എങ്ങനെ ഞാൻ ഉറക്കേണ്ടൂ എങ്ങനെ ഞാൻ ഉണർത്തേണ്ടൂ (2)
എൻ മനസ്സിൻ ആലിലയിൽ പള്ളി കൊള്ളും കണ്ണനുണ്ണീ
എങ്ങനെ ഞാൻ ഉറക്കേണ്ടൂ എങ്ങനെ ഞാൻ ഉണർത്തേണ്ടൂ

കോടി ജന്മം കഴിഞ്ജാലും നോൽമ്പെടുത്ത് കാത്തിരിക്കും (2)
അമ്മ നെഞ്ചിൻ ആടലോടെ ആയർപ്പെണ്ണായ് ഞാനിരിക്കും (എങ്ങനെ ഞാൻ..)

എങ്ങി നിൽക്കും അമ്പാടിയിൽ തേങ്ങിയോടും കാളിന്ദിയായ് (2)
പൂക്കടമ്പായ് പൈക്കിടാവായ് നീയണയാൻ കാത്തിരിപ്പൂ (എങ്ങനെ ഞാൻ...)
ആട്ടമാടാൻ ത്രാണിയില്ല പാട്ടു പാടാൻ ഈണമില്ല (2)
മാമഴയായ് പെയ്തുണരാൻ മാമയിലായ് ഞാനിരിക്കും (2)

പുനര്‍ജന്മം - ഇതു പുനര്‍ജന്മം
പോകൂ പോകൂ വേദാന്തമേ - നിന്റെ
പൊയ് മുഖം കണ്ടു ഞാന്‍ മടുത്തു - മടുത്തു 
പുനര്‍ജന്മം ഇതു പുനര്‍ജന്മം

മരിച്ച വസന്തങ്ങള്‍ പൂവിട്ടുണര്‍ന്നു
മണ്ണിന്റെ മടിയില്‍ - മണ്ണിന്റെ മടിയില്‍
മോഹഭംഗങ്ങള്‍ നേടി പുതിയൊരു മുഖപ്രസാദം -
ആഹാ മുഖപ്രസാദം
സ്വര്‍ഗ്ഗം കിട്ടി - ഇന്നെനിക്കൊരു സ്വര്‍ഗ്ഗം കിട്ടി 
(പുനര്‍ജന്മം.. )

ചന്ദ്രകിരണം ചാലിച്ചെടുത്തൊരു 
സ്വര്‍ണ്ണതിലകം ചാര്‍ത്തി
പാടാനെത്തി ഭവാനുറങ്ങും 
പാലാഴിക്കരയില്‍ - ഞാനീ 
പാലാഴിക്കരയില്‍
(ചന്ദ്രകിരണം.. )

സര്‍വ്വചരാചര ഹൃദയമുണര്‍ത്തും 
സാഗരസംഗീതം
എന്റെ പുല്ലാങ്കുഴലില്‍ നിറയ്ക്കാന്‍ 
ഏകാകിനിയായ് വന്നു - ഞാന്‍ 
ഏകാകിനിയായ് വന്നു
എന്നെ മൃത്യുവിനിരുളിലുറക്കി 
പിന്നെയുഷസ്സിലുണര്‍ത്തി
എന്തിനിത്ര മുഖഛാ‍യകള്‍ നീ 
എനിയ്ക്കു വെറുതെ നല്‍കീ - നല്‍കീ
(ചന്ദ്രകിരണം.. )

കറുത്ത സൂര്യനുദിച്ചു
കടലില്‍ വീഞ്ഞു തിളച്ചു
മഞ്ഞിന്റെ മുടി നരച്ചു - മലയില്‍
കഞ്ചാവു പുക പരന്നു
(കറുത്ത.. )

തിങ്കള്‍ക്കല മാനത്തു വീണൊരു
തണുത്ത ചപ്പാത്തിക്കഷണം
അതു തിന്നാനെന്‍ വിശപ്പു വീണ്ടും കൈനീട്ടുന്നു
എവിടേ - ഞാനെവിടേ

അയ്യയ്യോ ! ഒരു ചാരായക്കുപ്പിയില്‍
ഞാന്‍ മരിച്ചു പോയോ - മുങ്ങി മരിച്ചു പോയോ
ഈ സമയത്തിന്നലെ ഞാനുണ്ടായിരുന്നു- ഇന്നോ
ഇന്നു ഞാനെന്നെ തിരയുന്നു തിരയുന്നു - തിരയുന്നു 

പൂവേ പൂവേ പാലപ്പൂവേ
മണമിത്തിരി കരളില്‍തായോ
മോഹത്തിന്‍ മകരന്ദം ഞാന്‍
പകരം നല്‍‌കാം
വണ്ടേ വണ്ടേ വാര്‍മുകില്‍ വണ്ടേ
പലവട്ടം പാടിയതല്ലേ
മണമെല്ലാം മധുരക്കനവായ്
മാറിപ്പോയി..
മണിവില്ലിന്‍ നിറമുണ്ടോ
മഞ്ഞോളം കുളിരുണ്ടോ
ഒരുവട്ടം കൂടിച്ചൊല്ലാമോ
മണിവില്‍കൊടി മഞ്ഞായി
മഞ്ഞിലകള്‍ മണ്ണില്‍‌പ്പോയ്
മണ്‍‌വാസന ഇന്നെന്‍ നെഞ്ചില്‍ പോയ്
ഓ.ഓ ഓ...
(പൂവേ പൂവേ ..)

സ്നേഹത്തിൻ പൂ നുള്ളി പൂജിച്ചു ഞാൻ
എൻ ജന്മം നിൻ മുന്നിൽ നേദിച്ചു ഞാൻ
മനസ്സിന്റെ വൃന്ദാവനിയിൽ ചിലമ്പിട്ടു തുള്ളും കണ്ണാ
നിനക്കിതാ ജീവന്റെ തൂ വെണ്ണ
(സ്നേഹത്തിൻ ..)

കാളിന്ദീ തീരമൂണർന്നൂ കൺ കേളി പൂക്കൾ വിടർന്നൂ(2)
ഓടക്കാർവർണ്ണാ ഇനിയും വന്നതില്ല നീ
ആറ്റു നോറ്റു കാത്തിരിപ്പൂ ആരാധികാ രാധിക
(സ്നേഹത്തിൻ...)

നിന്നുടെ മുരളിക പാടി ഗോപകുമാരികളാടീ(2)
എൻ മോഹ ചിന്തുകൾ ഇനിയും കേട്ടതില്ല നീ
ആറ്റു നോറ്റു കാത്തിരിപ്പൂ ആരാധിക രാധിക
(സ്നേഹത്തിൻ ...)

കളവാണീ നീയാദ്യം കൺ മുന്നിൽ വന്നപ്പോൾ
പല ജന്മം മുന്പേ നമ്മൾ
പരിചിതരാണെന്നു തോന്നി
ഒരു പ്രേമത്തിൻ കനലെന്റെ നെഞ്ചിൽ നീറി
നെഞ്ചിൽ നീറി

വളയില്ലാ തളയില്ല മാൻ കണ്ണിൽ മഷിയില്ല
എന്നിട്ടും സഖി നിന്നെ തിരിച്ചറിഞ്ഞു
ഞാൻ തിരിച്ചറിഞ്ഞു
വളയില്ലാ തളയില്ല മാൻ കണ്ണിൽ മഷിയില്ല
എന്നിട്ടും സഖി നിന്നെ തിരിച്ചറിഞ്ഞു
ഞാൻ തിരിച്ചറിഞ്ഞു
പൊയ് പോയ ജന്മത്തിൻ പൊട്ടാത്ത ചരടിന്മേൽ
മണി മുത്തേ വിധി നിന്നെ കോർത്തു വെച്ചു
കോർത്തു വെച്ചു

(കളവാണീ നീയാദ്യം )

എന്റെ ഉള്ളുടുക്കും കൊട്ടി നിൻ കഴുത്തിൽ മിന്നും കെട്ടി
കൊണ്ടു പോകാൻ വന്നതാണു ഞാൻ പെണ്ണേ നിന്നെ
കൊണ്ടു പോകാൻ വന്നതാണു ഞാൻ
ഓ........
നിന്റെ കൈയ്യിൽ കൈയ്യും കോർത്തു
തോളിലെന്റെ തോളും ചേർത്തു
കൂടെ വരാൻ കാത്തിരുന്നൂ ഞാൻ പൊന്നെ
നിന്റെ കൂടെ വരാൻ കാത്തിരുന്നൂ ഞാൻ

നാഴി മണ്ണും തുളസ്സിത്തറയും
മൺ ചുവരും മാലിപ്പുരയും (2)
അവിടെ എന്നോടൊത്തു പൊറുക്കാൻ
ആശക്കിളിയേ പോരാമോ
നിന്റെ നെഞ്ചിനകത്തുണ്ടല്ലോ
നീലവാനം പോലൊരു മനസ്സ് (2)
അവിടെ ചിറകും ചിറകുമുരുമ്മി
ആറ്റക്കിളി ഞാൻ പാർക്കാമല്ലോ

(എന്റെ ഉള്ളുടുക്കും കൊട്ടി)

സിന്ദൂര സന്ധ്യേ പറയൂ നീ
പകലിനെ കൈ വെടിഞ്ഞോ
അതോ രാവിന്റെ മാറിലടിഞ്ഞോ
നിൻ പൂങ്കവിളും നനഞ്ഞോ
സിന്ദൂര സന്ധ്യേ പറയൂ നീ
പകലിനെ കൈ വെടിഞ്ഞോ
നീ പകലിനെ കൈ വെടിഞ്ഞോ

നിഴലേ ഞാൻ നിന്നെ പിൻ തുടരുമ്പോൾ
നീങ്ങുകയാണോ നീ അകലേ
നീങ്ങുകയാണോ നീ
അഴലേ നിന്നിൽ നിന്നകലുമ്പോഴെല്ലാം
അടുക്കുകയാണോ നീ
എന്നിലേക്കടുക്കുകയാണോ നീ
ഓ...ഓ..ഓ..

(സിന്ദൂര സന്ധ്യേ പറയൂ)

നിന്റെ കണ്ണിൽ വിരുന്നു വന്നൂ
നീല സാഗര വീചികൾ (2)
പുഞ്ചിരിക്കൊരു പൂച്ചെണ്ടു തന്നൂ
പുഷ്യരാഗ മരീചികൾ
നിന്റെ കണ്ണിൽ വിരുന്നു വന്നൂ
നീല സാഗര വീചികൾ (2)

അന്തി മേഘം വിണ്ണിലുയർത്തീ
നിന്റെ കവിളിൻ കുങ്കുമം
അന്തി മേഘം വിണ്ണിലുയർത്തീ
നിന്റെ കവിളിൻ കുങ്കുമം
രാഗ മധുരം നെഞ്ചിലരുളി
രമ്യ മാനസ സംഗമം
വാന ഗംഗ താഴെ വന്നൂ
പ്രാണ സഖിയെൻ ജീവനിൽ

(നിന്റെ കണ്ണിൽ )