ഒരു കൊട്ട പൊന്നുണ്ടല്ലോ

ഒരുകൊട്ട പൊന്നുണ്ടല്ലോ മിന്നുണ്ടല്ലോ 
മേനി നിറയെ
കരയല്ലേ ഖല്‍ബിന്‍ മണിയേ 
കല്‍ക്കണ്ടക്കനിയല്ലേ
(ഒരുകൊട്ട..)

അരിമുല്ല പൂവളപ്പിലു 
പടച്ചവന്‍ വിരിയിച്ച തൂമലരല്ലേ (2)
അഴകിന്റേ പൂന്തോപ്പിലാടാന്‍ 
വന്നൊരു മയിലല്ലേ (2)
(അരിമുല്ല... )

കനകത്തിന്‍ നിറമുള്ള കാതിലണിയാന്‍
കാതിലോല പൊന്നോല (2)
മാമ്പുള്ളിച്ചുണങ്ങുള്ള മാറത്തണിയാന്‍ 
മാങ്ങാത്താലി മണിത്താലി (2)
(ഒരുകൊട്ട...)

മുത്തഴകുള്ളൊരു മേനിയിലെല്ലാം 
മുത്തിമണക്കാനത്തറുവേണം (2)
തേന്മഴചൊരിയും ചിരികേട്ടീടാന്‍
മാന്മിഴിയിങ്കലു മയ്യെഴുതേണം (2)
(ഒരുകൊട്ട.. .)