പിന്നെയും പാടിയോ രാപ്പാടി നീ
പ്രിയ ഹൃദയ ഗീതകം(2)
അറിയില്ല നീ  അനുരാഗി തൻ
അകതാരിൻ ഗന്ധം ചൊല്ലി
ശ്രുതിയിണക്കും മാരുതൻ (പിന്നെയും..)

വിടരുന്ന പൂവിൻ ദുഃഖം
ഉരുകുവതു തേൻ
പ്രണയിക്കും കരളിൻ സ്വപ്നം
മിഴിയിതളിൽ തേൻ
പറയാത്തൊരായിരം വ്യഥകൾ നിന്നോർമ്മയിൽ
അഴലിനുമറിവ് നീ ഒരു സുഖം (പിന്നെയും..)

ഇരുളിന്നുമുണ്ട് മോഹം
കൈതമലർ പോൽ
പുകയുന്ന മനസ്സിൻ നോവും
ചിലർക്കു ചിരി താൻ
പാടാത്തൊരായിരം വരികൾ നിൻ നാവിലും
അഴലിനുമറിവ് നീ ഒരു സുഖം (പിന്നെയും..)

ആലോലം ഓലോലം മുകിൽ പുഷ്പം ചൂടി

ആഷാഢത്തിലെ പൂക്കളുമാടി

കോച്ചി വിറയ്ക്കുന്ന കാവും കൊതിച്ചു

കോകില കാകളി കേട്ടുറങ്ങീടാൻ

(ആലോലം..)

ശരധാരതൂകിയൊരിന്ദ്ര ധനുസ്സും

മണമുണ്ടു നീർ കുടിച്ച് ഇളകുന്ന കാറ്റും (2)

കാവും രാവും അറിഞ്ഞില്ല നമ്മൾ

കുളിർ കൊണ്ടു നൊന്തകാര്യം ഈ

കുളിർമാല കോർത്ത കാവ്യം

(ആലോലം..)

ഒരു താരം കാർകൊണ്ടൽ കിളിവാതിലിലൂടെ

ഒളി ചിന്നി ശുഭമസ്തു എന്നോതിടുന്നു (2)

ഇലയും പൂവും പുണർന്നാടുന്നു

എൻ ഹർഷസംഗീതം ഇനി

കാളിക്ക് ഭരണിനാളിൽ കുത്തിയോട്ടം
കാവിലെ ഭഗവതിക്ക് തിരുമുടിയാട്ടം
കുത്തിയോട്ടം കാണാം മുടിയാട്ടം കാണാം
കുഞ്ഞുമോളേ നീ കുണുങ്ങി വാ എന്റെ
പൊന്നുമോളേ നീ കുണുങ്ങി വാ
(കാളിക്ക്..)

കർക്കിടകത്തിലെ പമ്പയാറും എന്റെ
കാക്കക്കറുമ്പിയുമൊന്നു പോലെ
എന്നു നീ ഇണങ്ങും
എന്നു നീ പിണങ്ങും
എങ്ങനെയറിയുമെടീ തങ്കം
എങ്ങനെയറിയുമെടീ
(കാളിക്ക്..)

കന്നിക്കുളപ്പാല പാൽക്കുടവും എന്റെ
കള്ളീടെ മോഹവുമൊന്നു പോലെ
എന്നു നീ നിറയും
എന്നു നീ ഒഴിയും
എങ്ങനെയറിയുമെടീ തങ്കം
എങ്ങനെയറിയുമെടീ
(കാളിക്ക്..)

അമ്പിളിപ്പൂമലയിൽ
അഞ്ജന മണിമലയിൽ
ആരു നട്ടു പൊന്നുംകാന്താരി
രാവായാൽ പൂത്തിറങ്ങും
രാവു പോയാൽ വാടി വീഴും
ആകാശപ്പൊന്നും കാന്താരി
അമ്പിളിപ്പൂമലയിൽ
അഞ്ജന മണിമലയിൽ

നക്ഷത്രപ്പൂക്കളെന്നു നീ പറഞ്ഞു
നമ്മുടെ മോഹമെന്നു ഞാൻ പറഞ്ഞു
ഇന്നു വാടി വീണാലെന്തേ പൂങ്കുയിലേ
നാളെ വീണ്ടും വിടരുമല്ലോ പൂങ്കുയിലേ
ആരു നട്ടു പൊന്നും കാന്താരി
ആകാശപ്പൊന്നും കാന്താരി
അമ്പിളിപ്പൂമലയിൽ
അഞ്ജന മണിമലയിൽ

കാലദേവത തന്ന വീണയിൽ
കനകം കെട്ടിയ ഭാവനേ
മധുരമോഹതരംഗ തന്ത്രികൾ
മൗനം മൂടിയതെങ്ങനെ
രാഗമോ അനുരാഗമോ
ഇതു പ്രാണസംഗമ നിദ്രയോ
കാലദേവത തന്ന വീണയിൽ
കനകം കെട്ടിയ ഭാവനേ

ആദ്യരാഗ വികാരവാഹിനി
ആർദ്രതാ കല്ലോലിനി
അതിന്റെ താളവും അതിന്റെ ഭാവവും
ആദ്ധ്യാത്മികമല്ലോ ആ ഗതി
അന്തർമുഖമല്ലോ
കാലദേവത തന്ന വീണയിൽ
കനകം കെട്ടിയ ഭാവനേ

ഞാനുണർത്തിയ സ്വരസുമാവലി
ഗാനമാകുവതെന്നിനി
അനർഘമാം ആ നിമിഷമണയാൻ
ആത്മാവുരുകുന്നു ഇന്ദ്രിയ
സന്ധ്യകളുണരുന്നൂ

സന്ധ്യയാം മകളൊരുങ്ങി
സിന്ദൂരപ്പുടവ ചുറ്റി
ജനകനാം പകൽ നടുങ്ങി
ഇനി വേർപിരിഞ്ഞിടേണം
പിരിഞ്ഞിടേണം (സന്ധ്യയാം...)

സ്വന്തമല്ലെന്നോതി തെന്നൽ
എങ്കിലും ഞാനമ്മയല്ലോ (2)
എന്നു ചൊല്ലി കണ്ണീർ വാർത്തു
നിന്നു മേലേ നീലാംബരം.. (സന്ധ്യയാം...)

സാന്ത്വനമായ് കടൽ വിളിക്കും
വാസരം അതിൽ ലയിക്കും (2)
സന്ധ്യ രാവിൻ മാറിൽ ചായും
വാനിടമോ കണ്ണീർ വാർക്കും (സന്ധ്യയാം...)

നിറങ്ങളിൽ നീരാടുന്ന ഭൂമി
എനിക്കു നീ ദാനം തന്ന ഭൂമി
മഴവില്ലിൻ അഴകുരുകി
പടരുന്ന പൂവനങ്ങൾ (നിറ,....)

മയങ്ങിക്കിടന്നാലും
മനസ്സിന്റെ തന്ത്രികൾ
ഉലഞ്ഞുണർന്നീടുമീ
ഉണർത്തു പാട്ടിൽ

സഖി നിന്നാനനം
ഒരു വൃന്ദാവനം
ചൊടി നിറയെ കുങ്കുമം
ഓ....രാഗാർദ്രമാം കുങ്കുമം
തൂവുകെൻ ജീവനിൽ ഓമനേ (നിറ..)

ഹിമപുഷ്പവർഷത്തിൽ
തളിരിളം പൂമേനി
കുളിർമൊട്ടുമണിമാല
പുതച്ചിടുമ്പോൾ

മധുരാലിംഗനം തരുമെൻ സാന്ത്വനം
മിഴി മൊഴിയും ഭാവുകം
ഓ...മോഹങ്ങൾ തൻ മോഹനം
മീട്ടുകെൻ ജീവനിൽ ഓമനേ (നിറ....)

പൊന്നും തേനും ചാലിച്ചു നൽകിയ കൈകളാലേ
പൂന്തൊട്ടിലാട്ടിയ കൈകളാലേ
പൂമെനി കാലമെല്ലാം പുണർന്നിടാതെ
പൊന്നുമോളെ തനിച്ചാക്കി പോവതെങ്ങനെ
അമ്മ പോവതെങ്ങനെ (പൊന്നും..)

പളുങ്കിളം ചുണ്ടു വരണ്ടാൽ പാൽ ചുരത്തും മാറിടത്തിൽ
കിളിക്കൊഞ്ചൽ കിലുങ്ങിടുമ്പോൾ തേൻ തുളുമ്പും മനതാരിൽ
ഞാൻ ചെയ്ത സുകൃതം പുഞ്ചിരിയായ്
ഈ വെളിച്ചം വെടിഞ്ഞമ്മ പോവതെങ്ങനെ
അമ്മ പോവതെങ്ങനെ (പൊന്നും..)

നിഴൽ വീഴ്ത്തിയോടുന്ന നീലമേഘം
നിരമാല വിരിക്കുന്ന പൂങ്കാവനം
ഹേമന്തസുന്ദരി തൻ തേരോടും താഴ്വരയിൽ
പുലരികൾ പൂവുകളാൽ വിടരുന്നു
സന്ധ്യകൾ നിൻ കവിളായ് തുടുക്കുന്നു (നിഴൽ....)

മഴമുകിൽ നിരയടിഞ്ഞു
മലർമുടി കെട്ടഴിഞ്ഞു
മാലേയ കുളിർ നെറ്റി മതിലേഖയായ് തെളിഞ്ഞു
ഓമലേ നിൻ കണ്ണിൽ നിൻ മാറിൽ അനുരാഗം
ഓണപ്പൂക്കളങ്ങൾ എഴുതുന്നു (നിഴൽ....)

നിൻ കളമൊഴികളിലെ നൂപുരമണികൾ ചൂടി
പൂന്തെന്നലലകൾ പാടി പുതിയൊരു പ്രേമഗാനം
ഗാനമതിലലിഞ്ഞു നിൻ മുടിപ്പൂവിൻ ഗന്ധം
നീയെൻ പുണ്യമായ് വളരുന്നു (നിഴൽ..)

കാട്ടുമുല്ലപ്പെണ്ണിനൊരു കഥ പറയാൻ മോഹം
പാട്ടുകാരൻ കാറ്റിനതു കേട്ടു നിൽക്കാൻ മോഹം
പാട്ടുപാടി പാട്ടുപാടി ചേർന്നു നൃത്തമാടി
പവിഴമേടു കണ്ടു നിൽക്കെ തമ്മിൽ സ്നേഹമായി (കാട്ടുമുല്ല....)

കാട്ടരുവിക്കരയിലൊരു കസ്തൂരിമാൻ കുട്ടി
കസ്തൂരിമാൻ കുട്ടിക്കൊരു കൂട്ടുകാരൻ കുട്ടി
കാടെവിടെ നാടെവിടെന്നറിയാതെ വന്നവർ
കടമ്പുമരത്തണലുകളിൽ താമസിച്ചു വന്നു (കാട്ടുമുല്ല....)