ഒരു മതമൊരു ജാതി - മനുഷ്യർക്കൊരു
കുലമൊരു ദൈവം
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം
ഒരു മതമൊരു ജാതി
ശിവഗിരിയുടെ ശബ്ദം - ചിന്താവിപ്ലവ ശബ്ദം
മണ്ണിൽ നിന്നു മനുഷ്യനെ വാർത്തൊരു
മഹർഷിയുടെ ശബ്ദം
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം
ഒരു മതമൊരു ജാതി
രണ്ടേ രണ്ടു വർഗ്ഗം ഭൂമിയിൽ രണ്ടേ രണ്ടു വർഗ്ഗം
ഉടമകളും അടിമകളും ഉള്ളവരും ഇല്ലാത്തവരും
തുടരുകയാണവരുടെ സമരം വർഗ്ഗസമരം
ഈ സമരത്തിന്നുയർത്തുക നമ്മുടെ
കൊടികൾ - വിജയക്കൊടികൾ
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം
ഒരു മതമൊരു ജാതി
മതിലുകൾ ഇടിയട്ടെ
മന്ത്രപ്പുരകൾ തകരട്ടെ
മനസ്സിൽ നിന്നും വിലങ്ങുകൾ മാറ്റിയ
മനുഷ്യനുണരട്ടെ
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം
ഒരു മതമൊരു ജാതി
രണ്ടേ രണ്ടു സത്യം ഭൂമിയിൽ രണ്ടേ രണ്ടു സത്യം
മർദ്ദിതരും മർദ്ദകരും നിന്ദിതരും പൂജിതരും
ഒഴുകുകയാണവരുടെ രക്തം ചുവന്ന രക്തം
ഈ രക്തത്തിൽ വിടർത്തുക
നമ്മുടെ പൂക്കൾ - പുലരിപ്പൂക്കൾ
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം
ഒരു മതമൊരു ജാതി - മനുഷ്യർക്കൊരു
കുലമൊരു ദൈവം
ഒരു മതമൊരു ജാതി
