ഫാമിലി

മക്കളുടെ പഠനത്തിനായി വീടും പറമ്പും മണുക്കുക്കമ്മത്തിനു (എസ് പി പിള്ള) പണയപ്പെടുത്തേണ്ടി വരുന്നു ഗോവിന്ദന് (മുത്തയ്യ). മൂത്തമകൾ ദേവകി (അംബിക) സ്കൂൾടീച്ചറാണ്, സഹാദ്ധ്യാപകൻ ശേഖരൻ മാസ്റ്റർ (മുരളി)അവളെ സ്നേഹിക്കുന്നു. അനിയൻ പ്രഭാകരനു (പ്രേം നസീർ) ജോലി കിട്ടും വരെ ഇരുവരും കാത്തിരിക്കുന്നു. ഇളയവൾ ശാരദയുടെ പഠിത്തത്തിനും പണമില്ലാതെ വിഷമിക്കുകയാണു ആ കുടുംബം. ചായക്കടക്കാരൻ ബീരാൻ (പി എ തോമസ്) സഹായിക്കുന്നു. ബീരാന്റെ മകൾ ആയിഷയും (ഷീല) പ്രഭാകരനും പ്രേമത്തിലാകുന്നു. നാട്ടുകാരെ പറ്റിച്ചു നടക്കുന്ന പണിക്കരുടെ (അടൂർ ഭാസി) ഏഷണി കാരണം മണക്കു കമ്മത്ത് കിട്ടാനുള്ള സംഖ്യക്ക് കേസു കൊടുത്ത് വിധി സമ്പാദിക്കുന്നു. ജപ്തി ഒഴിവാക്കാൻ ബീരാൻ മകളുടെ കല്യാണത്തിനു സൂക്ഷിച്ചിരുന്ന പണം നീട്ടി ഗോവിന്ദനെ സഹായിക്കുന്നു. അപ്പോഴേയ്ക്കും പ്രഭാകരൻ ഒരു ബാങ്കിൽ നിന്നും പണം മോഷ്ടിച്ച് എത്തിയിരുന്നു. ദേവകി ഇതിനിടെ ക്ഷയരോഗി ആയിത്തീരുന്നു . താമസിയാതെ മരിക്കുകയും ചെയ്യുന്നു. പ്രഭാകരനെ പോലീസ് അറസ്റ്റു ചെയ്യാനെത്തുന്നു. ദേവകിയുടെ ശവസംസ്കാരത്തിനു ഏർപ്പാടാക്കാൻ എത്തിയ ശേഖരൻ മാസ്റ്ററെ ശാരദയെ ഏൽ‌പ്പിക്കുന്നു പ്രഭാകരൻ.

ഡോക്ടർ ചന്ദ്രശേഖരന്റെ (കൊട്ടാരക്കര ശ്രീധര മേനോൻ) സഹായം ലഭിക്കാതെ രാമുവിന്റെ (മുത്തയ്യ) മകനും ഭാര്യയും മരിക്കുന്നു. ഡോക്ടറുടെ മകൻ എന്നു കരുതി മരുകമൻ മോഹനെ (പ്രേം നസീർ) രാമു തട്ടിക്കൊണ്ടു പോകുന്നു. പിന്നീട് മദ്രാസിൽ ഡോക്ടറാകാൻ പഠിയ്ക്കുന്ന മോഹൻ ചന്ദ്രശേഖരന്റെ കുടുംബവുമായി അടുക്കുകയും  മകൾ സുമതിയെ (അംബിക) പ്രേമിയ്ക്കുകയും ചെയ്യുന്നു. ചന്ദ്രശേഖരന്റെ മകൻ രവി (കെടാമംഗലം സദാനന്ദൻ) മോഹന്റെ സ്നേഹിതനാണ്. ഒരു കൃഷ്ണവിഗ്രഹം സ്വയംഭൂവാണെന്നു ധരിച്ച നാ‍ട്ടുകാർ നിർമ്മിച്ച അമ്പലത്തിൽ കഴകക്കാരനായ രാമു മകന്റെ നാണക്കേട് ഭയന്ന് റിക്ഷായോടിക്കുന്നവനാകുന്നു. മോഹൻ കണ്ണുഡോക്ടറാകുന്നു. നാട്ടിലെ ഉദാരമതിയായ തമ്പി (തിക്കുറുശ്ശി) മോഹനു ആശുപത്രി പണിതുകൊടുക്കുന്നു. അയാളുടെ മകൾ വിജയ (ശാന്തി) മോഹനിൽ അനുരക്തയാകുന്നു. ഒരു ഉല്ലാസയാത്രയിൽ വിജയയെ രക്ഷിക്കാനുള്ള ശ്രമത്തിൽ മോഹന്റെ കാലൊടിയുന്നു. പിന്നീട് ആ കാൽ മുറിച്ചു മാറ്റേണ്ടിയും വരുന്നു. മോഹനു കണ്ണ് ശസ്ത്രക്രിയയ്ക്കുള്ള ആത്മവിശ്വാസം അതോടെ നഷ്ടപ്പെടുന്നു. രാമു സ്വന്തം കണ്ണ് കുത്തിപ്പൊട്ടിച്ച് മോഹനോട് അതു ശസ്ത്രക്രിയ ചെയ്യാൻ ആവശ്യപ്പെടൂന്നു. മോഹനു അതു ചെയ്യേണ്ടി വരുന്നു. തന്മൂലം പോയ ആത്മവിശ്വാസം വീണ്ടു കിട്ടുന്നു. വിജയയെ മോഹനു വിവാഹം ചെയ്തു കൊടുക്കാൻ തമ്പി തീരുമാനിച്ചപ്പോൾ സുമതിയെ അവൻ സ്നേഹിക്കുന്ന വസ്തുത വെളിപ്പെടുത്തുന്നു. സുമതിയ്ക്ക് വേറേ കല്യാണം തീരുമാനിച്ച അച്ഛനിൽ നിന്നും അവളെ മാറ്റിയ രവി വിജയ-മോഹൻ ബന്ധം സഹൊദര നിർവ്വിശേഷമെന്ന് എല്ലാവരേയ്യും ബോദ്ധ്യപ്പെടുത്തുന്നു. മോഹൻ സുമതിയേയും രവി വിജയയേയും കല്യാണം കഴിച്ചപ്പോൾ രാമു മോഹൻ സുമതിയുടെ സഹൊദരൻ ആണെന്നു വെളിപ്പെടുത്തി. മകനെ അല്ല, മരുമകനെ ആണ് പണ്ട് തട്ടിക്കൊണ്ട് പോയതെന്ന് ചന്ദ്രശേഖരൻ രാമുവിനെ ബോധ്യപ്പെടുത്തുന്നു.

ആ‍നച്ചാൽ മലയോരഗ്രാമത്തിലെ പഞ്ചായത്ത് പ്രസിഡന്റ് അവറാച്ചനും ഭാര്യ അന്നമ്മയ്ക്കും കുടിയനും തെമ്മാടിയുമായ മകൻ കുഞ്ഞുകുട്ടി തലവേദനയാണ്.  മേരിക്കുട്ടി അയാളെ കെട്ടില്ലെന്നു തീർത്തു പറഞ്ഞു. കുര്യാച്ചന്റെ മകൾ ഗ്രേസിയെ നിർബ്ബന്ധമായി കുഞ്ഞുകുട്ടിക്ക് വിവാഹം ചെയ്തു കൊടുത്തു. ഒരു കുഞ്ഞുണ്ടായിട്ടു പോലും ദുർന്നടത്ത തുടർന്ന കുഞ്ഞൂട്ടിയോട് അച്ഛനമ്മമാർ കയർത്തതോടെ അയാൾ താമസം വേറെയാക്കി. മേരിക്കുട്ടിയ്ക്ക് ഗ്രാമസേവികയായി ജോലി കിട്ടിയത് ആനച്ചാലിലാണ്. കുഞ്ഞുകുട്ടി അവളെ പാട്ടിലാക്കാൻ കിണഞ്ഞു ശ്രമിച്ചു. അവൾക്ക് താമസിക്കേണ്ടി വന്നത് കറിയാച്ചന്റെ വീട്ടിലാണ്. ആനച്ചാലിന്റെ മുഖച്ഛായ മേരിക്കുട്ടിയുടെ സേവനങ്ങളാൽ മാറിക്കൊണ്ടിരിക്കെ കുഞ്ഞുകുട്ടിയുടെ അനുജൻ പാപ്പച്ചൻ സിംഗപ്പൂരിൽ നിന്നെത്തി, അയാളുമായി മേരിക്കുട്ടി അടുപ്പത്തിലുമായി. ഗർഭിണിയും രോഗഗ്രസ്ഥയുമായ ഗ്രേസിയെ മേരിക്കുട്ടി സ്വന്തം ആഭരണം പണയപ്പെടുത്തി ചികിത്സിക്കാനൊരുങ്ങി.

തടിമോഷണം തരപ്പെടാതെ മടങ്ങുന്ന കുഞ്ഞുകുട്ടി കാട്ടാനയെ ഭയന്ന് ബോധരഹിതയായ മേരിക്കുട്ടിയെ രക്ഷിക്കാനിടയായതോടെയാണ് അവളുടെ ത്യാഗത്തിന്റെ വ്യാപ്തി അയാൾക്ക് മനസ്സിലായത്. കുഞ്ഞുകുട്ടി പതുക്കെ മാറിത്തുടങ്ങി. കൂട്ടുകാരുമായി ഇടയേണ്ടി വന്ന കുഞ്ഞുകുട്ടി സ്നേഹിതരുടെ ആക്രമണത്താൽ ആശുപത്രിയിലായപ്പോൽ ചികിത്സിക്കാൻ മേരിക്കുട്ടി തയാറായി.  ഗ്രേസിക്ക് ഇത് തെറ്റിദ്ധാരണ ഉളവാക്കി. മേരിക്കുട്ടിയുടെ പരിചരണത്താൽ ഗ്രേസി സുഖം പ്രാപിക്കുകയും ഒരു പെൺ കുഞ്ഞിനെ പ്രസവിക്കുകയും തെറ്റിദ്ധാരണകൾ മാറുകയും ചെയ്തു. പാപ്പച്ചനോട് അകന്നു നിന്നിരുന്ന മേരിക്കുട്ടി അയാളെ കല്യാണം കഴിക്കാൻ തീരുമാ‍നിച്ച് ആനച്ചാലിൽ തന്നെ താമസിക്കാൻ തീരുമാനിച്ചു.