വടക്കുംനാഥാ സര്‍വ്വം നടത്തുംനാഥാ നിന്റെ നടക്കൽ ഞാൻ സ്രാഷ്ടാംഗം നമിക്കുന്നീതാ
വടക്കുംനാഥാ സര്‍വ്വം നടത്തുംനാഥാ നിന്റെ നടക്കൽ ഞാൻ സ്രാഷ്ടാംഗം നമിക്കുന്നീതാ
സമാധികൊള്ളും സച്ചിന്മയ സംഹാരാധിപാ സമസ്താപരാധവും ക്ഷമിക്ക ദേവാ
വടക്കുംനാഥാ സര്‍വ്വം നടത്തുംനാഥാ..

പരശുരാമനോടൊത്ത്‌ രജതാദ്രിവിട്ടങ്ങ്‌ പരിവാരങ്ങളോടിങ്ങു പരിലസിപ്പൂ
പരശുരാമനോടൊത്ത്‌ രജതാദ്രിവിട്ടങ്ങ്‌ പരിവാരങ്ങളോടിങ്ങു പരിലസിപ്പൂ
അഭംഗുരം പൊഴിയുംനിൻ പ്രഭയാൽതൃശ്ശിവപുരീ അഭമമാകും തെക്കൻ കൈലമായി
എന്നും ശുഭമെങ്ങും വിളങ്ങീടും ശൈലമായീ
വടക്കുംനാഥാ സര്‍വ്വം നടത്തുംനാഥാ

തൃപ്രങ്ങോട്ടപ്പാ ദുഃഖങ്ങൾ തീര്‍ക്കാൻ തൃപ്പാദം തുണയേകണേ
അന്തകാന്തകാ സന്തതം നീയെൻ അന്തഃരംഗത്തിൽ വാഴണേ
അന്തഃരംഗത്തിൽ വാഴണേ
തൃപ്രങ്ങോട്ടപ്പാ ദുഃഖങ്ങൾ തീര്‍ക്കാൻ തൃപ്പാദം തുണയേകണേ
അന്തകാന്തകാ സന്തതം നീയെൻ അന്തഃരംഗത്തിൽ വാഴണേ
അന്തഃരംഗത്തിൽ വാഴണേ
പാഹി പശ്ചിമദ്വാരേശാ പരിപാഹിമാം പഞ്ചഭൂതേശാ
പാഹി പശ്ചിമദ്വാരേശാ പരിപാഹിമാം പഞ്ചഭൂതേശാ

തിരുവൈക്കത്തപ്പനെ തൃക്കൺ‌പാര്‍ക്കുവാൻ ഒരു തങ്കത്താലത്തിൽ പൂക്കളുമായ്
വ്യാഘ്രപാദത്തറതന്നിൽ എഴുന്നുള്ളീ വൃശ്ചികമാസത്തിൽ പുണ്യാഷ്‌ടമീ
വൃശ്ചികമാസത്തിൽ ധന്യാഷ്‌ടമീ
തിരുവൈക്കത്തപ്പനെ തൃക്കൺ‌പാര്‍ക്കുവാൻ ഒരു തങ്കത്താലത്തിൽ പൂക്കളുമായ്

ആത്മജൻ അസുരരെ നിഗ്രഹിച്ചെത്തീടാൻ ആ‍ത്മാധിനാഥനിന്നൂ ഉപവാസം
ആത്മജൻ അസുരരെ നിഗ്രഹിച്ചെത്തീടാൻ ആ‍ത്മാധിനാധനിന്നൂ ഉപവാസം
പ്രാതനുണ്ടാനന്ദ ദര്‍ശനത്തിന്നെത്തീ പ്രാര്‍ത്ഥിക്കുമോരോടോ മന്ദഹാസം
ശങ്കരാഭരണമാം മുഗ്ദഹാസം.
തിരുവൈക്കത്തപ്പനെ തൃക്കൺ‌പാര്‍ക്കുവാൻ ഒരു തങ്കത്താലത്തിൽ പൂക്കളുമായ്

തിരുനക്കരത്തേവരേ
തിരുനെറ്റിക്കണ്ണിലും അമൃതേന്ദുകിരണത്തിൻ തിരിനീട്ടും കരുണാംബുധേ
തരികെന്നും ചരണാഭയം നിത്യ ശരണം നിൻ ചരണാംബുജം
തരികെന്നും ചരണാഭയം നിത്യ ശരണം നിൻ ചരണാംബുജം
തിരുനക്കരത്തേവരേ
തിരുനക്കരത്തേവരേ

നന്ദിതൻ ചാരത്ത് വെൺ‌തെച്ചിത്തണലത്ത് നന്ദിതനായ്‌മേവും ചന്ദ്രാങ്കിതാ
നന്ദിതൻ ചാരത്ത് വെൺ‌തെച്ചിത്തണലത്ത് നന്ദിതനായ്‌മേവും ചന്ദ്രാങ്കിതാ
വിശ്വത്തിനൊക്കെയും വിശ്വാസമൂര്‍ത്തിയും ആശ്വാസദീപ്തിയും നീയല്ലയോ വിഭോ
ആശ്വാസദീപ്തിയും നീയല്ലയോ

തളിതോറും ഒളിതൂകും കനിവിൻ വിളക്കേ
തെളിയേണേ ഞാൻ നിൻ പൊൻ‌കിരണങ്ങളേൽ‌ക്കേ
മൃത്യുഞ്ജയ നൃത്തോത്സുക രത്നോജ്വലപാണേ
മുക്തിപ്രദ ഭക്തപ്രിയ പരമേശ്വര പാഹി
ശ്രീപരമേശ്വര പാഹി
തളിതോറും ഒളിതൂകും കനിവിൻ വിളക്കേ
തെളിയേണെ ഞാൻ നിൻ പൊൻ‌കിരണങ്ങളേൽ‌ക്കേ

ശ്രീകണ്‌ഠേശ്വരാ ശശിധരാ ശിതികണ്‌ഠാഹരാ ശിവകരാ
ശ്രീകണ്‌ഠേശ്വരാ ശശിധരാ ശിതികണ്‌ഠാഹരാ ശിവകരാ
ഈരേഴുലകിനും മൂലാധാരാ ക്ഷീരത്താൽ നിനക്കെന്നും ധാരാ
ശ്രീകണ്‌ഠേശ്വരാ ശശിധരാ ശ്രീകണ്‌ഠേശ്വരാ ശശിധരാ

ആതിരയരുളീ ധനുമാസത്തിൽ ആര്‍ദ്രാ ദര്‍ശന സൌഭാഗ്യം
ആതിരയരുളീ ധനുമാസത്തിൽ ആര്‍ദ്രാ ദര്‍ശന സൌഭാഗ്യം
ഗിരിജയും ഗംഗയും ഒരുമിച്ചുചേര്‍ന്ന നിൻ ആറട്ടുനയനാഭിരാമം
ഗിരിജയും ഗംഗയും ഒരുമിച്ചുചേര്‍ന്ന നിൻ ആറട്ടുനയനാഭിരാമം
ആറാകദന വിരാമം
ശ്രീകണ്‌ഠേശ്വരാ ശശിധരാ ശിതികണ്‌ഠാഹരാ ശിവകരാ

ഓം നമഃശിവായ ഓം നമഃശിവായ ഓം നമഃശിവായ
ഓം നമഃശിവായ ഓം നമഃശിവായ ഓം നമഃശിവായ
ഓം നമഃശിവായ ഓം നമഃശിവായ ഓം നമഃശിവായ

പ്രഭാതമായ് തൃക്കണിയേകിയാലും പ്രസാദമാം പൊന്നൊളിതൂകിയാലും
വിളിപ്പുറത്തെത്തിടും എൻ പുരാനേ തളിപ്പറമ്പമ്പിന തമ്പുരാനേ
പ്രഭാതമായ് തൃക്കണിയേകിയാലും പ്രസാദമാം പൊന്നൊളിതൂകിയാലും
വിളിപ്പുറത്തെത്തിടും എൻ പുരാനേ തളിപ്പറമ്പമ്പിന തമ്പുരാനേ

ഋഷിനാഗക്കുളത്തപ്പാ ശരണം ശ്രീ എറണാകുളത്തപ്പാ ശരണം
ഋഷിനാഗക്കുളത്തപ്പാ ശരണം ശ്രീ എറണാകുളത്തപ്പാ ശരണം
പരിജനപാലന നിരതനായ് നിലകൊള്ളും എരികനൽ‌നയനാ ശരണം
ഗിരികന്യാരമണാ ശരണം
ഋഷിനാഗക്കുളത്തപ്പാ ശരണം ശ്രീ എറണാകുളത്തപ്പാ ശരണം

എട്ടുദിക്‍പാലരും മുട്ടുകുത്തിത്തൊഴും ഏറ്റുമാനൂരുഗ്രമൂര്‍‌ത്തേ
എട്ടുദിക്‍പാലരും മുട്ടുകുത്തിത്തൊഴും ഏറ്റുമാനൂരുഗ്രമൂര്‍‌ത്തേ
അഷ്ടമൂര്‍‌ത്തേ ചണ്ഡതാണ്ഡവമാടീടും  അണ്ഡകടാഹ സമ്രട്ടേ
നമസ്‌തേ, നമസ്‌തേ, നമസ്‌തേ
എട്ടുദിക്‍പാലരും മുട്ടുകുത്തിത്തൊഴും ഏറ്റുമാനൂരുഗ്രമൂര്‍‌ത്തേ

മണ്ഡന മണ്ഡലത്തോടെ നീ ആസ്ഥാനമണ്ഡപത്തിൽ വരും നേരം
മണ്ഡന മണ്ഡലത്തോടെ നീ ആസ്ഥാനമണ്ഡപത്തിൽ വരും നേരം
ഏഴരപ്പൊന്നാ‍നയാനയിക്കും നിന്നെ ഏഴീരുലകും നമിപ്പൂ
നിന്നെ ഏഴീരുലകും നമിപ്പൂ
എട്ടുദിക്‍പാലരും മുട്ടുകുത്തിത്തൊഴും ഏറ്റുമാനൂരുഗ്രമൂര്‍‌ത്തേ

ദക്ഷിണകാശിയാം കൊട്ടിയൂര്‍ വാണീടും ദക്ഷമതാന്ധതാ ഭഞ്ജകാ
ദാക്ഷായണീമനോരഞ്ജകാ നിൻ ദയാ ദാക്ഷിണ്യപൂര്‍‌ണ്ണമീ യജ്ഞഭൂമി
ദക്ഷിണകാശിയാം കൊട്ടിയൂര്‍ വാണീടും ദക്ഷമതാന്ധതാ ഭഞ്ജകാ
ദാക്ഷായണീമനോരഞ്ജകാ നിൻ ദയാ ദാക്ഷിണ്യപൂര്‍‌ണ്ണമീ യജ്ഞഭൂമി

ഇളനീര്‍‌ക്കാവുകളായ് വാവലിപ്പുഴയിലെ തെളിനീരിൽ നീരാടി വരുന്നു ഞങ്ങൾ
ഇളനീര്‍‌ക്കാവുകളായ് വാവലിപ്പുഴയിലെ തെളിനീരിൽ നീരാടി വരുന്നു ഞങ്ങൾ
അമൃതാംശുകലചൂടും പുരിജടാശകലം നീ അടിയങ്ങൾ‌ക്കോടപ്പൂവായ് നൽകേണേ
അടിയങ്ങൾ‌ക്കോടപ്പൂവായേകണേ