അരുവി പാലരുവി കുരുവി പൂങ്കുരുവി
കരളിൻ കലികയിൽ നീ താ
കരിമ്പു നീരെനിയ്ക്ക് താ (അരുവി..)

കുഴലി വാർകുഴലി കുറുമൊഴി തേൻമലരീ
മധുരം മധുരം നീ പകരൂ
പഞ്ചമിചെടിയിലെ പുഞ്ചിരിചൊടിയിലെ
തിരുവമൃതും കൊണ്ടുനീ കാമിനീ
വന്നാ‍ലും നൂറുമ്മ തന്നാലും (അരുവി..)

സുരഭി സൂര്യകാന്തി സുരഭിലപുഷ്പിണി നീ
കളഭം മെയ്യാകെ നീ തളിയ്ക്കൂ
മഞ്ഞൾപൂഞ്ചൊടിയിലെ മൈലാഞ്ചിവിരലിലെ
തിരുവമൃതും കൊണ്ടു നീ കാമിനീ
വന്നാട്ടേ വന്നാട്ടേ വന്നാട്ടേ (അരുവി..)

ശിലയായ് പിറവിയുണ്ടെങ്കിൽ ഞാൻ

ശിവരൂപമായേനേ ആ...ആ...(2)

ഇലയായ് പിറവിയുണ്ടെങ്കിൽ

കൂവളത്തിലയായ് തളിർക്കും ഞാൻ  (ശിലയായ്..)

കലയായ് പിറന്നുവെങ്കിൽ ശിവമൗലി

ചന്ദ്രബിംബമായേനേ(2)

ചിലമ്പായ് ചിലമ്പുമെങ്കിൽ

തിരുനാഗക്കാൽത്തളയാകും ഞാൻ

പനിനീർത്തുള്ളിയായെങ്കിൽ

തൃപ്പാദ പുണ്യാഹമായേനേ (ശിലയായ്..)

അക്ഷരപ്പിറവിയുണ്ടെങ്കിലോ ശ്രീരുദ്ര

മന്ത്രാക്ഷരമാകും ഞാൻ

ഭഗാജന്മമെങ്കിലോ നന്ദികേശ്വരനായ്

താണ്ഡവതാളം മുഴക്കും

പുണ്യാഗ്നി നാളമാണെങ്കിൽ

അവിടുത്തെ ആരതിയായ് മാറും (ശിലയായ്..)

മൂവന്തി താഴ്‌വരയിൽ വെന്തുരുകും വിൺസൂര്യൻ
മുന്നാഴി ചെങ്കനലായ് നിന്നുലയിൽ വീഴുമ്പോൾ..
ഒരു തരി പൊൻതരിയായ് നിൻ ഹൃദയം നീറുന്നു
നിലാവല കൈയ്യാൽ നിന്നെ വിലോലമായ് തലോടിടാം..
ആരാരിരം..

ഇരുളുമീ ഏകാന്തരാവിൽ
തിരിയിടും വാർത്തിങ്കളാക്കാം..
മനസ്സിലെ മൺകൂടിനുള്ളിൽ
മയങ്ങുന്ന പൊൻ‌വീണയാക്കാം..
ഒരു മുളംതണ്ടായ് നിൻ ചുണ്ടത്തെ നോവുന്ന പാട്ടിന്റെ
ഈണങ്ങൾ ഞാനേറ്റു വാങ്ങാം
ഒരു കുളിർതാരാട്ടായ് നീ വാർക്കും കണ്ണീരിൻ കാണാപ്പൂ
മുത്തെല്ലാം എന്നുള്ളിൽ കോർക്കാം...

രാത്തിങ്കൾ പൂത്താലി ചാർത്തി
കണ്ണിൽ നക്ഷത്ര നിറദീപം നീട്ടി
നാലില്ലക്കോലായിൽ പൂവേളിപുൽ‌പ്പായിൽ
നവമി നിലാവേ നീ വിരിഞ്ഞു.. നെഞ്ചിൽ ‍
നറുജപതീർത്ഥമായ് നീ നിറഞ്ഞു...

പാഴിരുൾ വീഴുമീ നാലുകെട്ടിൽ നിന്റെ
പാദങ്ങൾ തൊട്ടപ്പോൾ പൗർണ്ണമിയായ്
നോവുകൾ മാറാല മൂടും മനസ്സിന്റെ
മച്ചിലെ ശ്രീദേവിയാക്കി..
മംഗലപ്പാലയിൽ മലർക്കുടമായ്
മണിനാഗക്കാവിലെ മൺ‌വിള‍ക്കായ്...

ദേവകന്യക സൂര്യതം‌ബുരു മീട്ടുന്നൂ..
സ്‌നേഹകോകിലം ഗായത്രീമന്ത്രം ചൊല്ലുന്നു..
മഞ്ഞളാടുന്ന പൊൻ‌വെയിൽ മഞ്ഞുകോടിയുടുക്കുന്നു
വിണ്ണിൽ മേയുന്ന വെണ്മുകിൽ വെള്ളിച്ചാമരം വീശുന്നൂ...

കുങ്കുമം പൂക്കും കുന്നിന്മേലൊരു കുഞ്ഞിളംകിളി പാടുന്നു..
അമ്പലം ചുറ്റിയെത്തും പ്രാവുകൾ ആര്യൻപൊൻ‍പാടം കൊയ്യുന്നു..
വെള്ളിയാഴ്ച പുലർച്ചയോ പുള്ളോർപൂങ്കുടം കൊട്ടുന്നു
നാഴിയിൽ മുളനാഴിയിൽ ഗ്രാമം നന്മമാത്രമളക്കുന്നു..
നന്മ മാത്രമളക്കുന്നു..

ചുംബനപ്പൂ കൊണ്ടു മൂടി.. എന്റെ
തമ്പുരാട്ടീ നിന്നെ ഉറക്കാം...
ഉണ്മതൻ ഉണ്മയാം കണ്ണുനീർ...
ഉണ്മതൻ ഉണ്മയാം കണ്ണുനീരനുരാഗ-
ത്തേനെന്നു ചൊല്ലി ഞാനൂട്ടാം..
തേനെന്നു ചൊല്ലി ഞാനൂട്ടാം...

കാണുന്ന സ്വപ്നങ്ങൾ എല്ലാം ഫലിച്ചാൽ
കാലത്തിൻ കൽ‌പ്പനയ്ക്കെന്തു മൂല്യം..
നമ്മുടെ ഭാജനം എന്നും നിറഞ്ഞാൽ
നാരായണനെന്തിനമ്പലങ്ങൾ..
നെടുവീർപ്പും ഞാനിനി പൂമാലയാക്കും..
ഗദ്ഗദങ്ങൾ പോലും പ്രാർത്ഥനയാക്കും...
ഗദ്ഗദങ്ങൾ പോലും പ്രാർത്ഥനയാക്കും...

ഒരു വാക്കിൽ ഒരു നോക്കിൽ എല്ലാമൊതുക്കി
വിട പറയൂ ഇനി വിട പറയൂ..

ഒരുമിച്ചു ചേരും നാം ഇനിയുമെന്നാശിച്ചു
വിട പറയൂ.... ഇനി വിട പറയൂ ...

കതിർമുഖമാകെ തുടുത്തു... ബാഷ്പ -
കണികകൾ മിഴിയിൽ തുളുമ്പി..
പൊന്നുപോലുരുകുന്ന സായംസന്ധ്യയിൽ..
ഒന്നും പറയാതെ യാത്രയായി...
മൗനത്തിലൊതുങ്ങാത്ത ഭാവമുണ്ടോ
ഭാവ ഗീതമുണ്ടോ... മൊഴികളുണ്ടോ...

നിലാവിന്‍റെ നീലഭസ്മ കുറിയണിഞ്ഞവളേ..
കാതിലോല കമ്മലിട്ടു കുണുങ്ങി നിൽപ്പവളേ..
ഏതപൂർവ്വ തപസ്സിനാൽ ഞാൻ സ്വന്തമാക്കി നിൻ
രാഗലോല പരാഗസുന്ദര ചന്ദ്രമുഖബിംബം..

തങ്കമുരുകും നിന്‍റെ മെയ് തകിടിലിൽ ഞാനെൻ
നെഞ്ചിലെ അനുരാഗത്തിൻ മന്ത്രമെഴുതുമ്പോൾ
കണ്ണിലെരിയും കുഞ്ഞുമൺ ‌വിളക്കിൽ വീണ്ടും
വിങ്ങുമെൻ അഭിലാഷത്താൽ എണ്ണ പകരുമ്പോൾ
തെച്ചിപ്പൂഞ്ചോപ്പിൽ തത്തും ചുണ്ടിൻ‌മേൽ ചുംബിക്കുമ്പോൾ
ചെല്ലക്കാറ്റേ കൊഞ്ചുമ്പോൾ....
എന്തിനീ നാണം... തേനിളം നാണം...

ആരോടും മിണ്ടാതെ... മിഴികളിൽ നോക്കാതെ..
മഞ്ഞിൽ മായുന്ന മൂകസന്ധ്യേ... (2)
ഈറൻ‌നിലാവിൻ ഹൃദയത്തിൽ നിന്നൊരു
പിൻ‌വിളി കേട്ടില്ലേ..മറുമൊഴി മിണ്ടിയില്ലേ..

കാതരമുകിലിന്റെ കൺപീലിത്തുമ്പിന്മേൽ
ഇടറിനിൽപ്പൂ കണ്ണീർത്താരം.. (2)
വിരലൊന്നു തൊട്ടാൽ വീണുടയും
കുഞ്ഞുകിനാവിൻ പൂത്താലം..
മനസ്സിൻ മുറിവിൽ മുത്താം ഞാൻ
നെറുകിൽ മെല്ലെ തഴുകാം ഞാൻ (ആരോടും മിണ്ടാതെ)

ദീപം.. ദീപം... ദീപം... ദീപം...
ദീപം കൈയ്യിൽ സന്ധ്യാദീപം
ദീപം കണ്ണിൽ താരാദീപം
ആകാശപൂമുഖത്താരോ കൊളുത്തിയൊ-
രായിരം കണ്ണുള്ള ദീപം.. ദീപം..

പുഷ്പരഥമേറിവന്ന മുഗ്ദ്ധനായികേ..
പുഷ്യരാഗ കൽപ്പടവിൽ രാഗിണിയായ് നീ വരില്ലേ...
മിഴികളിലൊരു കനവിന്റെ ലഹരിയുമായി
ചൊടികളിലൊരു ചിരിയൂറും സ്‌മരണയുമായി
പൂത്തുലഞ്ഞു കാറ്റിലാടും കണിക്കൊന്ന പോലെ നിന്നു