ധീരസമീരേ യമുനാ തീരേ വാണരുളും വനമാലീ (2)
ഗോപീമാനസ മണിപദ്മങ്ങളില്‍ വാണരുളും വനമാലീ
(ധീരസമീരേ യമുനാ തീരേ ...)

മനസ്സിലിന്നും കൃഷ്ണാ...ആ....
മനസ്സിലിന്നും കൃഷ്ണാ നിന്‍ പ്രിയ ഗോകുലമുണരുന്നു
മനോജ്ഞയമുനാ പുളിനങ്ങളില്‍ നീ മുരളികയൂതുന്നു
അതിന്റെ മായിക ലഹരിയില്‍ നീല കടമ്പു പൂക്കുന്നു
രതിസുഖസാരകളണിയും നൂപുര മണികള്‍ കിലുങ്ങുന്നു
ആഹാഹാഹാഹാ...
രാസകേളികളാടൂ കൃഷ്ണാ (2)
രാധാ രമണഹരേ..രാധാ രമണഹരേ.....
ധീരസമീരേ യമുനാ തീരേ വാണരുളും വനമാലീ

അമ്പിളി പൊന്നമ്പിളി നിൻ
ചെമ്പക പൂവിരൽ തുമ്പിലെയിത്തിരി
അഞ്ജനമെനിക്കു തരൂ
എന്നെ സ്വപ്നം കാണുമീ
മിഴികളിൽ അഞ്ജനമെഴുതിക്കൂ‍  (അമ്പിളി പൊന്നമ്പിളി ...)

ഇവളെന്റേ പ്രിയ സഖീ പ്രാണ സഖീ
ഇവളെന്റെ കണ്മണീയാം കളിത്തോഴീ
ഇണങ്ങിയും പിണങ്ങിയും ഒരു നൂറു ജന്മങ്ങളായ്
ഇതുവഴിപറാന്നു പോം ഇണക്കിളികൾ
ഞങ്ങൾ ഇണക്കിളികൾ (അമ്പിളി പൊന്നമ്പിളി ...)

ഒരു സ്വപ്നമലർക്കൊടിയിവൾക്കൊരുക്കൂ
അരിമുല്ലത്തിരിയിട്ട വിളക്കുവെയ്ക്കൂ
പുതിയൊരു ജന്മത്തിന്റേ മധുകാല യാമങ്ങളേ
ഒരു യുഗ്മഗാനം പാടി വരവേൽക്കും
ഞങ്ങൾ വരവേൽക്കും (അമ്പിളി പൊന്നമ്പിളി ...)

പുത്തിലഞ്ഞി ചില്ലകളിൽ പൂക്കാലം കോർത്തിട്ട
മുത്തായ മുത്തെല്ലാം എങ്ങുപോയി
മുത്തുമണിക്കൊലുസിട്ടെൻ    ആ.....
മുത്തുമണിക്കൊലുസിട്ടെൻ മുറ്റത്തു പിച്ച വെച്ച
കൊച്ചു കൊച്ചു സ്വപ്നങ്ങൾ എങ്ങു പോയി   (പുത്തിലഞ്ഞി ...)

കതിർമണികൾ തേടി വന്ന കുറുമൊഴികളെങ്ങുപോയി
കളിയാടാൻ കൂടെ വന്ന കളമൊഴികളെങ്ങു പോയീ
എന്നുണ്ണിക്കിനാക്കളേ എൻ തുമ്പിക്കിടാങ്ങളെ
കണ്ടുവോ നിങ്ങൾ കണ്ടുവൊ (പുത്തിലഞ്ഞി ...)

ഏതോ കിനാവിന്റെ ദ്വീപിൽ
ഇന്നെന്റെ മോഹങ്ങൾ പൊൻപീലി ചൂടി
നീലാംബരം വെള്ളി മേഘങ്ങളാൽ
വെൺചാമരങ്ങൾ വീശിനിന്നു (ഏതോ കിനാവിന്റെ...)

സാഗരനീലിമ പൊൻപീലിയിൽ
രാഗചിത്രങ്ങൾക്കു രൂപമേകി
പൂങ്കാറ്റുവാസന്തപൂക്കളുമായ്
ആ വർണ്ണരേണുവെ പുൽകി നിന്നൂ
അതിൻ മോഹം പുതുരാഗം
ഞാൻ പാടി നിന്നൂ... (ഏതോ കിനാവിന്റെ...)

ആത്മവിപഞ്ചിക തന്ത്രികളിൽ
ആയിരം നാദങ്ങളൊന്നു ചേർന്നു
സ്വർഗീയസംഗീതകന്യകൾ തൻ
സംഗമം സായൂജ്യമേകി നിന്നൂ
അതിൻ ഭാവം പുതുരാഗം
ഞാൻ പാടി നിന്നൂ... (ഏതോ കിനാവിന്റെ...)

നിമിഷദലങ്ങൾ നിർവൃതികൊള്ളും
നിമിഷദലങ്ങൾ നിർവൃതികൊള്ളും
നിരുപമലഹരിവിശേഷം
പ്രകൃതിയും മനുഷ്യനും പരസ്പരം മറക്കും
നിതാന്തമാസ്മരഭാവം
ആലിംഗനം ആലിംഗനം ആലിംഗനം
നിമിഷദലങ്ങൾ നിർവൃതികൊള്ളും
നിരുപമലഹരിവിശേഷം

അകലെയകലെയാ....
അകലെയകലെയാ ചക്രവാളങ്ങളിൽ
ആകാശം ഭൂമിയെ പുണരുമ്പോള്
അവളുടെ മിഴിയിൽ അവന്റെ ചൊടിയിൽ
അസുലഭലഹരികൾ നിറയുന്നു
അസുലഭലഹരികൾ നിറയുന്നു
നിമിഷദലങ്ങൾ നിർവൃതികൊള്ളും
നിരുപമലഹരിവിശേഷം
ആലിംഗനം ആലിംഗനം ആലിംഗനം

ലല്ലാലാലലല്ലാ ലാലാലലല്ലാ‍
ലലാലാ ലാലാ ലാലാ ലാലാ

ഹേ ഹേ ഹേ ഹേ
ഹേമന്തം തൊഴുതുണരും
പുലരികൾ - പൊൻപുലരികൾ
ഹൈമവതിക്കുളിരലയും സന്ധ്യകൾ
ഹൃദയസഖി നിന്റെയിളം കവിളുകൾ
അതിലിന്ദുമതിപ്പൂവിരിയും പൊയ്കകൾ
നുണക്കുഴിപ്പൊയ്കകൾ ഹെ ഹെഹേഹേ
ഹേമന്തം തൊഴുതുണരും പുലരികൾ
ഹൈമവതിക്കുളിരലയും സന്ധ്യകൾ

തുഷാരബിന്ദുക്കളെ നിങ്ങൾ
എന്തിനു വെറുതെ ചെമ്പനീരലരിൽ
വിഷാദ ഭാവങ്ങൾ അരുളീ
തുഷാര ബിന്ദുക്കളേ...

ഇന്നലെ രാത്രിയിൽ ഈ വനവീഥിയിൽ
വിരിഞ്ഞു നിന്നൊരു മലരേ
മണിമാരനു നീ നല്കിയതെന്തേ
മണമോ മനമോ പൂന്തേനോ
മണമോ...മനമോ...പൂന്തേനോ...

ഇതുവഴി വന്നവർ പോയവർ പലരും
അഴകേ നിൻ കഥ എഴുതീ
ഇനിയും വനിയിൽ പൂവുകൾ പലതും
വിരിയും കൊഴിയും പൂങ്കാറ്റിൽ
ഇനിയും വനിയിൽ പൂവുകൾ പലതും
വിരിയും കൊഴിയും പൂങ്കാറ്റിൽ
വിരിയും...കൊഴിയും...പൂങ്കാറ്റിൽ...

ചന്ദ്രകിരണങ്ങൾ രാഗങ്ങളായി
ഇന്ദ്രനീലിമ താളങ്ങളായി
രജതതാരകൾ ശ്രോതാക്കളായി
രജനീസംഗീത മണ്ഡപമായി

മൌനം വാചാലമാകുന്ന വേള
മനസ്സിൽ വർണ്ണങ്ങൾ ഇളകുന്ന വേള
വന്നു ഞാൻ നിന്റെ മലർവള്ളി കുടിലിൽ
വന്നു ഞാൻ രാഗകല്ലോലമായ്
നീ വളർത്തുന്ന കളിത്തത്ത ചൊല്ലി
നീരജാക്ഷി നിനക്കായി രാത്രി  (ചന്ദ്രകിരണങ്ങൾ...)


സ്വർണമലർമാരി പെയ്യുന്ന വനിക
സ്വർഗ മണിദീപമെരിയും നിൻ മിഴികൾ
വള്ളിക്കുടിലിന്റെ കിളിവാതിൽ കിലുങ്ങീ
ഉള്ളിൽ സ്വപ്നത്തിൻ കളിപ്പാട്ടം കിലുങ്ങി
പ്രേമധാമത്തിൻ മണിവീണപാടി
പ്രണയലോലയായ് രാത്രി (ചന്ദ്രകിരണങ്ങൾ...)

മനസ്സ് മനസ്സിന്റെ കാതിൽ രഹസ്യങ്ങൾ
മന്ത്രിയ്ക്കും മധുവിധുരാത്രി -മന്ത്രിയ്ക്കും മധുവിധുരാത്രി
നഖമുള്ള നമ്മുടെ രാഗവികാരങ്ങൾ നീഹാരമണിയുന്ന രാത്രി
നീഹാരമണിയുന്ന രാത്രി
മനസ്സു മനസ്സിന്റെ കാതിൽ രഹസ്യങ്ങൾ
മന്ത്രിയ്ക്കും മധുവിധുരാത്രി
മന്ത്രിയ്ക്കും മധുവിധുരാത്രി

കതിരുപോലുള്ള നിൻ താരുണ്യതിന്റെ കദളീമുകുളങ്ങളിൽ വിരൽനഖപ്പാടുകൾ
ഞാൻ തീർക്കും
ഈ മലരിൽ മലർപൂക്കും രാവിൽ
അപ്പോൾ മദനധനുസ്സുകൾ ഒടിയും
എന്നിൽ നീ നീലസർപ്പമായ് ഇഴയും
സർപ്പമായ് ഇഴയും (മനസ്സ് മനസ്സിന്റെ...)

കണ്ണാലെ പാര് പുന്നാര മോനേ മോനേ മോനേ (2)
കണ്ടാൽ ഞെട്ടണ ലണ്ടൻ പട്ടണം ഏറിയ കാറുകൾ
ജോറുള്ള ബസ്സുകൾ
പാറിപ്പറക്കും ബിമാനങ്ങൾ ബേറെയും
ആകെക്കണ്ടു പകയ്ക്കല്ലെ മോനേ
കണ്ണാലെ പാര് പുന്നാര മോനേ മോനേ മോനേ

പടിഞ്ഞാറൻ കടപ്പുറം തന്നിൽ നടക്കണ
പലപല കിസ്സകളു കാണു പൊന്നുമോനേ
കുളിക്കണബേഷത്തിലു സായിപ്പും മാദാമ്മേം
കുതിക്കണകുതി കണ്ടാ..അള്ളോ
കുളിക്കണകുളികണ്ടാ
കണ്ണാലെ പാര് പുന്നാര മോനേ മോനേ മോനേ