കാമദേവൻ കരിമ്പിനാൽ കളിവില്ലു കുലയ്ക്കുന്ന
ഹേമന്തകൗമുദിയാമം കുളിർ-
തൂമഞ്ഞു പൊഴിയുന്ന നേരം (കാമദേവൻ...)

മനസ്സിനുമുടലിനും നിറയെ മോഹം
മണിയറവിളക്കിനു നാണം -എന്റെ
മണിയറവിളക്കിനു നാണം
വാർമുടിച്ചുരുളിലെ വർണ്ണമല്ലികകളിൽ
വഴിയും സുഗന്ധപൂരം
വഴിയും സുഗന്ധപൂരം (കാമദേവൻ...)

കിളിവാതിൽ തിരശ്ശീല നീക്കിയിട്ടോടിയെത്തും
ഇളംകാറ്റിൻ ചുണ്ടിലേതോ രാഗം
ഇളംകാറ്റിൻ ചുണ്ടിലേതോ രാഗം  (കിളിവാതിൽ...)
അറവാതിലടയ്ക്കുവാൻ മണിദീപം കൊളുത്തുവാൻ
മണവാളനില്ലെന്നോ മോഹം എന്റെ
മണവാളനില്ലെന്നോ മോഹം (കാമദേവൻ...)

നിറങ്ങൾ നിറങ്ങൾ
നിറമാല ചാർത്തിയ
നിരവദ്യസുന്ദര വസന്തമേ വസന്തമേ (നിറങ്ങൾ...)

നിന്റെ മുഖമാണീ രമ്യപുഷ്പവനം
നിന്റെ നഖമാ മാനത്തെ ചന്ദ്രലേഖ(2)
നിന്റെ നഗ്നമനോഹരപ്പൂമേനി
പൂർണ്ണചന്ദ്രിക പുൽകിയ മേദിനീ മേദിനീ (നിറങ്ങൾ...)

ചുരുൾ മുടിയാണാ നീലമുകിൽ മണ്ഡപം
നിന്റെ നടനവേദിയീ ജഗന്മണ്ഡപം(2)
നിന്റെ പൂക്കൂട നിറയാനുഷസ്സുകൾ
വർണ്ണമലരുകൾ വീണ്ടും വിതറുന്നൂ വിതറുന്നു (നിറങ്ങൾ...)

അന്തിയിളം കള്ള്‌ എൻ അല്ലിത്താമരക്കണ്ണ്‌
ഉള്ളിൽ ചെന്നാൽ ജില്ല്‌ പിന്നെ
സ്വർഗ്ഗം പുല്ല്‌
ചൊല്ല്‌ പൈങ്കിളി ചൊല്ല്‌
ജില്ല്‌ ജില്ലടി ജില്ല്‌
കൊഞ്ചുന്ന സുന്ദരിപ്പെണ്ണാളേ നല്ല
കൊഞ്ചു വറുത്തതു കൊണ്ടു വാ പെണ്ണാളേ
പൊരിച്ചുള്ള കരിമീൻ ഉള്ളിൽ നല്ല
പിടയ്ക്കുന്ന പരൽ മീൻ കണ്ണിൽ (അന്തിയിളം...)

താറാവിൻ മുട്ടയവിച്ച്‌ ജോറായി മുളകും തേച്ച്‌
ചാരായം ഗ്ലാസ്സിലൊഴിച്ച്‌ വിഴുങ്ങിയെങ്കിൽ
പൊന്നേ ഈരേഴു പതിനാലുലകം
തികൃത തൈന്തത്തൈ തികൃത തിന്തത്തൈ (അന്തിയിളം...)

ചടുകുടു ചടുകുടു സലാലഗുഡു ഗുഡു
മനസ്സിൽ നമ്മുടെ സുന്ദരമധുവിധു (2)
വിരിഞ്ഞ മുല്ലക്കൈയുകൾ നീട്ടി
വരിഞ്ഞു കെട്ടിയ തേൻമാവേ (2)
വിടില്ല നിന്നെ ഹാ വിടില്ല നിന്നെ  
വിവാഹസുദിനം തീർന്നാൽ പോലും (2)
വിലാസവതിയാം കടലും കരയും
വിനോദമോടെ ചടുകുടു പാടി
വിടില്ല നിന്നെ... വിടില്ല നിന്നെ (2)
കടൽ പറയുന്നു കരയുടെ കാതിൽ (ചടുകുടു. ...)

പഞ്ചമിശശിയെ പതക്കമാക്കി
പന്തലിലെത്തി സുന്ദരി
വലത്തുകാലടി മുന്നിൽ വെച്ചു
വസന്തയാമിനി വന്നു ചിരിച്ചൂ (ചടുകുടു...)

ആദ്യചുംബനലഹരി ലഹരി ലഹരി
അമൃതചുംബന ലഹരി ലഹരി ലഹരി
ഓർമ്മ വ്വേണം ഓർമ്മ വേണം നമ്മുടെ ആദ്യരജനി
രജനി രജനി (ആദ്യചുംബന...)

അന്നു തമ്മിൽ ചെവിയിൽ ചൊല്ലിയോ
രായിരം സ്വകാര്യം
അന്നു കണ്ട കിനാക്കൾ തന്നുടെ
അനുപമമാധുര്യം
നീ മറക്കരുതോമലാളേ ആ മധുവിധു മാധുരി (ആദ്യചുംബനം...)

പൂത്ത പുലരിപ്പൂവിനെ മുത്തും ആദ്യകിരണം പോലെ
നീലമുകിലിനെയുമ്മ വയ്ക്കും പൂനിലാവൊളി പോലെ
അന്നു രാത്രിയിലാദ്യരാത്രിയിൽ
നിന്നെ പുൽകിയ നിമിഷം (ആദ്യചുംബനം...)

അരുതേ അരുതരുതേ
പ്രാണദണ്ഡനമരുതേ ഈ
ഭാരദണ്ഡനമരുതേ (അരുതേ...)

ചിറകൊടിഞ്ഞു മുന്നിൽ വീണ
ചിത്രശലഭം ഞാൻ
ശരണം തേടി കാലിൽ വീണ
ശാരികക്കിളി ഞാൻ
നെഞ്ചിൽ നിന്നും ചോരയൊലിച്ചാൽ
പുഞ്ചിരി തൂകുന്നതെങ്ങനെ
പൂപ്പുഞ്ചിരി തൂകുന്നതെങ്ങനെ (അരുതേ...)

വേട്ടയാടാൻ കാട്ടാളന്മാർ ഓടിയെത്തുന്നൂ
കാലപാശം കാട്ടുതീയായ്‌ കഴുത്തിൽ മുറുകുന്നു
കൂടു വെടിഞ്ഞ രാക്കിളിയാം ഞാൻ
നർത്തനമാടുന്നതെങ്ങനെ ഞാൻ
നർത്തനമാടുന്നതെങ്ങനെ (അരുതേ...)

നടനം നടനം ആനന്ദനടനം
നളിനാക്ഷീമണികൾ തൻ നടനം (2)
ഈ തിരുമുൻപിലാലോല നടനം

കുടമുല്ലമലരുകൾ ചൂടി
കുയിൽമൊഴിച്ചിന്തുകൾ പാടി (2)
മന്നോരിൽ മന്നവൻ തൻ മണിപീഠം തേടി
മലരടി കൈകൂപ്പിയാടി

കാൽപ്പന്ത്‌ നൂൽപ്പന്ത്‌
താളത്തിൽ തട്ടിമുട്ടും തലമപ്പന്ത്‌ (2)
തട്ടു പന്തു (2)തലമപ്പന്ത്‌
താമരമിഴികൾ തൻ കളിപ്പന്ത്‌ (2
ആ..ആ.ആ.ആ.ആ

കളമൊഴിമാരേ കിളിമൊഴിമാരേ
കനകമണി കിങ്ങിണി താളത്തിൽ കിലുങ്ങി (2)
മണിവള തരിവള മേളത്തിൽ കുലുങ്ങി
തിരുനാളിൽ തമ്പുരാന്റെ തിരുവടി വണങ്ങി (2)
താ തരികിട തിത്തയ്‌
തിത്തൈത്തിത്തിത്തോം

തൃത്താലപ്പൂക്കടവിൽ
കൊട്ടാരക്കൽപടവിൽ
പൂമുഖം താഴ്ത്തി പെണ്ണെ നീയിരുന്നപ്പോൾ
ഓമനേ പിന്നിൽ ഞാനൊളിച്ചു നിന്നൂ
നിന്റെ ഓലക്കം മിഴി പൊത്തി പതുങ്ങി നിന്നു ( തൃത്താല...)

വിണ്ണിലെ പൊൻ കിണ്ണത്തിൽ
ചന്ദനാദിതൈലവുമായ്‌
വെണ്ണിലാവാം സഖിമാത്രമടുത്തു വന്നു (2)
ചിരിച്ചൂ മുഖം മറച്ചൂ അവൾ
മുകിലിന്റെ മൂടുപടം ധരിച്ചു ( തൃത്താല...)

പാരിജാതപ്പൂമാല ചൂടി വന്ന സുന്ദരി
പാതിരാവും വാനിടവും മോതിരം മാറി (2)
പുണർന്നൂ തമ്മിൽ പുണർന്നൂ നമ്മിൽ
ചിരകാലമോഹങ്ങളുണർന്നൂ ( തൃത്താല...)

സ്നേഹം ഉം ഉം ഉം സർവസാരം ഉം ഉം ഉം
പാവം കവിയുടെ മോഹം വെറും
മോഹം മോഹം വ്യാമോഹം

സ്നേഹം ഉം ഉം ഉം സത്യസാരം ഉം ഉം ഉം
മോഹാന്ധകാരത്തിലുദിക്കും
ഈ മോഹനമാം സുരതാരം
മണ്ണിൽ പാഴ്ച്ചെളി വിണ്ണിലെ നന്ദന
സുന്ദരമലർവ്വനമാക്കീടാൻ(2)
മനുഷ്യജീവനു ദൈവം  നൽകിയ
മന്ത്രമോതിരം സ്നേഹം

മരണം വന്നാൽ ചീഞ്ഞു നശിക്കും
മാംസവും എല്ലും മജ്ജയുമായ്‌(2)
പാംസുവിലലിയും മർത്ത്യൻ പണിയും
ശാശ്വതസത്യം സ്നേഹം സ്നേഹം
ശാശ്വത സ്വർഗ്ഗം സ്നേഹം

ഒന്നാമന്‍ കൂവളപ്പില്‍ വയ്യാരം കൂവളപ്പില്‍
കണ്ണായ ബീവിക്കു കാനേത്ത് -ഇന്ന്
സന്തോഷ പാല്‍പ്പുഴയില്‍ ആറാട്ട്
(ഒന്നാമന്‍.......)

പത്തരമാറ്റുള്ള പൂത്താലി കെട്ടി
മുത്തണികിങ്ങിണി താലി ചാര്‍ത്തി (2)
പൊട്ടിച്ചിരിക്കണ പെണ്ണിനെ കണ്ടാല്‍
പുത്തനിലഞ്ഞി പൂത്തതുപോലെ
പുത്തനിലഞ്ഞി പൂത്തതുപോലെ
റംസാന് വീട്ടില്‍ വന്നു സംസാരം തീര്‍ന്നെ പിന്നെ
സമ്മതം മൂളിയ മണവാട്ടി -ഇന്ന്
മാരന്റെ ഖല്‍ബിനുള്ളില്‍ മറിമാന്‍കുട്ടി
(റംസാന് വീട്ടില്‍.....)