കിഴക്കു നിന്നൊരു പെണ്ണു വന്ന്
കിനാവു പോലൊരു പെണ്ണ് വന്നു
കയറു പിരിക്കണു കതിരിഴ നൂൽക്കണ്
കാണാനെന്തൊരു ശേല്!
കാണാനെന്തൊരു ശേല്
തട്ടമുണ്ടോ പെണ്ണിന്
തരിവളയുണ്ടോ പെണ്ണിന്
തട്ടമില്ല തരിവളയില്ലാ
താലികെട്ടാനാളില്ല (കിഴക്കു...)

ബുദ്ധം...  ശരണം.... ഗച്ഛാമി
ബുദ്ധം ശരണം ധർമ്മം ശരണം സംഘം ശരണം
ഈ മണ്ണിൽ ചൊരിയൂ കനിവിൻ കതിർമഴ
ശരണം..ശരണം...
നാടിരുന്നു പോയ് നിലച്ചു പോയ്
നായക നൽകുക ജീവജലം 
ശരണം .. ശരണം

ധർമ്മദീപശിഖ തരൂ
കർമ്മമരുസുഖം തരിക ഭഗവാൻ 
ശരണം .. ശരണം

ശാക്യകുലമണിയേ ജയ -
ശാന്തി ശുഭനിധിയേ ജയജയ 
ശരണം... ശരണം

സ്നേഹഗായകാ വരുന്നൂ ഞങ്ങൾ
ജീവിതാഞ്ജലികൾ തരുന്നൂ ഞങ്ങൾ
കപിലവസ്തുവിൻ കനകദീപമേ
ലോകശാന്തിതൻ താരകമേ 
ശരണം .. ശരണം

മണിവർണ്ണനെ ഇന്നു ഞാൻ കണ്ടു സഖീ (2)
ആ വനമുരളീ ഗാനവിഹാരീ (3)
ജീവനിലരുളീ മധുമാരി
മണിവർണ്ണനെ ഇന്നു ഞാൻ കണ്ടു സഖീ

പാടിപ്പാടി കുളിരല ചൂടി
പാവന യമുനയിൽ നീരാടി(2)
നന്ദനവനിയിൽ  ചന്ദനമഴയിൽ
സുന്ദരസുരഭില മണിയറയിൽ 
മണിവർണ്ണനെ ഇന്നു ഞാൻ കണ്ടു സഖീ

മായുകയില്ലാ സംഗീതാത്മക
മാധുരി ചൂടിയ പുളകങ്ങൾ (2)
മായുകയില്ലാ രാഗപരാഗം
മാനസമാതള മലരിതളിൽ
മണിവർണ്ണനെ ഇന്നു ഞാൻ കണ്ടു സഖീ (2)

ചിങ്കാരപ്പെണ്ണിന്റെ കാതിൽ വന്നു
കിന്നാരം ചോദിച്ച കാറ്റേ - നിന്നു
തന്നാനം പാടുന്ന കാറ്റേ (ചിങ്കാര. . )

കാണാതെ നാണിച്ചു നിൽക്കും- നിന്റെ
കാതിൽ ഞാനിന്നൊന്നു ചൊല്ലാം
കാണാത്ത നാടിന്റെ മാറിൽ നിന്നാ
കാലൊച്ച ഞാനിന്നു കേട്ടു (ചിങ്കാര..)

വെള്ളാമ്പൽച്ചോലയിലൂടെ
കളിവള്ളം തുഴഞ്ഞു വന്ന നേരം
വെള്ളായം പൂശിയ കുന്നിൽ നിന്നാ
പുല്ലാങ്കുഴൽ വിളി കേട്ടു (ചിങ്കാര..)

മായാത്ത പൂത്താലിമാല തന്നു - എന്റെ
മാരൻ കനിഞ്ഞു തന്ന നാളിൽ
പാടാത്ത പാട്ടു ഞാൻ പാടും ഇന്ന്
ചൂടാത്ത പൂവു ഞാൻ ചൂടും (ചിങ്കാര..)

മായല്ലേ മാരിവില്ലേ മലർവാടിയിൽ
വാടാമലർവാടിയിൽ
വാനിൻ മലർവാടിയിൽ
മാനത്തെ പൂമരത്തിൻ മണിവിതാനം
മായാമണിവിതാനം
വാനിൻ മണിവിതാനം

പിടയുമെന്നാത്മാവിൽ പൂത്ത
കുടമുല്ലപ്പൂവുകളേ
മിഴിനീരിൽ മുങ്ങി മുങ്ങി നിങ്ങൾ
കൊഴിയല്ലേ വിങ്ങി വിങ്ങി
വരുമല്ലോ കാട്ടുപെണ്ണേ കറുത്ത പെണ്ണെ
നാളെ നിനക്കൊരുത്തൻ
കെട്ടാൻ നിനക്കൊരുത്തൻ

നോവിക്കും നുള്ളി നുള്ളി കളി പറഞ്ഞാൽ
ചുമ്മാ കളി പറഞ്ഞാൽ
ചുമ്മാ കളി പറഞ്ഞാൽ
പുകയുകയാണല്ലോ നീറി
തകരുകയാണല്ലോ
എരിയുമെൻ പ്രാണനാളം നോവും
കരളിന്റെ ദീപനാളം

പൂമുല്ല പൂത്തല്ലൊ പൂമാല കോർത്തല്ലൊ
പൂജയ്ക്കു പൂവില്ലേ പൂക്കൂടയിൽ
പൂമുല്ലപൂത്തിട്ടും പൂമാലകോർത്തിട്ടും
പൂജാരി വന്നില്ല പൂത്തറയിൽ

മണീദീപം മങ്ങാതെ മങ്ങാതെ സൂക്ഷിച്ച
കുടിലിന്റെ കരളിന്റെ ശ്രീകോവിലിൽ
അനുരാഗമന്ത്രങ്ങൾ ചൊല്ലാൻ മറന്നു
പ്രണയവിലോലൻ മമഗായകൻ

കിന്നാരം ചോദിച്ചു ചാരത്തു വന്നൊന്നും
തന്നീല തന്നീലെൻ പ്രാണനാഥൻ
കളിവാക്കുകൊണ്ടെന്നെ കളിയാക്കും നേരം
കതിർതൂകും പുഞ്ചിരി എങ്ങുപോയി

കാണാതെ കണ്ടപ്പോൾ എല്ലാം പറഞ്ഞൊന്നു
കാലുപിടിയ്ക്കാൻ മറന്നുപോയി
കരളിന്റെ ജാലക ശീലകൾ കണ്ടഞാൻ
കരയാതെ നിൽക്കാൻ മറന്നുപോയി

അങ്ങാടീ തോറ്റുമടങ്ങിയ 
മുറിമീശക്കാരാ (2)
എന്നോടി വക്കാണത്തിനു 
കാരിയമെന്തെന്നേ -അയ്യോ
കാരിയമെന്തെന്നെ
അങ്ങാടീ തോറ്റുമടങ്ങിയ 
മുറിമീശക്കാരാ

അല്ലല്ലാ മഞ്ഞളരയ്ക്കണ
കവിളുചുവന്നല്ലോ - നിങ്ങടെ
കവിളുചുവന്നല്ലോ (2)
അയ്യയ്യാ മീഞ്ചെതുമ്പലു
കണ്ണിലുവീണല്ലൊ - നിങ്ങടെ
കണ്ണിലുവീണല്ലൊ

ആ.. ..ആ.. .ഓ...ഓ. . 
മാനസറാണീ മാനസറാണീ (2)
മാനത്തുണ്ടൊരു മയിലാട്ടം (2) -അതു
കാണാൻ പോകണ പെണ്ണേ (2)
നീലച്ചോലയിൽ നീരാടണ്ടേ
നീന്തറിയാമോ പെണ്ണേ 
മാനസറാണീ മാനസറാണീ

ഏലക്കാടിനു മേലേ - ഒരു
മാലക്കാവടി പോലെ(2)
ചന്ദ്രക്കലയുടെ ഗോപുരനടയിൽ
ചന്തം ചാർത്തിയതാരോ 
മാനസറാണീ മാനസറാണീ

കൂട്ടിരിക്കും കുയിലേ (2)
നീ കൂവി വിളിക്കുവതാരേ (2)
മാന്തളിർ തിന്നു മയങ്ങീടും - മണി
മാരനുണർന്നോ ദൂരേ 
മാനസറാണീ മാനസറാണീ

എന്തിന്നു പൊൻകനികൾ
കിനാവിൻ മുന്തിരിവള്ളികളേ
എന്തിന്നു പൊൻകനികൾ

നീലവാടികളിൽ നിലാവിൽ
നീയാരെയാരായ്‌വതീ മൂകരാവിൽ (2)
നോവുകയോ ഹൃദയം ഇതെന്തേ
പൂവുകൾ കേഴുകയോ 
എന്തിന്നു പൊൻകനികൾ

ദീപനാളമിതാ പൊലിഞ്ഞു
ഈ രാവിൽ ആരാണിതൂതിയതാവോ (2)
മാമക മൺകുടിലും തകർന്നു
മാലലമാലകളിൽ 
എന്തിന്നു പൊൻകനികൾ

ഈ അനന്തതയിൽ വിമൂകം
ആയിരം യാമങ്ങൾ വീണുറങ്ങുമ്പോൾ (2)
നീറീടുമെൻ കരളിൻ കയങ്ങൾ
ഗായകാ കാണ്മീലേ 
എന്തിന്നു പൊൻകനികൾ
കിനാവിൻ മുന്തിരിവള്ളികളേ
എന്തിന്നു പൊൻകനികൾ

ആയിരം കൈകള് ആയിരം കൈകള്
ആരിക്ക് നെയ്യണീ പൊന്മാല മല -
നാടിനു നെയ്യണി പൊന്മാല
ഈ താമര നാരിന്റെ തൂവാല

വെള്ളില വള്ളികൾ പൂത്തല്ലോ
വെള്ളിവിളക്കു തെളിഞ്ഞല്ലോ
കുഞ്ഞോലക്കുഴലൂതിയുണർന്നേ
കുഞ്ഞാറ്റപ്പൈങ്കിളികൾ(2) 
(ആയിരം..)

ഓടി വരുന്നൊരു ചെങ്കതിരേ
ഓണക്കുളിരിന്റെ പൊൻ കതിരേ
മൈലാഞ്ചി പൂശിയ കൈയാൽ 
കോർത്തിടാം മാവേലിനാടിന്നീ പൂമാല (2)
(ആയിരം..)

ഏഴു കടലുകൾ ചൂഴും 
നമ്മുടെ നാടുണർന്നല്ലോ (2)
ഏലമലകൾ ചൂടും നമ്മുടെ
നാടുണർന്നല്ലോ (2)
(ആയിരം..)