നീലസാഗരതീരം
നിന്റെ നീർമിഴിയോരം
ചൈത്ര സന്ധ്യാകാശം
ചാരുരത്നകപോലം

ജീവസാഗര ഗീതം
നിന്റെ മോഹസംഗീതം
നിത്യ നീലാകാശം
ഞാൻ കവർന്ന ഹൃദന്തം

സാഗരത്തിൻ തിരകളിലാടും
രാഗഹംസത്തോണി (2)
ചിന്തകളിൽ തേനലകളുണർത്തും
ചിത്രമോഹത്തോണി (2)

ജീവസാഗര ഗീതം
നിന്റെ മോഹസംഗീതം
നിത്യ നീലാകാശം
ഞാൻ കവർന്ന ഹൃദന്തം

ഓമനേ നിൻ തളിരധരത്തിൽ
ദാഹയൗവനമേളം
ഗാനയൗവനമേളം
ഗാനപതംഗം പാറും വനിയിലും
പ്രേമശൃംഗാരമേളം (2) 

നീലസാഗരതീരം
നിന്റെ നീർമിഴിയോരം
ചൈത്ര സന്ധ്യാകാശം
ചാരുരത്നകപോലം

ഓമനത്താമര പൂത്തതാണോ
ഓമനേ നിൻ മുഖബിംബമാണോ
ചന്ദന ചന്ദ്രിക ചോലയാണോ
സുന്ദരീ നിൻ മന്ദഹാസമാണോ 

നീലമേഘാവലി നിരയിടിഞ്ഞോ
നിന്റെ വാർകൂന്തളം കെട്ടഴിഞ്ഞോ
നെറ്റിയിൽ കോലം വരച്ചതാണോ
ചിറ്റളകങ്ങൾ നിരന്നതാണോ 
ഓമനത്താമര പൂത്തതാണോ

നിൻ കഥ പാടാത്ത കവികളുണ്ടോ
നിൻ ചിത്രമെഴുതാത്ത തൂവലുണ്ടോ
നിൻ രൂപമാവാത്ത ചൂഡരമ്യം
നീയനുരാഗത്തിൻ വിശ്വഹർമ്മ്യം 

ഓമനത്താമര പൂത്തതാണോ
ഓമനേ നിൻ മുഖബിംബമാണോ
ചന്ദന ചന്ദ്രിക ചോലയാണോ
സുന്ദരീ നിൻ മന്ദഹാസമാണോ 

തമസാനദിയുടെ തീരത്തൊരുനാള്‍
തപസ്സിരുന്നൊരു രാജന്‍
തൊടുന്നതെല്ലാം പൊന്നാകാനൊരു
വരംകൊടുത്തു ദൈവം
തമസാനദിയുടെ തീരത്തൊരുനാള്‍
തപസ്സിരുന്നൊരു രാജന്‍

കനകപ്രഭതന്‍ കല്ലോലിനിയില്‍
കണ്ണുകള്‍ മങ്ങിപ്പോയി
കൊട്ടാരം പൊന്നാക്കി കോട്ടകള്‍ പൊന്നാക്കി
കണ്ടതു കണ്ടതു പൊന്നാക്കി
തമസാനദിയുടെ തീരത്തൊരുനാള്‍
തപസ്സിരുന്നൊരു രാജന്‍

ആര്‍ത്തികുറഞ്ഞു അമൃതേത്തിന്നിരുന്നു
ആഹാരം പൊന്നായിപ്പോയി
അരുമക്കിടാവിനെ മാറോടണച്ചപ്പോള്‍
അവളൊരു സ്വര്‍ണ്ണപ്രതിമയായി
തമസാനദിയുടെ തീരത്തൊരുനാള്‍
തപസ്സിരുന്നൊരു രാജന്‍

മാനവമനമൊരു മഹാവനം
മദയാനകള്‍ തിങ്ങും ഘോരവനം
മലയജശീതളമന്ദസമീരനില്‍
മലരുകള്‍ തുള്ളും മായാവനം
മാനവമനമൊരു മഹാവനം
മദയാനകള്‍ തിങ്ങും ഘോരവനം

കോപവികാരച്ചെമ്പുലികള്‍
കൂകിവിളിക്കും കുറുനരികള്‍
അഹന്തതന്‍ വന്‍ സിംഹങ്ങള്‍
അലറിനടക്കും ഹൃദയവനം
മാനവമനമൊരു മഹാവനം
മദയാനകള്‍ തിങ്ങും ഘോരവനം

വര്‍ണ്ണപ്പൂവിന്‍ മറവിലിരിക്കും
സ്വര്‍ണ്ണം ചൂടിയ പാമ്പിന്‍ മാളം
പുറമേ പുഞ്ചിരി അകമേ വന്‍ ചതി
ഇതുതാന്‍ ജീവിത കവിതാഭാവം

പറയാൻ എനിയ്ക്കു നാണം
പകലുറക്കത്തില്‍ കണ്ടേ 
പതിവില്ലാതൊരു സ്വപ്നം
(പറയാൻ..)

പറഞ്ഞുപോയാലെന്നെ പരിഹസിക്കും
പറഞ്ഞില്ലെങ്കിലോ പരിഭവിക്കും
പരിഹസിച്ചാല്‍ ഞാന്‍ തളര്‍ന്നുപോകും
പരിഭവവാക്കുകേട്ടാല്‍ കരഞ്ഞുപോകും
(പറയാൻ..)

സ്വപ്നത്തില്‍ വന്നതെന്റെ നാഥനാണോ
സ്വര്‍ഗ്ഗത്തില്‍ നിന്നു വന്ന ദേവനാണോ
ആ വേണുഗാനമെന്നില്‍ നിറഞ്ഞുപോയി
ആ ഭാവഗംഗയില്‍ ഞാനൊഴുകിപ്പോയി
(പറയാൻ..)

കാമുകൻ വന്നാൽ കള്ളനു കേൾക്കാൻ
കഥ പറയാമോ കിളിമകളേ (2)
കരളിരിക്കും കിളിമകളേ (കാമുകൻ...)

നാണം കൂട്ടിയ പൊന്നഴിക്കൂട്ടിൽ
നീയെന്തിനിയും മറയുന്നു (2)
അവനായ് കരുതിയ കതിർമണിയിനിയും
ആത്മാവിൽ നീയൊളിക്കുന്നു (കാമുകൻ...)

ദേഹം പാടേ കുളിരും രാവിൽ
ദേവൻ കനിയാൻ വൈകുന്നു (2)
വിരലിൽ കനവിൽ പാടിയ വരികൾ
വീണയ്ക്കായി വിതുമ്പുന്നു  (കാമുകൻ...)

ഒരു വിളി കേട്ടാൽ വിളി കേൾക്കാനായ്
കരളും കവിളും കാക്കുന്നു (2)
ഒരു നിമിഷത്തിൽ ഒരു ജന്മത്തിൻ
ഓർമ്മകൾ തരുമോ കിളിമകളേ  (കാമുകൻ...)

ഞാനൊരു പാവം മോറീസ് മൈനര്‍
അവളൊരു സെവന്റിവണ്‍ ഇമ്പാലാ
ഫോറിന്‍ ഫിയറ്റിനെ പ്രേമിച്ചവളെ
മോറീസ്സിനിനി ഉലകമേ മായം ഈ
മോറീസ്സിനിനി വാഴ്വേമായം
പോനാല്‍ പോകട്ടും പോടാ
ഞാനൊരു പാവം മോറീസ് മൈനര്‍
അവളൊരു സെവന്റിവണ്‍ ഇമ്പാലാ

കൗരവസദസ്സില്‍ കണ്ണീരോടെ
കൈകൂപ്പി നിന്നു പാഞ്ചാലി
അരുതേ അരുതേ സഹോദരാ
അരുതേ അരുതേ സഹോദരാ
അപമാനിക്കരുതേ പെങ്ങളെ
അപമാനിക്കരുതേ
യാചിച്ചു ദേവി യാചിച്ചു
രാജസദാചാരം കണ്ണടച്ചു
അരുതേ അരുതേ സഹോദരാ

ദുശ്ശാസനനൊരു ദുഖാഗ്നിയായി
ദുര്‍ഭഗതന്‍ മുന്നില്‍ എരിഞ്ഞു നിന്നു
അവളുടെ വസ്ത്രങ്ങളഴിച്ചു
അധികാരഗര്‍വ്വമാര്‍ത്തു ചിരിച്ചു
ജ്ഞാനികള്‍ മഹര്‍ഷികള്‍ തലകുനിച്ചു
അരുതേ അരുതേ സഹോദരാ
അപമാനിക്കരുതേ പെങ്ങളെ
അപമാനിക്കരുതേ

ഓ..ഓ....
ഓച്ചിറക്കളി കാണാന്‍ കൊണ്ടുപോകാം..
ഓടു കാളേ..
ഓച്ചിറക്കളി കാണാന്‍ കൊണ്ടുപോകാം
ഓട്ടുമണി കിലുങ്ങുമാറ് കുലുങ്ങു കാളേ
ഒരു വല്ലം കപ്പയുംകൊണ്ടോടു കാളേ
ഓച്ചിറക്കളി കാണാന്‍ കൊണ്ടുപോകാം..
ഓടു കാളേ...

ഓ...
തുളസിപൂത്ത താഴ്വരയില്‍
തുമ്പിതുള്ളാന്‍വന്ന കാറ്റേ
തൂമിഴിയില്‍ കവിതയൂറും
പൂമകളേ പുണരുക നീ
തുളസിപൂത്ത താഴ്വരയില്‍ -കൃഷ്ണ
തുളസിപൂത്ത താഴ്വരയില്‍

കളിപറയും നിന്റെ നാവില്‍
കസ്തൂരിമണമിവള്‍ പകരും
കളിപറയും നിന്റെ നാവില്‍
കസ്തൂരിമണമിവള്‍ പകരും
കളമൊഴിയിവള്‍ നിന്റെ പാട്ടില്‍
കഥകളിപദമധു ചൊരിയും
തുളസിപൂത്ത താഴ്വരയില്‍ -കൃഷ്ണ
തുളസിപൂത്ത താഴ്വരയില്‍