അവരുണരുന്നു

തമ്പിയദ്ദേഹം ജന്മിയാണ്, മകൻ രവി ഫാക്റ്ററി ഉടമയായ മുതലാളിയും. തൊഴിലാളിപ്രമുഖനാണ് മാ‍ാധവൻ. മാധവന്റെ അനിയത്തി ലീലയെ തമ്പി എടുത്തു വളർത്തുകയാണ്. മാധവൻ ഇതറിയുന്നില്ല. മറ്റൊരു തൊഴിലാളി നേതാവായ ഭാസിയ്ക്ക് ലീലയിൽ കമ്പമുണ്ട്. രവി ലീലയെ വശപ്പെടുത്താൻ ശ്രമിക്കുന്നുണ്ട്. രവിയുടെ അമ്മ ഭാരതിയാവട്ടെ ഇതിനൊക്കെ ഒത്താശ ചെയ്യുന്നുമുണ്ട്. മാധവനാകട്ടെ ചകിരി പിരിക്കുന്ന ജാനകിയുമായി പ്രണയത്തിലാണ്. മുതലാളി-തൊഴിലാളി സംഘട്ടനങ്ങ്നൽ മൂർച്ഛിയ്ക്കുന്നു. രവിയുടെ തോക്കിനിരയായി മാ‍ാധവൻ മരിയ്ക്കുന്നു. അതിനു തൊട്ടു മുൻപ് ലീലയുടെ കയ്യിലെ അടയാളം കണ്ട് അവൾ തന്റെ അനുജത്തിയാണെന്ന് തിരിച്ചറിയുന്നുണ്ട് മാധവൻ. ഭാസി ലീലയെ കല്യാണം കഴിയ്ക്കുന്നു.