തേനുതിരും മധുരയൗവനം
താരുണ്യമാം നവ്യസൗരഭം
അരികെ വരൂ അരികെ വരൂ
അഴകിൻ ചിറകിൽ പറന്നുയരൂ
(തേനുതിരും...)

സുഗന്ധയാമിനിയിൽ ഒഴുകും
സ്വപ്നവാഹിനി ഞാൻ
പുരുഷമാനസ വസന്തകേളിയിൽ
പുതിയരാഗം ഞാൻ
(തേനുതിരും...)

കനകനൂപുരങ്ങൾ
അണിയും മദന കാമിനി ഞാൻ
അധരചുംബന ലാസ്യലഹരിയിൽ
ഉണരും ദാഹം ഞാൻ
(തേനുതിരും...)

രാസലീലാ ലഹരി
അനുരാഗസംഗമ ലഹരി
ലഹരീ ലഹരീ ജീവിതലഹരീ
പ്രേമമഭിരാമ ലഹരീ
പ്രേമമഭിരാമ ലഹരീ
ലാലലലാലാ ലാലലലാ...

മധുവിധു രജനി ദ്വീപിൽ ഒരു മരതകവല്ലിക്കുടിലിൽ
മനസ്സുകളാടും മായികലീലാ
മദിരോൽസവ സുഖമേള
മദിരോൽസവ സുഖമേള
(രാസലീലാ...)

തഴുകി ജീവനെ തഴുകീ -ഒരു
മുരളീ മധുരവമൊഴുകി
സുന്ദരജീവിത വനിയിൽ ഇന്നൊരു
സുരനദിയായ് ഒഴുകീ
സുരനദിയായ് ഒഴുകീ
(രാസലീലാ...)

നാദം മധുരം വചനം മധുരം
നവവസന്തസുമമധുരം
നവവസന്തസുമമധുരം
വചനം വചനം മധുരം മധുരം
രൂപം രൂപം മധുരം മധുരം
വരു വരാംഗിനി അരികിൽ (നാദം...)

സ്വപ്നസുഖാലസ നിദ്രയിൽ
സുമമോഹനമാകിയ വാടിയിൽ
പൂ ചൂടി നിൽക്കും വല്ലരി
സുരസുന്ദരി നടമാടൂ
ചിരിച്ചൂ താരകൾ
വാനിടത്തിൽ അകലെയായ്‌
വിതറി കനകത്തിൻ കതിരൊളി (നാദം...)

പ്രേമമനോഹരവീഥിയിൽ
പൊൻ താലമേന്തിയ കൽപന
നവസ്വാഗത ഗീതം പാടി
ഹാ കാത്തിടുന്നു നിന്നെ

കഥ കഥ കഥ നായര്
കാഞ്ഞിരപ്പുഴ നായരു്
തെന്മലയിൽ പണ്ടൊരിക്കൽ
തേനെടുക്കാൻ പോയി
കാട്ടുവഴി തന്നിലൊരു കൂറ്റൻ കടുവാ ഓ..
കൂട്ടിമുട്ടി കാലുപൊക്കി അലറി വിളിച്ചൂ
കണ്ടുമുട്ടിയ നായർക്ക്‌
തുടകൾ രണ്ടും പാണ്ടി കൊട്ടി
കടുവയുടെ കാലിലൊരു മുള്ളിരിക്കുന്നു
അയ്യോ മുള്ളിരിക്കുന്നോ
(കഥ...)

മുള്ളെടുക്കാൻ വൻ കടുവാ
കാലു കാട്ടിയപ്പോൾ
ഇല്ലിമുളം കാട്ടിൽ നിന്നൊരു തത്തമ്മ ചൊല്ലി
കൂട്ടിനുള്ളിൽ നിന്നും കാട്ടുകോഴി വിലക്കി
കൊക്കര കൊക്കര
കൊക്കര കൊക്കരക്കോ
(കഥ...)

താരകളേ ലാലലലാ
അമ്പിളിയേ ലല്ലാലലല
ഉലകം കരങ്ങൾ നീട്ടി നീട്ടി പുൽകുന്നു
അറിവിൻ കൊടികൾ മനുജൻ ഉയർത്തിപ്പാടുന്നു
അപ്‌ അപ്‌ അപ്‌ (താരകളേ...)

യുഗങ്ങൾ മാറുന്നൂ മനുജൻ മാറുന്നൂ
മാറുന്നു സകലം മാറുന്നു നീളെ
ഭൂമിയും വാനവും സൂര്യനും ചന്ദ്രനും
മാത്രമല്ലോ സനാതനം
അപ്‌ അപ്‌ അപ്‌ (താരകളേ...)
പുഞ്ചിരി തൻ പൊൻ തിരികൾ ലലലാലാ
അധരം നിറയെ കൊളുത്തൂ മറക്കൂ ശോകങ്ങൾ
ഹൃദയം നിറയെ വിടർത്തൂ സ്വപ്നങ്ങൾ
അപ്‌ അപ്‌ അപ്‌ ( താരകലേ..)

എന്താനന്ദം എന്താവേശം
പ്രണയലഹരി ഓഹോ
സങ്കൽപഗീതം അനുപമം (എന്താനന്ദം..)

ആടും പാട്ടിൻ പല്ലവിയിതൊന്നു മാത്രം
ഹൃദയം മൂളും കാകളിയിതൊന്നു മാത്രം
നീ മറയല്ലേ നീ മായല്ലേ വാർമഴവില്ലേ
ആ...വാസന്തമാല്യം നീയല്ലേ (എന്താനന്ദം...)

മെയ്യും മെയ്യും ചേർന്നിടും പുളകമോടേ
ചുണ്ടിൽ ചുണ്ടായി കാകളി പകരുമോ നീ
നീ പകരുമ്പോൾ നാം മുകരുമ്പോൾ
നാമറിയാതെ നീ താൻ പുൽകുന്നു
സ്വർഗ്ഗം ഭൂവിതിൽ (എന്താനന്ദം..)

വാസന്ത ചന്ദ്രികയോ വാനമ്പാടിയോ
ഇവൾ ചിറകു സ്വപ്നമോ

ചിത്രശലഭമോ (വാസന്ത...)

കൗമാരനന്ദനത്തിൽ കളിയോടിയാടുന്ന
കസ്തൂരി മാൻ കിടാവോ കാട്ടുമൈനയോ
പുലർക്കാല തൂമഞ്ഞിൻ ആദ്യത്തെ ബിന്ദുവോ
താരുണ്യം മൊട്ടിടുന്ന താമരക്കുളമോ
കുളിർത്തീന്നലോ ഒളി ചിന്നിടും കിളിമിന്നലോ (വാസന്ത...)

തേനൊഴുകും പൂങ്കുയിൽ പാട്ടോ
വരിനെല്ലിൻ പൊൻ കതിരോ
മഴവില്ലിൻ മാലയിട്ട
വർഷകാലസുന്ദരിയാം നീലമേഘമോ
കരളിൽ കിക്കിളീയാക്കിക്കൊണ്ടൊഴുകുന്ന
കന്നിപ്പൂഞ്ചോലയോ കളിത്തത്തയോ
രാപ്പാടിയോ പുഷ്പവാടിയോ
മാനത്തു നിന്നിറങ്ങിയ മാലാഖയോ (വാസന്ത...)

നുണക്കുഴി കവിളിൽ കാണാത്ത കണിക്കൊന്ന

മലർമൊട്ടു വിരിയിച്ചതാർക്കുവേണ്ടി

നുരയിട്ടു പൊന്തും ചിരിയൊച്ച ചുണ്ടിൽ

നൂപുരം കിലുക്കുന്നതാർക്കു വേണ്ടി

എനിക്കു വേണ്ടി എനിക്കു വേണ്ടി എനിക്കു വേണ്ടി മാത്രം

നുണക്കുഴി കവിളിൽ കാണത്ത കണിക്കൊന്ന

മലർമൊട്ടു വിരിയിച്ചതാർക്കുവേണ്ടി

മനസ്സിന്റെ മനസ്സിലെ മാനത്തു തെളിയുന്ന

മഴവില്ലിൻ ഊഞ്ഞാല ആർക്കു വേണ്ടി (മനസ്സിന്റെ)

പാത്തും പതുങ്ങിയും കരളിലെ മുളം തത്ത

പഞ്ചമം മൂളുന്നതാർക്കു വേണ്ടി

നിനക്കു വേണ്ടി നിനക്കു വേണ്ടി നിനക്കു വേണ്ടി മാത്രം

കൽപനാ മന്ദിരത്തിൽ കാമദേവൻ

ധൂമം ധൂമം വല്ലാത്ത ധൂമം
മായാമതിഭ്രമം വളർത്തും ധൂമം
ഏഴാം നരകത്തിൽ മനുഷ്യനെ തള്ളും
ഏതോ വിഷാഗ്നി ധൂമം

പ്രേമം വല്ലാത്ത പ്രേമം
ഇതു തെരുവിലെ കഴുതക്കാമം
കാമുകനും കാമുകിക്കും കാഴ്ചക്കാർക്കും
ക്ഷാമം ഉടുതുണി ക്ഷാമം (ധൂമം..)

പാപം ഇതു പാപം ചെകുത്താൻ നൽകിയ ശാപം
മനുഷ്യനെ മദ്യത്താൽ മയക്കു മരുന്നാൽ
മതങ്ങൾ ദുഷിപ്പിക്കും പാപം
പാപം ഇതു വല്ലാത്ത പാപം (ധൂമം..)
 

വിദ്യാവിനോദിനീ വീണാധരീ
നിത്യേ നിരന്തരീ മായാമിനീ
സത്യസൗന്ദര്യത്തിൻ മധുമാസവനിക തൻ
ഉദ്യാനദേവതേ നീ മതിമോഹിനീ (വിദ്യാ...)

ചിത്തമാം ക്ഷേത്രത്തിൻ ഭിത്തിയിൽ ഞാനെന്റെ
ഭക്തിയാൽ രാപ്പകൽ എഴുതീടുന്നു
സപ്തവർണ്ണങ്ങളിൽ സമുജ്ജ്വലമാം നിന്റെ
ചിത്രവും ശിൽപവും കൈകൂപ്പുവാൻ (വിദ്യാ...)

ഗാനവും താളവും നടനവും രസവും
ലാസ്യ താണ്ഡവങ്ങളും ലയവുമൊപ്പം
ഗംഗയായ്‌ യമുനയായ്‌ സാക്ഷാൽ സരസ്വതിയായ്‌
സംഗമം ചെയ്‌വതും നിന്നിലല്ലോ
വീണാധരീ മായാവിനീ മതിമോഹിനീ
ശാലിനീ സുന്ദരീ