മഴമുകിലൊളിവർണ്ണൻ ഗോപാലകൃഷ്ണൻ
കൊടമുല്ല കൊണ്ടൊരു കൊരലാരം കെട്ടീ
കൊരലാരം കെട്ടീ
ഒഴുകിടും ആറ്റിന്റെ കൽപ്പടവിൽ ചാരി
ഒരുകൊച്ചു സ്വപ്നത്തെ തഴുകിയിരുന്നു - തഴുകിയിരുന്നു
(മഴമുകിൽ...)

കാളിന്ദിപ്പെണ്ണപ്പോൾ ഓളക്കൈനീട്ടി
കേളിക്കായ് കാലിൽ പിടിച്ചു വലിച്ചു
ആളില്ലാനേരത്തെൻ ഗോപാലകൃഷ്ണൻ
നീലനിലാവത്ത് നീന്താനിറങ്ങീ - നീന്താനിറങ്ങീ
(മഴമുകിൽ...)

പ്രത്യൂഷ പുഷ്പമേ പ്രത്യൂഷ പുഷ്പമേ
മുഗ്ദ്ധ നൈര്‍മല്യമേ ചൊല്ലുമോ നീ
പാതി വിരിഞ്ഞ നിന്‍ വിഹ്വല നേത്രത്താല്‍
തേടുന്നതേതൊരു ദേവപാദം

പ്രത്യൂഷ പുഷ്പമേ പ്രത്യൂഷ പുഷ്പമേ
മുഗ്ദ്ധ നൈര്‍മല്യമേ ചൊല്ലുമോ നീ
പാതി വിരിഞ്ഞ നിന്‍ വിഹ്വല നേത്രത്താല്‍
തേടുന്നതേതൊരു ദേവപാദം
പ്രത്യൂഷ പുഷ്പമേ...

പാവം നിന്‍ ആരാമ വാതിൽക്കൽ നില്‍ക്കുമീ
പാമരരൂപിയാം പാട്ടുകാരന്‍
ദീര്‍ഘ പ്രതീക്ഷതന്‍ പൂക്കൂട നിന്‍ നേര്‍ക്കു
നീട്ടിയാല്‍ ലോകം ചിരിക്കുകില്ലേ
പ്രത്യൂഷ പുഷ്പമേ...

കൊല്ലൂരിലും കൊടുങ്ങല്ലൂരിലും
കുമാരനെല്ലൂരിലും വാഴും ജനനീ
ഭഗവതി (കൊല്ലൂരിലും.. )

എല്ലാരുമേവെടിഞ്ഞില്ലായ്മയാലുരുകി
വല്ലായ്മതന്‍ കനലില്‍ നീറി
ദേവിയല്ലാതൊരാശ്രയമില്ലേ
കരുണാമൃത സ്വര്‍ല്ലോകഗംഗയായ് വരുനീ വരുനീ
(കൊല്ലൂരിലും.. )

ചോറ്റാനിക്കരവാഴുമമ്മേ ഒഴിഞ്ഞൊരെന്റെ
ചോറ്റുപാത്രം തിരുമുന്‍പില്‍ നീട്ടിടുമ്പോള്‍
ദയകാട്ടേണമംബികയെന്‍ ആര്‍ത്തവിലാപം
കേള്‍ക്കുകില്ലേയമ്മേ കേള്‍ക്കുകില്ലേയമ്മേ

കൊല്ലൂരിലും കൊടുങ്ങല്ലൂരിലും
കുമാരനെല്ലൂരിലും വാഴും ജനനീ
ഭഗവതീ... ഭഗവതീ... 

ചന്ദ്രക്കലാധരനു കണ്‍കുളിര്‍ക്കാന്‍ ദേവി
പന്തടിച്ചാടുന്നു ചാഞ്ചാടുന്നു ചാഞ്ചാടുന്നു
ചഞ്ചലചരണത്തില്‍ ചിലങ്കകള്‍ കിലുങ്ങി
കൊഞ്ചുംതരിവളകള്‍ താളത്തില്‍ കുലുങ്ങി
താളത്തില്‍ കുലുങ്ങി
(ചന്ദ്രക്കലാധരനു.. )

പര്‍വതനന്ദിനിയിന്നിവള്‍ക്കകമ്പടി
ഉര്‍വ്വശിമേനക സുന്ദരിമാര്‍
രംഭതിലോത്തമ നര്‍ത്തകിമാര്‍
മദനന്‍ മീട്ടുന്നു മണിവീണ
നന്ദികേശന്‍ മൃദംഗം മുഴക്കുന്നു
തധിമി തധിമി തധിമി തധിമി 
തധിമി തധിമി തോം
തധിമി തധിമി തധിമി തധിമി 
തധിമി തധിമി തോം
(ചന്ദ്രക്കലാധരനു..)

ഏതു ശീതളച്ഛായാതലങ്ങളിൽ
ച്ഛായാതലങ്ങളിൽ.......
ഏതു സുന്ദര സ്വപ്ന തടങ്ങളിൽ
സ്വപ്ന തടങ്ങളിൽ....
ചൈത്രസുഗന്ധിയാം പൂന്തെന്നലേ
പൂന്തെന്നലേ....
ഇത്ര നാൾ നീ ഒളിച്ചിരുന്നു
നീ ഒളിച്ചിരുന്നു
(ഏതു ശീതള ..)

സങ്കൽപ്പസീമതന്നപ്പുറം നീയൊരു
സംക്രമപ്പക്ഷിയായ് മറഞ്ഞിരുന്നു (2)
പഞ്ചമിത്താമരപൊയ്കയിൽ (2) ...അരയന്ന
പൈങ്കിളിയായ് നീ കളിച്ചിരുന്നു
കളിച്ചിരുന്നു...
(ഏതു ശീതള ..)

സ്വപ്നങ്ങൾ അലങ്കരിക്കും നമ്മുടെ വീടു കണ്ടു
സ്വർഗ്ഗം നാണിക്കുന്നു - എന്നും സ്വർഗ്ഗംനാണിക്കുന്നു
(സ്വപ്നങ്ങൾ...)

കൈവല്യം പകരുമീ പൊന്നമ്പലത്തിൻ മുന്നിൽ
ദൈവദൂതന്മാർ ശിരസ്സു നമിക്കുന്നു
മണ്ണിനെ വിണ്ണാക്കുന്ന മധുരസ്നേഹമൂർത്തി
എന്നുമീ ശ്രീകോവിലിൽ രാജിക്കുന്നു
(സ്വപ്നങ്ങൾ...)

സൗഹൃദം പുഷ്പിച്ചീടും ഉപവനസീമയിൽ
സോദരസ്നേഹത്തിൻ ശീതളഛായയിൽ
കാലത്തിൻ കൈകൾക്കു തകർക്കുവാനാകാത്ത
കാഞ്ചനക്ഷേത്രമിതു ലസിച്ചിടുന്നു
(സ്വപ്നങ്ങൾ...)

ശിശുവിനെപ്പോൽ പുഞ്ചിരി തൂകി
ശിശുവിനെപ്പോൽ പുഞ്ചിരി തൂകി
ശിശിരപഞ്ചമി ഓടിവന്നു
നമ്മുടെ സുന്ദര രാഗപൂജയിൽ
കർമ്മസാക്ഷിയായ് കാലം നിന്നു 
നമ്മുടെ സുന്ദര രാഗപൂജയിൽ
കർമ്മസാക്ഷിയായ് കാലം നിന്നു 
കർമ്മസാക്ഷിയായ് കാലം നിന്നു 
ശിശുവിനെപ്പോൽ പുഞ്ചിരി തൂകി
ശിശിരപഞ്ചമി ഓടിവന്നു
ആ.....

പൊന്‍കിനാവിന്‍ പുഷ്പരഥത്തില്‍
പോയ് വരു നീ പോയ് വരു നീ
ആത്മസഖീ ആത്മസഖീ
പൊന്‍ കിനാവിന്‍ പുഷ്പരഥത്തില്‍
പോയ് വരു നീ പോയ് വരു നീ
ആത്മസഖീ - ആത്മസഖീ

ആയിരമായിരം ആശകളണിയായ്‍
പൂവിരിക്കും വഴിയില്‍ക്കൂടി
നീലമുകിലുകള്‍ കണ്ണീരോടെ
താലമെടുക്കും നിഴലില്‍ക്കൂടി
(പൊന്‍കിനാവിന്‍...)

മധുരസ്മൃതികള്‍ കൈത്തിരിവെയ്ക്കും
പ്രണയക്ഷേത്രകവാടത്തില്‍
യാത്രക്കാരീ നീവരുവോളം
കാത്തിരുന്നിടുമൊരു ഹൃദയം
പോയിവരൂ - പോയിവരൂ നീ ആത്മസഖീ
(പൊന്‍കിനാവിന്‍...)

മാനത്തിന്‍ മുറ്റത്ത് മഴവില്ലാലഴകെട്ടും
മധുമാസസന്ധ്യകളേ
കാര്‍മുകിലാടകള്‍ തോരയിടാന്‍ വരും
കാലത്തിന്‍ കന്യകളേ... 
(മാനത്തിന്‍...)

മടിയിൽ തിരുകിയ സിന്ദൂരച്ചെപ്പതാ
പൊടിമണ്ണിൽ വീണുവല്ലോ
ഒരു കൊച്ചുകാറ്റിനാൽ നിങ്ങൾതന്നാടകൾ
അഴ പൊട്ടിവീണുവല്ലോ
അഴ പൊട്ടിവീണുവല്ലോ
(മാനത്തിൻ...)

നിങ്ങളേ കാണുമ്പോൾ എൻകരൾത്തംബുരു
സംഗീതം മൂളിടുന്നു
പണ്ടത്തെ ഗാനത്തിൻ മാധുരി വീണ്ടുമെൻ
ചുണ്ടത്തണഞ്ഞുവല്ലോ
ചുണ്ടത്തണഞ്ഞുവല്ലോ
(മാനത്തിൻ...)

പൊന്നിലഞ്ഞി ചോട്ടിൽ വെച്ചൊരു
കിന്നരനേ കണ്ടൂ
കണ്ടിരിക്കേ കണ്മുനകൾ
കരളിൽ വന്നു കൊണ്ടൂ... 
കരളിൽ വന്നു കൊണ്ടൂ
(പൊന്നിലഞ്ഞി...)

താമരപ്പൂത്താമ്പാളവുമായ്
പുലരിവരും നേരം
പൂമരത്തിൻ ചോട്ടിൽനിന്ന്
പുല്ലരിയും നേരം
(പൊന്നിലഞ്ഞി...)

കാട്ടുമുളം തണ്ടെടുത്തു
ചുണ്ടിലവൻ ചേർത്തു
പാട്ടുകൊണ്ടൊരു പാലാഴി
പാരിലവൻ തീർത്തു
(പൊന്നിലഞ്ഞി...)

കാടുചുറ്റി ഓടിടുന്ന 
വേടക്കിടാത്തിയെപ്പോൽ
മാടം തീർത്തു മഞ്ചം തീർത്തു
മാരനേ കാത്തു
(പൊന്നിലഞ്ഞി...)