ഡ്രാമ/ത്രില്ലർ/ക്രൈം

നാട്ടിലെ അറിയപ്പെടുന്ന വേശ്യ കുമുദം ഒരു ദിവസം അവരുടെ വീട്ടിൽ മരിച്ച നിലയിൽ കാണപ്പെടുന്നു. സി ഐ രവീന്ദ്രൻ(സായികുമാർ) ആണ് കേസ് അന്വേഷിക്കുന്നത്. കുമുദത്തിനു നാട്ടിലെ പല ഉന്നതരുമായും ബന്ധമുണ്ടായിരുന്നു. അന്വേഷണത്തിന്റെ ഭാഗമായി പലരെയും ചോദ്യം ചെയ്യുന്നുവെങ്കിലും കുമുദത്തിന്റെ വീട്ടുകാരെ കുറിച്ചോ ശരിയായ പേരോ ആർക്കും അറിയില്ല. നല്ല വിദ്യാഭ്യാസമുള്ള സ്ത്രീ ആയിരുന്നുവെന്നും കലകളെക്കുറിച്ചും മറ്റും നന്നായി സംസാരിക്കുമായിരുന്നെന്നും മാത്രം പലരിൽ നിന്നായി അറിയുന്നു. പോസ്റ്മോര്ട്ടം റിപ്പോർട്ടിൽ നിന്നും വിഷം അകത്തു ചെന്നാണ് മരിച്ചതെന്നും അതിനു തൊട്ടുമുന്നെ പിടിവലി നടന്നിട്ടുണ്ടെന്നും കഴുത്തു ഞെരിച്ചിരുന്നെന്നും വെളിവാകുന്നു. തുറക്കാതെ വച്ച ഒരു ഭക്ഷണപൊതിയും പൊട്ടിയ ഗ്ലാസും മദ്യക്കുപ്പിയും മദ്യം കഴിക്കാനുപയോഗിച്ച ഒരു ഗ്ളാസ്സും ഭക്ഷണ മുറിയിൽ കണ്ടെത്തിയിരുന്നു. അതിൽ നിന്നും രണ്ടുപേരുടെ വിരലടയാളങ്ങളും കണ്ടെത്തി. 

 തുടർന്നുള്ള അന്വേഷണത്തിൽ മദ്യവും ഭക്ഷണവും കൊണ്ടുവന്നത് സൈമണ്‍ മുതലാളി(തിലകൻ) ആണെന്ന് കണ്ടെത്തുന്നു. സൈമണ്‍ മുതലാളി അവിടെ വന്നിരുന്നത് സത്യമാണെന്നും പക്ഷെ കുമുദം സൈമണ്‍ മുതലാളിയെ ദേഷ്യപ്പെട്ട് തിരിച്ചയക്കുകയാണ് ഉണ്ടായതെന്നും ചോദ്യം ചെയ്യലിൽ വ്യക്തമാകുന്നു. ഇതിനിടെ കുമുദത്തിന്റെ വീട്ടിൽനിന്നും കിട്ടിയ സർട്ടിഫിക്കറ്റിൽ നിന്നും അവരുടെ ശരിയായ പേര് സൂസൻ ഫിലിപ്പ് എന്നാണെന്ന് കണ്ടെത്തുന്നു, കൂടെ അവരുടെ അഡ്രസ്സും. ഇതിനിടയിൽ അവിടെ മരണദിവസം  രാത്രി അവിടെ വന്നുപോയ രണ്ടു കോളേജ് വിദ്യാർഥികളെ ചോദ്യം ചെയ്തെങ്കിലും അവരെയും കുമുദം പിണക്കി തിരിച്ചയച്ചു എന്നറിയുന്നു.

സൂസൻ ഫിലിപ്പിന്റെ അഡ്രെസ്സിൽ അന്വേഷിക്കാനെത്തിയ രവീന്ദ്രന്, എല്ലാവരെയും ഭയന്ന് വീട്ടിൽ അടച്ചു കഴിയുന്ന സൂസന്റെ മാതാപിതാക്കളെയാണ് കാണാൻ കഴിയുന്നത്. അന്യമതസ്ഥനായ യുവാവിന്റെ കൂടെ വീടുവിട്ടു പോയതാണ് സൂസൻ എന്നും പിന്നീടുള്ള വിവരങ്ങൾ ഒന്നും അവർക്ക് അറിയില്ലെന്നും രവീന്ദ്രനു മനസിലാവുന്നു. പത്രത്തിൽ നിന്നും മകളുടെ അപഥസഞ്ചാരത്തിന്റെ കഥയറിഞ്ഞ മാതാപിതാക്കൾ മറ്റുള്ളവരുടെ പരിഹാസപാത്രമാവുകയും നാട്ടുകാരും ബന്ധുക്കളും അവരെ ഒറ്റപെടുത്തുകയും ചെയ്യുന്നു. മകളുടെ വിവരമറിഞ്ഞ അവർ ദു:ഖത്തോടെ തങ്ങൾക്ക് അവളുടെ മൃതശരീരം കാണേണ്ട എന്നറിയിക്കുന്നു. സൂസന്റെ വീട്ടിൽ നിന്നും കിട്ടിയ ഒരു സ്കൂൾ അഡ്രസ്സിൽ അന്വേഷിച്ച രവീന്ദ്രന്, സൂസന്റെ മകൻ ആ സ്കൂളിൽ താമസിച്ച് പഠിക്കുന്നുണ്ടെന്നു മനസിലാകുന്നു. കുട്ടിയെ കാണുന്നെങ്കിലും അമ്മയുടെ മരണവിവരം അപ്പോൾ അറിയിക്കുന്നില്ല. ഇതിനിടെ സൂസന്റെ മൃതദേഹം അന്വേഷിച്ച് ഒരു സ്ത്രീ അവിടെ വരുന്നു. അവർ സൂസന്റെ വേലക്കാരി ആയിരുന്നു എന്നും, സൂസന്റെ ഭർത്താവ് ഹർഷൻ കുടിച്ചു കുടിച്ച് മരിച്ചു എന്നും അറിയിക്കുന്നു. ഭർത്താവ് മരിച്ച വിവരം അറിയിക്കുന്നത് സുഹൃത്ത് ചാർലി എന്ന ചിട്ടികമ്പനി മുതലാളി ആണെന്നും അതിനു ശേഷം സൂസനും ചാർലിയും വളരെ അടുപ്പത്തോടെ ആണ് കഴിഞ്ഞതെന്നും ചാർളിയുടെ കമ്പനിയിൽ സൂസനു ജോലി ഉണ്ടായിരുന്നെന്നും അറിയുന്നു. ചാർലി ഇപ്പോൾ ചിട്ടി പൊളിഞ്ഞ് ജയിലിൽ ആണ്.  ജയിലിൽ അന്വേഷിച്ച രവീന്ദ്രന്, ചാർലി പരോളിൽ ആണെന്ന മറുപടി ലഭിക്കുന്നു. പരോൾ കാലാവധി കഴിഞ്ഞുവന്ന ചാർലിയെ ചോദ്യം ചെയ്തെങ്കിലും ചാർലി സൂസന്റെ വീട്ടിൽ ചില രേഖകൾ വാങ്ങാൻ പോയിരുന്നു എന്നല്ലാതെ സൂസന്റെ മരണവും ആയി ബന്ധപ്പെടുത്തുന്ന ഒന്നും ലഭിക്കുന്നില്ല. പക്ഷെ പഴയ കഥകൾ എല്ലാം ചാർലി തുറന്നു പറയുന്നു. ചിട്ടികമ്പനി പൊട്ടുമെന്ന ഘട്ടത്തിൽ എങ്ങനെയെങ്കിലും അതിൽ നിന്നും രക്ഷപെടാൻ ചാർലി സൂസനെ പലരുമായും ഭീഷണിപ്പെടുത്തി ബന്ധപ്പെടുത്തുന്നു. പക്ഷെ ചിട്ടികമ്പനി പൊളിയുകതന്നെ ചെയ്യുന്നു, ചാർലി ജയിലിൽ ആവുന്നു. ജയിലിൽ പെടുന്നതിനു മുന്നേ ചാർലി ചില രേഖകൾ സൂസനെ എല്പിച്ചിരുന്നു. അവയാണ് പരോളിൽ ഇറങ്ങിയ സമയത്ത് സൂസനെ കണ്ട് ചാർലി തിരിച്ച് വാങ്ങുന്നത്. കൂടാതെ സൂസന്റെ ഭർത്താവ് ഹർഷൻ മരിച്ചിട്ടില്ലെന്നും ഒരു ഭ്രാന്താശുപത്രിയിൽ ഉണ്ടെന്നും ചാർലി വെളിപ്പെടുത്തുന്നു. 

മുംബൈയിൽ ജോലി ചെയ്യുന്ന അനൂപും (നിഷാൻ) അഞ്ജലിയും (കീർത്തി) തമ്മിലുള്ള വിവാഹം വീട്ടുകാരുടെ സമ്മതത്തോടെ ഉറപ്പിച്ചിരിക്കുകയാണു. അഞ്ജലിയുടെ ഇരട്ട സഹോദരിയായ ഗീത മരിച്ചതിനു ശേഷം അമ്മയായ അന്നമ്മ (സീമ) നാട്ടിലുള്ള അറക്കൽ തറവാട്ടിൽ ഒറ്റക്കാണു താമസം. അനൂപിനു ഇംഗ്ലണ്ടിൽ ജോലി ലഭിച്ചതു കൊണ്ടു വേഗം വിവാഹം നടത്താൻ ബേബിച്ചായൻ (മധു) അഭിപ്രായപ്പെടുന്നു. ബേബിച്ചായന്റെ ഇളയ സഹോദരി സിസിലിയുടെ (അംബിക മോഹൻ) മകനാണു അനൂപ്. വിവാഹം മുംബൈയിൽ നടത്തിയിട്ടു നാട്ടിൽ അമ്മയെ പോയി അനുഗ്രഹം വാങ്ങിയാൽ മതിയാകുമെന്നു അഞ്ജലി പറഞ്ഞെങ്കിലും അനൂപിന്റെ ബന്ധുക്കളധികവും നാട്ടിലായതു കൊണ്ടു വിവാഹം അവിടെ വെച്ചു മതിയെന്നു തീരുമാനിക്കുന്നു.

ഒരു പരസ്യ ചിത്രികരണത്തിനായി ഊട്ടിയിൽ പോയി മടങ്ങി വരുമ്പോഴാണു അമ്മ ബാൽക്കണിയിൽ നിന്നു വീണു നട്ടെല്ലിനു പരുക്കു പറ്റി ആശുപത്രിയിലായ വിവരം അഞ്ജലി അറിയുന്നതു. അനൂപിനോടൊപ്പം അമ്മയെ കാണാനായി അഞ്ജലി നാട്ടിലെത്തുന്നു. ലൈഫ് സപ്പോർട്ടിന്റെ സഹായത്തലാണു അന്നമ്മ കഴിയുന്നതു. അഞ്ജലി അനൂപിനൊപ്പം തറവാടായ അറക്കൽ തറവാട്ടിലേക്കു പോകുന്നു. അവിടെയുള്ള വേലക്കാരും മറ്റു നാട്ടുകാരുമെല്ലാം അതൊരു പ്രേതബാധയുള്ള വീടായാണു കാണുന്നതു. അവിടെയെത്തുന്ന ദിവസം മുതൽ അഞ്ജലിക്കു പലപ്പോഴും ഗീതയുടെ സാന്നിധ്യം അനുഭവപ്പെടുന്നു.

അന്നമ്മയുടെ കാര്യത്തിൽ തീരുമാനമൊന്നുമില്ലാത്തതു കൊണ്ടു വിവാഹം നിശ്ചയിച്ച ദിവസം തന്നെ നടത്തുവാൻ തീരുമാനിക്കുന്നു. നാട്ടുകാരനായ വാസുദേവനു (ഗണേഷ് കുമാർ) അറക്കൽ തറവാട് വാങ്ങാൻ താത്പര്യമുണ്ട്. അതിനു വേണ്ടി കാര്യങ്ങൾ അഞ്ജലിയുമായി പറഞ്ഞുറപ്പിക്കുന്നു. വിവാഹം ഉറപ്പിക്കുന്നതോടെ അന്നമ്മയുടെ സഹോദരൻ കോശിയും (മഹേഷ്) സഹോദരി മോളിയും (മായ വിശ്വനാഥ്) മറ്റു ബന്ധുക്കളും അതു പോലെ മുമ്പു അവിടെ കാര്യങ്ങൾ നോക്കി നടത്തിയിരുന്ന തമ്പിച്ചായനും (സിദ്ധീഖ്) തറവാട്ടിലെത്തുന്നു. തറവാറ്റ് വിൽക്കുന്ന വിവരമറിഞ്ഞു അവരുടെ ബന്ധുവായ കൊച്ചു റാണിയെ വിവാഹം കഴിച്ചിരുന്ന തങ്കപ്പനാശാരിയും (ഇന്നസെന്റ്) മകൾ മേരിയും (സ്വപ്ന മേനോൻ) തങ്ങളുടെ അവകാശം ആവശ്യപ്പെട്ട് അവിടെയെത്തുന്നു.

ഗീതയുടെ പ്രേതാക്രമണത്തിൽ പരുക്കേറ്റു അഞ്ജലി ആശുപത്രിയിലാകുന്നു. വിവാഹത്തിനു മുമ്പു അഞ്ജലിയെ ഒരു മന:ശാസ്ത്രഞ്ജനെ കാണിക്കണമെന്നു ബേബിച്ചായൻ ആവശ്യപ്പെടുന്നു. അനൂപ്, സുഹൃത്തായ നകുലൻ (സുരേഷ് ഗോപി) വഴി മന:ശാസ്ത്രഞ്ജനായ ഡോക്ടർ സണ്ണി ജോസഫിനെ (മോഹൻലാൽ) വരുത്തുന്നു. സണ്ണി ആവശ്യപ്പെട്ടതനുസരിച്ചു അഞ്ജലി ഗീത കൊല്ലപ്പെടാനിടയായ സംഭവങ്ങൾ വിവരിക്കുന്നു. അഞ്ജലിയെ പോലെ തന്നെ ഗീതക്കും അനൂപിനെ ഇഷ്ടമായിരുന്നു. പക്ഷേ, അനൂപിനു അഞ്ജലിയെയാണു ഇഷ്ടമെന്നു അറിയുകയും അവർ തമ്മിലുള്ള വിവാഹം ഉറപ്പിക്കുകയും ചെയ്തതോടെ അതിന്റെ പേരിൽ വഴക്കിട്ടാണു ഗീത കടലിൽ ചാടി. മൃതശരീരം ലഭിച്ചില്ലെങ്കിലും മരണം നടന്നതായി സ്ഥിരീകരിക്കുകയായിരുന്നു.

സണ്ണി, അന്നമ്മയെ കണ്ടു കൂടുതൽ വിവരങ്ങളറിയാൻ ശ്രമിക്കുന്നെങ്കിലും ഫലമുണ്ടാകുന്നില്ല. ഗീതയുടെ മരണശേഷം പ്രശ്നങ്ങളുണ്ടാകുമ്പോൾ പുരോഹിതനായ കദളിക്കാട്ട് തിരുമേനി (നാസ്സർ) വന്നു പ്രാർത്ഥിച്ചു അവിടെ ഒരു കുരിശു വെച്ചതിനു ശേഷമാണു പ്രശ്നങ്ങളടങ്ങിയതു. തിരുമേനി വീണ്ടും വന്നു പ്രാർത്ഥന നടത്തുന്നു. സണ്ണിയുമായി സംസാരിക്കുന്ന തിരുമേനി പ്രശ്നങ്ങൾ കൂടുതൽ വഷളാകാൻ സാധ്യതയുണ്ടെന്നു പറയുന്നു.

തറവാട് വാസുദേവനു വിൽക്കാനായി രജിസ്ട്രേഷൻ നടത്തുമ്പോൾ അന്നമ്മ ബാൽക്കണിയിൽ നിന്നും വീണ ദിവസം ഗീതയെ ഒരു കാറിൽ കണ്ടതായി വാസുദേവൻ സംശയം പറയുന്നു. ആ കാറിന്റെ നമ്പർ എഴുതിവെച്ചതു കണ്ടുപിടിക്കാൻ ശ്രമിക്കുമ്പോൾ വാസുദേവനു ഗീതയുടെ ഫോൺ കോൾ വരുന്നു. ഗീത ആവശ്യപ്പെട്ടതനുസരിച്ചു പള്ളിയിൽ ചെല്ലുന്ന വാസുദേവൻ സണ്ണിയേയും അഞ്ജലിയേയും ഫോൺ ചെയ്തു വരുത്തുന്നെങ്കിലും അവരെത്തുന്നതിനു മുമ്പു കൊല്ലപ്പെടുന്നു. വാസുദേവന്റെ കയ്യിലുണ്ടായിരുന്ന കുരിശു തമ്പിച്ചായനു കദളിക്കാട്ടു തിരുമേനി നൽകിയിരുന്നതാണെന്നു സണ്ണി മനസ്സിലാക്കുന്നു. തമ്പിച്ചായൻ അഞ്ജലിയോടു തറവാടിന്റെ ഒരോഹരി ആവശ്യപ്പെടുന്നു.

അനൂപിന്റേയും അഞ്ജലിയുടേയും വിവാഹം നടത്താൻ വീട്ടുകാർ ശ്രമിക്കുമ്പോൾ സണ്ണി അഞ്ജലിക്കും മാനസിക രോഗമാണെന്നു പറഞ്ഞു തടയാൻ ശ്രമിക്കുന്നെങ്കിലും എല്ലാവരുടേയും എതിർപ്പിനെ തുടർന്നു വിവാഹ തീയതി ഉറപ്പിക്കുന്നു. വിവാഹത്തിനു മുമ്പു തമ്പിച്ചായൻ തീപിടിച്ചു മരണമടയുന്നു. അനൂപ് വീട്ടിൽ നിന്നു പുറത്താക്കുന്നെങ്കിലും സണ്ണി ബോധം തെളിഞ്ഞ അന്നമ്മയെ പോയി കണ്ടു സംസാരിക്കുന്നു.

ലിമോ ബാങ്കിന്റെ കൊച്ചി ബ്രാഞ്ചിലെ ഒരു തിങ്കളാഴ്ച ദിവസം. വിവിധ ആവശ്യങ്ങൾക്കായി നിരവധി കസ്റ്റമേഴ്സ് രാവിലെത്തന്നെ ബാങ്കിലെത്തിയിട്ടുണ്ട്. സ്വർണ്ണാഭരണം പണയം വെയ്ക്കാൻ വന്നതാണ് ഹരി(ജയകൃഷ്ണൻ)യുടെ ഭാര്യ(ലക്ഷ്മി പ്രിയ) അവൾ പണവുമായി വരുന്നത് കാത്ത് പുറത്ത് അവളുടെ അച്ഛനും(രാഘവൻ) സഹോദരനും മകനുമുണ്ട്. സഹോദരന്റെ എം ബി ബി എസ് പഠനത്തിനു അച്ഛൻ ഹരിയോട് പണം ചോദിച്ചെങ്കിലും അയാൾ അച്ഛനെ അപമാനിച്ചയക്കുന്നു. സഹോദരനോട് വാത്സല്യമുള്ള ഹരിയുടേ ഭാര്യ ഹരിയറിയാതെ അവളുടെ സ്വർണ്ണം പണയം വെച്ച് പണം സംഘടിപ്പിക്കാനാണ് ബാങ്കിൽ ഇരിക്കുന്നത്.

കൌമാരം കടന്ന മകളു(ഷഫ്ന)മായി ഫെർണാണ്ടസ്(ശങ്കർ) ബാങ്കിൽ എത്തിയിട്ടുണ്ട്. മകൾക്കൊരു കാമുകനുണ്ടെന്നും ആ ബന്ധം തുടരാതിരിക്കാൻ മകളെ വാഗമണ്ണിലുള്ള ബന്ധുവിന്റെ വീട്ടിൽ കൊണ്ടു പോകുന്നതിനു മുൻപായി ബാങ്കിൽ നിന്ന് ചില രേഖകൾ വാങ്ങാൻ എത്തിയതാണ് അയാളും മകളും. എന്നാൽ അയാളും മകളും ബാങ്കിൽ വരുമെന്നറിഞ്ഞ് ബാങ്കിലെത്തിയിട്ടുണ്ട് മകളുടെ കാമുകനായ രാഹുലും(മുന്ന) രണ്ട് സുഹൃത്തുക്കളും. രാഹുലിന്റെ കാമുകിയെ വാഗമണ്ണിലേക്ക് പറഞ്ഞയക്കുന്നു എന്നറിഞ്ഞ ഉടനെ രാഹുലും സുഹൃത്തുക്കളും രാഹുലിനേയും കാമുകിയേയും രജിസ്റ്റർ വിവാഹം ചെയ്യാനും മറ്റൊരിടത്തേക്ക് പറഞ്ഞയക്കാനും പ്ലാൻ ചെയ്ത് വന്നതാണ് ബാങ്കിൽ.

എന്നാൽ അതേ ദിവസം തന്നെ ബാങ്കിന്റെ ലോക്കർ റൂമിൽ നിന്നും കനത്തു തുക മോഷ്ടിക്കാൻ തയ്യാറായി ഒരു ബാങ്ക് മോഷണ സംഘം പ്ലാൻ ചെയ്തു വന്നിട്ടുണ്ട് (നിഷാന്ത് സാഗർ, അരുൺ, കിരൺ രാജ്) വ്യക്തമായ പ്ലാ‍നിങ്ങാണ് അവർ അതിനായി ചെയ്തിരിക്കുന്നത്. ഇവർ ബാങ്കിന്റെ ഉള്ളിൽ പല വശങ്ങളിലായി നിലയുറപ്പിക്കുന്നു. ആ സമയത്താണ് ഒരു വികാരിയച്ചൻ(അശോകൻ) ചെക്ക് മാറി പണം വാങ്ങാൻ ബാങ്കിലെത്തിയിരിക്കുന്നത്.

ഇതേ ദിവസം ഇതേ സമയത്തു തന്നെ നഗരത്തിലെ പ്രമുഖ ബിസിനസ്സ് മാനായ നന്ദനും(ഇർഷാദ്) ബാങ്കിലെത്തിയിട്ടുണ്ട്. രണ്ട് കോടി തുക തന്റെ അക്കൌണ്ടിൽ നിന്നും പിൻ വലിക്കുകയാണ് അയാളുടെ ഉദ്ദേശ്യം. അയാൾ ആകെ അസ്വസ്ഥനാണ്. കാരണം തലേ ദിവസം ഫ്ലാറ്റിന്റെ പാർക്കിങ്ങ് ഗ്രൌണ്ടിലെ കാറിൽ നിന്ന് നന്ദന്റെ മകളെ ആരോ തട്ടിക്കൊണ്ടുപോയി. അവർക്ക് രണ്ട് കോടി കൊടുത്താൽ മകളെ അപായപ്പെടുത്താതെ തിരിച്ചു ലഭിക്കും. മകളെ തിരിച്ചു കിട്ടാനുള്ള വ്യഗ്രതയിൽ പോലീസിനെപ്പോലും അറിയിക്കാതെ രണ്ട് കോടി കൊടുത്ത് മകളെ തിരിച്ചു വാങ്ങുകയാണ് നന്ദന്റെ ലക്ഷ്യം.

രാവിലെ നിരവധി ബാങ്കിങ്ങ് ഇടപാടുള്ളതുകൊണ്ട് ബാങ്ക് സ്റ്റാഫ്സും ജനറൽ മാനേജരും (കൃഷ്ണ) വളരെ തിരക്കിലാണ്. മാനേജരുടെ സുഹൃത്തും ബാങ്കിന്റെ കസ്റ്റമറുമായ അജയ് വാസുദേവും(കൈലാഷ്) ബാങ്കിലെത്തിയിട്ടുണ്ട്. അയാൾക്ക് അന്ന് തന്നെ ഓസ്ട്രേലിയക്ക് പോകേണ്ടതാണ്. അതിന്റെ ഡീറ്റെയിത്സും മറ്റു അനുബന്ധ കാര്യങ്ങളും ബാങ്കാണ് ഏർപ്പാട് ചെയ്യുന്നത്. അതിനു വേണ്ടി ബാങ്കിലെത്തിയ അജയ് വാസുദേവ് തന്റെ മൊബൈലിൽ വളരെ തിരക്കിലാണ്. നിരവധി കാമുകിമാരുള്ള അജയ്അവരോടൊക്കെ മൊബൈലിൽ സംസാരിക്കുന്നു. അജയിന്റെ അമ്മാവന്റെ (മജീദ്) മകളു(സരയൂ)മായി വിവാഹം ഉറപ്പിച്ചിരിക്കുകയാണ് അച്ഛനും അമ്മയും (സത്താർ - അംബികാ മോഹൻ) പക്ഷെ, അയാൾക്ക് സ്ത്രീ എന്നത് വെറുമൊരു ലഹരിയായിരുന്നു.

രാവിലത്തെ തിരക്കു പിടിച്ച സമയത്തു തന്നെ കുറച്ച് ഐ ടി വിദ്യാർത്ഥികൾ (ബിയോൺ, വിഷ്ണുപ്രിയ) കാർ ലോണിനെപ്പറ്റിയറിയാൻ ബാങ്കിലെത്തുന്നു. ഇതേ സമയത്ത് തന്നെ ബാങ്കിൽ ഇടപാടുകൾക്കെന്നപോലെ മൂന്ന് അജ്ഞാതരും നിലയുറപ്പിച്ചിട്ടുണ്ട് (ജിഷ്ണു രാഘവൻ, റ്റിനി ടോം, മനോജ് പറവൂർ) അല്പസമയത്തിനു ശേഷം ശ്രാവൺ വർമ്മ (അനൂ‍പ് മേനോൻ) എന്ന ചെറുപ്പക്കാരൻ ബാങ്കിലെത്തുന്നു. അയാൾ ആരോടൊക്കെയോ മൊബൈലിൽ സംസാരിക്കുകയും നിർദ്ദേശം കൊടുക്കുകയും ചെയ്യുന്നുണ്ട്. അജ്ഞാതമാണ് ഇവരുടെ പ്രവൃത്തികൾ. ഇതിനിടയിൽ അജയ് വാസുദേവനും കാർലോണിനെക്കുറിച്ച് അന്വേഷിച്ചെത്തിയ സംഘവും തമ്മിൽ ചെറിയ വഴക്കുണ്ടാകുന്നു. വിദ്യാർത്ഥിസംഘത്തിലെ പെൺകുട്ടിയോട് അജയ് അപമര്യാദയായി പെരുമാറിയതായിരുന്നു വിഷയം. അതിനു അല്പസമയത്തിനു ശേഷം ബാങ്കിൽ കറണ്ട് പോകുന്നു. ജനറേറ്ററും പ്രവർത്തിക്കാത്തതിനാൽ ബാങ്ക് പൂർണ്ണമായും ഇരുട്ടിലാകുന്നു. ഇരുട്ടിൽ നിന്ന് ഏതോ ചെറുപ്പക്കാരന്റെ അമർത്തിപ്പിടീച്ച നിലവിളി കേൾക്കുന്നു. കുറച്ചു നിമിഷങ്ങൾക്ക് ശേഷം കറണ്ട് വന്നപ്പോൾ കഴുത്തിൽ ആഴത്തിലുള്ള മുറിവേറ്റ് അജയ് വാസുദേവൻ തറയിൽ കിടന്ന് പിടക്കുന്നതാണ് കണ്ടത്.  അത് കണ്ട് എല്ലാവരും പരിഭ്രാന്തരാകുന്നു. അല്പ സമയത്തെ പിടച്ചിലിനു ശേഷം അജയ് വാസുദേവൻ മരണപ്പെടുന്നു. സ്ഥിതിഗതികൾ ഇങ്ങിനെയാണെന്ന് കണ്ട ശ്രാവൺ വർമ്മ താൻ ആരാണെന്നും എന്തിനു ബാങ്കിൽ എത്തിയെന്നും ജനറൽ മാനേജരോടും അവിടെ കൂടി നിന്ന കസ്റ്റമേഴ്സിനോടും വെളിപ്പെടുത്തുന്നു. റോബറി നടക്കുമെന്ന് കരുതിയ ബാങ്കിൽ ഒരു കൊലപാതകം തന്നെ നടക്കുന്നു.

തുടർന്ന് അത്യന്തം സസ്പെൻസ് നിറഞ്ഞ മുഹൂർത്തങ്ങൾ

ഭൂതകാലം അസാധാരണമായി വേട്ടയാടപ്പെടുന്ന ഒരു ഡോക്ടറുടെ കഥയാണ് വീട്ടിലേക്കുള്ള വഴി.ഡൽഹിയിലെ ഒരു മാർക്കറ്റിൽ വച്ച് നടക്കുന്ന ഒരു ബോംബ് സ്ഫോടനത്തിൽ കണ്മുന്നിൽ വച്ച് കൊല്ലപ്പെട്ട ഭാര്യയുടെയും അഞ്ച് വയസ്സുള്ള സ്വന്തം മകന്റേയും ഓർമ്മകളാണ് അയാളെ വേട്ടയാടുന്നത്.

ജയിലിലെ ഹോസ്പിറ്റലിൽ ജോലി നോക്കുന്ന ഡോക്ടർ ഇന്ത്യൻ ജിഹാദെന്ന സംഘടനയിലെ ആത്മഹത്യാ സ്ക്വാഡ് മെംബറന്മാരിലൊരാളായ സ്ത്രീയെ ആണ് ചികിത്സിക്കുന്നത്. ബോബ്സ്ഫോടനത്തിനു ശ്രമിച്ച് വളരെ ഗുരുതരാവസ്ഥയിൽക്കഴിയുന്ന അവരുടെ ജീവൻ രക്ഷിക്കാനുള്ള ഡോക്ടറുടെ ശ്രമങ്ങൾ പരാജയപ്പെടുന്നു. മരിക്കുന്നതിനു മുമ്പ് അഞ്ച് വയസ്സുള്ള  അവരുടെ മകനെ കണ്ടെത്തി അവന്റെ ഭർത്താവിനെ ഏൽപ്പിക്കണമെന്ന് അപേക്ഷിക്കുന്നു. ഭീകരസംഘടനയുടെ തലവനായ അബ്ദുൾ സുബാൻ താരിഖാണ് കുട്ടിയുടെ പിതാവ്.

കേരളത്തിൽ നിന്ന് കണ്ടെത്തുന്ന കുട്ടിയോടൊപ്പം അവന്റെ പിതാവിനെ കണ്ടെത്താനായി ഡോക്ടർ നടത്തുന്ന യാത്രയും ആ യാത്രയിൽ അയാൾക്ക് മനസ്സിലാവുന്ന ഭീകരസംഘടനയുടെ രഹസ്യങ്ങളുമൊക്കെയാണ് സിനിമയുടെ ഇതിവൃത്തം.