വീണേ വീണേ വീണപ്പെണ്ണേ
വീണക്കെത്ര മാസം
നാലും മൂന്നേഴു മാസം

അടിവയറ്റിൽ തിരുവയറ്റിൽ
ആലിലപ്പൂമണി വയറ്റിൽ
അനങ്ങണുണ്ടോ പെടക്കണുണ്ടൊ
അനങ്ങുമ്പോൾ മിനുങ്ങണുണ്ടോ
മാർമൊട്ടിൽ തേനുണ്ടോ
മലർമിഴിയിൽ സ്വപ്നമുണ്ടോ
നെഞ്ചിലൊരു താരാട്ടിന്‍
നീലാംബരി രാഗമുണ്ടോ
(വീണേ വീണേ..)

നാലകത്തെ വടക്കിനിയിൽ
നിലവിളക്കിൽ തിരുമുമ്പിൽ
ഏഴിലപ്പൂം കുറിതൊട്ടു
ഏലസ്സും കഴുത്തിലിട്ട്
ഒന്നരയും ഞൊറിഞ്ഞുടുത്ത്‌
പെണ്ണൊരുങ്ങും പുളികുടിനാൾ
നാലുമൊഴി കുരവയിടാൻ
നീയും വായോ പുള്ളുവത്തീ

അയലത്തെ ചിന്നമ്മ അഴകുള്ള ചിന്നമ്മ
അരമുഴം നാക്കുള്ള ചിന്നമ്മ
അവൾക്കൊരു ചട്ടയ്ക്ക് തുണിവെട്ടും നേരത്ത്
അകത്തിരുന്നെനിക്കൊരു കിരുകിരുപ്പ്
അവൾക്കൊരു ചട്ടയ്ക്ക് തുണിവെട്ടും നേരത്ത്
അകത്തിരുന്നെനിക്കൊരു കിരുകിരുപ്പ്
അയലത്തെ ചിന്നമ്മ അഴകുള്ള ചിന്നമ്മ
അരമുഴം നാക്കുള്ള ചിന്നമ്മ

അയലുത്തൂന്നെല്ലാരും അർത്തുങ്കൽ പോകുമ്പോൾ
ആ വീട്ടിലെനിക്കൊന്നു പോണം
ഒളികണ്ണിട്ടൊളികണ്ണിട്ടവളൊറ്റയ്ക്കിരിക്കുമ്പോൾ
അളവെടുക്കാനെനിക്ക് പോണം - ചട്ട-
യ്ക്കളവെടുക്കാനെനിക്കു പോണം -ചട്ട-
യ്ക്കളവെടുക്കാനെനിക്കൊന്നു പോണം
(അയലത്തെ...)

പുരുഷഗന്ധം സ്ത്രീത്വം സ്വപ്നമദാലസമാക്കും
പുരുഷഗന്ധം
പതിഞ്ഞ സ്വരതിലചുംബിതയൗവനം പറഞ്ഞു
അതിന്റെ പുറകേ പാഞ്ഞെത്തുക നിന്‍ ദാഹം

അഭിലാഷങ്ങളുറക്കെ വിളിച്ചു
അരുവിപ്പൂവുകള്‍ക്കിതള്‍ മുളച്ചു
അതേ സുഗന്ധവുമായവനക്കരെ
നിറഞ്ഞു നിന്നു
അരുവിക്കു മീതെ സായാഹ്ന രശ്മികള്‍
ഒരു നൂല്‍പാലം നിര്‍മ്മിച്ചു (പുരുഷ..)

ആശ്ലേഷങ്ങള്‍ പുളഞ്ഞു പടര്‍ന്നു
അവനെ പൂവമ്പനനുഗ്രഹിച്ചു
പൂര്‍ണ്ണ നിര്‍വൃതിയായവര്‍ തങ്ങളില്‍
അലിഞ്ഞു ചേന്നു
കരിവണ്ടിന്‍ കൈനഖക്കലയുള്ള പൂവുകള്‍
ഒരു പൂണാരം ചാര്‍ത്തിച്ചു (പുരുഷ..)

വജ്രകുണ്ഡലം മണിക്കാതിലണിയും
വൃശ്ചികസന്ധ്യാരാഗമേ
വിശ്വമാനസം വിരല്‍തൊട്ടുണര്‍ത്താന്‍
വിണ്ണില്‍ വന്ന തിലോത്തമേ -
ഒരു സ്വകാര്യം
വജ്രകുണ്ഡലം മണിക്കാതിലണിയും
വൃശ്ചികസന്ധ്യാരാഗമേ

ആ.. ആ..
കുളിരോ കുളിര് കുളിര് കുളിര് (2)
കുന്നത്തെ കുറവനും കുംഭഭരണിക്ക്
കുളിരുകൊണ്ടഭിഷേകം (2)
മുഖക്കുരു മുളക്കണ മുല്ലപ്പെണ്ണിനു
മുത്തുകൊണ്ടലങ്കാരം (2)
കുളിരോ കുളിര് കുളിര് കുളിര്

ആരുവാമൊഴിപ്പാതയിലൂടെ
ആയിരം ചിറകുള്ള മഞ്ചലിലൂടെ (2)
കാവേരീ..
തീരത്തുന്നു വരുന്നൊരിളംകാറ്റേ
കൈയ്യിലെ മുളങ്കുഴലില്‍ പൂമദമുണ്ടോ -
പകര്‍ന്നു തരാന്‍ പൂമദമുണ്ടോ
കുളിരോ കുളിര് കുളിര് കുളിര്

നീലാരണ്യമേ നീലാരണ്യമേ
നിൻ മുളങ്കുടിലിൽ നീ വളർത്തുന്നൊരു
പൊന്മാൻ പേടയെ കണ്ടുവോ

ചിത്രമണിച്ചിറകടിയാൽ
ശൃംഗാരച്ചിലമ്പൊലിയാൽ
സ്വപ്നലതാഗൃഹങ്ങളെ
നൃത്തകല പഠിപ്പിക്കും
ഉദ്യാനമോഹിനിയെ കണ്ടുവോ
കണ്ടുവോ ഇല്ലയോ
കാത്തിരിപ്പൂ ഞാനവളുടെ
കാട്ടുകൂവള മിഴികൾ

പുഷ്യരാഗപ്പുഞ്ചിരിയാൽ
പൂ ചൂടും ലജ്ജകളാൽ
എന്റെ തപോവനത്തിൽ വന്നെന്നെ
വിളിച്ചുണർത്തും
ഏകാന്തകാമുകിയെ കണ്ടുവോ
കണ്ടുവോ ഇല്ലയോ
കാത്തിരിപ്പൂ ഞാനവളുടെ
കാൽനഖേന്ദു മരീചികൾ

മിഴിയോ മഴവിൽക്കൊടിയോ
മധുമൊഴിയോ ചിലയ്ക്കും കിളിയോ
മുടിയോ പനംകുലയോ ഇളം
ചൊടിയോ പവിഴപൊളിയോ

കവിളോ കന്നുപ്പളുങ്കോ
നുണക്കുഴിയോ നീന്തൽക്കുളമോ
മുഖശ്രീ മലരിതളിൽ സഖീ
മൂകാനുരാഗമോ യൗവനമോ
അഴകേ നീ ആരാധികയോ രാധികയോ

നഖമോ ചന്ദ്രക്കലയോ
നഖക്ഷതമോ പൂത്ത മറുകോ ഈ
മനസ്സിൻ തിരുനടയിൽ സഖീ
മല്ലികാർജ്ജുനനോ കാമുകനോ
അഴകേ നീ ആരാധികയോ രാധികയോ

പൂക്കളെനിക്കിഷ്ടമാ‍ണു പൂക്കള്‍ - ഞാന്‍
പൂത്തമരക്കൊമ്പിലൊരു കൂടുകൂട്ടും
കൂട്ടിനകം പ്രേമംകൊണ്ടലങ്കരിക്കും - ഞങ്ങള്‍
കൂട്ടുകാരായെന്നുമെന്നും താമസിക്കും
പൂക്കളെനിക്കിഷ്ടമാ‍ണു പൂക്കള്‍ - ഞാന്‍
പൂത്തമരക്കൊമ്പിലൊരു കൂടുകൂട്ടും

ഞാറ്റുവേലപ്പെണ്ണുവന്നു മുറ്റമടിക്കും- ഇളം
കാറ്റുവന്നു കൈതപ്പൂ മണംതളിക്കും
കൂട്ടിലിരുന്നൊരുനാള്‍ കടിഞ്ഞൂല്‍ കുയിലിനെ
കൂഹൂ കൂഹൂ കൂഹൂ പാടിതൊട്ടിലാട്ടും - ഞങ്ങള്‍
തൊട്ടിലാട്ടും
പൂക്കളെനിക്കിഷ്ടമാ‍ണു പൂക്കള്‍ - ഞാന്‍
പൂത്തമരക്കൊമ്പിലൊരു കൂടുകൂട്ടും

എനിക്കു മേലമ്മേ ഈ ഭൂമിയിലെ പൊറുതി
ഏതു നേരവും കലപില കലപില
എഴുപതു നേരവും കശപിശ കശപിശ 

പച്ചില -പഴുത്തില -പച്ചില -പഴുത്തില -പൂഹൊയ്
കാലത്തെണീക്കണം കഞ്ഞിയനത്തണം
കാക്കത്തൊള്ളായിരം കിണ്ണം നിരത്തണം
ഈ ചൊല്ലുവിളിയില്ലാത്ത പിള്ളേരെ വളർത്തണം
പിള്ളേരുടച്ഛനു പേൻ നോക്കിക്കൊടുക്കണം

രാമൻ നല്ലവൻ അവൻ രാവിലെ ഉണരും
പാഠം പഠിക്കും അച്ഛനുമമ്മേം അനുസരിക്കും

രാവിലെ ഉണരുന്ന പാഠം പഠിക്കുന്ന
രാമൻ ഇതുവരെ ജയിച്ചിട്ടുണ്ടോ
നാക്കിന്മേൽ എല്ലില്ലാത്തവളേ നീ
നാലണയ്ക്ക് നഞ്ചു വാങ്ങിത്താടീ 

തോറ്റു - മരണമേ തോറ്റു
തോറ്റു - മരണമേ തോറ്റു
കൂപ്പുകൈക്കുമ്പിളില്‍ ബാഷ്പോദകവുമായ്
മാപ്പു ചോദിക്കുന്നു - തലമുറകള്‍ മാപ്പു ചോദിക്കുന്നു

ഒളിച്ചു വന്നു നീ ഒളിയമ്പെയ്തു നീ
ഒരു ദേവതയെക്കൂടി
എരിയുന്ന ചിതയിലേക്കെറിഞ്ഞു നീ 
ഒരു മാംസപഞ്ജരം കൂടി
തോറ്റു - മരണമേ തോറ്റു

ഈശ്വരനെക്കാള്‍ വലുതായിരുന്നു - ഈ
തപസ്വിനിയാമമ്മാ
ജന്മം മുഴുവനും പുത്രകാമേഷ്ടി ചെയ്ത്
മണ്‍ മറഞ്ഞൊരീയമ്മാ
അമ്മാ അമ്മാ അമ്മാ
തോറ്റു - മരണമേ തോറ്റു