ആഹാഹാഹഹഹാഹാ...
തെയ്യം തെയ്യം താരേ -തൈയ്
തെയ്തോം തെയ്തോം താരേ ഇന്ന്
കാർത്തികോത്സവനാള്‌
കാടിന്നാട്ടപ്പിറന്നാള്‌
(തെയ്യം തെയ്യം..)

തപ്പുകൊട്ടെടി ദൂരെ എടി
തകിലു കൊട്ടെടീ ദൂരെ
ഈ രാവു വാഴും തമ്പുരാന്റെ
കോവിലകത്തെ മഴക്കാറെ
(തപ്പുകൊട്ടെടി..)

പുവേ വാ പൂവിന്റെ മക്കളേ വാ
പൊന്‌മലയുടെ താഴെ പൂപ്പട കൂട്ടാറായ്
പൂവേ വാ പൂവിന്റെ മക്കളേ വാ
പൊന്‌മലയുടെ താഴെ പൂപ്പട കൂട്ടാറായ്
പൂവേ വാ വാ പൂവേ വാ
പൂവേ വാ വാ പൂവേ വാ

കണ്ണിൽ മീനാടും പെരിയാർ തടാകമേ (2)
കുളിർ പമ്പാ തടമേ...
വികാരങ്ങളടിമുടി അടിമുടി മൂടും മെയ്യോടെ
വരുവതാരോ വരുവതാരോ (മീനാടും..)

ആഹാ....
ആതിരത്തേരിലേറി
തേരിൽ നിന്നുമിന്ദ്രനീലപ്പീലികൾ തൂകി (2)
കൈനീട്ടും നിശാമേഘത്തിൻ കേളീപുഷ്പമായ് (2)
ഒന്നാംകുന്നിൽ താണുതാണുതാണിറങ്ങി
സ്വപ്നദൂതനായ്
വരുവതാരോ വരുവതാരോ (മീനാടും..)

ആഹാ....
ആയിരം കൈകളോടേ
കൈകൾ തോറും കാമപ്പൂവിൻ അമ്പുകളോടേ (2)
ഓളത്തിൽ ശരൽക്കാലത്തിൽ രാസക്രീഡയ്ക്കായ് (2)
ഒന്നാം രാവിൽ നാണംകൊണ്ടു മാറിൽ ചായും
തോഴിയെ പുൽകി
വരുവതാരോ വരുവതാരോ (മീIനാടും...)

കാട് കറുത്ത കാട്
മനുഷ്യനാദ്യം പിറന്ന വീട്
കൊടും കാറ്റിൽ ചിറകു വീശി
തളർന്ന പൊന്മാനിരുന്ന കൂട്
(കാട്..)

എന്നും പ്രഭാതമെന്നോടു
കൂടിയിതിൽ ജനിയ്ക്കും എന്നും
തൃസന്ധ്യ ചിതയൊരുക്കും
(എന്നും..) ഓ....ഓ...
യുഗരഥമിതുവഴി കടന്നുപോകും
(കാട്..)

കണ്ണീരിലെന്റെ മൺ‌തോണി
വീണ്ടുമൊഴുകി വരും
അന്നെന്റെ നീലക്കിളി വരുമോ
(കണ്ണീരിലെന്റെ..) ഓ...ഓ...
ഒരു പുനർജ്ജനനത്തിലൊരുമിക്കുമോ
(കാട്..)

മഞ്ഞണിപ്പൂനിലാവ് പേരാറ്റിന്‍ കടവിങ്കല്‍
മഞ്ഞളരച്ചു വെച്ചു നീരാടുമ്പോള്‍
മഞ്ഞണിപ്പൂനിലാവ് പേരാറ്റിന്‍ കടവിങ്കല്‍
മഞ്ഞളരച്ചു വെച്ചു നീരാടുമ്പോള്‍
മഞ്ഞണിപ്പൂനിലാവ് ....

എള്ളെണ്ണ മണംവീശും എന്നുടെ മുടിക്കെട്ടില്‍
മുല്ലപ്പൂ ചൂടിച്ച വിരുന്നുകാരാ
എള്ളെണ്ണ മണംവീശും എന്നുടെ മുടിക്കെട്ടില്‍
മുല്ലപ്പൂ ചൂടിച്ച വിരുന്നുകാരാ
ധനുമാസം പൂക്കൈത മലര്‍ചൂടി വരുമ്പോള്‍ ഞാന്‍
അങ്ങയെ കിനാവു കണ്ടു കൊതിച്ചിരിക്കും

മഞ്ഞണിപ്പൂനിലാവ് പേരാറ്റിന്‍ കടവിങ്കല്‍
മഞ്ഞളരച്ചു വെച്ചു നീരാടുമ്പോള്‍
മഞ്ഞണിപ്പൂനിലാവ് ....

പൊന്നലയിൽ അമ്മാനമാടി
എൻതോണി അങ്ങേക്കരെ പോയ് വാ
ഒന്നുകോരി പത്തുകോരി
ഒത്തുകോരി മുത്തുകോരി വാ
(പൊന്നലയിൽ..)

ഇഞ്ചിഞ്ചിക്കാരേ പെണ്ണ് തരാമോ
മൊഞ്ചുള്ള മീന്മിഴിപ്പെണ്ണ്
ഹോയ് കല്ലും മാലേം മാറിൽ മിന്നണ
കന്നിപ്പെണ്ണുണ്ടോ പൊന്നലയിൽ
പൊന്നലയിൽ പൊന്നലയിൽ

പൂമീനെ തേടി പോയോനെ
കാണാതെ കേഴുന്നോളേ
ആറു കോരി നൂറു കോരി
തോണി വന്നേ ഓടി വന്നേ ഹോയ്
പൊന്നലയിൽ അമ്മാനമാടി
എൻതോണി അങ്ങേക്കരെ പോയ് വാ

ഒരുനാൾ‍ വിശന്നേറെ തളർന്നേതോ
വാനമ്പാടി കണ്ടൊരു മിന്നാമിന്നിയെ
പൊൻപയർ മണിയെന്നു തോന്നി ചെന്നു
മിന്നാമിന്നി കരഞ്ഞോതീ
കഥ കേൾക്കൂ കണ്മണീ
(ഒരുനാൾ..)

പാട്ടുപാടും നിൻ വഴിയിൽ വെളിച്ചത്തിൻ
തുള്ളികളീ ഞങ്ങൾ
നിനക്കാരീ മധുരരാഗം പകർന്നേകി
അതേ കൈകൾ ഇവർക്കേകീ ഈ വെളിച്ചം
നീ പാടും നിന്റെ മുളംകൂട്ടിന്നുള്ളിൽ നെയ്ത്തിരിയായ്‌
കത്തി നിൽക്കാം കൊല്ലരുതെ മിന്നാമിന്നി കരഞ്ഞോതീ കഥ കേൾക്കൂ കണ്മണീ
(ഒരു നാൾ..)

ഒരു ചുംബനം ഒരു മധുചുംബനം
എൻ അധരമലരിൽ വണ്ടിൻ പരിരംഭണം
കൊതിച്ചൂ ഞാനാകെ തരിച്ചൂ
നിന്നോടതുരയ്ക്കുവാൻ എൻ നാണം മടിച്ചൂ
(ഒരു ചുംബനം..)

കുളിർ കോരിയുണരുന്ന മലർ‌വാടിയിൽ - അന്നു
കളിചൊല്ലി നീ നിന്ന പുലർ‌വേളയിൽ
ഒരു നൂറുസ്വപ്നങ്ങൾ വിടർത്തുന്ന പൂമുല്ലത്തണലിൽ ഞാൻ
മറ്റൊരു ലതയാകവേ വിറച്ചൂ മാറിടം തുടിച്ചൂ
നിന്നോടതുരയ്ക്കുവാൻ എൻ നാണം മടിച്ചൂ
ഒരു ചുംബനം ഒരു മധുചുംബനം

ആ...ആ...ആ...
ധൂം ധൂം തന ധൂം തനനനനന
ധൂം ന ധൂം ന ചിലങ്കേ
നിന്റെ താളം രാസ ലാസ്യ താളം
ധൂം ധൂം തന ധൂം തനനനനന
ധൂം ന ധൂം ന ചിലങ്കേ
നിന്റെ - നിന്റെ താളം

സാനിധ നിധപ സ
സ സാനിധ നിധാപ
ഗമപഗ ഗമപ മപധമ മപധ
പധനി ധനിസ നിസ സ-സ

ദുഃഖിതരേ പീഡിതരേ
നിങ്ങൾ കൂടെ വരൂ
നിർദ്ധനരേ മർദ്ദിതരേ
നിങ്ങൾ കൂടെ വരൂ

ദുഃഖിതരേ പീഡിതരേ
നിങ്ങൾ കൂടെ വരൂ
നിർദ്ധനരേ മർദ്ദിതരേ
നിങ്ങൾ കൂടെ വരൂ
നിങ്ങൾക്ക് സ്വർഗ്ഗരാജ്യം
സ്വർഗ്ഗരാജ്യം

ബത്‌ലഹേമിൻ ദീപമെ
ദൈവരാജ്യത്തിൻ സ്വപ്നമേ
നിന്റെ നാമം വാഴ്ത്തപ്പെടുന്നൂ
നിന്റെ രാജ്യം വരുന്നൂ
ഇസ്രയേലിൻ നായകാ
വിശ്വസ്നേഹത്തിൻ ഗായകാ
നിന്റെ നാമം വാഴ്ത്തപ്പെടുന്നൂ
നിന്റെ രാജ്യം വരുന്നൂ

നിന്ദിതരേ നിരാശ്രയരേ
നിങ്ങൾ ഭാഗ്യവാന്മാർ
ക്രിസ്തുവിന്റെ കൂടാരങ്ങൾ
നിങ്ങൾക്കുള്ളതല്ലോ

യമുനേ നീയൊഴുകൂ യാമിനീ
യദുവംശമോഹിനീ
ധനുമാസപൂവിനു പോകും യാമം
യമുനേ നീയൊഴുകൂ യാമിനീ
യദുവംശമോഹിനീ
ധനുമാസപൂവിനു പോകും യാമം
ഇതിലേ നീയൊഴുകൂ....

കുളിര്‍ത്തെന്നല്‍ നിന്റെ
നേര്‍ത്തമുണ്ടുലച്ചിടുമ്പോള്‍
കവിളത്തു മലര്‍ക്കുടങ്ങള്‍ ചുവന്നു വിടര്‍ന്നിടുമ്പോള്‍
തുളുമ്പുന്ന സോമരസത്തിന്‍
തളിര്‍ക്കുമ്പിള്‍ നീട്ടിക്കൊണ്ടീ
തേര്‍തെളിയ്കും പൗര്‍ണ്ണമാസി
പഞ്ചശരന്‍ പൂക്കള്‍ നുള്ളും കാവില്‍
അന്ത:പ്പുരവാതില്‍ തുറക്കു നീ
വിലാസിനീ സ്വപ്നവിഹാരിണീ
ആ....ആ...ആ..
(യമുനേ....)