അതിഥീ - അതിഥീ - അജ്ഞാത നവാതിഥീ
ആ..ആ....ലാ...ലലലാ......ആ..ആ..ആ...

അതിഥീ അതിഥീ അജ്ഞാത നവാതിഥീ 
ആരെ തേടിത്തേടി വരുന്നൂ
അല്ലിമലര്‍ താഴ്വരയില്‍
നീലമഹാമല മേലേ - നിത്യവസന്തം നീളേ
അതിഥീ അതിഥീ അജ്ഞാത നവാതിഥീ

മാസ്മര മന്ത്രങ്ങള്‍ ചൊല്ലാനെത്തിയ
മായാ താപസനാണോ നീ - ഉം
മന്മഥബാണങ്ങളെയ്യാനെത്തിയ 
മറ്റൊരു ദുഷ്യന്തനാണോ നീ
അതിഥീ അതിഥീ അജ്ഞാത നവാതിഥീ

ആരണ്യഗാനം പാടിനടക്കാന്‍ 
ആശ്രമവാസികളില്ലിവിടെ 
ആയിരം സങ്കല്പ വര്‍ണങ്ങള്‍ നെയ്യും 
ആലോല നര്‍ത്തകി ഞാന്‍ മാത്രം

മധു പകര്‍ന്ന ചുണ്ടുകളില്‍ 
മലര്‍ വിടര്‍ന്ന ചുണ്ടുകളില്‍ 
മറന്നുവെച്ചു പോയീ ഞാന്‍ 
മധുരമധുരമൊരു ഗാനം

മധു കവര്‍ന്ന ചുണ്ടുകളില്‍
മലരമര്‍ന്ന ചുണ്ടുകളില്‍
മറന്നുവെച്ചു പോയീ ഞാന്‍
മധുരമധുരമെന്‍ നാണം

പിടയും നെഞ്ചിലമരുമ്പോള്‍ 
പിരിയുമെന്നതാരോര്‍ക്കും
അലിഞ്ഞലിഞ്ഞു ചേരുമ്പോള്‍ 
അകലുമെന്നതാരോര്‍ക്കും
(മധു...)

ഇനിയുമെന്ന് നിന്നധരം 
തിരിച്ചു നല്‍കുമാ ഗാനം
എന്റെ നാണം കവര്‍ന്നവനേ 
എനിക്കുവേണം നിന്‍ ഗാനം
(മധു...)

കുടുകുടുവേ കുടുകുടുവേ കുടു കുടുവേ... 

കുടുകുടുത്തിര കുമ്മിയടിത്തിര
കുത്തിയോട്ടത്തിരകൾ
കുടുകുടു കളിച്ചോടിയണയുന്നു
കൂടിയാട്ടത്തിരകൾ (കുടുകുടു...)

സുല്ലു പറഞ്ഞു കളിക്കാതെ നിൽക്കുന്നു
കള്ളൻ കടൽത്തീരം
കള്ളനെ കൈയ്യിലൊതുക്കാൻ കൊതിക്കുന്നു
മണ്ടൻ കളിത്തെന്നൽ (കുടുകുടു....)

മുത്തണികിങ്ങിണിത്താളവുമായ് നമ്മൾ
നൃത്തം ചവിട്ടുമ്പോൾ
എത്തിപ്പിടിക്കാൻ കൊതിക്കുന്ന കൂട്ടരും
മത്തു പിടിച്ചാടും (കുടുകുടെ...)

ലൗ ഇൻ കേരളാ - ലൗ ഇൻ കേരളാ
ലൗ - ലൗ - ലൗ ഇൻ കേരളാ
ലൗ ഇൻ കേരളാ - ലൗ ഇൻ കേരളാ
ലൗ - ലൗ - ലൗ ഇൻ കേരളാ

കരയുടെ മാറിൽ കടലിൻ കൈകൾ
കാമലീലകൾ കാട്ടുന്നു
തെങ്ങോലക്കാറ്റിൻ തേനൂറും നാവിൽ
ശൃംഗാര കവിതകൾ നിറയുന്നു 
ലൗ ഇൻ കേരളാ - ലൗ ഇൻ കേരളാ
ലൗ - ലൗ - ലൗ ഇൻ കേരളാ

നീലക്കടലിൻ തീരത്തു നിൽക്കെ
നിന്റെ കണ്ണുകൾ മിന്നുന്നൂ
പതിനേഴുകാരി പെണ്ണിനെ പോലെ
പടിഞ്ഞാറൻ മാനം തുടുക്കുന്നു 

ലൗ ഇൻ കേരളാ - ലൗ ഇൻ കേരളാ
ലൗ - ലൗ - ലൗ ഇൻ കേരളാ
ലൗ ഇൻ കേരളാ - ലൗ ഇൻ കേരളാ
ലൗ - ലൗ - ലൗ ഇൻ കേരളാ

നൂറു നൂറു പൂവുകൾ വിരിയട്ടേ
നൂറു നൂറു കരളുകൾ കുളിരട്ടെ
നൂറു പാനപാത്രങ്ങൾ നിറയട്ടെ
നൂപുരമണി നാദമുയരട്ടെ (നൂറു...)

നീല നിയോൺ ദീപമാല മേലേ
നിത്യവർണ്ണസ്വപ്നമേള നീളേ
മദനരാഗപല്ലവങ്ങൾ പോലെ
മന്ദമാടും യുവപദങ്ങൾ നീളേ (നൂറു..)

ദാഹഗീതമൊഴുകിടുന്ന രാവിൽ
ഡാലിയാ ചിരിച്ചിടുന്ന രാവിൽ
നിന്റെ മന്ദഹാസമായി വിടരാൻ
എന്റെ ചുംബനം കൊതിക്കും രാവിൽ (നൂറു...)

അയ്യയ്യയ്യയ്യാ....രാരാരരാ...
ഉണരൂ വസന്തമേ - ഉയരൂ സാരംഗമേ
നിറയൂ ഹൃദന്തമേ - താളം ചൊരിയൂ തബലകളേ

നിറഞ്ഞ ലഹരിയില്‍ നീന്തും മീനുകള്‍
നീലനേത്രങ്ങള്‍ എന്‍ നീലനേത്രങ്ങള്‍
പുളഞ്ഞു പായുമീ മത്സ്യങ്ങളെ
ചൂണ്ടലിടുവാന്‍ വാ വാ
ആരാധകരേ വാ - ആരാധകരേ വാ വാ വാ
ഉണരൂ വസന്തമേ - ഉയരൂ സാരംഗമേ

ഉലഞ്ഞമോഹപ്പൂവിനെ പൊതിയും
പ്രേമതല്‍പ്പങ്ങള്‍ - ഈ പ്രേമതല്‍പ്പങ്ങള്‍
വിടര്‍ന്ന യൗവനമലര്‍മഞ്ചത്തില്‍
വീണുറങ്ങാന്‍ വാ വാ വാ
ആരാധകരേ വാ - ആരാധകരേ വാ വാ വാ
ഉണരൂ വസന്തമേ - ഉയരൂ സാരംഗമേ
നിറയൂ ഹൃദന്തമേ - താളം ചൊരിയൂ തബലകളേ

എപ്പോഴുമെനിക്കൊരു മയക്കം
എന്നുള്ളിൽ മോഹത്തിൻ കിലുക്കം
എല്ലാർക്കുമെന്നോടൊരടുപ്പം
എനിക്കെല്ലാ കാലവും ചെറുപ്പം (എപ്പോഴും..)

നിദ്രതന്നൂഞ്ഞാലിലാടാൻ
നീ വരുമോ സഞ്ചാരീ
സ്വപ്നത്തിൻ പൂ നുള്ളി രസിക്കാം
സ്വർഗ്ഗത്തെ വെല്ലുവിളിക്കാം
പണ്ടത്തെ സ്വപ്നങ്ങൾ മറക്കൂ
ഇന്നത്തെ സ്വപ്നത്തിൽ ലയിക്കൂ (എപ്പൊഴും..)

നിൻ ദുഃഖമൗനം കളയൂ
നീ ചിരിക്കൂ സഞ്ചാരീ
ചിത്രാങ്കണങ്ങളിലിരിക്കാം
ചിത്രങ്ങളെഴുതി രസിക്കാം
പണ്ടത്തെ ചിത്രങ്ങൾ മായ്ക്കൂ
ഇന്നത്തെ ചിത്രത്തിൽ ലയിക്കൂ (എപ്പൊഴും..)

ഓരോ രാത്രിയും മധുവിധു രാത്രി
ഓരോ നടനവും മന്മഥ നടനം
ചിലങ്ക ചിരിച്ചാൽ നിമിഷത്തുമ്പികൾ
ചിറകൊതുക്കിക്കിടക്കും ഈ വേദിയിൽ (ഓരോ രാത്രിയും...)

രാഗങ്ങളെത്രയെത്ര ഏതു
രാഗവുമാലപിക്കാം ഇവിടെ
വീണകളെത്രയെത്ര ഏതു വീണയും മടിയിലേറ്റാം
ദുഃഖങ്ങൾ വിൽക്കാം
സ്വപ്നങ്ങൾ വാങ്ങാം
സുഖങ്ങൾ തൻ സ്വർഗ്ഗം തീറു വാങ്ങാം (ഓരോ രാത്രിയും..)

ഇന്നലെയെ മറക്കാം സത്യം
ഇന്ന് അതാസ്വദിക്കാം ഉയരും മായം
ആലാപനത്തിൻ ലയം പിന്നെ
ആലിംഗനത്തിൻ മദം
ദാഹമടക്കാം
തന്നെ മറക്കാം
ഓർമ്മ തന്നോളത്തിൽ നീന്തി നീങ്ങാം (ഓരോ രാത്രിയും..)

ലാ....ലലലല...ലലലല..
ഇന്ദ്രജാല രഥമേറി - പ്രണയ
മന്ത്രജാല രഥമേറി
ഇന്നു നമ്മൾതൻ സ്വപ്നയൗവനം
സ്വർഗ്ഗസീമകൾ തേടും
സ്വർഗ്ഗസീമകൾ തേടും
ഇന്ദ്രജാല രഥമേറി - പ്രണയ
മന്ത്രജാല രഥമേറി

മോഹമുല്ലകൾ പൂത്തു നിന്നിടും
രാഗമാലിനി തീരം
ഗാനമഞ്ജുഷ ഗന്ധവാപിയിൽ
ജീവൻ ഒഴുകിടും തീരം
ആ വസന്ത മണിമണ്ഡപങ്ങളിൽ
അലകളാകണം നമ്മൾ
പുതിയ മുനികന്യകമാരേ
പുതിയ രാജാക്കന്മാരേ
ഇന്ദ്രജാല രഥമേറി - പ്രണയ
മന്ത്രജാല രഥമേറി