കണ്ണാരം പൊത്തി പൊത്തി
കൈലേസ് കണ്ണിൽ കെട്ടി
അമ്പിളിയും വെണ്മുകിലും കളിയാടുന്നൂ - ദൂരേ
അമ്പിളിയും വെണ്മുകിലും കളിയാടുന്നൂ

കിന്നാരം ചൊല്ലി ചൊല്ലി
കിളിച്ചുണ്ടിൽ നുള്ളി നുള്ളി
കൊച്ചു തെന്നൽ മൊട്ടുകളായ് വിളയാടുന്നൂ - അതാ
കൊച്ചു തെന്നൽ മൊട്ടുകളായ് വിളയാടുന്നൂ

കാണേണ്ട കേൾക്കേണ്ട കന്നിനിലാവേ - ഞാൻ
കാമിനിയുടെ കാതിലൊരു കഥ പറയട്ടേ
കാണേണ്ട കേൾക്കേണ്ട കനകതാരമേ - ഞാൻ
കാമുകന്റെ കാതിലൊരു കവിത മൂളട്ടേ

പണ്ടൊരിക്കൽ ആറ്റുവക്കിൽ പന്തലിച്ച മാഞ്ചുവട്ടിൽ 
കൊച്ചു കൊച്ചു കൊമ്പുകൾ കൊണ്ടൊരു 
കൊട്ടാരം കെട്ടി - നമ്മൾ കൊട്ടാരം കെട്ടി 
(പണ്ടൊരിക്കൽ... )

രാജാവായ്‌ നീയിരുന്നു റാണിയായ്‌ ഞാനിരുന്നു 
കാണാക്കിനാക്കൾ കണ്ടതോർമ്മയുണ്ടോ 
രാജാവായ്‌ നീയിരുന്നു റാണിയായ്‌ ഞാനിരുന്നു 
കാണാക്കിനാക്കൾ കണ്ടതോർമ്മയുണ്ടോ 
ഭവാനോർമ്മയുണ്ടോ
(പണ്ടൊരിക്കൽ... )

തൊട്ടടുത്ത മാവിൽ നിന്നും കട്ടെടുത്ത മാമ്പഴങ്ങൾ 
കാട്ടുകിളി കാഴ്ചവെച്ചതോർമ്മയുണ്ടോ 
തൊട്ടടുത്ത മാവിൽ നിന്നും കട്ടെടുത്ത മാമ്പഴങ്ങൾ 
കാട്ടുകിളി കാഴ്ചവെച്ചതോർമ്മയുണ്ടോ 

ഈ ജീവിതമിന്നൊരു കളിയാട്ടം
ഈ യൌവ്വനമാണതില്‍ കൈനേട്ടം
ജീവിതമിന്നൊരു കളിയാട്ടം
ഈ യൌവ്വനമാണതില്‍ കൈനേട്ടം
ഈ ജീവിതമിന്നൊരു കളിയാട്ടം

കായലിലോ കഥകളിയാട്ടം
കളികാണും തിരകള്‍ക്കു തലയാട്ടം
കാറ്റിനും മരത്തിനും മുടിയാട്ടം - മുള-
ങ്കാട്ടില്‍ പുലരിതന്‍ തിരനോട്ടം 

ജീവിതമിന്നൊരു കളിയാട്ടം
ഈ യൌവ്വനമാണതില്‍ കൈനേട്ടം
ഈ ജീവിതമിന്നൊരു കളിയാട്ടം

ഈ താരുണ്യത്തിന്‍ നീരലയില്‍
ഈ താമരച്ചോലയിലലയുമ്പോള്‍
പാട്ടും കളിയും വെടിയേണ്ട - നാളെ
കൂട്ടം പിരിയും കുരുവികള്‍ നാം 

പവിഴക്കുന്നില്‍ പളുങ്കുമലയില്‍
പനിനീര്‍ പൂങ്കുലകള്‍
പനിനീര്‍ പൂങ്കുലകള്‍
പകലവനന്തിക്കറുത്തു കൂട്ടിയ
പനിനീര്‍ പൂങ്കുലകള്‍ 
പനിനീര്‍ പൂങ്കുലകള്‍ 
(പവിഴക്കുന്നില്‍... )

പറന്നു പറന്നു പറന്നുകേറും
പച്ചക്കുരുവികളേ
വേല കഴിഞ്ഞു മടങ്ങുമ്പോഴാ -
വേണുഗാനം കേള്‍ക്കട്ടേ
വേണുഗാനം കേള്‍ക്കട്ടേ 
(പവിഴക്കുന്നില്‍... )

മരതകമലകള്‍ വിട്ടുവരുന്നൊരു
മാടുകളേ കുഞ്ഞാടുകളേ
നാളേ പുലരും നേരമൊരിത്തിരി
പാലുകറക്കാന്‍ വന്നാട്ടേ 
പാലുകറക്കാന്‍ വന്നാട്ടേ 

കിളിവാതിലിന്നിടയില്‍കൂടി
മലര്‍മാലകള്‍ നീട്ടുവതാരോ
മധുമാസപ്പൂനിലാവോ
മറ്റാരാണോ 

മാനത്തെ മട്ടുപ്പാവില്‍
മണിവാതിലില്‍ നില്‍ക്കുവതാരോ
വാസന്ത താരകമോ
മറ്റാരാണോ

കണിക്കൊന്ന പൂത്തുനില്‍ക്കും
കരളിന്റെ പൂവാടികയില്‍
ക്ഷണിക്കാതെ വന്നുചേര്‍ന്ന വിരുന്നുകാരാ
അവിടത്തെ സല്‍ക്കരിക്കാന്‍
അധരത്തില്‍ നിന്നു വീഴും
അനുരാഗ ഗാനമല്ലാ-
തൊന്നുമില്ലല്ലോ 

കിളിവാതിലിന്നിടയില്‍കൂടി
മലര്‍മാലകള്‍ നീട്ടുവതാരോ
മധുമാസപ്പൂനിലാവോ
മറ്റാരാണോ 

പട്ടിണിയാല്‍... ഓ...ഓഹൊയ് ഓഹൊയ്
പട്ടിണിയാല്‍ പള്ളയ്ക്കുള്ളില്‍ പാണ്ടിമേളം
ഇനി പാട്ടുവരും കൂത്തുവരും വേണ്ടുവോളം
അയ്യാ ആട്ടമറിയാത്താനുമാടിപ്പോകും (2) - വള
ച്ചാട്ടമറിയാത്തവനും ചാടിപ്പോകും
ഹൊയ് പട്ടിണിയാല്‍ പള്ളയ്ക്കുള്ളില്‍ പാണ്ടിമേളം
ഇനി പാട്ടുവരും കൂത്തുവരും വേണ്ടുവോളം

വീട്ടിനുള്ളില്‍ വിരുന്നുണ്ടു വീട്ടികേറ്റിയിരുന്നെങ്കില്‍
നാട്ടുകാരെ പഴിപറയാന്‍ നോട്ടമിട്ടീടും ഓ... (2)
പിന്നെ കൂട്ടുകാരെ ചതിക്കുവാന്‍ കാത്തിരുന്നീടും
ഹൊയ് പട്ടിണിയാല്‍ പള്ളയ്ക്കുള്ളില്‍ പാണ്ടിമേളം
ഇനി പാട്ടുവരും കൂത്തുവരും വേണ്ടുവോളം

പറയട്ടേ ഞാന്‍ പറയട്ടേ - ഒരു
പരമരഹസ്യം പറയട്ടേ (2) - ശ്ശ് ..
ഇരുചെവി മറുചെവിയറിയാതേ
ഇരവിന്‍ താരകളറിയാതേ (2)
പരമരഹസ്യം പറയട്ടേ

മുകളിലിരിക്കും ചന്ദ്രനറിഞ്ഞാല്‍
മുകിലുകളോടാ കഥ പറയും (2)
കൂട്ടിലിരിക്കും രാക്കിളി കേട്ടാല്‍
നാട്ടില്‍ മുഴുക്കെ പാട്ടാകും (2)
പരമരഹസ്യം പറയട്ടേ 

പണ്ടൊരു നാളില്‍ പഞ്ചമിരാവില്‍
മിന്നല്‍കണക്കൊരു മണിമാരന്‍ (2)
പൊന്നിന്‍ പൂട്ടു പൊളിച്ചുകടന്നീ
കന്നിപ്പെണ്ണിന്‍ കരളറയില്‍ (2)
പരമരഹസ്യം പറയട്ടേ - ഒരു
പരമരഹസ്യം പറയട്ടേ... ശ്ശ്..

കാറ്റേ വാ പൂമ്പാറ്റേ വാ
കാറ്റേ വാ പൂമ്പാറ്റേ വാ
വാവാ വാവാ വാവാവോ
വാവാ വാവാ വാവാവോ

പഞ്ചാരക്കുട്ടനു പങ്ക വലിയ്ക്കുവാന്‍
മഞ്ചാടിക്കുന്നിലെ കാറ്റേ വാ
കാറ്റേ വാ പൂമ്പാറ്റേ വാ
കാറ്റേ വാ പൂമ്പാറ്റേ  വാ
കാതില്‍ കഥയൊന്നു ചൊല്ലാന്‍ വാ
കാതില്‍ കഥയൊന്നു ചൊല്ലാന്‍ വാ 
(പഞ്ചാര... )

കാലത്തെ ഉണ്ണി എണീയ്ക്കേണം - കുഞ്ഞി
കാല്‍മുട്ടു കുത്തി കളിയ്ക്കേണം.
അച്ഛന്റെ കാലടിപ്പാടുകള്‍ നോക്കി നീ
പിച്ച നടന്നു കളിയ്ക്കേണം (2)
(പഞ്ചാര... )

കുന്നിന്മേലെ നീയെനിയ്ക്കു കുടിലൊന്നു കെട്ടി
കന്നിപ്പെണ്ണായ് കടന്നൂ ഞാന്‍ 
കന്നിപ്പെണ്ണായ് കടന്നൂ ഞാന്‍
കല്യാണപ്പൂമാല കണ്ണീരില്‍ വാടീട്ടും 
കണ്ടില്ല പണ്ടത്തേ കളിത്തോഴനേ - ഞാന്‍
കണ്ടില്ല പണ്ടത്തേ കളിത്തോഴനേ 

കുന്നിന്മേലെ നീയെനിയ്ക്കു കുടിലൊന്നു കെട്ടി
കന്നിപ്പെണ്ണായ് കടന്നൂ ഞാന്‍ 
കന്നിപ്പെണ്ണായ് കടന്നൂ ഞാന്‍

പാടത്തു പണ്ടേപ്പോലെ പവിഴം വിളഞ്ഞു
മാടത്ത് തമ്പുരാട്ടി പഴങ്കഥ പറഞ്ഞു
കരളിലെ കരിമൊട്ടു വിരിയാതെ കരിഞ്ഞു
കാലത്തിന്‍ കൊടുങ്കാറ്റില്‍ 
സ്വപ്നങ്ങള്‍ പറന്നു

നീലമുകിലുകൾ കാവൽ നിൽക്കും
വാന രാജധാനിയിൽ
നീലമുകിലുകൾ കാവൽ നിൽക്കും
വാന രാജധാനിയിൽ
മാരിവില്ലുകൾ വേലി കെട്ടിയ 
മല്ലികപ്പൂവാടിയിൽ
വാവുനാളിൽ പാറി വന്നൊരു 
താമരക്കിളി എങ്ങു പോയ്
പൂനിലാവിൽ നീന്തിയെത്തിയ 
പൂമരക്കിളി എങ്ങു പോയ്
എങ്ങു പോയ് കിളി എങ്ങുപോയ്
താമരക്കിളി എങ്ങു പോയ്