നായകനായ വിനോദ് (നിവിൻ പോളി) അബൂബക്കർ (രാമു) എന്ന പ്രമാണിയുടെ വീട്ടുവളപ്പിൽ അതിക്രമിച്ചു കയറി എന്ന കുറ്റത്തിനു പോലീസ് സ്റ്റേഷനിൽ ലോക്കപ്പിലായിരിക്കുകയാണ്. അബൂബക്കറുടെ സഹോദരൻ അബ്ദു റഹ്മാന്റെ (ശ്രീനിവാസൻ) മകൾ അയിഷ(ഇഷ തൽ വാർ)യുമായി പ്രണയത്തിലാണ് വിനോദ്. സഹൃദയനായ എസ് ഐ പ്രേംകുമാർ (മനോജ് കെ ജയൻ) വിനോദിന്റെ അവന്റെ പ്രണയത്തെക്കുറിച്ച് ചോദിച്ചറിയുകയാണ്. എങ്ങിനെ കണ്ടു മുട്ടി, പ്രണയത്തിലായി എന്നതൊക്കെ വിനോദ് സ്റ്റേഷനിലിരുന്നു വിശദീകരിക്കുന്നു.
വിനോദിന്റെ ആത്മസുഹൃത്തിന്റെ വിവാഹദിനത്തിൽ യാദൃശ്ചികമായി കണ്ടു മുട്ടിയതാണ് അയിഷ എന്ന പെൺകുട്ടിയെ. വീട്ടിലുടെ ഓടിവന്ന ഇരുവരും തമ്മിൽ കൂട്ടിമുട്ടുകയും വിനോദിന്റെ ഇടിയുടെ ആഘാതത്തിൽ അയിഷ കോണിപ്പടികൾക്കു മുകളിലുടെ മറിഞ്ഞു വീണു ആശുപത്രിയിലാകുകയും ചെയ്തു. അയിഷയെ കാണാൻ ആശുപത്രിയിലെത്തിയ വിനോദ് അയിഷയുടേ മുറിക്കരികെ ഒരു കൊച്ചു പെൺകുട്ടിയെ കാണുകയും പരിചയപ്പെടുകയും ആ കുട്ടി ഉപയോഗിക്കുന്ന ഒരു കോഡ് ഭാഷയുടെ സഹായത്താൽ അയിഷക്ക് “സോറി” എഴുതി ഏൽ‌പ്പിക്കുകയും ചെയ്യുന്നു.
പഠനത്തിൽ വളരെ ഉഴപ്പനായ വിനോദിന്റെ കുടുംബ പശ്ചാത്തലവും പരിതാപകരമായ നിലയിലാണ്. പെൻഷൻ പറ്റിയ അച്ഛനും ഒരു സഹോദരിയും അമ്മയും അടക്കുന്ന കൃഷിക്കാരയ കുടുംബം.ഇടത്തരം വീട്. അയിഷ നാട്ടിലെ ബിസിനസ്സ്കാരനും പ്രമാണിയുമായ അബൂബക്കറിന്റെ സമ്പന്ന കുടുംബത്തിലുള്ളതും. കോളേജിൽ വിനോദിന്റെ സഹപാഠി അബ്ദു (അജു വർഗ്ഗീസ്) വിൽ നിന്നും അയിഷ സമീപത്തെ കോളേജിലെ സ്റ്റുഡന്റ് ആണെന്നും വരുന്ന കലോത്സവത്തിൽ പങ്കെടുക്കുന്നുണ്ടെന്നും അറിയുന്നു. അബ്ദുവിന്റെ സ്വാധീനിച്ച് കോളേജിലെ ദഫ് മുട്ടിൽ വിനോദ് പങ്കെടുക്കുന്നു. കോളേജ് കലോത്സവം നടക്കുന്നതിനിടയിൽ അയിഷയെ കണ്ടെങ്കിലും വിനോദിനു സംസാരിക്കാനായില്ല. പക്ഷെ ഒരു സുഹൃത്തിന്റെ സഹായത്താൽ അയിഷയുടെ വിവരങ്ങൾ ലഭിക്കുകയും അന്ന് അയിഷയുടെ പിറന്നാൾ ദിവസമാണെന്ന് അറിഞ്ഞ് അയിഷയ്ക്ക് പിറന്നാൾ ആശംസകൾ അറിയിക്കുന്നു വിനോദ്. അയിഷയും വിനോദും സംസാരിക്കുന്നു. അന്ന് തന്നെ ഇടിച്ചിട്ടതും ആശുപത്രിയിൽ വന്ന് സോറി എഴുതിക്കൊടുത്തതും വിനോദാണെന്നും താൻ അറിഞ്ഞെന്ന് അയിഷ വെളിപ്പെടൂത്തുന്നു. തിരിച്ച് വീട്ടിലെത്തിയ വിനോദിനു അയിഷയോടൂള്ള പ്രണയം വർദ്ധിക്കുകയും നേരിട്ടു കാണണമെന്നു തോന്നുകയും അതു കാരണം അയിഷയുടെ വീടിന്റെ മതിൽ ചാടി അയിഷയുടെ മുറിക്ക് സമീപം വന്ന് തന്റെ പ്രണയം വെളിപ്പെടുത്തുന്നു വിനോദ്. അടുത്ത ദിവസം കോളേജിലെത്തിയ വിനോദിനു അയിഷ തന്റെ ഇഷ്ടം ഒരു കത്തിലൂടെ വെളിപ്പെടുത്തുന്നു. ഇരുവരും പ്രണയിക്കുന്നു.
പക്ഷെ, നാട്ടിലെ പ്രമാണിയായ അബൂബക്കർ അയിഷയെ പുറത്തേക്ക് പറഞ്ഞയക്കാതിരിക്കാൻ നിബന്ധനകൾ വെക്കുന്നു. മാത്രമല്ല അബൂബക്കറിന്റെ കമ്പനി സ്ഥലത്തെ പാർട്ടി പ്രവർത്തകാർ സമരം ചെയ്ത് അടച്ചിട്ടിരിക്കുകയാണ്. വിനോദും കൂടി പാർട്ടിയംഗമായ സ്ഥലത്തെ കമ്മ്യൂണിസ്റ്റ് പാർട്ടി അബൂബക്കറുമായി ചർച്ചക്ക് തയ്യാറായിട്ടുമുള്ള സ്ഥിതിയിലുമാണ്. നാട്ടിലെ ഈ രാഷ്ട്രീയ സ്ഥിതിയും ഇരുമതങ്ങളുമാണെന്നതും വിനോദിന്റേയും അയിഷയുടേയും പ്രണയത്തിനു വിലങ്ങു തടിയാകുന്നു.
പ്രശസ്ത നടനും തിരക്കഥാകൃത്തും സംവിധായകനുമായ ശ്രീനിവാസന്റെ മകൻ വിനീത് ശ്രീനിവാസൻ സംവിധാനം ചെയ്യുന്ന രണ്ടാമത്തെ ചിത്രം.
വിനീതിന്റെ മുൻ ചിത്രമായ “മലർവാടി ആർട്ട്സ് ക്ലബ്ബ്” പോലെത്തന്നെ ഈ ചിത്രത്തിലും താരതമ്യേന പുതുമുഖങ്ങളും ആദ്യ ചിത്രത്തിലെ നടന്മാരും മുഖ്യകഥാപാത്രങ്ങളാകുന്നു.
ഫോര്‍ട്ട് കൊച്ചിയിലെ റോസ് വില്ലയിലെ താമസക്കാരാണ് ഏയ്ഞ്ചല്‍ (നിത്യാമേനോന്‍) ഒപ്പം ഏയ്ഞ്ചലിന്റെ ചെറിയമ്മ മേഴ്സി (റീനാ ബഷീര്‍) ആനിയമ്മ എന്നവര്‍ വിളിക്കുന്ന ആനി (രമ്യാ രാമകൃഷ്ണന്‍) കൊച്ചിയില്‍ സീ ഫുഡ് ബിസിനസ്സ് നടത്തുന്ന സൈമന്റെ (വിജയരാഘവന്‍) ഉടമസ്ഥതയിലുള്ളതാണ് റോസ് വില്ല. ഏയ്ഞ്ചലിന്റെ പപ്പയുമായുള്ള ധനമിടപാടില്‍ പണ്ട് സൈമനു ലഭിച്ചതാണ്‍ റോസ് വില്ല. എങ്കിലും അയാളുടെ കാരുണ്യം മൂലം ഏയ്ഞ്ചലും മറ്റു രണ്ടു പേരും വര്‍ഷങ്ങളായി അവിടെത്തന്നെ താമസിക്കുന്നു. ഇടുക്കിയിലെ രാജകുമാരി എന്ന സ്ഥലത്ത് നിന്നും എബി (ആസിഫ് അലി) എന്നൊരു ചെറുപ്പക്കാരന്‍ അവിടത്തെ ഇടവകയിലെ പൌലോസച്ചന്റെ (ജനാര്‍ദ്ദനന്‍) ശുപാര്‍ശയില്‍ സൈമന്റെ സീഫുഡ് ഫാക്ടറിയില്‍ ജോലിക്ക് വരുന്നു. എബിക്കുള്ള താമസം റോസ് വില്ലയിലെ മറ്റൊരു കോട്ടേജില്‍ അറേഞ്ച് ചെയ്യുന്നു. ഇതില്‍ ഏയ്ഞ്ചല്‍ കുപിതയാകുന്നു എങ്കിലും നിലവില്‍ റോസ് വില്ല സൈമന്റെ ഉടമസ്ഥതയിലുള്ളതു കാരണം ഒന്നും ചെയ്യാനാകുന്നില്ല. എബിക്കും ഏയ്ഞ്ചലിനും ദുരന്തം സമ്മാനിച്ച ഭൂതകാലമുണ്ട്. എട്ടാമത്തെ വയസ്സില്‍ പപ്പയും മമ്മയും മരണപ്പെട്ട ഏയ്ഞ്ചല്‍ നല്ലൊരു വയലിനിസ്റ്റാണ്. വയലിന്‍ ക്ലാസ്സ് നടത്തിയും, റോസ് വില്ലയില്‍ ബേക്കറി നടത്തിയും വളരെ അദ്ധ്വാനിച്ചാണ് ജീവിക്കുന്നത്.
രാജകുമാരി സ്വദേശിയായ എബി, മയക്കുമരുന്നിനു അടിയായിരുന്ന ഇപ്പോള്‍ രോഗാവസ്ഥയിലായ തന്റെ പപ്പക്കൊപ്പം ഇടവകയിലെ പൌലോസച്ചന്റെ അനാഥമന്ദിരത്തിലാണ് താമസം. ജീവിത പ്രാരാബ്ദങ്ങള്‍ പേറുന്ന എബിയുടെ ലക്ഷ്യം പപ്പയെ രോഗവിമുക്തനാക്കുക എന്നതാണ്. നാട്ടിന്‍പുറത്തിന്റെ നിഷ്കളങ്കതയും നന്മയും മനസ്സില്‍ സൂക്ഷിക്കുന്ന എബിയും നല്ലൊരു സംഗീത പ്രിയനും ഗിറ്റാര്‍ വാദ്യകനുമാണ്.
എബിയോട് അകാരണമായി ഏയ്ഞ്ചല്‍ അകലം പാലിക്കുകയും ദ്വേഷ്യപ്പെടുമെങ്കിലും എബിയുടെ സംഗീതത്താല്‍ ക്രമേണ അവര്‍ തമ്മില്‍ ഇഷ്ടത്തിലാകുന്നു. ഇതിനിടയില്‍ പണ്ട് ചെറുപ്പത്തില്‍ റോസ് വില്ലയിലെ ബേക്കറിയില്‍ ജോലിക്ക് നിന്നിരുന്ന ഫ്രെഡി (ശ്രീജിത് രവി) റോസ് വില്ലയിലെത്തി മേഴ്സിയെ ശല്യം ചെയ്യുന്നു. തെരുവിലെ പ്രധാന ഗുണ്ടയായ ഫ്രെഡിയെ എതിര്‍ക്കാന്‍ ഇവര്‍ക്കും നാട്ടുകാര്‍ക്കും സാധിക്കുന്നില്ല. എബി നാട്ടിലെത്തി പപ്പയോടും പൌലോസച്ചനോടും ഏയ്ഞ്ചലിനെ വിവാഹം കഴിക്കുന്നതിനെപ്പറ്റി സംസാരിക്കുന്നു. മേഴ്സിയും ആനിയും ഏയ്ഞ്ചലിനെ, വരുന്ന ക്രിസ്തുമസ് ദിവസം എബിയുടെ കയ്യില്‍ ഏല്പിക്കണമെന്ന് തീരുമാനിക്കുന്നു. അതിനു വേണ്ടി മെഴ്സിയും ആനിയും എയ്ഞ്ചലിനു വേണ്ടി മനോഹരമായൊരു ഫ്രോക്ക് അവളറിയാതെ തുന്നിവെക്കുന്നു. പക്ഷെ ആ ക്രിസ്തുമസ് ദിവസം അപ്രതീക്ഷിതമായ സംഭവങ്ങള്‍ റോസ് വില്ലയില്‍ നടക്കുകയും അത് മറ്റുള്ളവരുടെ ജീവിതത്തെയാകെ മാറ്റിമറിക്കുകയും ചെയ്യുന്നു.
