പാവാട പ്രായത്തിൽ ....
പാവാട പ്രായത്തിൽ നിന്നെ ഞാൻ കണ്ടപ്പോൾ 
താമരമൊട്ടായിരുന്നു നീ - ഒരു 
താമരമൊട്ടായിരുന്നു നീ 
ദാവണി പ്രായത്തിൽ പാതി വിടർന്ന നീ 
പൂഞ്ചേല പരുവത്തിൽ പൂവായി 
തേനുള്ളിൽ തുളുമ്പുന്ന പൂവായി 
(പാവാട... ) 

നീയാകും ഗാനത്തെ എന്തെല്ലാം രാഗത്തിൽ 
പാടുന്നു പ്രകൃതീദേവി - പാടുന്നു പ്രകൃതീദേവി 
നീയാകും ചിത്രത്തെ എന്തെല്ലാം വർണ്ണത്തിൽ 
എഴുതുന്നു വിശ്വൈകശിൽപ്പി 
(പാവാട... ) 

ഇക്കരെയാണെന്റെ താമസം
അക്കരെയാണെന്റെ മാനസം
പൊന്നണിഞ്ഞെത്തിയ മധുമാസം
എന്നുള്ളിൽ ചൊരിയുന്നു രാഗരസം
ഇക്കരെയാണെന്റെ താമസം
അക്കരെയാണെന്റെ മാനസം
(ഇക്കരെ...)

മൊട്ടിട്ടു നിൽക്കുന്ന പൂമുല്ല പോലുള്ള
കുട്ടനാടൻ പെണ്ണേ
മാനസമാകും മണിവീണ മീട്ടി 
പാട്ടു പാടൂ നീ
ഇക്കരെയാണെന്റെ താമസം
അക്കരെയാണെന്റെ മാനസം

പാട്ടും കളിയുമായ്‌ പാറി നടക്കുന്ന
പഞ്ചവർണ്ണക്കിളിയേ
പുത്തൻ കിനാവിന്റെ പൂമരമൊക്കെയും
പൂത്തു തളിർത്തുവല്ലോ
(ഇക്കരെ...)

ദേവി നിൻ രൂപം പാടും പ്രിയ രാഗം
ഹൃദയ വനിയിൽ ഒഴുകി ഒഴുകി
സിരകളിൽ കുളിർ തഴുകി തഴുകി വരുന്നിതാ
എന്നോർമയിൽ (ദേവി നിൻ രൂപം)

പ്രാണ ഹർഷം ഏകിടുവാൻ
ദേവതയായ്‌ നീ അരികിൽ(2)
സ്വര ഗംഗയായ്‌ ഒഴുകി വരു
മമ ജീവനിൽ സംഗീതമായി
സുധാരസം പകരുവാൻ വാ..(ദേവി നിൻ രൂപം)

തെന്നൽ വന്നു വെൺചാമരം
വീശിടുന്നു ഈ വേളയിൽ (2)
മുടി നിറയെ മലർ ചൂടി നീ
കടമിഴിയിൽ കവിതയുമായി
മണി മഞ്ചൽ ഇറങ്ങി നീ വാ..(ദേവി നിൻ രൂപം)
 

തുമ്പപ്പൂ പെയ്യണ പൂനിലാവേ - ഏന്
നെഞ്ചിനെറയണ പൂക്കിനാവേ (2)
എത്തറനാള് കൊതിച്ചിരുന്ന് - നിന്നെ
ഏനെന്നും തേനൂറും പൂവാണെന്ന് - നിന്നെ
ഏനെന്നും തേനൂറും പൂവാണെന്ന്

പൂവാണ് തേനാണു നീയെന്നെല്ലാം - ഏന്
പുന്നാരം ചൊല്ലി മയക്കിയല്ല് (2)
പുട്ടിലും കൊണ്ടേനീപുഞ്ചവരമ്പേലു
കൂട്ടിന്നു പോരുവാന്‍ കാത്തിരുന്ന് - ഏനീ
പാട്ടൊന്നു കേക്കുവാന്‍ പാത്തിരുന്ന്

പുഞ്ചിരിപാലു കുറുക്കിത്തന്ന് - ഏനു
നെഞ്ചിലൊരിത്തിരി തേന്‍ ചുരന്ന് (2)
പൊള്ളും വെയിലത്തു വേലചെയ്യും - ഏന്
പൊന്നായി മാറ്റുമീ പൂവരമ്പ് - ഏന്
പൊന്നായി മാറ്റുമീ പൂവരമ്പ്

സ്വരങ്ങളേ......... സ്വരങ്ങളേ......

സ്വരങ്ങളേ നിങ്ങൾ നിറമായെന്നിൽ നിറഞ്ഞുനിൽക്കുമ്പോൾ

സ്വരങ്ങളേ നിങ്ങൾ നിറമായെന്നിൽ നിറഞ്ഞുനിൽക്കുമ്പോൾ

എഴുതുന്നൂ ഞാനവളുടെചിത്രം ശിലാതലങ്ങളിലെല്ലാം

ശിലാതലങ്ങളിലെല്ലാം

അവൾ പാടും ഗാനത്തിലൂടെ

അവളുടെ രൂപമറിഞ്ഞൂ ഞാൻ

ഒരു ദിവ്യരാഗത്തിൽ നിന്നും

സഖിയുടെ സ്‌നേഹമറിഞ്ഞൂ ഞാൻ

ഒരു ദിവ്യരാഗത്തിൽ നിന്നും

സഖിയുടെ സ്‌നേഹമറിഞ്ഞൂ ഞാൻ

എന്റെ മാലാഖേ വന്നാലും

എനിക്കു ചിറകുകൾ തന്നാലും

സ്വരങ്ങളേ നിങ്ങൾ നിറമായെന്നിൽ നിറഞ്ഞുനിൽക്കുമ്പോൾ

ഹൃദയത്തിൻ താളങ്ങളേകും

പിതാവേ........ പിതാവേ.....

പണ്ടു നിൻ പുത്രനെ നീ വെടിഞ്ഞൂ

നീ നോക്കിനിൽക്കെ അവൻ പിടഞ്ഞൂ

ഇന്ന് ഈ പെണ്ണിൻമിഴിനീരിനു

എന്തു വിലനൽകും നീ പിതാവേ

പിതാവേ... പിതാവേ

നിന്നെ നിന്ദിപ്പോരെ നീ തഴുകും

നിന്നെ വന്ദിപ്പോരെ നീ തഴയും

നിന്നെ നിന്ദിപ്പോരെ നീ തഴുകും

നിന്നെ വന്ദിപ്പോരെ നീ തഴയും

നീതി നടത്തുന്ന നിന്റെ അനീതിയിൽ

നേവുന്നു കുഞ്ഞാടിനുള്ളം

പിതാവേ... പിതാവേ

രായ് രായ് ലാമ സപൿതാനേ

എന്തിനീ സൃഷ്ടികൾ നീ നടത്തി

എന്തിനീ തെറ്റുകൾ നീ നിരത്തി

എന്തിനീ സൃഷ്ടികൾ നീ നടത്തി

എന്തിനീ തെറ്റുകൾ നീ നിരത്തി

കണ്ണുകളില്ലാതെ കണ്ണുനീരുള്ളവർ

ഞങ്ങളും സ്വപ്നങ്ങൾ കാണ്മൂ

ഭൂമിയും മാനവും പുഷ്പവും ശില്പവും

ഞങ്ങൾതൻ ലോകത്തിലൊന്നുപോലെ

ഞങ്ങളറിയുന്നതുമൊന്നുപോലെ

അന്ധരാണെന്ന് പറഞ്ഞുകൊള്ളൂ

ഞങ്ങടെ അന്തഃരംഗങ്ങൾ തുറന്നുനോക്കൂ

അന്ധരാണെന്നു പറഞ്ഞുകൊള്ളൂ

ഞങ്ങടെ അന്തഃരംഗങ്ങൾ തുറന്നുനോക്കൂ

എല്ലാ ഉഷസ്സും വിരിഞ്ഞുനിൽക്കും

ഏകാന്തതീരങ്ങൾ കണ്ടുകൊള്ളൂ

ഞങ്ങൾക്കിരുട്ടില്ല മണ്ണിലെങ്ങും

ഞങ്ങൾക്കുവേണ്ടാ വിളക്കു കയ്യിൽ

കണ്ണുകളില്ലാതെ കണ്ണുനീരുള്ളവർ

ഞങ്ങളും സ്വപ്നങ്ങൾ കാണ്മൂ

ഭൂമിയും മാനവും പുഷ്പവും ശില്പവും

കള്ളിമുള്ളുകൾ... കള്ളിമുള്ളുകൾ...
മണ്ണിൽ നമ്മളെന്നുമെന്നും കള്ളിമുള്ളുകൾ
കള്ളിമുള്ളുകൾ കള്ളിമുള്ളുകൾ
മണ്ണിൽ നമ്മളെന്നുമെന്നും കള്ളിമുള്ളുകൾ

കാഴ്ചയുള്ളൊരീശ്വരൻ വിണ്ണിൽ നിന്നും വാരിയിട്ട
കറുത്തമുത്തുകൾ നമ്മൾ കറുത്തമുത്തുകൾ
കള്ളിമുള്ളുകൾ കള്ളിമുള്ളുകൾ
മണ്ണിൽ നമ്മളെന്നുമെന്നും കള്ളിമുള്ളുകൾ

ഈ ഇരുട്ടിൽ നമ്മൾ തീർത്ത സൗഹൃദത്തിൻ കണ്ണികൾ
പൊട്ടുകില്ലയെങ്കിലും വീങ്ങിടുന്നു മാനസം
പോകുവാൻ.  എങ്ങു പോകുവാൻ
ഏകരായീ ജീവിതത്തിൻ വീഥിയിൽ
കള്ളിമുള്ളുകൾ കള്ളിമുള്ളുകൾ
മണ്ണിൽ നമ്മളെന്നുമെന്നും കള്ളിമുള്ളുകൾ
ആ... ആ.... ആ.... 

വീണക്കമ്പിതകർന്നാലെന്തേ
വിരലിൻ തുമ്പുമുറിഞ്ഞാലെന്തേ
ഗാനമേ നിൻ മധുവർഷത്താൽ
ഞാനലിഞ്ഞു പോയീ
ഞാനലിഞ്ഞു പോയീ...(വീണ..)

വാനിന്റെ മാറിൽ വീണു വൈശാഖ ചന്ദ്രലേഖ...(2)
കാണാത്ത ചിറകുകൾ വീശി
പ്രാണൻ പറന്നുയർന്നു പോയി
പ്രാണൻ പറന്നുയർന്നു പോയീ (വീണ...)

അനുരാഗമേഘമേ നിൻ ആദ്യത്തെ വർഷധാര(2)
അമൃതം പകർന്ന നേരം
ഞാൻ മറന്നിതെന്നെ
ഞാൻ മറന്നിതെന്നെ (വീണ..)