിണയില്‍
സുന്ദരിമാരണിയും സുറുമ
നല്ല സുറുമ - നല്ല സുറുമ

മദനനെ മയക്കുന്ന മിഴിയില്‍
ഇളം മാതളമലരുകള്‍ വിരിയാന്‍
മദനനെ മയക്കുന്ന മിഴിയില്‍
ഇളം മാതളമലരുകള്‍ വിരിയാന്‍
മുന്നിലെത്തും പുരുഷന്റെ -
കണ്ണുകെട്ടി ഞൊടിക്കുള്ളില്‍
പെണ്ണുകെട്ടാന്‍ നടത്തിക്കും സുറുമ
നല്ല സുറുമ - നല്ല സുറുമ

ഹേയ്‌ കേട്ടില്ലേ കോട്ടയത്തൊരു മൂത്തപുള്ളേച്ചൻ
തൊണ്ണൂറു കഴിഞ്ഞപ്പോൾ പെണ്ണുകെട്ടാൻ പോയി
താലി വാങ്ങി വന്നൂ മാല വാങ്ങി വന്നൂ
താനും കൂട്ടുകാരും പന്തലിൽ ചെന്നൂ
ഹേയ്‌ കേട്ടില്ലേ കോട്ടയത്തൊരു മൂത്തപുള്ളേച്ചൻ
തൊണ്ണൂറു കഴിഞ്ഞപ്പോൾ പെണ്ണുകെട്ടാൻ പോയി

കല്യാണപ്പെണ്ണു വന്നു മുൻപിൽ നിന്നപ്പോൾ
വെള്ളെഴുത്തു വന്നു പെട്ടു പുള്ളി വലഞ്ഞു
കയ്യുകൊണ്ടു മറ്റൊരു പെണ്ണിൻ കഴുത്തു തപ്പുമ്പോൾ
കണ്ണാടി എടുത്തു നീട്ടി മറ്റൊരു വീരൻ
ഹേയ്‌ കേട്ടില്ലേ കോട്ടയത്തൊരു മൂത്തപുള്ളേച്ചൻ
തൊണ്ണൂറു കഴിഞ്ഞപ്പോൾ പെണ്ണുകെട്ടാൻ പോയി

കുമുദിനികൾ കളഭം പൂശി
പ്രമദവനം പൂമണം വീശി
കുസുമശരൻ കാത്തു നിൽപൂ രാധികേ
(കുമുദിനികൾ...)

രാഗവിവശനാകും യദുനാഥൻ നിന്നെ
രാസനടനത്തിനു വിളിക്കുന്നു
കാലിലെ ചിലങ്കയും കബരീപുഷ്പങ്ങളും
നീലനിചോളവും അണിയൂ
വേഗമണയൂ സഖീ
(കുമുദിനികൾ...)

ഗോപികാനാഥനെ സ്വീകരിക്കാൻ രാധ
ഗോരോചനം കൊണ്ടു തിലകം ചാർത്തി
കൈശികം മാടിയ രേഖയിങ്കൽ നവ-
ക‍ാശ്മീരസിന്ദൂര ധൂളി തൂവി

നീലാഞ്ജനം കൊണ്ട്‌ കണ്ണെഴുതി നല്ല
മാലേയലേപനം മാറിലണിഞ്ഞു
ഗോപികാനാഥനെ സ്വീകരിക്കാൻ രാധ
ഗോരോചനം കൊണ്ടു തിലകം ചാർത്തി
തിലകം ചാർത്തി

ആലോലനീലവിലോചനങ്ങൾ
ചാലിച്ച നീലച്ച മഷിയിൽ മുക്കി
മന്മഥനിന്നൊരു കാവ്യമെഴുതി
മനസ്സിലെ താമരത്തളിരിൽ
ആലോലനീലവിലോചനങ്ങൾ
ചാലിച്ച നീലച്ച മഷിയിൽ മുക്കി

അതിലെ നായകൻ നീയല്ലോ
അതിലെ നായിക ഞാനല്ലോ
അതിലെ ശ്യാമള വനവീഥികളിലെ
മുരളീഗായകൻ നീയല്ലോ
ആലോലനീലവിലോചനങ്ങൾ
ചാലിച്ച നീലച്ച മഷിയിൽ മുക്കി

മധുരഭാവനാചിത്രകാരൻ
മഴവിൽക്കൊടിയുടെ മുനയാലെ
തങ്കക്കിനാവിൻ ഭിത്തിയിലെഴുതി
സങ്കൽപസുന്ദര ചിത്രങ്ങൾ
ആലോലനീലവിലോചനങ്ങൾ
ചാലിച്ച നീലച്ച മഷിയിൽ മുക്കി

എന്റെ വീടിനു ചുമരുകളില്ലാ ആഹാഹാ
എൻ മനസ്സിനു മതിലില്ലാ ഓഹോഹോ
എന്റെ വയലിനു വേലികളില്ലാ
എൻ ധനത്തിനളവില്ലാ
എന്റെ വീടിനു ചുമരുകളില്ലാ
ആഹാഹാ ഓഹോഹോ

വിശാലനീലാകാശം
എന്റെ വീടിനു മേലെ മേലാപ്പ്‌
ഭൂമിയാകും തറയുടെ മേലേ
ശ്യാമമരതകപ്പട്ടു വിരിപ്പ്‌
എന്റെ വീടിനു ചുമരുകളില്ലാ
ആഹാഹാ ഓഹോഹോ

പൂക്കളും ഉഡുക്കളും വിളയും വയൽ
പുത്തൻ മേഘങ്ങൾ നനയ്ക്കുന്നു
മാരിവില്ലുകൾ വരമ്പുകളാകും
മഴയും വെയിലും - കൊയ്ത്തും മെതിയും
എന്റെ വീടിനു ചുമരുകളില്ലാ
ആഹാഹാ ഓഹോഹോ

നളിനമുഖീ നളിനമുഖീ നിന്നുടെ വീട്ടില്‍
നളനാണു ഞാന്‍ പുത്തന്‍ നളനാണു ഞാന്‍
നളിനമുഖീ ..നളിനമുഖീ..

അനുരാഗലേഖനമെന്‍ ദമയന്തിക്കേകി വരാന്‍
അരയന്നമില്ലല്ലോ ദൂത് ചൊല്ലാന്‍ അരയന്നമില്ലല്ലോ
താമരത്തളിര്‍ ‍മെത്തനീര്‍ത്തി ഓമലാളെ കാത്തിരിക്കാന്‍
പൂമരത്തിന്‍ തണലില്ലല്ലോ എന്റെ ചുറ്റും
പൂമരത്തിന്‍ തണലില്ലല്ലോ
നളിനമുഖീ നളിനമുഖീ നിന്നുടെ വീട്ടില്‍
നളനാണു ഞാന്‍ പുത്തന്‍ നളനാണു ഞാന്‍