ആര്യപുത്രാ  ഇതിലേ ഇതിലേ
ഇതിഹാസങ്ങൾ വഴി കാണിക്കും
ഈ രാജവീഥിയിൽ ഭാർഗ്ഗവരാമനിതാ
തിരുമിഴിയാലേ തിരയുവതാരെ
തീർത്ഥയാത്രക്കാരാ ദേവ
തീർത്ഥയാത്രക്കാരാ

ഒന്നാം കടലിൽ പാൽക്കടലിൽ
ഒരു മരതകമണിയറയിൽ
ജലദേവതമാർ തൻ നടുവിൽ
വിടർന്നവൾ ഞാൻ
വിടർന്നവൾ ഞാൻ (തിരുമിഴിയാലെ..)

പാർവണചന്ദ്രിക കാണാത്ത കാവിലെ
പാതിരാപ്പൂക്കൾ ചൂടിച്ചു
സാഗരകന്യകൾ സംഗീതറാണികൾ
സപ്തസ്വരങ്ങൾ പാടിച്ചൂ (തിരുമിഴിയാലേ..)

കദളീവനത്തിൽ കളിത്തോഴനായ
കാറ്റേ നീയുമുറങ്ങിയോ (2)
പൂങ്കാറ്റേ നീയുമുറങ്ങിയോ
കതകിൽ മുട്ടിവിളിക്കാറുള്ള നീ
കഥയറിയാതെ ഉറങ്ങിയോ
കതകും ചാരിയുറങ്ങിയോ 
കദളീവനത്തിൽ കളിത്തോഴനായ
കാറ്റേ നീയുമുറങ്ങിയോ

പനിനീർവിശറികൾ വീശി വീശി (2)
പഞ്ചമരാഗം പാടിപ്പാടി
മലർക്കിടാവിനെ മാറിലുറക്കാൻ
വരൂ...വരൂ...കാറ്റേ
വരൂ...വരൂ..കാറ്റേ 
കദളീവനത്തിൽ കളിത്തോഴനായ
കാറ്റേ നീയുമുറങ്ങിയോ
പൂങ്കാറ്റേ നീയുമുറങ്ങിയോ

ആരേ കാണാൻ അലയുന്നു കണ്ണുകൾ
ആരേ തേടി വിതുമ്പുന്നു ചുണ്ടുകൾ
അമ്മേ..അമ്മേ...അമ്മേ...
അമ്മേ..അമ്മേ..വരൂ വരൂ
അമ്മിഞ്ഞപ്പാൽ തരൂ..തരൂ..

ദാഹം കൊള്ളും പ്രപഞ്ചമാം പൈതലിൻ
മോഹം വിളിക്കുന്നു
അമ്മേ...അമ്മേ...അമ്മേ.... 

താമരത്തൊട്ടിലും താരാട്ടുമില്ലാതെ
ജീവിതം പൂക്കുത്തുകില്ലാ
അമ്മേ...അമ്മേ...അമ്മേ.... 

ജന്മാന്തരങ്ങള്‍ വിളയും ഖനികളേ
കര്‍മയോഗത്തിന്‍ തപോനികുഞ്ജങ്ങളേ
തമ്മില്‍ ഇണക്കും ഗംഗാപ്രവാഹമാണമ്മ
മധുരമന്ത്രമാണമ്മ
അമ്മേ...അമ്മേ...അമ്മേ.... 

കളിമണ്ണു മെനഞ്ഞു മെനഞ്ഞൊരു
കലമാനിനെയുണ്ടാക്കി
മകരനിലാവിൻ മടിയിലിരുത്തി
മാനത്തെ വളർത്തമ്മ
മാനത്തെ വളർത്തമ്മ (കളിമണ്ണു...)

വെൺ തിങ്കൾക്കല കാച്ചിക്കൊടുത്തു
വെള്ളിമൊന്തയിൽ പാല്
കുഞ്ഞിക്കാറ്റു കൊണ്ടെക്കൊടുത്തു
കുഞ്ഞുടുപ്പിനു ശീല (കളിമണ്ണ്..)

പൂവിറുത്തു നടന്നു കളിച്ചൊരു
പൂനിലാവിൻ പൈതൽ
ഒരു രാത്രിയിലാ കലമാൻ കുഞ്ഞിനെ
എറിഞ്ഞുടച്ചു കളഞ്ഞു
മഴമുകിൽക്കാട്ടിലലഞ്ഞു നടന്നൂ
മാനത്തെ വളർത്തമ്മ
മാനത്തെ വളർത്തമ്മ (കളിമണ്ണു...)
 

കളിമണ്ണു മെനഞ്ഞു മെനഞ്ഞൊരു -
കലമാനിനെയുണ്ടാക്കി ങ്ഹും (2)
മകരനിലാവിൻ മടിയിലിരുത്തി
മാനത്തെ വളർത്തമ്മാ
മാനത്തെ വളർത്തമ്മ 

വെൺ തിങ്കൾക്കല കാച്ചിക്കൊടുത്തു
വെള്ളിമൊന്തയിൽ പാല്... പാല്
കുഞ്ഞിക്കാറ്റു കൊണ്ടെക്കൊടുത്തു
കുഞ്ഞുടുപ്പിനു ശീല 
കളിമണ്ണു മെനഞ്ഞു മെനഞ്ഞൊരു -
കലമാനിനെയുണ്ടാക്കി 

പൂനിലാവും പുള്ളിമാനും
പൂവിറുത്തു നടന്നൂ (2)
കരിമുകിൽ കാട്ടിലെ കൊമ്പനാനകൾ  (2)
കണ്ടു കൊതിച്ചു നടന്നു
അമ്പിളിക്കുഞ്ഞിനെ കൈമാറി മാറി
തുമ്പിക്കൈയിലുയർത്തീ - ആനകൾ
തുമ്പിക്കൈയ്യിലുയർത്തീ

ചെന്താമരപ്പൂന്തേന്‍ കുടിച്ച വണ്ടേ
എന്റെ വണ്ടേ - നീ
ചാണകമുരുട്ടുന്നതും ഞമ്മളു കണ്ടേ
അയ്യയ്യോ ഞമ്മളു കണ്ടേ
(ചെന്താമരപ്പൂന്തേന്‍... )

അത്തറും കൊണ്ടുവന്ന കാറ്റേ
പൂങ്കാറ്റേ - നീ
മത്തി വിറ്റു നടന്നതും ഞമ്മളു കണ്ടേ
ഹൂം ഹൂം ഹൂം ഞമ്മളു കണ്ടേ (2)
(ചെന്താമരപ്പൂന്തേന്‍....)

ചക്രവാളച്ചരിവില് സന്ധ്യയ്ക്കിരുന്നോണ്ട്
ചപ്പാത്തി പരത്തുന്ന പെണ്ണേ ഓ...
ഇരുട്ടിന്റെ ചുണ്ടത്ത് കത്തിച്ചു നീ ബെച്ച -
മുറിബീഡി കെട്ടതും ഞമ്മളു കണ്ടേ
ഞമ്മളു കണ്ടേ......
(ചെന്താമരപ്പൂന്തേന്‍.... )

വളർന്നു വളർന്നു വളർന്നു നീയൊരു
വസന്തമാകണം
പഠിച്ചു പഠിച്ചു പഠിച്ചു നല്ലൊരു
 മിടുക്കനാകണം (വളർന്നു..)

വിരിഞ്ഞ വിരിഞ്ഞ മോഹങ്ങൾക്ക്
വിരുന്നു നൽകേണം
മനോരാജ്യമാളികക്കു
മതിലു കെട്ടേണം (വളർന്നു..)

ഓടി വരേണം ഉമ്മ തരേണം
ഓരോ പിറന്നാളിനും
ഉത്സവം കാണേണം
ചിരിക്കുടുക്കേ ചിരിക്കുടുക്കേ
മനസ്സിനുള്ളിലെന്നുമിങ്ങനെ
 മണി കിലുക്കേണം(വളർന്നു..)

നൊയ്മ്പു നോറ്റ് നൊയ്മ്പു നോറ്റ്
നോക്കി നിൽക്കും ഞാൻ
മോനുമച്ഛനുമമ്മയുമൊന്നിച്ചൊ
രോണമുണ്ണേണം (വളർന്നു..)

മുത്തേ വാവാവോ മുത്തുക്കുടമേ വാവാവോ
ആകാശഗംഗയിൽ നീ വിടർന്നതാണോ
മണ്ണിന്റെ കണ്ണുനീരിൽ വിരിഞ്ഞതാണോ
ഉറങ്ങു വീണുറങ്ങൂ നീ ആരോമലേ
മുത്തേ വാവാവോ മുത്തുക്കുടമേ വാവാവോ
 

കാട്ടുമൈനക്കിളിക്കുഞ്ഞേ പാട്ടുപാടൂ
ഞാറ്റുവേലക്കതിർക്കാറ്റേ കൂട്ടുപോരൂ (2)
അച്ഛന്റെ രാജധാനി അകലെയാണല്ലോ
ഉറങ്ങൂ വീണുറങ്ങൂ നീ ആരോമലേ
മുത്തേ വാവ‍ാവോ മുത്തുക്കുടമേ വാവാവോ

കാനനപ്പൊയ്കയിലെ തോണിയേറി
അരയന്നം തുഴയുന്ന തോണിയേറി
ആ നല്ല രാജധാനി എന്നു കാണും
മുത്തേ വാവാവോ മുത്തുക്കുടമേ വാവാവോ

താതെയ്യം കാട്ടില്‌ തക്കാളിക്കാട്ടില്‌
തത്തമ്മ പണ്ടൊരു വീടുവച്ചു (2)
കല്ലല്ല ഹായ് മണ്ണല്ല
കല്ലല്ല മണ്ണല്ല മരമല്ല
കൽക്കണ്ടം കൊണ്ടൊരു വീടു വച്ചു 
താതെയ്യം കാട്ടില്‌ തക്കാളിക്കാട്ടില്‌
തത്തമ്മ പണ്ടൊരു വീടുവച്ചു

കരിമ്പു കൊണ്ടൊരു തൂണിട്ടു
കണ്ണമ്പഴത്തൊലി മച്ചിട്ടു
പപ്പടം ചുട്ടു മോളിട്ടു
പനംചക്കര തിണ്ണയിട്ടു   
താതെയ്യം കാട്ടില്‌ തക്കാളിക്കാട്ടില്‌
തത്തമ്മ പണ്ടൊരു വീടുവച്ചു (2)

ഊരുക പടവാൾ രണ -
ഭൂമിയിലേക്കു കുതിയ്ക്കൂ മകനേ
അമ്മതൻ കണ്ഠനാളത്തിൽ
കൊലവാൾ വീഴും മുൻപേ

തീ തിന്നു തീ തിന്നു ജന്മം മുഴുവനും
തീരാത്ത നൊമ്പരം കൊള്ളുമമ്മേ
കണ്ണുനീരാലേ തേടുന്നതാരെ
പൊന്നുമകനേ വിളി കേൾക്കുകില്ലേ

കുതിച്ചു പായുക കുതിച്ചു പായുക
മുറിച്ചു തള്ളുക വൈരികളെ
തെറിച്ചു പോയാൽ പൊയ്ക്കൊള്ളട്ടെ
തേരിലേറ്റിയ നിൻ പ്രണയം

പ്രണയിനിയെക്കാൾ വലുതാണല്ലോ
പെറ്റു വളർത്തിയൊരമ്മ
കുതിച്ചു പായുക കുതിച്ചു പായുക
കുതിച്ചു പായുക മകനെ