ഭാഗ്യമുള്ള തമ്പുരാനേ
ഭാവിയെല്ലാം ചൊല്ലാം
രേഖ നോക്കി മുഖം നോക്കി
ഭാവിയെല്ലാം ചൊല്ലാം

മകൻ ചെറുക്കനീ മണിമുറ്റത്തൊരു
മാമാങ്കക്കളി കാണിക്കും
അവൻ മടുക്കുമ്പോളടിയൻ കാണിക്കാം
അതിലും നല്ലൊരു മാമാങ്കം

ചാഞ്ചക്കം ചാഞ്ചക്കം ചാഞ്ചാട്
ചാഞ്ചാടമ്മിണി ചാഞ്ചാട് (2)

ചാഞ്ചക്കം കാട്ടിലെ ചോലമരം വെട്ടി
ചതുരത്തിൽ തൊട്ടിലു കൂട്ടി
കൊഞ്ചും പൂവള്ളിയൂഞ്ഞാലുമ്മേൽ
ചാഞ്ചക്കം ചാഞ്ചക്കം ചാഞ്ചാട് ഉണ്ണി
ചാഞ്ചക്കം ചാഞ്ചക്കം ചാഞ്ചാട്

ഉരുകുകയാണൊരു ഹൃദയം (2)
ഓരോ നിമിഷവും ഓരോ നിമിഷവും
ഉരുകുകയാണൊരു ഹൃദയം

ഇന്ദ്രനീലപ്പന്തലിലിന്നലെ
വന്നു വിടർന്ന നിലാവേ (2)
എരിതീക്കനലിൽ എണ്ണയുമായ് നീ (2)
എന്തിനു വീണ്ടും വന്നൂ (2)
ഉരുകുകയാണൊരു ഹൃദയം

ഇന്നലെ രാത്രിയിലീറൻ മാറിയ
മന്ത്രകോടിയുമായി (2)
മോതിരവിരലാൽ മിഴിനീർ മായ്ക്കാൻ (2)
മോഹമുറങ്ങിയുണർന്നൂ (2)

ഒരേ ഒരാളിനെ മാത്രം കാണാൻ
ഒരു മൊഴി ചൊല്ലി മരിക്കാൻ (2)
ഒഴിഞ്ഞ മുറിയിൽ ഒരു കല്ലറയിൽ (2)
ഒരുങ്ങി നില്പൂ ഞാൻ (2)
ഉരുകുകയാണൊരു ഹൃദയം

മനസ്സിനകത്തൊരു പെണ്ണ് 
മനസ്സിനകത്തൊരു പെണ്ണ് 
മയില്‍പ്പീലിക്കണ്ണ്
മാമ്പുള്ളിച്ചൊണങ്ങ്
മെയ്യാസകലം പൊന്ന്
(മനസ്സിനകത്തൊരു....)

കണ്ണാടിക്കുളങ്ങരെ - ഞാന്‍ 
കൊതിച്ചു നിന്ന്
കണ്ണാടിക്കുളങ്ങരെ - ഞാന്‍ 
കൊതിച്ചു നിന്ന്
കൊട്ടാരക്കെട്ടിനകത്ത് 
തൊട്ട് തൊട്ട്നിന്ന്
കൊട്ടാരക്കെട്ടിനകത്ത് 
തൊട്ട് തൊട്ട്നിന്ന്
(മനസ്സിനകത്തൊരു....)

കാര്‍കൂന്തല്‍ കാട്ടിനകത്ത് 
കലമാനായ് ചെന്നിട്ട്
കാര്‍കൂന്തല്‍ കാട്ടിനകത്ത് 
കലമാനായ് ചെന്നിട്ട്
നില്ല് നില്ല്.....

മാനേ മാനേ പുള്ളിമാനേ
മഞ്ഞത്തിറങ്ങണതെന്താണ്
മാനേ മാനേ..
മാനേ മാനേ പുള്ളിമാനേ
മഞ്ഞത്തിറങ്ങണതെന്താണ്
കറുകം പുല്ലു പറിക്കാനോ
കമ്പിളിക്കുപ്പായം വാങ്ങാനോ (കറുകം.. )

തത്തേ തത്തേ കാട്ടുതത്തേ
തപസ്സു ചെയ്യണതെന്താണ്
തത്തേ തത്തേ..
തത്തേ തത്തേ കാട്ടുതത്തേ
തപസ്സു ചെയ്യണതെന്താണ്
മരവുരി വേണോ മെതിയടി വേണോ
മക്കളെനോക്കിയിരിപ്പാണോ(മരവുരി.. )

കണ്ണീർ കൊണ്ടൊരു കായലുണ്ടാക്കിയ
കൈപ്പുള്ളിപ്പാലാട്ടെ കഥ പറയാം
കരഞ്ഞു കരഞ്ഞു കാടുകേറിയ
കൈപ്പുള്ളിലമ്മ തൻ കഥ പറയാം

ഒന്നല്ല രണ്ടല്ല ഒൻപതു പെറ്റോരമ്മ
ഒൻപതിനെയും കുരുതി കൊടുത്തത്
കണ്ടു നിന്നോരമ്മ
ഒരു മുറ്റത്തു കളിച്ചു വളർന്നവർ
ഒരമ്മ പെറ്റ കിടാങ്ങൾ

അവരെ കൊത്തി നുറുക്കിയ കൊലവാൾ
ഒരിടത്തൊരിടത്തുണ്ട്
കൈയിലൊരാൺതരിയും കൊണ്ടമ്മ
കാത്തിരിക്കുന്നു
പകരം വീട്ടാൻ പക വീട്ടാൻ ഒരു മകനെ
വളർത്തുന്നു

അയ്യപ്പന്‍കാവിലമ്മേ
ആയുസ്സ് കുഞ്ഞിന്നു തരണേ
അയ്യപ്പന്‍കാവിലമ്മേ
ആയുസ്സ് കുഞ്ഞിന്നു തരണേ
ആയില്യം നാളില്‍ പിറന്നാളില്‍
ആലു വിളക്ക് കൊളുത്താം ഞാന്‍

(അയ്യപ്പന്‍.... )

പൊന്നും വയമ്പും നാവില്‍ തേക്കാൻ
പുലിയാമോതിരം ചാര്‍ത്തിക്കാൻ 
പൊന്നും വയമ്പും നാവില്‍ തേക്കാൻ
പുലിയാമോതിരം ചാര്‍ത്തിക്കാൻ
ഇത്തിരിക്കിണ്ണത്തില്‍ പൊന്നും കിണ്ണത്തില്‍
ഇങ്കു കുറുക്കുവാന്‍ മോഹം...അമ്മയ്ക്ക് 
ഇങ്കു കുറുക്കുവാന്‍ മോഹം

(അയ്യപ്പന്‍.... ) 

ആനകേറാമലയില് ആളുകേറാമലയില്
ആയിരം കാന്താരി പൂത്തിറങ്ങി ഹയ്യാ
ആയിരം കാന്താരി പൂത്തിറങ്ങി
ഒത്തിരിയൊത്തിരിയൊത്തിരി ദൂരേ
പൂത്തിറങ്ങിയ പൂവേത്
ചൊല്ല് ചൊല്ല് ചൊല്ലടി പെണ്ണേ
ഓ പെണ്ണേ ചൊല്ലടി പെണ്ണേ
സൊപ്പനം കാണാതെ നിന്നോണ്ട്
സൊപ്പനം കാണാതെ
ധയ്യാരെ ധയ്യാരെ ധയ്യാരെ ധയ്യാ
ഓ ധയ്യാ ധയ്യാരെ  ധയ്യാ  ഹൊയ് (ആനകേറാ...)

ആയിരം കാന്താരി പൂത്തതല്ലാ അല്ല
ആയിരം കാന്താരി പൂത്തതല്ലാ
നക്ഷത്രപ്പെണ്ണുങ്ങൾ മാനത്തും മുറ്റത്ത്
കത്തിച്ചു വെച്ച വിളക്കുമാടം അതു
കാണാൻ നല്ല വിളക്കു മാടം
ആനക്കഴുത്തൻ കുന്നുമ്പുറത്തൊരു
മേനാവ്

പൂവേ നല്ല പൂവേ - നല്ല
വെള്ളത്താമരപ്പൂവേ (2)
ആരോമൽപ്പൂങ്കവിളിൽ
പൊട്ടുകുത്തിയതാര് (2)
ആരോടും ചൊല്ലാതെ
അല്ലി നുള്ളിയതാര്  (2)  

പൂവേ നല്ല പൂവേ - നല്ല
വെള്ളത്താമരപ്പൂവേ

തണ്ടുലഞ്ഞിട്ടുണ്ടല്ലോ
തഴുകിനിന്നതാര് (2)
മുടി കൊഴിഞ്ഞിട്ടുണ്ടല്ലോ
തല വിടർത്തതാര് (2)   

പൂവേ നല്ല പൂവേ - നല്ല
വെള്ളത്താമരപ്പൂവേ

ഇളവെയിലോ വെണ്ണിലാവോ
ഇക്കിളികൂട്ടിയതാര് (2)
തെന്നലോ തുമ്പിയോ
മന്ത്രം ചൊല്ലിയതാര് (2)

പൂവേ നല്ല പൂവേ - നല്ല
വെള്ളത്താമരപ്പൂവേ

ഒരു കാറ്റും കാറ്റല്ല ഒരു പാട്ടും പാട്ടല്ല
ഓടക്കുഴലുമായ് നീയില്ലേ
ഓമനപ്പാട്ടുമായ് നീയില്ലേ
(ഒരു കാറ്റും..)

കളി വഞ്ചി തുള്ളി കവിളത്തു നുള്ളി (2)
കരളിന്റെ കിളിവാതിൽ നീ വന്നു തള്ളി (2)
(ഒരു കാറ്റും..)

ഉള്ളിലുറങ്ങും പുള്ളിക്കുയിലേ (2)
കിള്ളിയുണർത്തിയതാരാണ് നിന്നേ (2)
ഒരു കാറ്റും കാറ്റല്ല

കരിമണ്ണിൽ പൂത്തു കനലൊളികൾ കോർത്തു (2)
കരിയില്ലീ അനുരാഗവനമുല്ലമാല (2)
തിരി നീട്ടി നീയെന്റെ ഇരുൾ മൂടും നെഞ്ചിൽ(2)
മണിവീണ മീട്ടി നീ മണവാട്ടി (2)