മനസ്സൊരു ദേവീക്ഷേത്രം
മധുരവും ദിവ്യവുമാം അനുരാഗം
അതിന്‍ മാണിക്യസോപാനസംഗീതം
അതിന്‍ മാണിക്യസോപാനസംഗീതം
(മനസ്സൊരു..)

അന്തരംഗത്തിലെ സുരഭിലസ്വപ്നങ്ങള്‍
അഞ്ജലീപുഷ്പങ്ങള്‍
അന്തരംഗത്തിലെ സുരഭിലസ്വപ്നങ്ങള്‍
അഞ്ജലീപുഷ്പങ്ങള്‍
താരുണ്യം തളിര്‍ക്കും കൃഷ്ണാഷ്ടപതികള്‍
ധ്യാനമന്ത്രങ്ങള്
താരുണ്യം തളിര്‍ക്കും കൃഷ്ണാഷ്ടപതികള്‍
ധ്യാനമന്ത്രങ്ങള്
നിന്‍ പുഷ്പമണിവാതില്‍ തുറക്കൂ ദേവീ
നിര്‍മ്മാല്യം തൊഴട്ടേ ഞാന്‍
(മനസ്സൊരു..)

ആയിരം മുഖങ്ങൾ ഞാൻ കണ്ടു
ആയിരവും പൊയ്മുഖങ്ങളായിരുന്നു
ആയിരം സ്വപ്നങ്ങൾ ഞാൻ കണ്ടു
ആയിരവും വിരസങ്ങളായിരുന്നു
ആയിരം മുഖങ്ങൾ ഞാൻ കണ്ടു
ആയിരവും പൊയ്മുഖങ്ങളായിരുന്നു

തീകെടാത്ത മനസ്സുമായ്
നമ്മളീ ഭൂമിയിൽ തിരയുന്ന ശ്രീകോവിൽ
സത്യത്തിൻ തിരികത്തും ശ്രീകോവിൽ
അഭിഷേകമില്ലാതെ നൈവേദ്യമില്ലാതെ
അടഞ്ഞേ കിടക്കുന്നൂ
മനുഷ്യനും സത്യത്തിനും വിലയിടിഞ്ഞൂ
വിലയിടിഞ്ഞൂ
ആയിരം മുഖങ്ങൾ ഞാൻ കണ്ടു
ആയിരവും പൊയ്മുഖങ്ങളായിരുന്നു

വില്വമംഗലം കണ്ടൂ വൃന്ദാവനരാധ കണ്ടൂ
ഗുരുവായൂരപ്പാ ഭഗവാനേ നിന്‍
തിരുമുഖം കാണുന്നതെന്നോ ഞാന്‍
തൃപ്പാദം കാണുന്നതെന്നോ
വില്വമംഗലം കണ്ടൂ വൃന്ദാവനരാധ കണ്ടൂ

മങ്ങാട്ടച്ചനായ് പൂന്താനത്തിന്റെ 
മോതിരം മേടിച്ച ഭഗവാനേ
മങ്ങാട്ടച്ചനായ് പൂന്താനത്തിന്റെ 
മോതിരം മേടിച്ച ഭഗവാനേ എന്റെ
ക്ലാവുപിടിച്ചൊരീ ജീവിതമോതിരം
നീവന്നു വാങ്ങുവതെന്നോ
കൃഷ്ണാ - നീ വന്നു വാങ്ങുവതെന്നോ
(വില്വമംഗലം...)

കേളീ നളിനം വിടരുമോ
ശിശിരം പൊതിയും കുളിരിൽ നീ…
വ്രീളാ വതിയായ് ഉണരുമോ
മയങ്ങും മനസ്സിൻ സരസ്സിൽ നിന്‍
കേളീ നളിനം വിടരുമോ ...

നിശാ നൃത്ത സോപാനത്തിൽ
തുഷാരാർദ്ര ശിൽപ്പം പോലെ
ഒരിക്കൽ ഞാൻ കണ്ടു നിന്നെ
ഒരു വജ്ര പുഷ്പം പോലെ
തുടുത്തുവോ തുടിച്ചുവോ
തളിർത്ത നാണം
വിടരുമോ ശിശിരം
പൊതിയും കുളിരിൽ നീ..
വ്രീളാ വതിയായ് ഉണരുമോ
മയങ്ങും മനസ്സിൻ സരസ്സിൽ നിന്‍
കേളീ നളിനം വിടരുമോ..

മറന്നുവോ ഹംസഗീതം
മദാലസ നൃത്ത ഗീതം
മറന്നുവോ ഹംസഗീതം

ആ.....ആ.....ആ.....
നിശീഥിനീ നിശീഥിനീ ഞാനൊരു രാപ്പാടീ
പാടാം പാടാം എൻ വിരഹഗാനം
പ്രാണനിലുണരും യക്ഷഗാനം (നിശീഥിനീ...)

സ്വപ്നംകരിഞ്ഞ ചിതാഭസ്മധൂളികൾ
പുഷ്പങ്ങളാകുമീ രാവിൽ - സ്വർഗ്ഗ
പുഷ്പങ്ങളാകുമീ രാവിൽ (സ്വപ്നംകരിഞ്ഞ..)
മേദിനീ മേദിനീ നിൻ മേഘത്തൂവൽ
ചിറകുള്ള തേരിൽ ഞാൻ
പ്രേമപൂജയ്ക്കു വരുന്നൂ വീണ്ടുമെൻ
പ്രേമപൂജയ്ക്കു വരുന്നൂ
തരുമോ മൃതസഞ്ജീവനീ
തരുമോ.. തരുമോ.. തരുമോ...  (നിശീഥിനീ......)

ഓ..ഓ..ഓ..
അഴിമുഖത്തു പറന്നുവീണ ഗരുഡനെപ്പോലെ
ആറ്റിലെ മീൻപിടിക്കും കഴുകനെപ്പോലെ
നിഴൽ പരത്തും ചീനവല ചീനവല ഇതു
നെയ്തെടുത്തതാരുടെ കൈവേല
(അഴിമുഖത്തു..)

മുടി നിറയെ മുത്താണോ - നെഞ്ചിൽ
മുഖത്തോടു മുഖംനോക്കും സ്വപ്നമാണോ
കനകംവാരിയും കരയ്ക്കെറിഞ്ഞും കുതിച്ചുതുള്ളും നീ
ഉദയം പോലെ അസ്തമയം പോലെ - ആരും
ഒരിക്കൽ കണ്ടാൽ മറക്കാത്ത സത്യംപോലെ
മിഥ്യപോലെ ഓ..ഓ..ഓ
(അഴിമുഖത്ത്..)

പൂന്തുറയിലരയന്റെ പൊന്നരയത്തി
പുഞ്ചിരി കൊണ്ടൊരു പൊട്ടുകുത്തി
ഈ പുഞ്ചിരീ...
ഈ പുഞ്ചിരി കൊണ്ടൊരു പൊട്ടുകുത്തി
പുടവയും മാലയും വാങ്ങും മുൻപേ
പുരുഷന്റെ ചൂടുള്ള മുത്തു കിട്ടി
പൂന്തുറയിലരയന്റെ പൊന്നരയത്തി
പുഞ്ചിരി കൊണ്ടൊരു പൊട്ടുകുത്തി

തളിർവലയോ താമരവലയോ
താലിപ്പൊൻവലയോ നിൻ
ശൃംഗാരചിപ്പിയിൽ വീണത്
സ്വപ്നവലയോ പുഷ്പവലയോ
തളിർവലയോ താമരവലയോ
താലിപ്പൊൻവലയോ

വേമ്പനാട്ടു കായൽക്കരയിൽ
വെയിൽപ്പിറാവു ചിറകുണക്കും
ചീനവലയ്ക്കരികിൽ
അരികിൽ അരികിൽ ചീനവലയ്ക്കരികിൽ
ആടി വാ അണിഞ്ഞു വാ പെണ്ണാളേ നാളെ
ആരിയങ്കാവില് നമ്മുടെ താലികെട്ട്
ആയിരം പൂപ്പാലികയിലെ സിന്ദൂരം
ചൂടി വരാം - പോയി വരാം പോയി വരാം (തളിർവലയോ...)

ആ...
ബ്രഹ്മനന്ദിനീ സരസ്വതീ നാദ
ബ്രഹ്മമന്ത്ര ബീജാക്ഷരരൂപിണീ
ബ്രഹ്മനന്ദിനീ സരസ്വതീ നാദ
ബ്രഹ്മമന്ത്ര ബീജാക്ഷരരൂപിണീ
ബ്രഹ്മനന്ദിനീ...

മാഹേന്ദ്രനീലമണിപീഠ നിവാസിനി
മായാമകരന്ദ വാഗ് വിലാസിനി
കരധൃതകച്ഛപി ലളിതഗാനാമൃത
സുരകല്ലോലിനി കളഹംസ ലാളിനി
സുരകല്ലോലിനി കളഹംസ ലാളിനി
ബ്രഹ്മനന്ദിനീ സരസ്വതീ നാദ
ബ്രഹ്മമന്ത്ര ബീജാക്ഷരരൂപിണീ
ബ്രഹ്മനന്ദിനീ...