കാലു മണ്ണിലുറയ്ക്കാത്ത കൗമാരം മാരൻ
ജാലം കാട്ടി മയക്കുന്ന മലർമാസം
നീല നീല മിഴി രണ്ടും പൂങ്കിനാവിൻ താളത്തിൽ
പീലി നീർത്തി നൃത്തം ചെയ്യും കളിപ്രായം (കാലു...)

പൊട്ടിച്ചിരിയെത്തിനോക്കും തത്തമ്മച്ചുണ്ട്‌ ഇവൾ
എട്ടും പൊട്ടും തിരിയാത്ത കുട്ടത്തിപ്രാവ്‌
മൊട്ടു പൂവായ്‌ വിരിഞ്ഞില്ല മട്ടുമാറിക്കഴിഞ്ഞില്ല
തട്ടിമുട്ടിക്കളിക്കുന്നു വരിവണ്ട്‌ നെഞ്ചിൽ
മുട്ടി മുട്ടി വിളിക്കുന്നു തേൻ വണ്ട്‌ (കാലു...)

ഇതുവരെയിതുവരെ എത്ര രാത്രികൾ
ചിറകുമടിച്ചു പറന്നു പോയി ഹാ
ഇനിയും വന്നീടും അനേകം രജനികൾ
ഈ മനുജ ജീവിത യാത്രയിൽ ഈ
കാത്തിരുന്ന കാനേത്തിന്റെ ആദ്യരാത്രിയിന്നാണൂ
നോറ്റു വന്ന നോമ്പിനാശ പൂത്ത രാത്രിയിന്നാണൂ
നീക്കി വെച്ച നിക്കാഹിന്റെ ആദ്യച്ചുംബനമിന്നാണൂ
വേർപ്പെട്ടു പോയ കൈകൾ ദൈവം കൂട്ടിച്ചേർത്തതിന്നാണു
കന്നിപ്പെണ്ണിനും കല്യാണച്ചെക്കനും
ഒന്നേ ഒന്നാണാദ്യരാത്രി
രണ്ടു ജീവിത നദികളോന്നായ്‌
കണ്ടു മുട്ടും കമനീയ രാത്രി
സ്വർഗ്ഗമാണോ നരകമാണോ
വിധി പറഞ്ഞിടും വിവാഹരാത്രി

കോളേജ്‌ ലൈലാ കോളടിച്ചു
ചേലുള്ള കണ്ണാൽ ഗോളടിച്ചു
മണ്ണാർക്കാട്ടൊരു മലയിൽ വെച്ചവൾ
മജ്നുവിൻ മനസ്സിൽ ഗോളടിച്ചു
മധുരപ്രേമത്തിൻ ഗോളടിച്ചു
(കോളേജ്‌..)

മജ്‌നുവാ ഗോള് തിരിച്ചടിച്ചു
ഒരു പ്രണയത്തിൻ കത്ത് തിരിച്ചയച്ചു
കത്തിനകത്തുള്ള ഹിക്ക്മത്തെല്ലാം
കണ്ടിട്ട് ലൈലാ കനവു കണ്ടൂ
(കോളേജ്‌..)

ഉറങ്ങാതെ കറങ്ങുമ്പോൾ നെടുവീർപ്പ്‌
നല്ല തണുപ്പത്തും മഞ്ഞത്തും ചുടുവേർപ്പ്‌
പുന്നാരബീവിക്കും പൂമാരനും ഇന്ന്
ചങ്ങാതിമാരുടെ വരവേൽപ്പ്‌
(കോളേജ്‌..)

പകൽക്കിനാവൊരു പക്ഷി എൻ
പകൽക്കിനാവൊരു പക്ഷി
പറന്നു പറന്നു പാറി നടക്കും
പകൽക്കിനാവൊരു പക്ഷി (പകൽ...)

വിണ്ണിലുള്ളൊരു വൃന്ദാവനിയിൽ
വിരുന്നിനെന്നും പോകും
മൗനവേദന മൂടുവാൻ സ്വയം
മറന്നു മറന്നു പാടും (പകൽ..)

ദൂരെ ദൂരെ നഭസ്സിൽ പൂക്കും
മാരിവില്ലിൻ കൊമ്പിൽ
പഞ്ചവർണ്ണച്ചിറകും വീശി
പഞ്ജരങ്ങൾ തേടും (പകൽ...)

കാത്തിരിക്കാനിണയില്ലാത്ത
കാട്ടുമൈനയെപ്പോലെ
ചേക്കിരിക്കാൻ കൂടില്ലാതെ
ചിറകൊടിഞ്ഞു വീഴും (പകൽ...)

ആതിരപ്പാട്ടിന്റെ തേൻ ചോല
തേന്മാവിൻ കൊമ്പത്തൊരൂഞ്ഞാല
ആടാനും പാടാനും ആരുണ്ട്‌
അമ്പിളിമാമനും ഞാനും ഉണ്ട്‌ (ആതിര..)

ചാഞ്ചാടിപ്പൊങ്ങുമ്പോൾ എന്തു കിട്ടും
ചാഞ്ചക്കം കൊമ്പത്തെ പനിനീർ ചാമ്പക്ക
ആയിരമാട്ടം തികച്ചാലോ
പുളിയിലക്കരയുള്ള കോടിമുണ്ട്‌ (ആതിര....)

അയലത്തെ ബീവിക്ക്‌ ചാഞ്ചാട്ടം
മനസ്സിൽ സന്തോഷ തിരനോട്ടം
പണ്ടത്തെ മാരനെത്തീടവേ വീണ്ടും
കണ്ടപ്പോൾ ഉണ്ടായ കളിയാട്ടം (ആതിര...)

പണ്ടു പണ്ടൊരു കാലത്ത്‌
പമ്പയാറ്റിൻ തീരത്ത്‌
കതിർക്കാണാപക്ഷിയൊരുത്തി
കതിരു കൊത്താൻ പോയി (പണ്ടു..)

പച്ചക്കതിരിനു പാലുറച്ചില്ല
പൈങ്കിളി രാപ്പകൽ കാവലിരുന്നൂ
നീലക്കുയിലൊന്നു നീട്ടി വിളിച്ചു
മേലേ മാനത്തു നിന്നും (പണ്ടു..)

കായലിന്നക്കരെ കാണാക്കുളങ്ങരെ
കസ്തൂരിമാവുകൾ പൂത്തു
പൂന്തേൻ കുടിക്കാൻ മാന്തളിർ തിന്നാൻ
പോകാം പോകാം പെണ്ണേ
പോകാം പോകാം പെണ്ണേ (പണ്ടു...)

വിഫലം വിഫലം എല്ലാം വിഫലം
നിന്നിൽ പൂത്ത മലരുകൾ വിഫലം
നീ നോറ്റ നോമ്പുകൾ വിഫലം
കുഞ്ഞിക്കാലു കാത്തതു വിഫലം
വിഫലം വിഫലം

ഇനിയേതോ നിന്റെ ലക്ഷ്യം
ഇനിയേതോ നിന്റെ മാർഗ്ഗം (2)
ഇനിയേതോ നിഴലീ വഴിയിൽ
ഇനിയേതോ തണലീ മരുവിൽ (വിഫലം...)

കനിയായിടാത്ത പുഷ്പം
കണ്ണീരിൽ കരിഞ്ഞു പോയി (2)
ഇണയില്ല തുണയുമില്ല (2)
ഇനിയെങ്ങോ നിന്റെ യാത്ര (വിഫലം...)

നിനവിന്റെ കായലിൽ
നിലയില്ലാക്കായലിൽ
കനവിന്റെ ചന്ദനക്കളിയോടം
ഒരു കനവിന്റെ സുന്ദരക്കളിയോടം (നിനവിന്റെ...)
കാറ്റും മഴയും വരുന്നല്ലോ
ഒറ്റയ്ക്കു ഞാനിനി പോവില്ല
തങ്കക്കിനാവിന്റെ കളിവള്ളത്തിൽ
പങ്കായമെറിയാൻ ഒരാളു വേണം
കൂടെ പങ്കായി തുഴയാൻ ഒരാളു വേണം (നിനവിന്റെ...)

അമരം തരാമെങ്കിൽ പോരാം ഞാൻ
അലകൾ മുറിച്ചു തുഴഞ്ഞോളാം
കാറ്റത്തും മഴയത്തും മറിയാതീ തോണിയെ
കണ്ണിന്റെ മണി പോലെ കാത്തോളാം
എന്റെ കണ്ണിന്റെ മണി പോലെ കാത്തോളാം (നിനവിന്റെ...)

പെണ്ണേ മണവാട്ടിപ്പെണ്ണേ
പെണ്ണേ മൊഞ്ചുള്ള പെണ്ണേ
കളിക്കുട്ടിപ്രായം കഴിഞ്ഞൂ നിന്റെ
കല്യാണരാത്രിയിതാ വന്നൂ
ഇന്നു രാത്രിക്കാണിപ്പൂരാത്രീ
ഇന്നോളം കാണാത്ത രാത്രി
പുതുക്കരാത്രി പൂമാരൻ നിന്നിൽ
പുളകങ്ങൾ ചൊരിയുന്ന രാത്രി (പെണ്ണേ...)

കൈയ്യൊന്നു പിടിച്ചപ്പോൾ കാരിരുമ്പ്‌
ചുണ്ടൊനു തുറന്നപ്പോൾ തേൻ കരിമ്പ്‌
പെണ്ണിന്റെ മെയ്യ്‌ പുളിങ്കമ്പ്‌
കണ്ണിന്റെയുള്ളിൽ മലരമ്പ്‌
വിരട്ടാൻ നോക്കാതെ കരാട്ടെ കല്യാണി
മേൽ മീശ കണ്ടാൽ പുലിക്കുട്ടി
നാലാളെ കണ്ടാൽ എലിക്കുട്ടി
കണ്ടാൽ ചെറുക്കൻ മണിമാരൻ പക്ഷേ
കാണ്ടാമൃഗത്തിന്റെ തൊലിക്കട്ടി
വിരട്ടാൻ നോക്കാതെ മിടുക്കൻ ചങ്ങാതീ
കൈ കൊണ്ടു തല്ലുന്ന തല്ലെനിക്കു
പുല്ലാണു പുല്ലാണു കല്യാണി നിന്റെ
കണ്മുന തൊടുക്കുന്ന ശരമെന്നെ
കൊല്ലാതെ കൊല്ലുന്നു മധുവാണി
ചതിക്കാൻ നോക്കാതെ കരാട്ടെ കല്യാണി
വായീന്നു വീഴുന്ന പുളുവെല്ലാം