ഓം പൂർണ്ണമദഃ പൂർണ്ണമിദം
പൂർണ്ണാത് പൂർണ്ണമുദച്യതേ
പൂർണ്ണസ്യ പൂർണ്ണമാദായ
പൂർണ്ണമേവാവശിഷ്യതേ

ഓം ശാന്തി ശാന്തി ശാന്തി

സഹസ്രദളസംശോഭിത നളിനം പോലെ മഹാഗഗനം (2)
സമസ്ത ഭുവനം കാക്കുമനാദിമഹസ്സിൻ സോപാനം (2)
ആതിരു നളിനപരാഗം ചാർത്തുക അകമിഴിയാമരവിന്ദം (2)
ആത്മ ദലങ്ങളിൽ ആവാഹിക്കുക അതിന്റെ ദിവ്യ സുഗന്ധം അതിന്റെ ദിവ്യ സുഗന്ധം (2)[സഹസ്ര..]

ഓം സഹനാവവതു സഹനൗ ഭുനക്തു
സഹവീര്യം കരവാവഹൈ
തേജസ്വിനാവധീതമസ്തു
മാ വിദ്വിഷാവഹൈ
ഓം ശാന്തി ശാന്തി ശാന്തി

കടലിന്നഗാധമാം നീലിമയിൽ(3)
കതിർ ചിന്നും മുത്തു പോലെ പവിഴം പോലെ
കടലിന്നഗാധമാം നീലിമയിൽ
കമനി നിൻ ഹൃദയത്തിന്നാഴത്തിലാരാരും
അറിയാതെ കാത്തു വെച്ചതേതു രാഗം
അരുമയാം അനുരാഗ പത്മരാഗം
കതിർ ചിന്നും മുത്തു പോലെ പവിഴം പോലെ (കടലിന്ന...)

നിൻ നേർക്കെഴുമെൻ നിഗൂഡമാം രാഗത്തിൻ
ചെമ്മണി മാണിക്യം (2)
എന്റെ മനസ്സിന്നഗാധ ഹൃദത്തിലുണ്ടി-
ന്നതെടുത്തു കൊൾക ആ...........(കടലിന്ന....)

നർത്തനമാടുവാൻ മോഹമാണെങ്കിലീ
ഹൃത്തടം വേദിയാക്കൂ (2)
എന്നന്തരംഗ നികുഞ്ജത്തിലേതോ
ഗന്ധർവൻ പാടാൻ വന്നൂ ആ‍......(കടലിന്ന..)

പോരൂ ............പോരൂ..........
എന്നോടൊത്തുണരുന്ന പുലരികളേ
എന്നൊടൊത്തു കിനാവു കണ്ടു ചിരിക്കുമിരവുകളേ (എന്നൊടൊത്തു..)
യാത്ര തുടരുന്നു ശുഭയാത്ര നേർന്നു വരൂ (2)

ഒരു കുടന്ന നിലാവു കൊണ്ടെൻ
നിറുകയിൽ കുളിർ തീർഥമാടിയ നിശകളേ
നിഴലുമായിണ ചേർന്നു നൃത്തം ചെയ്ത പകലുകളേ
പോരൂ..പോരൂ..യാത്ര തുടരുന്നൂ ശുഭ യാത്ര നേർന്നു വരൂ

തുളസിവെറ്റില തിന്നു ചുണ്ടു തുടുത്ത സന്ധ്യകളേ
തുയിലുണർത്താൻ വന്നൊരോണക്കിളികളേ നന്ദി
അമൃതവർഷിണിയായ വർഷാകാലമുകിലുകളേ
ഹൃദയ വെരിയിൽ അലരി മലരായ്
പൂത്തിറങ്ങിയ വേനലേ നന്ദി ..നന്ദി..

നിൻ മണിയറയിലെ നിർമ്മലശയ്യയിലെ
നീല നീരാളമായ് ഞാൻ മാറിയെങ്കിൽ
ചന്ദനമണമൂറും നിൻ ദേഹമലർവല്ലി
എന്നുമെൻ വിരിമാറിൽ പടരുമല്ലോ..
( നിൻ )

പുണ്യവതീ നിന്റെ പൂങ്കാവനത്തിലൊരു
പുഷ്പശലഭമായ് ഞാൻ പറന്നുവെങ്കിൽ
ശൃംഗാരമധുവൂറും നിൻ ദാഹപാനപാത്രം
എന്നുമെന്നധരത്തോടടുക്കുമല്ലോ..
( നിൻ)

ഇന്ദുവദനേ നിന്റെ നീരാട്ടുകടവിലെ
ഇന്ദീവരങ്ങളായ് ഞാൻ വിടർന്നുവെങ്കിൽ
ഇന്ദ്രനീലാഭതൂകും നിൻ മലർമിഴിയുമായ്
സുന്ദരീയങ്ങനെ ഞാൻ ഇണങ്ങുമല്ലോ.
(നിൻ)

ആ...
കാലിത്തൊഴുത്തിൽ പിറന്നവനേ
കരുണ നിറഞ്ഞവനേ
കരളിലെ ചോരയാൽ
പാരിന്റെ പാപങ്ങൾ
കഴുകികളഞ്ഞവനേ
അടിയങ്ങൾ നിൻനാമം വാഴ്ത്തീടുന്നു
ഹല്ലേലൂയാ ഹല്ലേലൂയാ
കാലിത്തൊഴുത്തിൽ പിറന്നവനേ
കരുണ നിറഞ്ഞവനേ

കനിവിൻ കടലേ അറിവിൻ പൊരുളേ
ചൊരിയൂ ചൊരിയൂ അനുഗ്രഹങ്ങൾ
നിൻ മുന്നിൽ വന്നിതാ നില്പൂ ഞങ്ങൾ
ഹല്ലേലൂയാ ഹല്ലേലൂയാ
കാലിത്തൊഴുത്തിൽ പിറന്നവനേ
കരുണ നിറഞ്ഞവനേ

മറഞ്ഞിരുന്നാ‍ലും മനസ്സിന്റെ കണ്ണിൽ
മലരായ് വിടരും നീ
ഒളിഞ്ഞിരുന്നാലും കരളിലെ ഇരുളിൽ
വിളക്കായ് തെളിയും നീ
(മറഞ്ഞിരുന്നാലും..)

മൃതസഞ്ജീവനി നീയെനിക്കരുളി
ജീവനിലുണർന്നൂ സായൂജ്യം
ചൊടികൾ വിടർന്നൂ പവിഴമുതിർന്നൂ
പുളകമണിഞ്ഞൂ ലഹരിയുണർന്നൂ
(മറഞ്ഞിരുന്നാലും..)

കണ്മണി നിനക്കായ് ജീവിതവനിയിൽ
കരളിൻ തന്ത്രികൾ മീട്ടും ഞാൻ
മിഴികൾ വിടർന്നൂ ഹൃദയമുണർന്നൂ
കദനമകന്നൂ കവിത നുകർന്നൂ
(മറഞ്ഞിരുന്നാലും..)

സ്വര കന്യകമാർ വീണ മീട്ടുകയായ്
കുളിരോളങ്ങൾ പകർന്നാടുകയായ്
തങ്ക രഥമേറി വന്നു പൂന്തിങ്കൾ പെൺമണിയായ്
സുകൃതവനിയിലാരോ പാടും ആശംസാ മംഗളമായ് ( സ്വര...)

എങ്ങോ കിനാ കടലിന്നുമക്കരെ
അറിയാ മറയിൽ പുല്ലാങ്കുഴലൂതുവതാരോ (2)
എന്റെയുള്ളിലാ സ്വരങ്ങൾ ശ്രുതി ചേരുമ്പോൾ
മപനിസഗാരിനി പാനിസരീപം നിസ നിസ
എന്റെയുള്ളിലാ സ്വരങ്ങൾ ശ്രുതി ചേരുമ്പോൾ
മെല്ലെ മൃദു പല്ലവി പോലെയതെൻ ഹൃദയ ഗീതമാകവേ
ഓർമ്മകൾ വീണലിഞ്ഞു വിരഹ ഗാനമാകവേ
സാന്ത്വനമായ് വന്നൊരീ സൌവർണ്ണ വേളയിൽ ( സ്വര...)

തീരം കവിഞ്ഞൊഴുകുമ്പോൾ പോലുമീ

പഞ്ചവർണ്ണ പൈങ്കിളി പെണ്ണേ
ഇന്നെനിക്കൊരു ദൂതു പോകാമോ
ആരാരും കാണാതെ ഒന്നവിടെ ചെല്ലാമോ
കുറിമാനം നൽകി പോരാമോ (പഞ്ച...)

ഏതു രാഗം പാടണം ഞാൻ ഇനിയവനെ കാണുമ്പോൾ
എന്തു മധുരം നൽകണം ഞാൻ അവനെന്നെ പുണരുമ്പോൾ (2)
അറിയാതെ..ഓ..ഓ..ഓ
അറിയാതെന്നനുരാഗ തേന്മാവിൻ കൊമ്പത്ത്
സ്നേഹത്തിൻ കന്നിതിങ്കൾ പൂക്കുന്നു (പഞ്ച..)

എന്റെയുള്ളിൽ കണ്ടതെല്ലാം പറയാനിന്നറിയില്ല
എന്റെ തീരാ മോഹമൊന്നും ഒരു രാവിൽ തീരില്ല (2)
ആരാരോ..ഓ..ഓ..ഓ..
ഈ രാവിനി മായില്ലെന്നാരാരോ മൊഴിയുന്നു
ഇടനെഞ്ചിൽ പെയ്തുണരുന്നു കിന്നാരം (പഞ്ച..)

ആ..ആ..ആ.
പൊന്നിൽ കുളിച്ചു നിന്നു ചന്ദ്രികാ വസന്തം
ഗന്ധർവ്വ ഗായകന്റെ മന്ത്ര വീണ പോലെ
നിന്നെ കുറിച്ചു ഞാൻ പാടുമീ രാത്രിയിൽ
ശ്രുതി ചേർന്നു മൌനം
അതു നിൻ മന്ദഹാസമായ് പ്രിയതോഴി (പൊന്നിൽ..)

പവിഴം പൊഴിയും മൊഴിയിൽ
മലർശരമേറ്റ മോഹമാണു ഞാൻ
കാണാൻ കൊതി പൂണ്ടണയും
മൃദുല വികാര ബിന്ദുവാണു ഞാൻ
ഏകാന്ത ജാലകം തുറക്കൂ ദേവീ നിൽപ്പൂ
നിൽപ്പൂ ഞാനീ നടയിൽ നിന്നെത്തേടി (പൊന്നിൽ..)

ഉം ...ഉം..ഉം...
ആ...ആ...ആ‍...

ചന്ദന ചോലയിൽ മുങ്ങി നീരാടിയെൻ
ഇളമാൻ കിടാവേ ഉറക്കമായോ
വൃശ്ചിക രാത്രി തൻ പിച്ചക പന്തലിൽ
ശാലീന പൌർണ്ണമി ഉറങ്ങിയോ

പൂന്തെന്നലേ നിന്നിലെ ശ്രീ സുഗന്ധം
എന്നോമലാളിനിന്നു നീ നൽകിയോ (2)
ഏകാകിനിയവൾ വാതിൽ തുറന്നുവോ
എന്തെങ്കിലും പറഞ്ഞുവോ
എന്നാത്മ നൊമ്പരങ്ങൾ നീ ചൊല്ലിയോ (ചന്ദന....)

കണ്ടെങ്കിൽ ഞാൻ എന്നിലെ മോഹമെല്ലാം
മാറോടു ചേർത്തു മെല്ലെയിന്നോതിടും
നീയില്ലയെങ്കിലെൻ ജന്മമില്ലെന്നു ഞാൻ
കാതോരമായ് മൊഴിഞ്ഞിടും
ആലിംഗനങ്ങൾ കൊണ്ടു മെയ് മൂടിടും ( ചന്ദന..)