ഒരു മതമൊരു ജാതി - മനുഷ്യർക്കൊരു
കുലമൊരു ദൈവം 
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം 
ഒരു മതമൊരു ജാതി

ശിവഗിരിയുടെ ശബ്ദം - ചിന്താവിപ്ലവ ശബ്ദം
മണ്ണിൽ നിന്നു മനുഷ്യനെ വാർത്തൊരു
മഹർഷിയുടെ ശബ്ദം 
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം 
ഒരു മതമൊരു ജാതി

കുളിക്കുമ്പോളൊളിച്ചു ഞാന്‍ കണ്ടു - നിന്റെ
കുളിരിന്മേല്‍ കുളിര്‍കോരുമഴക്
ഇലനുള്ളി തിരിനുള്ളി നടക്കുമ്പോളൊരു 
ചുവന്ന കാന്താരി മുളക് - നീയൊരു
ചുവന്നകാന്താരി മുളക്
(കുളിക്കുമ്പോള്‍ ...)

വയനാടന്‍ കാട്ടിലെ വലയില്‍ വീഴാത്ത
വര്‍ണപൈങ്കിളിത്തത്ത - നീയൊരു 
വര്‍ണപ്പൈങ്കിളി തത്ത
താമരവലയില്‍ കുടുക്കും നിന്നെ ഞാന്‍
താമസിപ്പിക്കും കൂടെ താമസിപ്പിക്കും
ആഹഹാ.....ആ.....
(കുളിക്കുമ്പോള്‍ ...)

മരുന്നോ നല്ല മരുന്ന്
അരമ്മരുന്ന് പൊടിമ്മരുന്ന് 
വാറ്റുമരുന്ന് നീറ്റുമരുന്ന്
മരുന്നോ നല്ല മരുന്ന്
(മരുന്നോ നല്ല മരുന്ന്...)

അരപ്പിരിക്കും മുഴുപ്പിരിക്കും വാറ്റ്മരുന്ന്
അസൂയയ്ക്കും വസൂരിയ്ക്കും നീറ്റുമരുന്ന്
കറക്കിഅടിക്കു കരിമരുന്ന്
കണ്ണുകടിയ്ക്കു പൊടിമരുന്ന്
കഷണ്ടിക്കും പ്രേമത്തിന്നും മറുമരുന്ന്
(മരുന്നോ നല്ല മരുന്ന്...)

വൈദ്യരേ വൈദ്യരേ വയ്യുമ്പം വയ്യുമ്പം
വയറ്റിനകത്തൊരുരുണ്ടുകേറ്റം

സമയമാം നദി പുറകോട്ടൊഴുകി
സ്മരണതൻ പൂവണി താഴ്വരയിൽ
സംഭവമലരുകൾ വിരിഞ്ഞു വീണ്ടും
വിരിഞ്ഞു വീണ്ടും (സമയമാം..)

സ്വർഗ്ഗകവാടം വിട്ടിറങ്ങി വന്നൂ തന്റെ
സ്വന്തം മകനെ തേടിത്തേടി
ജനനീ നിന്റെ ജനനീ
ജനിത സ്നേഹത്തിൻ മായാതരംഗിണീ
തരംഗിണീ (സമയമാം..)

അമ്മ വന്നുമ്മ വെച്ചെടുത്തൂ നിന്നെ വീണ്ടും
അത്ഭുത നാഗത്തിൻ കഥ പറഞ്ഞൂ
കിടത്തീ മാറിൽ കിടത്തീ
നറുതേൻ വാണിയാൽ താരാട്ടു പാടീ - പാടീ

സമയമാം നദി പുറകോട്ടൊഴുകി
സ്മരണതൻ പൂവണി താഴ്വരയിൽ
സംഭവമലരുകൾ വിരിഞ്ഞു വീണ്ടും
വിരിഞ്ഞു വീണ്ടും

നീല നീല സമുദ്രത്തിന്നക്കരെയായി
നീലക്കാടുകൾ പൂവിരിച്ച താഴ്വരയൊന്നിൽ
വാകപൂത്തു മണംചിന്നും വള്ളിമലർക്കാവിലൊരു
വാനമ്പാടിയാരെയോ കാത്തിരുന്നൂ
പണ്ട് കാത്തിരുന്നൂ
(നീല..)

വർണ്ണശബളമായ തന്റെ തേരിലൊരു നാളിൽ
വന്യഭൂവിൽ മധുമാസമണഞ്ഞ നേരം
സ്വപ്നസുന്ദര പഞ്ജരത്തിൽ വിരുന്നു വന്നൂ ഒരു
സ്വർഗ്ഗവാതില്പക്ഷിയാകും കൂട്ടുകാരി - കൂട്ടുകാരീ
(നീല..)

പന്തലിട്ടു വെണ്മുകിലും മാരിവില്ലും
സുന്ദരിമാർ കാട്ടുപൂക്കൾ വിളക്കു വെച്ചു
വധുവിനെയും വരനെയും വരവേൽക്കുവാൻ ചുറ്റും
വനചിത്രശലഭങ്ങൾ കുരവയിട്ടു - കുരവയിട്ടൂ
(നീല...)

മുഴുതിങ്കൾ മണിവിളക്കണഞ്ഞൂ
ക്ഷമയെന്റെ ഹൃദയത്തിലൊഴിഞ്ഞൂ
കാറ്റു വന്നൂ കതകടച്ചൂ
കനകതാരകമൊന്നു ചിരിച്ചൂ
(മുഴുതിങ്കൾ...)

മദനൻ സിന്ദൂരരേഖയാലേ ഇന്നു
മധുവിധുരാത്രിയാണെന്നെഴുതി വെച്ചൂ
തുടുത്തു തുടുത്തു വരും കവിളിൽ ഗാനം
തുളുമ്പി തുളുമ്പി വരും ചുണ്ടിൽ
(മുഴുതിങ്കൾ...)

പുളകത്തിൻ മന്ദാരമലരാലേ എന്റെ
പൂമേനി മൂടുവാൻ എഴുന്നള്ളുമോ
മാറത്തെ ലാളനഖക്ഷതത്താൽ ഒരു
പൂത്താലിയണിയിക്കാൻ വരുമോ
(മുഴുതിങ്കൾ...)

അളകാപുരി അളകാപുരിയെന്നൊരു നാട് - അതിൽ
അമരാവതിയമരാവതിയെന്നൊരു വീട്
ആ വീട്ടിൻ പൂമുഖത്തിൽ പൂത്തു നിൽക്കും പൂമരത്തിൽ പൂ പൂ പൂ
ആകാശ പെണ്‍കൊടിമാർ ചൂടിയാലും തീരാത്ത പൂ പൂ പൂ 
(അളകാ..)

ഉർവശിക്ക് നൃത്തത്തിനു കാൽച്ചിലമ്പ് കെട്ടുവാൻ
ഉത്രാട നക്ഷത്രപ്പൂ
അണിമുടിയിൽ ചൂടുവാനശ്വതിപ്പൂ
അരഞ്ഞാണത്തുടലിലിടാൻ
ആതിരപ്പൂ - തിരുവാതിരപ്പൂ
തിരുവാതിര തിരുവാതിര തിരുവാതിരപ്പൂ 
അളകാപുരിയളകാപുരിയെന്നൊരു നാട്

കാര്‍കുഴലീ....
കാര്‍കുഴലീ കരിങ്കുഴലീ 
കാട്ടില്‍ വളരും കല്ലോലിനീ
നീലമലകള്‍ മടിയില്‍ കിടത്തും 
നീയൊരു ഭാഗ്യവതി - ഭാഗ്യവതി
കാര്‍കുഴലീ....

തീരം ചൂടുള്ള മാറോടടുക്കി
നൂറുമ്മനല്‍കിയ നിന്‍ കവിളില്‍
നവനീതമൃദുലമാം ആരുടെ കൈകളീ
നഖമുദ്രയണിയിച്ചൂ
കാറ്റോ - കുളിരോ 
കുളിരോളമിളക്കും കാമരൂപനോ
ഞാനവന്റെ പരിചാരിക - പരിചാരിക
കാര്‍കുഴലീ....

തെന്മല വെണ്മല തേരോടും മല
പൊന്മലത്തമ്പ്രാനു തിരുനാള്
ആടണം പോൽ പാടണം പോൽ
ആയിരം പൂ നുള്ളി ചൂടണം പോൽ 

മാമ്പൂമഴ മല്ലികപ്പൂമഴ
മലർമഴ പെയ്യുന്ന മാസം - കാറ്റത്ത്
മലർമഴ പെയ്യുന്ന മാസം
മാൻപേടകൾ സഖികളുമൊരുമിച്ച്
മാരനെത്തിരയുന്ന മാസം
ആടണം പാടണം പൂ നുള്ളി ചൂടണം പോൽ 
(തെന്മല...)

മൂന്നാറിലെ മുത്തണിക്കുന്നിനു
മുഖക്കുരു മുളയ്ക്കുന്ന പ്രായം - കവിളത്തു
മുഖക്കുരു മുളയ്ക്കുന്ന പ്രായം
പൂഞ്ചേലകൾ മുറുകുന്ന മാരിൽ
പുളകങ്ങൾ തുളുമ്പുന്ന പ്രായം
ആടണം പാടണം പൂ നുള്ളി ചൂടണം പോൽ 
(തെന്മല...)

പ്രേമം...ഓഹോ ഓഹോ 
പ്രേമം സ്ത്രീപുരുഷ പ്രേമം 
ഭൂമിയുള്ള കാലം വരെയും 
പൂവിടുന്ന ലോലവികാരം 
(പ്രേമം..) 

ആരെയും ആരാധകരാക്കും 
അതിന്റെ ഹംസഗാനം 
ആരെയും തൃപ്പാദ ദാസരാക്കും 
അതിന്റെ ചുണ്ടിലെ മന്ദഹാസം 
ആ ഗാനം ഞാൻ കേട്ടു 
ആ മന്ദഹാസം ഞാൻ കണ്ടു 
(പ്രേമം..) 

ആരെയും സ്വപ്നാടകരാക്കും 
അതിന്റെ മന്ത്രവാദം 
ആയിരം സ്വർഗ്ഗങ്ങൾ തീർത്തു തരും 
അതിന്റെ കയ്യിലെ പാനപാത്രം 
ആ മന്ത്രം ഞാൻ കേട്ടു 
ആ പാനപാത്രം ഞാൻ കണ്ടു 
(പ്രേമം..)