ആനന്ദം ആനന്ദം ആനന്ദമേ
ആനന്ദം ആനന്ദം ആനന്ദമേ
ബ്രഹ്‌മാനന്ദ നിത്യാനന്ദ സദാനന്ദ
പരമാനന്ദ ആനന്ദ ആനന്ദമേ

യയ്യായ യയ്യായ യയ്യായ യയ്യാ യയ്യാ
യയ്യായ യയ്യായ യയ്യായ യയ്യാ യയ്യാ

കല്യാണക്കച്ചേരി പാടാമെടീ
കച്ചേരിക്കാരാനും പോരുന്നോടീ
പോരുമ്പൊ പൂക്കൊമ്പത്താടുന്നൊടീ
അമ്പാട്ടെ തമ്പ്രാട്ടി കുഞ്ഞാങ്കിളി
വെയിലേ വെയിലേ
വെറുതേ തരുമോ
നിറനാഴിയിൽ നിറകേ പൊന്ന്
ഓ ഓ...

ജീവിതം ഒരു തീവ്ര വ്രതമാക്കിയോൻ
ഉഗ്ര ശപഥത്തിൽ ആത്മാവൊരുലയാക്കിയോൻ
സഹജനു വേണ്ടി ത്യജിച്ചു രാജ്യം
പിന്നെ അവനായ്‌ ഉടവാളുമേന്തി നിന്നോൻ

ഗാംഗേയനാം ഭീഷ്മൻ ഇവനല്ലയൊ
ദേവവ്രതനാം പിതാമഹൻ ഇവനല്ലയൊ
ശൂരത്വമോടെ പോയി കൊണ്ടുപോന്നു
തേരിലേറ്റി സ്വയംവര കന്യമാരെ
തൻ ബലംകൊണ്ടു താൻ നേടുന്നതൊക്കെയും
അനുജർക്കു വേണ്ടി പരിത്യജിച്ചു

നിയതി വന്യതയാർന്നു പടനയിച്ചു
നന്മ തൻ ലോകക്രമം ക്ഷയിച്ചു
തൻ വിധിയോർത്തവൻ
സംക്രാമ ഭൂമിയിൽ
ശരശയ്യപ്പൂകി പുഞ്ചിരിച്ചു..

മണിപ്രവാളത്തളകളുയർന്നൂ
മനസ്സിൽ കമലദളങ്ങൾ വിതിർന്നൂ
കാവ്യകലയുടെ കനകാംഗുലികളിൽ
കഥകളി മുദ്രകൾ വിടർന്നൂ
ശരത്കാല മേഘം തിരശ്ശീലയായി
ശശികല കളിവിളക്കായി
ഉണ്ണായി വാര്യരുമിരയിമ്മൻ തമ്പിയും
സ്വർണ്ണ നാരായങ്ങൾ മിനുക്കീ
(മണിപ്രവാള..)

പമ്പയും പെരിയാറും ഭാരതപ്പുഴയുമാ
പദങ്ങൾ പാടീ ചൈത്ര മദങ്ങളാടീ
ചെണ്ടയിൽ ചേങ്ങലയിൽ ഇലത്താളത്തിൽ
സ്യമന്തകങ്ങൾ കിലുങ്ങീ
(മണിപ്രവാള..)

മാ നിഷാദ മാ നിഷാദ
ആദികവിയുടെ ദുഃഖമുണർത്തിയ
അസ്വസ്ഥയുടെ ഗീതം ഇതു
കാമുകഹൃദയങ്ങൾ മുറിവേൽക്കുമ്പോൾ
കാലം പാടും ഗീതം
(മാ നിഷാദ..)

ഏതോ വേടന്റെയമ്പേറ്റു വീണൊരു
ചേതോഹരിയാം ഇണപ്പക്ഷി
തമസാ തീരത്ത് നിൻ മുറിപ്പാടുകൾ
തഴുകുവാൻ വന്നതാണാ ഗീതം യുഗ
സ്നേഹ ഗീതം ഋഷി ഗീതം
( മാനിഷാദ..)

സീതാദുഃഖമൊരിതിഹാസമാക്കിയ
ത്രേതാ യുഗത്തിലെ വാത്മീകി
വിരഹം ഞങ്ങളെ വേർപെടുത്തും നേരം
അരുതെന്നു വിലക്കുമോ നിൻ ഗീതം
പ്രതിഷേധഗീതം ഋഷിഗീതം
( മാനിഷാദ..)

വൈക്കത്തപ്പനും ശിവരാത്രി
വടക്കുംനാഥനും ശിവരാത്രി
ഭഗവാനു തിരുനൊയമ്പ് ഇന്നു
ഭഗവതിക്കും തിരുനൊയമ്പ് - ഉണ്ണി
ഗണപതിക്കും തിരുനൊയമ്പ്
(വൈക്കത്തപ്പനും..)

സ്വര്‍ഗ്ഗഗംഗയില്‍ നീരാടി
സ്വര്‍ണ്ണക്കൂവളത്തില ചൂടി
തൃശ്ശിവപ്പേരൂര്‍ മതിലകത്തു നാഥന്‍
ദര്‍ശനം നല്‍കും ശിവരാത്രി
ശംഭോ മഹാദേവ ശംഭോ - ശിവ
ശംഭോ മഹാദേവ ശംഭോ
(വൈക്കത്തപ്പനും..)

മണിനാഗത്തിരുനാഗയക്ഷിയമ്മേ
മണ്ണാര്‍ശ്ശാലയിലെ യക്ഷിയമ്മേ
യക്ഷിയമ്മേ വാഴ്ക യക്ഷിയമ്മേ
വാഴ്ക വാഴ്ക നാഗയക്ഷിയമ്മേ
മണിനാഗത്തിരുനാഗയക്ഷിയമ്മേ

മഞ്ഞളാടി നീരും പാലുമാടി
മഞ്ജുപീതാംബരം ഞൊറിഞ്ഞു ചുറ്റി
ഏഴുമലര്‍പ്പൊടിക്കളത്തിലിരിയ്ക്കാന്‍ അമ്മ
എഴുന്നള്ളണ നേരമായി
മലര്‍ത്തിങ്കള്‍ പെണ്ണിനു മക്കളില്ലാഞ്ഞിട്ട്
മാനത്തു കമഴ്ത്തിയ പൊന്നുരുളി അമ്മ
തൃക്കണ്‍പാര്‍ത്തനുഗ്രഹിക്കണ നാള്
ഇന്ന് നക്ഷത്രം ജനിയ്ക്കണ നാള്
മണിനാഗത്തിരുനാഗയക്ഷിയമ്മേ

പ്രളയപയോധിയിൽ ഉറങ്ങിയുണർന്നൊരു
പ്രഭാമയൂഖമേ കാലമേ
പ്രകൃതിയുമീശ്വരനും ഞാനും നിന്റെ
പ്രതിരൂപങ്ങളല്ലേ
(പ്രളയപയോധിയിൽ ...)

മന്വന്തരങ്ങൾ ജനിച്ചു മരിയ്ക്കുമീ
മൺമതിൽക്കെട്ടിനു മുകളിൽ
ഋതുക്കൾ നിൻ പ്രിയ മാനസപുത്രികൾ
ഇടംവലം നിൽക്കും തേരിൽ
സൗരയൂഥങ്ങളിൽ നീ വന്നു വിതയ്ക്കും
സൗരഭ്യമെന്തൊരു സൗരഭ്യം
കാലമേ...
ഇനിയെത്ര വസന്തങ്ങൾ കൊഴിഞ്ഞാലും
ഈ സൗരഭ്യം എനിക്കു മാത്രം
എനിക്കു മാത്രം - എനിക്കു മാത്രം
(പ്രളയപയോധിയിൽ ...)