കദളീവനത്തിൽ കളിത്തോഴനായ
കാറ്റേ നീയുമുറങ്ങിയോ (2)
പൂങ്കാറ്റേ നീയുമുറങ്ങിയോ
കതകിൽ മുട്ടിവിളിക്കാറുള്ള നീ
കഥയറിയാതെ ഉറങ്ങിയോ
കതകും ചാരിയുറങ്ങിയോ
കദളീവനത്തിൽ കളിത്തോഴനായ
കാറ്റേ നീയുമുറങ്ങിയോ
പനിനീർവിശറികൾ വീശി വീശി (2)
പഞ്ചമരാഗം പാടിപ്പാടി
മലർക്കിടാവിനെ മാറിലുറക്കാൻ
വരൂ...വരൂ...കാറ്റേ
വരൂ...വരൂ..കാറ്റേ
കദളീവനത്തിൽ കളിത്തോഴനായ
കാറ്റേ നീയുമുറങ്ങിയോ
പൂങ്കാറ്റേ നീയുമുറങ്ങിയോ
തല്ലലം തുള്ളും തളിരിളം കൈകൾ
താഴേ നീർത്തി പൂമെത്ത
കുളിർ കോരിയിടാൻ കൂടെയിരിക്കാൻ
കൊതിയാകുന്നില്ലേ - നെഞ്ചിൽ
കൊതിയാകുന്നില്ലേ (കുളിർ...)
മധുവിധുരാവിൻ മധുരവുമായ് നീ
ഇതിലേ വരുകില്ലേ....
ഇതിലേ വരുകില്ലേ
കദളീവനത്തിൽ കളിത്തോഴനായ
കാറ്റേ നീയുമുറങ്ങിയോ
പൂങ്കാറ്റേ നീയുമുറങ്ങിയോ
