വൈക്കത്തപ്പനും ശിവരാത്രി
വടക്കുംനാഥനും ശിവരാത്രി
ഭഗവാനു തിരുനൊയമ്പ് ഇന്നു
ഭഗവതിക്കും തിരുനൊയമ്പ് - ഉണ്ണി
ഗണപതിക്കും തിരുനൊയമ്പ്
(വൈക്കത്തപ്പനും..)
സ്വര്‍ഗ്ഗഗംഗയില്‍ നീരാടി
സ്വര്‍ണ്ണക്കൂവളത്തില ചൂടി
തൃശ്ശിവപ്പേരൂര്‍ മതിലകത്തു നാഥന്‍
ദര്‍ശനം നല്‍കും ശിവരാത്രി
ശംഭോ മഹാദേവ ശംഭോ - ശിവ
ശംഭോ മഹാദേവ ശംഭോ
(വൈക്കത്തപ്പനും..)
മൂന്നാം തൃക്കണ്ണില്‍ തീയോടേ
മുടിയില്‍ നാഗഫണത്തോടെ
തിരുവേറ്റുമാനൂരമ്പലത്തില്‍ നാഥന്‍
താണ്ഡവമാടും ശിവരാത്രി
ശംഭോ മഹാദേവ ശംഭോ - ശിവ
ശംഭോ മഹാദേവ ശംഭോ
(വൈക്കത്തപ്പനും..)
അച്ഛനുമമ്മയും കാണാതെ
അമ്പലക്കെട്ടിലടുക്കളയില്‍
അരമനപ്പായസമുരുളിയോടെ ഉണ്ണി
ഗണപതിയുണ്ണും ശിവരാത്രി
ശംഭോ മഹാദേവ ശംഭോ - ശിവ
ശംഭോ മഹാദേവ ശംഭോ
(വൈക്കത്തപ്പനും)
