അമ്പലപ്പുഴ കൃഷ്ണാ കൃഷ്ണാ
അവിടുത്തെ ശ്രീകോവിൽ ഗോശാല
ഗോശാല കൃഷ്ണനെ തേടി വരുന്നൊരു
ഗോപകന്യ ഞാൻ (അമ്പല..)

പണ്ടു നീയെന്റെ മൺ കലത്തിലെ പാൽ കുടിച്ചൂ
ഇന്നു നിന്റെ പാല്പായസത്തിനു വന്നൂ ഞാൻ
മൺ കലവുമായ് വന്നൂ ഞാൻ

പണ്ടു നിന്റെ മണ്ണുറിയിലെ വെണ്ണയുണ്ടു
ഇന്നു നിന്റെ തൃക്കൈ വെണ്ണയ്ക്ക് വന്നൂ ഞാൻ
കുമ്പിളും കൊണ്ട് വന്നൂ ഞാൻ (അമ്പല...)

ഖദീജാ ...
കണ്മണി നീയെന്‍ കരം പിടിച്ചാല്‍ 
കണ്ണുകളെന്തിനു വേറെ - എനിയ്ക്കു
കണ്ണുകളെന്തിനു വേറെ (2) 

കാണാനുള്ളത് കരളില്‍ പകരാന്‍ 
കാണാനുള്ളത് കരളില്‍ പകരാന്‍ 
ഞാനുണ്ടല്ലോ ചാരെ - കണ്ണായ് 
ഞാനുണ്ടല്ലോ ചാരെ 
(കണ്മണി... ) 

കുപ്പിത്തരിവള കിലുക്കി ഞാനീ - 
കുപ്പിത്തരിവള കിലുക്കി ഞാനീ -
ഖല്‍ബില്‍ മുട്ടിവിളിച്ചാലോ 

വാര്‍മഴവില്ലിന്‍ വളകളണിഞ്ഞൊരു 
വസന്തമെന്തെന്നറിയും ഞാന്‍ - തൂ-
വസന്തമെന്തെന്നറിയും ഞാന്‍ 

വിരുന്നു വരും വിരുന്നു വരും
പത്താം മാസത്തില്‍ 
പത്താം മാസത്തില്‍ 
അത് വിരുന്നുകാരനോ - അതോ
വിരുന്നുകാരിയോ
(വിരുന്നു... )

പറന്നു വരും വിണ്ണില്‍ നിന്നൊരു 
പൈങ്കിളി പോലെ 
പറന്നു വരും വിണ്ണില്‍ നിന്നൊരു 
പൈങ്കിളി പോലെ 
പൈങ്കിളി പോലെ 
(വിരുന്നു... )

ഉമ്മയ്ക്കും ബാപ്പയ്ക്കും ആയിരമായിരം 
ഉമ്മയും കൊണ്ടിങ്ങു വരുമല്ലൊ
ഉല്ലാസകൈത്തിരി കത്തിച്ചു വെക്കുവാൻ
ഉണ്ണിക്കിടാവിങ്ങു വരുമല്ലോ
(ഉമ്മയ്ക്കും... )

ഉപ്പായെ പോലുള്ള മൊഞ്ചാണ്
അവനെപ്പോഴും വിരിവുള്ള നെഞ്ചാണ്
ഉപ്പായെ പോലുള്ള മൊഞ്ചാണ്
അവനെപ്പോഴും വിരിവുള്ള നെഞ്ചാണ്

ഇപ്പോഴേ കാണുന്നു കരളിന്റെ കണ്ണിലാ -
കല്പക കനിയൊത്ത രൂപം
ഉമ്മയ്ക്കും ബാപ്പയ്ക്കും ആയിരമായിരം 
ഉമ്മയും കൊണ്ടിങ്ങു വരുമല്ലൊ
ഉല്ലാസകൈത്തിരി കത്തിച്ചു വെക്കുവാൻ
ഉണ്ണിക്കിടാവിങ്ങു വരുമല്ലോ

പൊട്ടിച്ചിരിക്കുവാന്‍ മോഹമുണ്ടെങ്കിലും
പൊട്ടിക്കരയിക്കും ജീവിതം
ആശിച്ചവേഷങ്ങള്‍ ആടാന്‍ കഴിയാത്ത
നാടകമാണെന്നും ജീവിതം

കനിയൊന്നും കായ്ക്കാത്ത കല്‍പ്പകവൃക്ഷത്തെ
വളമിട്ടുപോറ്റുകില്ലാരുമേ (2)
നട്ടുനനച്ചൊരു കൈകൊണ്ടാ വൃക്ഷത്തെ (2)
വെട്ടിക്കളയുന്നു മാനവന്‍
പൊട്ടിച്ചിരിക്കുവാന്‍ മോഹമുണ്ടെങ്കിലും
പൊട്ടിക്കരയിക്കും ജീവിതം

മുറ്റത്തു പുഷ്പുച്ച പൂമരക്കൊമ്പത്ത്
ചുറ്റുവാന്‍ മോഹിച്ച തൈമുല്ലേ (2)
മറ്റേതോ തോട്ടത്തില്‍ മറ്റാര്‍ക്കോ നിന്നെ
വിറ്റുകളഞ്ഞതറിഞ്ഞില്ലേ

പൊൻവളയില്ലെങ്കിലും പൊന്നാടയില്ലെങ്കിലും
പൊന്നിൻ കുടമിന്നും പൊന്നിൻ കുടം - എന്റെ
പൊന്നിൻ കുടമിന്നും പൊന്നിൻ കുടം
(പൊൻവള... )

തേൻ കനിയില്ലെങ്കിലും തൂമര തുമ്പിയ്ക്ക്
പൂങ്കുലയിന്നെന്നും പൂങ്കുല താൻ (2)
പൊൻ വളയില്ലെങ്കിലും പൊന്നാടയില്ലെങ്കിലും
പൊന്നിൻ കുടമിന്നും പൊന്നിൻ കുടം - എന്റെ
പൊന്നിൻ കുടമിന്നും പൊന്നിൻ കുടം

ഒരുകൊട്ട പൊന്നുണ്ടല്ലോ മിന്നുണ്ടല്ലോ 
മേനി നിറയെ
കരയല്ലേ ഖല്‍ബിന്‍ മണിയേ 
കല്‍ക്കണ്ടക്കനിയല്ലേ
(ഒരുകൊട്ട..)

അരിമുല്ല പൂവളപ്പിലു 
പടച്ചവന്‍ വിരിയിച്ച തൂമലരല്ലേ (2)
അഴകിന്റേ പൂന്തോപ്പിലാടാന്‍ 
വന്നൊരു മയിലല്ലേ (2)
(അരിമുല്ല... )

കനകത്തിന്‍ നിറമുള്ള കാതിലണിയാന്‍
കാതിലോല പൊന്നോല (2)
മാമ്പുള്ളിച്ചുണങ്ങുള്ള മാറത്തണിയാന്‍ 
മാങ്ങാത്താലി മണിത്താലി (2)
(ഒരുകൊട്ട...)