അകലെ നീലാംബരിയിൽ യാത്ര പറഞ്ഞകലും
താരക മൂളുമൊരീണം പോൽ
അകമേ സാരംഗിയതിൻ കാതര തന്ത്രികളിൽ
ശോകവിമുഖവിലാപം പോൽ
എഴുതി ജലരേഖ പോലിവിടെ ഒരു ജീവിതമാരോ
(അകലെ...)

ചിതയിൽ വീണെരിയും വെൺപകലേ
ഇനിയെൻ വേദനയിൽ നീയില്ലെങ്കിൽ
ഞാനലയും  നിൻ കാരിരുളിൽ
ഞാൻ തേടുന്നു നിൻ വാത്സല്യം
നിറയും പ്രിയമായ് പരിമളം 
(അകലേ...)

വിധിയിൽ കാലിടറും വേളകളിൽ
തണലായ് നിൻ സ്നേഹം മായും നേരം
ഞാനുരുകി തീരും പാഴ്‌മരുവിൽ
ഓർമ്മകളേകും പൂന്തേൻ മഴയായ് ഇനിയും
വരുമോ ഉണരുമോ 
(അകലേ...)

കുളിർ മഞ്ഞുകായലിൽ മുങ്ങിക്കുളിക്കും പൂന്തിങ്കളല്ലേ

കുനു കുഞ്ഞു കുമ്പിളിൽ പൂന്തേനുറങ്ങും നീലാമ്പലല്ലേ

പുഞ്ചിരി പാലോലും തൂമുല്ലയല്ലേ

വസന്തരാവിന്റെ ചന്തമല്ലേ

കണ്ടു കൊതി തീരാത്ത ചിങ്കാരമല്ലേ

നിനക്കെന്തു പേരു ഞാൻ നൽകും

ഇനിയെന്തു നേരു ഞാൻ ചൊല്ലും (കുളിർ..)

ഒത്തിരിനാളായ് പറയാൻ കാത്തു കൊതിച്ചൊരു വാക്കുകളെല്ലാം

നേരിൽ കണ്ടൊരു നേരത്തിപ്പോൾ മറന്നേ പോയോ

മിഴിമുന കൊണ്ടോ മലർമണം പെയ്തോ

മനസ്സിലെ മൈന തൻ മധുമൊഴി കേട്ടോ

പറയൂ നീ ഓഹോ...

മുത്തു പൊഴിച്ചതു താരകളോ എൻ മുത്തഴകോ നിൻ മൗനമോ

ഫൈവ് സ്റ്റാറ് രണ്ട് മിൽക്ക് ഷേക്ക് മൂന്ന്
ഐസ്ക്രീമും ഫ്രൂട്ട് സാലഡും
നോക്കെടീ നോക്കെടീ ചുന്ദരീ

അമ്പിളിമാമന്റെ ചക്കരക്കുട്ടനെ കട്ടവനാരാണ്
ഞാനല്ല ഞാനല്ല കള്ളക്കുറുക്കനീ കക്കണ കൈകളെടീ
ചക്കരക്കുട്ടന്റെ ചിത്തിരപ്പാവയെ കട്ടവളാരാണ്
നീയല്ല നീയല്ല കള്ളത്തിപ്പൂച്ചേ നിൻ
കണ്ണാണു കള്ളിയെടീ
കളവൊരു മധുരമായ് നുണകളും നേരുമായ്
തല്ലിക്കളിച്ചും കൂടിപ്പിരിഞ്ഞും ഇണങ്ങുമൊരിളം മനസ്സുകളാകാം
ഫൈവ് സ്റ്റാറ് രണ്ട് മിൽക്ക് ഷേക്ക് മൂന്ന്
ഐസ്ക്രീമും ഫ്രൂട്ട് സാലഡും
വാനില സ്ട്രോബറി കാഡ്‌ബറീസ്

പൂമുറ്റത്തൊരു മുല്ല വിരിഞ്ഞ്
പൂമണമില്ലെന്നാരു പറഞ്ഞ്
പൂമ്പൊടിയിൽ മൊഞ്ചും കാട്ടി
ഞാൻ പറയും മണമുണ്ടെന്ന്
(പൂമുറ്റത്തൊരു. . . )

ആറ്റുവഞ്ചി പൂത്ത കാലം
അരളിയെല്ലാം പൂത്ത കാലം
ആറ്റുനോറ്റു ഞാനിരുന്നെൻ
മുല്ലയൊന്ന് പൂത്തുകാണാൻ
(ആറ്റുവഞ്ചി. . )

എന്തേ മുല്ലേ പൂക്കാത്തൂ
കണ്ടവരെല്ലാം ചോദിച്ചു (2)
പൊൻവളയണിയാറായില്ലേ
കിങ്ങിണികെട്ടാറായില്ലേ (2)
(പൂമുറ്റത്തൊരു. . . )

പൊട്ടിത്തകർന്ന കിനാവു കൊണ്ടൊരു
പട്ടുനൂലൂഞ്ഞാല കെട്ടി ഞാൻ
പട്ടുനൂലൂഞ്ഞാല കെട്ടീ ഞാൻ 
(പൊട്ടിത്തകർന്ന... )

കാലക്കടലിന്റെ അക്കരെയക്കരെ
മരണത്തിൻ മൂകമാം താഴ്‌വരയിൽ (2)
കണ്ണുനീർ കൊണ്ടു നനച്ചു വളർത്തിയ
കൽക്കണ്ട മാവിന്റെ കൊമ്പത്ത്‌
കൽക്കണ്ട മാവിന്റെ കൊമ്പത്ത്‌ 
(പൊട്ടിത്തകർന്ന... )

ആകാശ താരത്തിൻ നീലവെളിച്ചത്തിൽ
ആത്മാധിനാഥനെ കാത്തിരുന്നു (2)
സമയത്തിൻ ചിറകടി കേൾക്കാതെ
ഞാനെന്റെ അകലത്തെ ദേവനെ കാത്തിരുന്നു
അകലത്തെ ദേവനെ കാത്തിരുന്നൂ...

അറബിക്കടലേ അറബിക്കടലേ (2)
ചോദിച്ചോട്ടേ എൻ അറബിക്കഥയിലെ
രാജകുമാരി സുഖമായ് വാഴുന്നോ
സുഖമായ് വാഴുന്നോ (അറബിക്കടലേ...)

സുറുമയെഴുതിയൊരു  കണ്ണുകളിപ്പോൾ
സുന്ദരസ്വപ്നം കാണുന്നോ (2)
കരളിലെ മോഹക്കളിയോടങ്ങൾ
കണ്ണീർച്ചുഴിയിൽ താഴുന്നോ (അറബിക്കടലേ...)


ഇത്തറ നാളും പല പല ചിത്രം
മറ്റുള്ളവരെ കാട്ടീ ഞാൻ (2)
മറ്റാരും കാണാതൊരു ചിത്രം
കൽബിനുള്ളിൽ കരുതീ ഞാൻ(അറബിക്കടലേ...)

കന്നിയിൽ പിറന്നാലും കാർത്തിക നാളായാലും
കണ്ണിനു കണ്ണായ്‌ തന്നെ ഞാൻ വളർത്തും - എന്റെ
കണ്ണിനു കണ്ണായ്‌ തന്നെ ഞാൻ വളർത്തും 
(കന്നിയിൽ... )

പെൺകുഞ്ഞാണെങ്കിലും ആൺകുഞ്ഞാണെങ്കിലും
തങ്കത്തിൻ തൊട്ടിൽ കെട്ടി താരാട്ടും ഞാൻ (2)- നല്ല
തങ്കത്തിൻ തൊട്ടിൽ കെട്ടി താരാട്ടും ഞാൻ
പവിഴം പോൽ ചുമന്നൊരു പട്ടിളം കാതിൽ മെല്ലെ
കവിത തുളുമ്പുമൊരു പേരു വിളിക്കും - പേരു വിളിക്കും (2)
കണ്ണു തട്ടാതിരിക്കുവാൻ അമ്മയെക്കൊണ്ടു തന്നെ
കണ്ണാടി കവിളത്തും പൊട്ട്‌ കുത്തിക്കും - കുഞ്ഞി
പ്പൊട്ടു കുത്തിക്കും  (2)
(കന്നിയിൽ... )

കണ്ണിന്നു പൂക്കണിയാം കണ്ണപ്പനുണ്ണി
പൊന്നാങ്ങളയുടെ രണ്ടാം ജന്മം
എന്റെ പൊന്നാങ്ങളയുടെ രണ്ടാം ജന്മം

ചന്ദന പൂമരം കടഞ്ഞു തീർത്ത
ചന്തം തികഞ്ഞുള്ള പൊന്മേനിയും
വീരാളിപ്പട്ടണിഞ്ഞ വിരിഞ്ഞ നെഞ്ചും
ആരോമലാങ്ങളതൻ തലയെടുപ്പും (കണ്ണിന്നു  ..)

കുന്നത്തു കത്തുന്ന വിളക്കു പോലേ
മിന്നിത്തിളങ്ങുന്ന കണ്മുനയും
തുമ്പപ്പൂ പല്ലും തുടുത്ത ചുണ്ടും
എള്ളിൻ പൂ മൂക്കും കുടുമ്മക്കെട്ടും (കണ്ണിന്നു  ...)

പതിനെട്ടു മുഴമുള്ള കച്ച കെട്ടി
പയറ്റിതെളിഞ്ഞെഴും അരക്കെട്ടും
കണങ്കാൽ തഴുകുന്ന കയ്യുകളും
കണ്ടാലവൻ പച്ചക്കാമദേവൻ (കണ്ണിന്നു  ...)

പഞ്ചവർണ്ണക്കിളിവാലൻ തളിർവെറ്റില തിന്നിട്ടോ

തമ്പുരാട്ടി ചുണ്ടു രണ്ടും ചുവന്നല്ലോ

കള്ളനാകും കാമദേവൻ വില്ലെടുത്തു തൊടുത്തപ്പോൾ

മുല്ല മലരമ്പുകൊണ്ടു ചുണ്ടു ചുവന്നു  (പഞ്ചവർണ്ണക്കിളിവാലൻ ..)

കണ്ടിരിക്കെ കണ്ടിരിക്കെ നിന്മുഖം നാണത്താൽ

തണ്ടൊടിഞ്ഞ താമര പോൽ കുഴഞ്ഞല്ലോ

ആട്ടുകട്ടിലാടിയാടി മാറത്തെ പുടവ

കാറ്റുവന്നു വലിച്ചപ്പോൾ നാണിച്ചൂ  (പഞ്ചവർണ്ണക്കിളിവാലൻ ..)

ഇന്നുരാത്രിപുലരാതെ ഇങ്ങനെ കഴിഞ്ഞെങ്കിൽ

ഇന്ദുലേഖ പൊലിയാതെ ഇരുന്നെങ്കിൽ  

പുലർകാലപൂങ്കോഴി പാതിരാക്കുയിലായെങ്കിൽ

ഉലകാകെ ഉണരാതെയിരുന്നെങ്കിൽ  (പഞ്ചവർണ്ണക്കിളിവാലൻ ..)

മിന്നും പൊന്നിൻ കിരീടം
തരിവള കടകം
കാഞ്ചി പൂഞ്ചേല മാലാ
സൽ കൗസ്തുഭം ഇടകലരും
ചാരുതോരന്തരാളം
ശംഖം ചക്രം ഗദാപങ്കചം ഇദിവിലസും
നാലു തൃക്കൈകളോടേ
സമ്പൂർണ ശ്യാമ വർണ്ണം
ഹരിവകുരമലം പൂരയേ
മംഗളം...